-
~ إيطاليا 🇮🇹 " تحديدًا بالفندق لحظة وصولهم ~
-
اول ما دخلت ابتسمت بشكل جنون من اطلالة الفندق مطل على منظر من عالم الخيال مستحيل تستوعب ان واقع! مشت بذهول تناظر والتفتت تضحك بفرحة : شُجاع!! خيال المكان،
ابتسم بخفه يحط الاغراض : والله؟ عاجبك؟
هزت راسها بالايجاب تمد يدها له مسك يدها وسحبته وهي مبتسمه : شف! يالله ما اتحمل هالمنظر !
ابتسم يشوف فرحتها ونطق : اجل باقي ما شفتي شيء ،
عقدت حواجبها : والله! اجل مو مسموح لك تنام الان تاخذني اشوف المكان و نتقهوى ونتامل كل شيء هنا ،
شُجاع بصدمه : يابنت!! ما نمت من ساعات طويله انتي مستوعبه! عالاقل انتي نمتي بالطياره بس انا لا!
هزت راسها بالنفي ترفض انه ينام : بتاخذني يعني بتاخذني ،
تنهد ونطق : وانتي تتوقعين اقدر ارفض!
ابتسمت بخفه وتقدمت له : وعد مانطول نتقهوى ونرجع،
هز راسه بالايجاب وقرب خده لها : بشرط ،
ضحكت من استوعبت وهمست : نصاب!!
رفع كتوفه : بكيفك توافقين ولا لا ،
تقدمت تقبله على خده و ابتسم : النصابه طلعتي انتي! عشان مصلحتك و قهوة قمتي تبوسين ؟
ضحكت ونطق : يلا تجهزي على بال ما ارتاح شوي ،
هزت راسها بالايجاب ومشت تاخذ شنطتها وتحطها على السرير وتفتح تختار لها ملابس ومشت تغير وخرجت وهي لابسه بنطلون وبدي من عند الصدر سكت يناظر فيه مبتسم ونطقت بتمثيل : يلا مشينا تجهزت ،
رفع نظره بصدمه : مشينا! وكذا؟؟
هزت راسها بالايجاب : اي وشفيها يعني خايف لا يحط عينه علي واحد ايطالي ؟
رفع نظره بحده : عشان افقع له عينه ،
ضحكت تلتفت تلبس جاكيت طويل والتفتت عليه : يلا!
ابتسم بخفه ووقف وتقدم لها : لو ادري هذي فرحتك كان اخذت بيت هنا وجلسنا هنا للابد ،
رفعت حاجبها بذهول وهزت راسها بالنفي : مستحيل ،
عقد حواجبه : ليه؟ ما ودك تعيشين هنا؟
نطقت بسخرية : اي عشان بالرايح والجاي كليوم تتامل بنات الشقراء ،
ضحك بصدمه ونطق : تتوقعين اشوف احد بعدك؟
هزت راسها بالنفي ، و ابتسم ونطق : اكيد وبدون ادنى شك حتى ما بعيني غيرك انتي ، انتي ملكتيني لاخر عمري وسنيني ،
-
#يا_عذابي_لا_دنى_الليل_من_رووس_الجبال
-
~ بيت يوسف ~
تقدم عبدالهادي وناظر فيها : وش سمعت من امي؟
عقدت حواجبها باستغراب : وش سامع ؟
عبدالهادي : تستهبلين! ليه ما تاكلين زين امي تشتكي عنك ،
حنين تنهدت : يخي ما اطيق الاكل مجرد ما اشم ريحة الاكل تنقلب نفسيتي فوق تحت ،
تنهد وجلس جنبها : اخذك المستشفى طيب؟
هزت راسها بالنفي : لا طبيعي كل الحوامل تصير لهم كذا ،
سكت لثواني و رجع التفت عليه : بنمشي نتعشى برا طيب؟
ابتسمت بخفه : والله ما بخاطري و اساسًا اكلت زين بس امك تبغاني الهط كل الصحون!
ضحك وابتسمت : والله صدق ،
هز راسه بالاسف : اعرف كيف تاكلين انتي اكذبي ع غيري و غذي هالجنين اللي ببطنك ،
ابتسمت بخفه ومد يده ل بطنها : يتحرك؟
ضحكت وهزت راسها بالنفي : تو بدري يا عبدالهادي!
عبدالهادي تنهد : مافيني اصبر مستعجل خلاص ،
-
~ في الصالة ~
كانت جالسه نوره مع يوسف يتابعون المسلسل والتفتت من دخل ماجد ونطق : السلام عليكم ،
ردوا السلام ومشى ماجد لغرفته والتفتت نوره على يوسف ونطقت بهدوء : قاعده افكر اخطب ل ماجد ،
عقد حواجبه يوسف : تخطبين له مين؟ في احد ببالك؟
نوره هزت راسها بالايجاب وابتسمت : اي قابلت وحده من صحبات شموخ البنت مره تجنن وطيبه وعجبتني الصراحه ،
سكت يوسف لثواني ونطق : مين هي؟ ومين تكون؟
نوره : الصراحه باقي ما دريت بذي الامور قلت انتظر الوقت المناسب و اسال من شموخ كل شيء عنها ، بس انت وش تشوف؟ الوقت مناسب ان نخطب له؟
يوسف : انا مالي بهالامور انتي امهم وانتي ادرى و افضل شي يتزوج ويشوف حياتي و يوقف ع رجوله الى متى وهو يدشر ،
ابتسمت نوره تهز راسها بالايجاب واخذت نفس ترجع تتابع المسلسل ،
-
#يا_عذابي_لا_دنى_الليل_من_رووس_الجبال
