-
وهمس : هذا كلامك لي بالاخير؟ وانا طحت نفسي من عين الكل بوسط المجلس حتى اني طيحت من نفسي بعين ابوي عشانك انتي وانتي بكل بساطه جايه تسمعيني هالكلام؟ بدال ما توقفين معي تساعديني احل كل شيء لكنك انسحبتي بكل سهولة وهذي اولها ف وش تاليها يا ايلين؟ اذا انا اثبتت لك اني قذر ذيك الليله ف انتي الحين اثبتتي نفسك انك مانتي اقل مني!
ايلين : صحيح ماني اقل منك لاني عاشرت انسان زيك وطبيعي من عاشر قومًا اربعين يومًا صار منهم وهذاني صرت قذره منك،
وليد سكت لثواني وهمس : انتي مستوعبه ع كل اللي تقولينها؟
ايلين : الحقيقه اني تو اصحى على نفسي من الاساس ،
وليد : طب اسمعي من الاخر شئتي ام ابئتي مالك الا انا و زواجك ما بتصير الا مني انا وبس ولو فيك القوة ارفضي ،
ايلين : برفض صدقني مو صعب علي ،
وليد : بترفضين امك ولا بترفضين جدي ولا جدتي؟ صدقيني محد له كلمه على جدي وبتشوفين ،
ايلين سكتت وقفلت الخط بوجهه بقهر وتركت جوالها ،
وسكت وليد وبلع ريقه يستوعب انه طيح نفسه من عين الكل من اصغرهم الى اكبرهم والكل صاروا عارفين انه راعي جحود وجحد اخوه وتضحياته قدام الكل ، اخذ نفس يلتفت يمين يسار يشوف الظلام والهدوء وصد يتوجه لداخل ،
-
~ بيت يوسف ~
كانت جالسه بالصاله رفعت نظرها تشوف اخوانها وسوالفهم وسكتت تاخذ نفس تتذكر كلام نوره انه شُجاع انجبر يتركها ما تركها من رضاه وكان صادق بحُبه ما خذلها ولا بغى يخذلها بس الحظ الردّي ساق به ل هنا وكل كلامه و وعوده كان صادق بهم اخذت نفس تتفهم موقفه تتفهم صعوبة الامر عليه وعلى الكل لكنها اتخذت قرارها بتتركه وبتترك كل شي وتعيش حياتها عشان نفسها مو عشان احد ، الود ودها تهرب من هالمكان لكنها وعدت نوره بإنها ما تتركهم وتحلف يمين انها من يوم ما دخلت هالبيت وعاشت بينهم وهي ما شافت منها غير الحنية والحُب صارت لها بمثابة الام ، اخذت نفس تطرد كل الافكار من راسها وتصد ونطق عمر : صحيح كلام امي؟
عقدت حواجبها شموخ ؛ اي كلام؟
سكتت و رفعت نظرها من خرجت نوره تناديها وهي واقفه عند مكتب يوسف ووقفت شموخ وسحبت الشال بين كتوفها ،
-
~ مكتب يوسف ~
دخلت و رفعت نظرها تشوف معطيها ظهره وواقف بمكانه ومشت نوره توقف والتفتت من دخلوا العيال باستغراب يوقفون يسمعون لابوهم ومستغربين ونطق يوسف بهدوء ..
-
#يا_عذابي_لا_دنى_الليل_من_رووس_الجبال
-
ونطق يوسف بهدوء : ما دمر حياتك الا انا يمكن اني لو ما غلطت هالغلطة كان يمكن عشتي حياتك مبسوطه ولا جيتي بيننا وعشتي كل هالعذاب وكل هالخذلان هقيت ان ابوي يوم اخذك راح يحميكِ من كل اذى والله ما دريت يكون هو سبب الاذى اللي جتك وسبب دموعك يشهد ربي اني بسببك انتي وظلمي فيك يوم اني حرمتك من ابوي! حرمت نفسي من عيالي ذوقت نفسي نفس الوجع اللي ذوقتك ياها ما صحتني الا نوره بس بعد وش؟ بعد فات الاوان طول عمري مخبيه عنها كل شيء خوفي تترك كل هالعيال وتمشي وينحرمون من امهم كتمت وسكتت وبقيت بين هالاربعه جدران ،
سكتت شموخ تسمع والدموع تتجمع بعيونها وتنهدوا العيال يناظرون وكمل يوسف : ويوم تزوجتي من شُجاع هقيت انك مجبوره ع زواجك منه ويوم بغى يطلقك ما نطقت بحرف بوسط كل اللي جالسين بالمجلس ما قلت شي قلت هي مجبوره عليه ف خل يطلقها ما فرقت ، بس فات الاوان و دريت انك انتي تبينه وانك تحبينه ولو اني عارف من قبل والله ما رضيت ع هالشيء بس بعد وش؟
ما ردت شموخ وكمل يوسف : بعد كل هالخذلان وهالوجع طول ليلي افكر و اقول ل نوره هالبنت ب اي قلب راح تتحمل وتكمل تتعايش؟ كانت نوره تقول انت ادعي ربي يقوي قلبها وبتتحمل ، غمضت عيونها شموخ ونزلت دموعها ، والتفت عليها يوسف بكامل جسده : كل ما طولتي هنا بينهم اكثر كل ما زاد وجعك اكثر عشان كذا قررنا انا و نوره نبعدك عن كل شيء نهتم ل مستقبلك ووش ودك ولو بغيتي تهجرين هالمدينة وتبعدين و تركزين على نفسك وحياتك ما بنقولك لا ،
سكتت شموخ تناظر فيهم وكيف يسعون لاجل شفاء جروحها لكنها تعرف تمامًا مستحيل تنسى كل اللي حصل معاها وخصوصًا الخذلان من شُجاع رفعت نظرها تسمع ،
ونطق يوسف : وهذا ماجد امس كلمته يجلس معاكِ يشوف وش ودك تدرسين ولا تتوظفين ووين ودك وعلى خشمي كل اللي ودك ولا تشيلين هم شي وانا موجود راح اتكلف بكل شيء،
شموخ بدموع : ماعاد فيني حيل ل اي شيء ،
عبدالهادي : الا لك حيل ليه مالك حيل؟ متوقعه راح نتركك بين هالاربعة جدران موقفه حياتك على كل هالخذلان والماضي؟ وش بيتغير لو بقيتي كذا؟
ماجد هز راسه بالايجاب : صحيح يا شموخ ابوي معه حق قدامك حياة طويله اسعي لنفسك و مستقبلك وحنا حولك ،
عمر : عاد اختاري انك تسافرين وانا بمشي معاك.
ضحكوا كلهم وابتسمت شموخ بخفه وتركتهم نوره ع اتصال جوالها وخرجت ،
#يا_عذابي_لا_دنى_الليل_من_رووس_الجبال
