-
شموخ : ليه صاير شيء؟ وكيفه وليد ؟ ان شاء الله بخير؟
شُجاع : بخير ما بيصير له شي ذا عنده سبعه ارواح ،
ضحكت شموخ وتنهدت : مسكينه ايلين كانت تبكي وخايفه عليه وشايله همه ،
شُجاع : يلا زين جاء منها شي عشان ما يتحسر على كليته ،
شموخ بصدمه : وشلون؟
ابتسم شُجاع : العاشق الولهان متبرع بكليته عشان يكسب قلبها كان الله بعون جدتي لا درت ،
ضحكت شموخ بذهول : والله؟ منجد عشان ايلين؟
شُجاع : اي والله ،
ابتسمت شموخ بخفه : وهي باقي ماهي راضيه فيه ،
شُجاع : اجل خل يرجعون له كليته ،
ضحكت شموخ و ابتسم من سمع صوت ضحكتها واخذ نفس وهو يسوق ونطق : تصدقين لو اقولك لاول مره اعيش هالراحة بحياتي؟ ولو احد سالني مين حسسك بالامان والراحة!
إجابتي بتكون انتي ،
ابتسمت من كلامه ونطقت : وانت تدري شكثر م...سكتت مباشرة اول ما قاطع كلامها وهو ينطق : علميني بحُضنك ،
رفعت حاجبها بذهول من الرد ولا ردت من خجلها ،
و ابتسم يفهم موقفها ونطق : يلا ياروحي وصلت البيت بخلص و راجع لقصر جدي خليكِ هنا ارتوي بشوفتك ،
-
~ قصر الجد عبدالمحسن ~
دخل عبدالهادي و رفع نظره يدور على حنين بعيونه من بينهم لكن ما لمحها وهو يعرف وضعها بهالوقت وخوفها على اخوها وتوجه بهدوء يشوف كلهم جالسين ويتسائلون منه عن حالة وليد ونطق يطمنهم انه بخير والكل عنده ،
واخذ نفس يتنهد وهمس : حنين نامت ؟
رفعت نظرها غلا وهزت راسها بالايجاب : اي فوق بالغرفه ،
هز راسه عبدالهادي يتوجه يصعد من الدرج مشى لفوق يدخل الغرفه عقد حواجبه يسمع صوت بكاء وتنهد من عرف انها بالفعل صاحيه وتبكي وقفل الباب بهدوء لكنها ما حست عليه ولا حست بوجوده كانت منسدحه على السرير تبكي ومتغطيه باللحاف مشى لعنده يجلس على طرف السرير سكتت تكتم بكاءها من حست بوجوده ومد يده يسحب اللحاف عنها ونطق بهدوء : حنين! منجدك تبكين ؟
صدت وجهها للجهه الثانيه وقرب ينسدح جنبها بثوبه وقرب منها يهمس : على وش تبكين؟ مو اتصلت قبل شوي طمنتك ان وليد بخير وكلهم طيبين ماعليهم شيء ؟
ما ردت عليه وسكت لثواني ونطق : حنين! ياروحي تكلمي وشفيكِ؟ وشصاير ؟
-
#يا_عذابي_لا_دنى_الليل_من_رووس_الجبال
-
صدت وجهها للجهه الثانيه وقرب ينسدح جنبها بثوبه وقرب منها يهمس : على وش تبكين؟ مو اتصلت قبل شوي طمنتك ان وليد بخير وكلهم طيبين ماعليهم شيء ؟
ما ردت عليه وسكت لثواني ونطق : حنين! ياروحي تكلمي وشفيكِ؟ وشصاير ؟
حنين التفتت عليه وهي منسدحه : كنت خايفه على وليد والحين جدتي يقولون الصباح عمليتها خايفه عليها!
ابتسم بخفه : هذا خوفك؟ وانا معاك و اطمنك بإذن الله مو صاير الا كل خير هذا اخوك وليد زي الاسد ومافيه الا العافيه ولو تشوفينه بتقولين مستحيل هذا نفسه اللي سحبوا كليته ،
ابتسمت حنين من بين دموعها ونطقت : ابغى اشوفه ،
هز راسه بالايجاب : من عيوني تامرين امر بنروح الصباح ،
اخذت نفس براحه وتقدمت تقبله على خده وتبتعد وابتسم من حركتها ونطق : اذا هذي الجائزة ف الله يكثر المتبرعين بخلي حتى جدي يتبرع ب كليته عشان اطمنك بكل مره واخذ هذا الجائزة من بين شِفتك ،
ضحكت بذهول من كلامه و رفعت تضربه على صدره ،
وضحك من حركاتها وعقد حواجبه من صوت الباب وتنهد يناظر فيها : قومي شوفي مين انا ميت تعب ودي ارتاح ،
هزت راسها تستوقف وتتركه ومشت للباب فتحت وابتسمت من شافت غلا اللي نطقت : شُجاع جاء ينتظرك تحت ،
هزت راسها بالايجاب : جايه ،
-
~ تحت بصالة القصر ~
شُجاع جلس وتقدمت نوره تصب له القهوة وعقد حواجبه شُجاع ما يلمح وجود شموخ بينهم ،
وهمست نهى : وكيفه وليد شفته بخير ؟
شُجاع : اي الحمدلله ما به الا العافيه يارب لك الحمد ،
نوره : يقولون عمتي عمليتها الصباح ، صدق ؟
شُجاع : اي وحتى ممنوع الزياره عنها لانها مره تعبانه ،
نوره : الله يشفيها يارب باذن الله خير ،
هز راسه شُجاع يشرب من القهوة والتفت من نزلت حنين من الدرج وتوجهت له ووقف حضنها من الجنب : توقعتك نايمه،
حنين : عجزت انام من امس كنت خايفه على وليد ،
شُجاع : تطمني ما ينخاف عليه هذا ينخاف منه ،
ابتسمت حنين وهمست : وانت كيفك؟ من امس مختفي و ادق عليك ما ترد حتى ،
عقد حواجبه باستغراب : والله؟ مدري مالقيت اتصال منك ،
سكتت حنين وجلس شُجاع وجلست جنبه : بتجلس هنا؟
هز راسه بالنفي : لا جيت اتطمن عليكم بس سالت شموخ قالت ان كلكم هنا متجمعين هنا قلت اجيكم ،
سكتت حنين من طاري شموخ و رفعت نظرها من دخلت شموخ بهاللحظه ولابسه عبايتها فوق البجامة وشعرها مفتوحه ونطقت : السلام عليكم ، كلهم ردوا السلام و اتسع مبسمه شُجاع من شافها وابتسمت تشوفه جالس بينهم ،
-
#يا_عذابي_لا_دنى_الليل_من_رووس_الجبال
