_
سكت شُجاع لثواني ونطق : بيتك؟
هزت راسها شموخ بالايجاب : البيت اللي سرقوني منها ،
اخذ نفس شُجاع بعدم فهم : وش حاصل معاكِ؟ وش حاصل؟
ما ردت شموخ تناظر بالارض بصمت واخذت نفس من اعماقها وصدت وهمست : بمشي انا ،
شُجاع : مع مين رايحه؟
شموخ سكتت لثواني ونطقت : مع مختار ،
شُجاع : ماهو موجود امشي اخذك انا ،
رفعت نظرها بذهول تناظر فيه وصد عنها ينزل من الدرج واخذت نفس شموخ ومشت تنزل مع الدرج تلحقه بتوتر لكن شُجاع سبقها وفتح الباب و رفع نظره بصدمه يشوف سيارة الشخص اللي واقف وجالس بداخل السياره ينتظر ويدخن ، التفت على شموخ بصدمه : مين هذا؟
بلعت ريقها بتوتر ونطقت : اخو صحبتي ،
شُجاع قفل الباب بباطن كفه بكل قوته : ومن اي حق واقف كذا عند الباب! تحسبين محد يعيش في هالبيت غيرك!
غمضت عيونها شموخ بضيق من صوته العالي وصدت ،
هز راسه شُجاع بالايجاب : سكتت عنك وقلت بتتوب وما اعلم عنها بشيء لكن الحين لا ،
رفعت نظرها شموخ بصدمه والتفت شُجاع من خرج الجد عبدالمحسن وهو مصدوم : شصاير؟
شُجاع فتح الباب لشموخ : تفضلي اطلعي روحي ،
سكتت شموخ والتفتت على الجد لثواني ،
ونطق الجد عبدالمحسن : مو قلتي تروحين لصحباتك ؟
هزت راسها شموخ بالايجاب و رفعت نظرها تطالع بعيون شُجاع لثواني وصدت تخرج من البيت وقفل الباب شُجاع والتفت على الجد عبدالمحسن وتقدم له : وين تروح هذي! متوقع تروح لصحباتها !
الجد عبدالمحسن بحده : شُجاع ما يحتاج اعيد كلامي سبق وقلتلك ما ارضى على هالبنت!
شُجاع هز راسه ونطق : تعرف ب افعالها القذرة!
-
#يا_عذابي_لا_دنى_الليل_من_رووس_الجبال
-
الجد عبدالمحسن بحده : شُجاع ما يحتاج اعيد كلامي سبق وقلتلك ما ارضى على هالبنت!
شُجاع هز راسه ونطق : تعرف ب افعالها القذرة!
عقد حواجبه الجد عبدالمحسن بصدمه : اي افعال؟
طلع جواله شُجاع يدور الصوره و رفع الجوال بوجه الجد عبدالمحسن وقرب الصوره : مو هذي شموخ على قولتك بنت عمي هذي افعالها يوم تجلس خارج البيت لهالوقت المتاخر !
شهق الجد عبدالمحسن بصدمه يطالع بالصوره واخذ الجوال بيدينه يرجف يناظر و رفع نظره لشُجاع وهو مصدوم و رجع يطالع بالصوره ويقرب الصوره ب اصبعه وهو يرجف من صدمته بشموخ يشوفها بهالشكل واقفه تدخن مع البنات ، وسكت يصد وجهه وسحب شُجاع جواله من بين يدينه ونطق بحده : كنت عارف ماهي بنت عمي ولا افعالها وكنت مستغرب كيف ساكت وهي ترجع بوقت متاخر و يوم راقبتها عرفت وش تسوي من وراك وانت مغمض عيونك ،
وصد يتوجه يصعد من الدرج متوجه لغرفته دخل وقفل الباب واخذ نفس من اعماقه وفصخ ثوبه يرميه على الكنب ويتوجه يرتمي على السرير بتعب وغمض عيونه ينام ،
-
~ بيت تركي ~
وليد : والله انه غلطان يا حنين مهما صار ماله الحق يكلم ابوي بهالطريقه! قسم بالله عيب ترا ابوي يحس والله ،
حنين : لو يحس كان ما ترك شُجاع يعيش بهالوجع الى الان ،
وليد : الانسان يغلط ترا وابوي غلط ويعترف الان بس شُجاع ما يعطيه فرصه يحس بذنبه كل مره يجي يخليه يغلط اكثر ،
حنين : انت ليه تدافع عنه كذا!
وليد بحده : حنين اعقلي! تراه ابوي و ابوكِ ،
حنين صدت واخذت نفس : بس تعبت وحنا مفترقين كذا ،
وليد : محد مفارق عننا الا شُجاع وبنفسه يعقل ويستوعب ،
سكتت حنين وصد وليد يخرج ويتركها ،
-
~ الساعه ٣ الليل ~
وقف السياره ونزلت والتفتت على صحبتها تودعها ونزلت وناظرت لسالم اخو صحبتها و ابتسمت بخفه ومشت تتوجه تدخل القصر فتحت الباب و دخلت بهدوء و قفلت الباب و رفعت نظرها وابتسمت من شافت الجد عبدالمحسن ينتظرها ونطقت وهي مبتسمه : للحين ما نمت؟
#يا_عذابي_لا_دنى_الليل_من_رووس_الجبال
