_
~ الكوخ ~
كانت داخله تجمع الاغراض وتنظف الحوسة والتفتت من لمحت وليد دخل لكن تجاهلها ومشى ياخذ اعراض شُجاع والتفت عليها وهمس بغضب : بالحريقة يا إيلين ،
رفعت نظرها بصدمه وتقدم ونطق : ما همني من بعد اليوم وين تروحين وتجين بالحريقة مفهوم!
إيلين : وش هالاسلوب الزفت يا وليد! اذا مزاجك معكر و زفت ف لا تكلمني من البدايه كان اقبضت ارضك في بيت ابوك ماكان له داعي تجي وتنكد علي حياتي! بكل امور حياتك فاهم وعاقل الا علاقتنا تصير ازفت شخص بعالم ليههه!
وليد بحده : تسالين ليه؟ ما تشوفين افعالك؟ وحركاتك؟
إيلين : اي حركات يا حبيبي؟ اي حركات! حضرتك تبغاني قبل اطلع من البيت اخذ جوالي استاذن ؟ عسى ما شر! ما ودك بعد اذا تنفست استاذن منك!
وليد تنهد : ليه صايره كذا؟ وشفيكِ؟
إيلين : انت اللي شفيك يخي! من حقي اروح اجي وين ما ابغى اكره احد يتحكم فيني اكره بني ادم يتدخل فيني!
وليد بسخرية : اوه يعني تشوفيني زيي زي غيري!
إيلين : صحيح لانك مانت بعيد عنهم ولا في شي بيننا رسمي،
وليد : انزين قولي من البدايه وليد تعال تخطبني حركات لف ودوران هذي ما اطيقها ،
إيلين بغضب : هييي انت شفيك! ضيعت عقلك تحت المخدة قبل تجي ولا وش؟؟ متى قلت اخطبني!
وليد : وحركاتك هذي وش تسمينها طيب؟
إيلين بهدوء : اوه بدينا هالحركات الزفت اللي متحكم ومسيطر من الان؟ انت اكثر انت تعرف اني ما اطيق هالسوالف ولا احب احد يتحكم فيني وين اروح و اجي ما اعتقد ان لك دخل!
وليد بحده : وشلون مالي دخل! مو انا اللي بصير زوجك!
إيلين : حتى لو انك صرت زوجي برضوا مالك حق تتدخل اوكيه يمكن اعطيك علم ذيك الساعه لكن ما استاذن ،
وليد : انتي ماخذه الموضوع عناد زي المراهقات صح؟
إيلين هزت راسها بالنفي : لا صدقني ماهو عناد بس هذا طبعي اللي احتاجها بعلاقتنا ثقه فقط وين اروح واجي حتى لو ما عطيتك علم المفروض تكون واثق اني ما اسوي شي غلط من ورا ظهرك و تفكيرك الزفت امحيها من الان ،
وليد بصدمه : وانتي كيف حكمتي اني فاهم كذا! وانك تسوين شي غلط من وراي؟ يخي عقلك براسك!
صدت إيلين : ممكن نقفل الطاري ؟
وليد هز راسه بالايجاب : نقفل بس لا صرتي زوجتي نشوف كيف تتصرفين معي بسوالف المراهقين هذي ،
إيلين : اي زين طلعت على حقيقتك و نبهتني انقذ نفسي منك،
ما رد عليها يخرج من الكوخ و يتوجه للسيارته مسكت راسها بصدمه منه ومن اسلوبه وتقدمت تلم الاغراض ،
-
#يا_عذابي_لا_دنى_الليل_من_رووس_الجبال
-
~ الصباح ساعه ٩ بقصر الجد عبدالمحسن ~
فتحت عيونها و رفعت نظرها اتجاه الشباك تشوف اشعة الشمس واخذت نفس تاخذ جوالها تشوف الساعه وسحبت اللحاف عنها ووقفت وتقدمت تسحب الستارة على الشباك لكنها عقدت حواجبها من لمحت شخص عند المسبح وتقدمت تفتح الشباك وسكتت تناظر فيه كان واقف شُجاع عند المسبح ويمد يده ياخذ كاسة العصير ويشرب دفعه وحده ويصد يطب في المسبح سكتت بهدوء تناظر والتفتت تسمع صوت الباب وتقدمت تفتح : اهلين جدتي ،
الجدة هيله : زين صحيتي بدري تجهزي بيجون اليوم كلهم يتقهون هنا ،
شموخ : غريبه؟ مو قلتي اذا عرفوا عن شُجاع ما بيجون؟
الجدة هيله : اي اعمامك ما بيجون بس حريمهم وعمتك والبنات يجون ونتقهوى ،
هزت راسها شموخ بالايجاب تسكت وخرجت الجدة هيله
وتوجهت شموخ لدورة المياه بعد دقايق خرجت ومشت تنشف شعرها وتقدمت تفتح الدرج تاخذ الاستشوار وتنشف شعرها وتستشور وعقدت حواجبها من صوت الباب وتقدمت تفتح ونطقت العامله : مدام تحت ينادي انتي ،
شموخ هزت راسها بالايجاب ومشت على السريع تغير ملابسها وتتعطر وتخرج من الغرفه مشت تنزل من الدرج وسكتت تشوفه عاري الصدر ويصعد من الدرج متوجه لغرفته وصدت عنه ومشت لعند الجدة هيله ، ووقف بنص الدرج يلتفت عليها يشوفها وهز راسه بقلة حيل وتوجه لغرفته ،
-
الجدة هيله : كلمي الشغالات يجهزون القهوة ويرتبون الطاولات خلاص الحين بيجون كلهم ،
هزت راسها شموخ بالايجاب ومشت تتوجه للمطبخ
و رفعت نظرها الجدة هيله من شافت نزل شُجاع و رافع يده يعدل شماغه ونطق بهدوء : سلام غريبه وين جدي؟
الجدة هيله : وعليكم السلام ، راح الشركة عند تركي ،
شُجاع باستغراب : ليه وشمسوي ولدكم هذا بعد!
الجدة هيله : انت لا تتدخل ابوك بنفسه يتفاهم معه ،
تنهد شُجاع يناظر وصد يتقدم يجلس بغضب ويحرك رجوله بتوتر وناظرت فيه الجدة هيله : اقبض ارضك شفيك؟
شُجاع : عارف ان في مصيبه حتى لو ما تعلميني ،
-
#يا_عذابي_لا_دنى_الليل_من_رووس_الجبال
