-
عمر : تساعديني لو طلبت منك شي؟
شموخ : يلا بدينا تو ما قلت بسم الله وتنفست ،
عمر : اخلصي تكفين ،
شموخ هزت راسها بالايجاب : اي قل وش؟
عمر ابتسم ونطق : يعني بما انها امي مستانسه معاكِ ومبسوطه شرايك تطلبين منها تسمح لي اسافر مع العيال؟
شموخ بسخرية : وانا شدخلني؟
عمر : يليل انا داري مالك دخل بس اقولك ساعديني ،
شموخ هزت راسها بالنفي : لا بتروح تجيب لنا المصايب ،
عمر : بالله عليكِ انا وجهي وجه مصايب؟
شموخ سكتت تناظر فيه ونطق : والله وجه اللي ما يجيب غير الشر والمصايب على راسنا وشي متوقع منك ،
عمر بصدمه : قد كلامك؟
شموخ هزت راسها بالايجاب : اي طبعًا متوقع بقولك لا؟
عمر هز راسه بالايجاب : اي زين هذا وجهي اذا طلبتي مني شي و ساعدتك الايام بيننا ،
ضحكت شموخ ومشى عمر يخرج من غرفتها ،
وصدت شموخ تفتح شنطتها وتغير ملابسها دقايق وخلصت ومشت تدور جوالها وتشبكها في الشاحن وخرجت من الغرفه من نادتها نوره و رفعت نظرها تشوف كلهم جالسين يتقهون وتقدمت تجلس وعقدت حواجبها تشوف عبدالهادي ماسك الدفتر ويحسب ونطق : تعزمون مين انتم اصلًا؟
عمر : جدي راح يعزم اهل حائل كلهم ما يترك احد ،
شموخ : ليه؟ مو ملكه؟ المفروض بين الاهل فقط ،
ماجد هز راسه بالنفي : سوو سكيب وصلوا للزواج ،
نوره تنهدت : هذا هو مستعجل ماعنده وقت ،
عبدالهادي : وشوله نتكلف بالملكه وبالزواج خلاص زواج مره وحده ونرتاح و اوفر بعد ،
ماجد : هذا اللي يقولون عنه راعي توفير ،
شموخ بتفكير : طب حنين تجهزت وخلصت كل امورها؟
عبدالهادي سكت و رفع كتوفه بعدم معرفة ،
شموخ : يخي دايم انتم العيال مستعجلين في كل شيء ،
عبدالهادي : عاد يمديها تتجهز شهر كامل قدامها ،
شموخ تركت فنجال القهوة : عاد لي فترة عنها بروح لها بكره وبشوف و اساعدها ،
نوره : زين تسوين يا امي وهي بعد وحيده ماعندها خوات ،
شموخ هزت راسها بالايجاب و رجعت ظهرها للخلف تسمع نقاشهم و سوالفهم عن العرس ،
-
~ بيت تركي ~
حنين كانت بغرفتها تكلم البنات غلا و إيلين والتفتت من سمعت صوت الباب وقفلت جوالها من شافت ابوها واخذت نفس تسكت وتقدم تركي يدخل بهدوء ويقفل الباب خلفه وسلم ومشى بهدوء يجلس قبالها : ما تردين السلام؟
حنين بهدوء : وعليكم السلام بس استغربت غريبه ما جبت زوجتك وجيت تكلمني؟ كالعاده ما تكلمني الا بوجودها؟
تركي هز راسه بالنفي : ما قد حاولت اتكلم معاكِ بوجودها بس بالصدفه تكون موجوده بيننا يعني تبيني اقولها روحي بتكلم مع بنتي؟ هي بالنهايه زوجتي يا بنت وعيب اقولها كذا ،
حنين بحدها : وانا بنتك يا ابوي ما همك شي كثرها!
-
#يا_عذابي_لا_دنى_الليل_من_رووس_الجبال
-
حنين بحدها : وانا بنتك يا ابوي ما همك شي كثرها!
تنهد تركي وناظر فيها : ما همني! اساليني طيب من يوم ما انخطبتي وجاء عبدالهادي يخطبك كم ليله ما نمت من تفكيري! بسبب خوفي من اني اوافق وبكره تعانين رغم اني واثق في عبدالهادي بس خفت عليكِ يا بنتي اخذت دهر وانا افكر وما رديت الا لما اخوانك كلهم وافقوا وقالوا وافق يا ابوي وجيتك اسالك ابغى رايك بس تصدين! ما تعطيني مجال حتى تكلمت مع وليد و رسلته يكلمك هو و وافقتي بس ما جيتي عندي! ولا قلتي لي شي ليه كذا؟ هذا مو غلطك انتي؟
حنين بهدوء : لاني مابي اتكلم معاك بوجود زوجتك ولا ابغاك تكلمني بوجودها ابغى زي باقي البنات تعطيني من وقتك مو زوجتك تناشبنا بكل شيء تعبت منها ،
سكت تركي لثواني ونطق : هذا زعلك مني؟ خلاص اللي تبين ماراح اتكلم معاكِ بشيء بوجودها ونتكلم على انفراد ولو انك جايه واشتكيتي من هالشيء من قبل كان عرفت بس مو توجعيني بهالطريقه و تصدين ولا همك!
سكتت حنين وكمل تركي : والحين قولي فكرتي زين؟ ماعندك مانع! راضيه على زواجك من عبدالهادي ولد عمك؟
حنين هزت راسها بالايجاب ونطق تركي : استخرتي ؟
حنين هزت راسها بالايجاب وكمل تركي : خذي وقتك بعد واذا انتي رافضه علميني صدقيني محد يجبرك على شيء واذا راضيه و موافقه حتى على موعد تحديد الزواج ف براحتك اهم شي عندي راحتك و سعادتك ،
حنين بهدوء : ابوي ماعندي مشكله ب اي شي صدقني مرتاحه ولا زعلانه منك بس تضايقت تكلمني بوجود نهى ،
تركي : خلاص يا ابوي ماعاد بيتكرر ان شاء الله ،
ابتسمت حنين بخفه ووقفت تحضنها و نزل راسه تركي يقبلها ونطق : متى تبداين تجهزين امورك؟ بكره بيجون لعقد القران،
حنين : كلمت حنين وإيلين بكره بطلع معاهم اتقضى ،
تركي هز راسه بالايجاب : زين تسوين و ان شاء الله عبدالهادي ما يخيب ثقتي ،
-
~ قصر الجد عبدالمحسن ~
الجدة هيله : جابها يوسف جابها يا عبدالمحسن ،
عبدالمحسن بهدوء : وصلني العلم ،
الجدة هيله : وتترك الموضوع كذا؟ شُجاع للحين ما طلقها ؟
عبدالمحسن : لا يطلقها ،
الجدة هيله بصدمه : يعني مقصد كلامك راضي ماعندك مشكله؟ اكبر و اول حفيد بالعائله ياخذ وحده مالها اصل!
عبدالمحسن : زواجه من شموخ بالسر لا اكثر ولا اقل واذا حاول ياخذها راح تعرفين وقته وش بيكون شرطي عليه ،
عقدت حواجبها الجدة هيله بعدم فهم وسكتت تناظر فيه.
وصد الجد عبدالمحسن يوقف ويمشي ،
-
~ بيت يوسف ~
دخلت شموخ لغرفتها بعد الجلسة الطويله ومشت تاخذ جوالها وابتسمت من شافت اتصالات منه وقفلت باب غرفتها واخذت الجوال وجلست على السرير تدق عليه ،
-
#يا_عذابي_لا_دنى_الليل_من_رووس_الجبال
