_
ونطق شُجاع بتكرار : جاوبي جدتي مين تكون هي ،
تركي بحده : انجنيت انت!!!
شُجاع بصراخ : اييي انجنيتتتت ،
تقدم عبدالهادي بصدمه يمسكه لكن شُجاع دفه للخلف و رفع نظره على الكل اللي واقفين ونطق بحده : شموخ زوجتي ،
شهقو بصدمه يلتفتون عليه وفتح عيونه الجد عبدالمحسن من الاخر يناظر ومصدوم ، رفع نظره شُجاع يطالع فيهم بثبات ،
الجد عبدالمحسن قري ويشد على العكازة : شتقول انت؟
شُجاع بحده : شموخ زوجتي ،
تجمد الجد عبدالمحسن بمكانه يناظر وشد بكفوفه الثنتين على العكازة ويحاول يلقط انفاسه ، ركضت الجدة هيله عنده،
قرب تركي ومسك شُجاع من ياقته : صاحي انت!
شُجاع دفه للخلف وهز راسه بالنفي : ماني صاحي ،
عبدالهادي كان يناظر وهو مصدوم ركض وليد يدخل القصر و رفع نظره يشوف شُجاع وجهه مقابل ابوه والغضب واضح عليهم ركض وليد يسحب شُجاع : اطلع يا شُجاع اطلع ،
شُجاع بحده : ابغى اعرف وينها زوجتي! وين راحت!
صرخت الجدة هيله من طاح الجد عبدالمحسن فز شُجاع يناظر و ركضوا يوسف وتركي يمسكون ابوهم ،
شُجاع كان واقف بمكانه ثابت يناظر يشوف كلهم ركضوا لعنده،
وليد بصراخ : اتصللل على الاسعافففف،
عبدالهادي اخذ جواله يتصل ، وصد شُجاع يخرج من البيت ،
-
~ بيت حليمه ~
غلا : وشصاير عجزت افهم!
حليمه كانت تهز رجولها بتوتر : تعبت لازم اعرف وشصاير ،
إيلين : راسي بينفجر مو فاهمه شي ،
فزت حليمه من سمعت صوت الاسعاف وشهقت تناظر في بناتها وصرخت : ابوي ابوي اكيد ابوي ، سحبت عباية الراس تلبس وتركض تخرج شافت سيارة الاسعاف وتركي ياخذ الجد وشهقت ترفع كفوفها تلطم نفسها وتصارخ : ابوي ابوي ياحسرتي ابوي ياخذونه يارب تنتقم من هالشموخ يارب ،
خرجت غلا توقف ومصدومة تناظر : وشفيه جدي؟
حليمه بصراخ وبكاء : اهخخخ ابوي ابوي راح مننا ابوي راح،
غلا بصدمه : امي!!! بعيد الشر قولي الله يشفيه ،
حليمه هزت راسها بالنفي تصارخ وتبكي : ابوي راح ابوي راح،
صدت غلا ومشت تدخل القصر رفعت نظرها تشوف الجدة هيله تبكي على الكنب وهمست : وشصاير ياجدتي؟
دخلت حليمه وهي تبكي : دمرونا يا امي دمرتنا هالبنت دمرتنا،
-
#يا_عذابي_لا_دنى_الليل_من_رووس_الجبال
-
~ عند شموخ ~
رفعت نظرها و دموعها تنزل : ليه دمرتيني يا امي ليه؟
سكتت ام شموخ لانها كانت صادقه بكل كلامها كانت بعلاقة حب مع يوسف و ابوها وقف بوجهها و دخلت بعلاقه مع رجال اخر لاجل تنسى يوسف وللاسف حملت منه بطريقه غير شرعيه حملت بشموخ ويوم مات ابو شموخ مذبوح بين يدين يوسف ف يوسف انسجن وكل الادله كانت مع ام شموخ وكل شي صار قدام عيونها وعشان ما تعترف بشيء الجد حاول يسكتها و ام شموخ طلبت من الجد يستر عليها وعلى اللي ببطنها والجد عبدالمحسن مت لقى حل غير انها تتزوج من تركي ويخطبها من ابوها رسميًا وبالفعل ام شموخ تزوجت من تركي وبعد كم سنه خرج يوسف من السجن وتنازلوا اهل الميت بمبلغ وقدره،
بعد ما ولدت ام شموخ تطلقت من تركي ،
وكل مشاكل تركي بحياته مع زوجته كانت بسبب ام شموخ ،
-
وليد بصراخ : يخي ليه قلت قدامه ليههه!!!
شُجاع بصراخ اعلى : ابغى اعرف مكان البنت وين راحت!!
وليد : عساها تروح الجهنم! تبيع ضحك ابوي عشانها!!
رفع نظره شُجاع بصدمه يناظر وصد وليد يمسك راسه بتعب ،
كانت واقفه حنين تناظر وكلهم مصدومين من عرفو شُجاع كان متزوج من شموخ ،
ام ماجد التفتت على حنين ؛ كنتي تعرفين ؟
حنين نزلت دموعها ونطقت : لا ،
حليمه ببكاء : اهخخ ابوي اهخخخ مين لنا غيرك يا ابوي مين،
رفع نظره شُجاع يطالع فيها وصد عنها ومشى يخرج من القصر وسكت يناظر بفراغ يستوعب حجم المصيبه اللي صايره ولا هو عارف وش يسوي ووين بيروح ووين يلقى شموخ من جديد!
مد يده لجيبه ياخذ باكيت الدخان ويولع ويدخن بصمت ،
مشى عبدالهادي عنده ونطق : اتصلت وتطمنت على جدي ،
التفت عليه شُجاع : كيفه؟
عبدالهادي : بخير بس ارتفع عنده الضغط ،
شُجاع بهدوء : تعرف وينها شموخ؟
عبدالهادي هز راسه بالنفي : لا والله مو عارف شي ،
شُجاع تنهد يصد من جديد ويدخن بصمت ،
-
#يا_عذابي_لا_دنى_الليل_من_رووس_الجبال
