-
بهاللحظه دخل شُجاع ونطق : السلام عليكم ،
التفتوا كلهم يردون السلام وعقد حواجبه يشوف وجيههم و ابتسم يتقدم للجد يصافحه ويجلس جنبه : عسى خير؟ والتفت من نطق وليد : اي خير وانت عفست حياتنا!
عقد حواجبه شُجاع ونطق تركي : وليد!
وليد بحده : مو هذا الحقيقه ابوي! وقت ماكان موجود بيننا كنا مرتاحين من يوم ما رجع وحنا حياتنا انقلبت فوق تحت ،
وقف شُجاع بصدمه ووقف ماجد خلف وليد يمسكه عن الكلام لكن دفه وليد ونطق : ليه انا اتحمل سوء اخوي وغلطته!
شُجاع سكت يناظر بصدمه يشوف اسلوب اخوه وكيف يتكلم معه بهالطريقه وهمس بهدوء : اي سوء يحملونه لك انت؟
الجد عبدالمحسن قاطع حديثهم : ننهي النقاش الرجال بالطريق وجاي مع اهله مانبي فضايح ،
وليد بصدمه : جدي منجدك! كيف تكسرني كذا! سنين وانت تقول لي مالك الا بنت عمك بنيت احلامي معها وتكسرني بسهوله؟ تحملني غلطة غيري؟ اي ذنب سويته عشان اتحمل كل هذا! و اتحمل سوء غيري؟
شُجاع : وش حصل؟ فهمني تكلم معي بوضوح ،
رفع نظره تركي : جاين ناس يخطبون ايلين و جدك كسر كلمته اللي عطاه ل وليد من سنين ،
شُجاع رفع نظره بصدمه لانه هو ادرى بحُب وليد ل ايلين و ادرى بعلاقتهم وما توقع انه الجد يغدر في شُجاع بهالطريقه! و يلوي ذراعه باخوه ويضحي في حُبه وعشيقته لاجل يصير ضده ظل ساكت بمكانه يناظر في جده ماهو عارف من وين يبدا يتكلم ولا هو عارف يشرح موقفه في هاللحظه و التفت على وليد يشوف نظراته نظرات الخيبة والالم والقهر والحقد هز راسه بالايجاب يرجع يلتفت على الجد : ليه كذا ؟
الجد عبدالمحسن ما رد عليه وبيده السبحة يسبح ويهلي بصمت ولا كانه يشوف اللي حصل بين الاخوة والعاصفة اللي انولد بينهم ما لمح بعيون كل واحد فيهم الخيبة بالثاني ،
وليد اخذ نفس ونطق : وش يرضيك ياجدي؟ وش اسوي عشان ما تحملني ذنبه وغلطته !
-
#يا_عذابي_لا_دنى_الليل_من_رووس_الجبال
-
وليد اخذ نفس ونطق : وش يرضيك ياجدي؟ وش اسوي عشان ما تحملني ذنبه وغلطته ! ما نطق شُجاع بحرف يلتفت يشوف الجدة هيله دخلت و ركضوا البنات والحريم على اصواتهم ووقفوا عند باب المجلس يناظرون بصدمه وشهقت ايلين تشوف وليد واقف قبال الجد عبدالمحسن ونطق : تكفى جدي لا تكسرني الا انت لا تكسرني،
اخذ نفس شُجاع يناظر بصمت بدون ما ينطق بحرف من صدمته مو قادره ينطق بشيء كان ساكت تمامًا يناظر ،
ووقف الجد عبدالمحسن : ان بغيت بنت عمتك على سنة الله و رسوله ف قل لاخوك يطلق بنت الغريب لا اصل ولا فصل ساعته اوافق حفيدتي تتزوج منك وتطب بيتكم وبينكم ،
رفع راسه شُجاع بصدمه والتفت وليد على شُجاع شهقت نوره من سمعت وكلهم تجمدوا بمكانهم من الصدمه يناظرون ،
وليد هز راسه بالاسف : اذا هذا شرطك وقرارك ف اعظم الله اجري يا جدي لانه الانسان اللي قدامك راضي يبيع كل منا عشان وحده لا اصل ولا فصل ،
ما نطق شُجاع يناظر بصمت رفعت نظرها نوره بخوف تناظر فيه كان ثابت وواقف بمكانه يشوف كلهم واقفين ضده! كان كل شيء واضح من البدايه لكنه هو اختار المُجازفة معاها و اخطى خطوته بهالطريق معها رغم حذر الكل الا انه ما انصت لاحد ولا توقع انه ممكن ينغدر فيه بهالشكل وينحط بهالموقف! يختار اخوه وينقذ له حُبه من بنت عمته ولا يصد ويختار طريقه مع اللي وده الكل عجز يفهمه ويفهم هالحُب اللي زرعه بصدره لها يحاولون مراراً وتكراراً يمنعونه عنها بكل مره ينقذ ويشد على حبل المحبة لكن هالليلة عيا ينشد وعيا ينطق بحرف من شدة صدمته و الموقف اللي انحط فيه ، رفع نظره وعيونه مليئة بالخيبة وسكت يناظر بالجد بصمت و رجع يلتفت يشوف وجيه الكل وعم الصمت بالمجلس وكل النظرات عليه
ينتظرونه ينطق بحرف وينهي هالامر يا ينقذ اخوه وحُبه يا ينقذ نفسه وحُبه وما كان جوابه الا انه اكتفى يهز راسه بالايجاب،
دليل موافقته انه بالفعل يطلقها ويختار ينقذ اخوه وحُبه ولاجل يثبت لاخوه انه ضحى بنفسه باكثر من مره عشانهم و رجع يضحي من جديد لكن محد يفهم تضحياته وهو عارف مهما حاول ومهما حاول يقنعهم ما يفيد الكلام لاول مره حس انه ماعاد في طوق نجاة لانقاذ علاقته و زواجه من شموخ انتهت كل الحلول مجرد ما انحط بهالموقف امام اخوه عجز ينطق بحرف و اختار اخوه ولا اشتكى بشيء ولا سال ليه لانه كان عارف بعجز هذا العلاقه وهذا الحُب رُغم معرفته بالثقب في السفينة إلا انه فضل الإبحار و تاهت دروبه الليلة و اختار ...
-
#يا_عذابي_لا_دنى_الليل_من_رووس_الجبال
