-
شُجاع ابتسم : تبشرين انتي اطلبي وانا بقول حاضر اي شي ودك يصير ،
ابتسمت بخفة ونطقت بهدوء : أحبك ، ولاول مره نطقت هالكلمه لانه بالفعل عشانها ولاجلها ما همه العادات ولا الاهل ولا همه شي غيرها وسكت بصدمه يستوعب انها بالفعل نطقت بهالكلمه وكانها تقول ابسقي عطش قلبي اليابس على شفاهي وبقول أحبك ، سكت مبتسم من سمع هالكلمه لكنها هربت منها بشكل ما يستوعبه وقفلت المكالمة بوجهه !
لكنه مازال مبتسم هو انولد من جديد وشمسه اشرقت من جديد لاول مره يحب في حياته ولاول مره يوصل لهالجنون من الحُب ، اخذ نفس من اعماقه يتوجه يجر خطواته لقصر الجد عبدالمحسن ومشى يدخل لداخل لكن وقف عند الباب يسمع،
كان وليد جالس مع الجدة هيله صارت تحبه اكثر من الباقي صار وليد هو المفضل عندها وتعزه وتحبه ولانه ضحى بنفسه وتبرع لها صارت تحبه اكثر من شُجاع وترفع فيه ،
ونطقت بهدوء : غلطة حياتي اني عطيت اخوك اهمية هو ماكان يستاهل هالاهمية شف وش سوا! جايب وحده وعلقها فوق راسنا و سودت حياتنا وبتسود وجيهنا بهالزواج ،
تنهد وليد ونطق : جدتي هو يحبها!
الجدة هيله : يحبها! يضرب كرامتنا و وجيهنا بالتراب عشان حبه! انا وجدك قادرين نوقف بوجهه بس خايفين نخسره ويسوي شي بنفسه وقته ما يفيدنا الندم.
سكت وليد و رص على سنونه شُجاع اللي كان واقف عند الباب،
وكملت الجدة هيله : بس هالبنت نهايتها على يدنا خل تتزوج وخل يشبع منها ، هو باقي ما عرفني زين ومين اكون ،
فز وليد بصدمه وخوف : وش بتسوين ؟
الجدة هيله : انتظر و شف ، وصدت وجهها بغضب ،
واخذ نفس شُجاع يهز راسه بالايجاب ويخرج من القصر بدون ما يروح لعندها او يتكلم معاها خرج بكامل صمته يرجع لبيته و استوقف من شاف ماجد خارج وتقدم له : وين رايح؟
ماجد : عندي جدتي ، ليه؟
شُجاع هز راسه بالنفي وسكت بيمشي لكن ابتسم ماجد وناظر فيه ونطق : يومين ونشوفك عريس ،
ابتسم شُجاع : الله يتمم على خير يارب دعواتك بس ،
ماجد : ان شاء الله يارب ،
-
~ بيت يوسف ~
دخل عبدالهادي وعقد حواجبه من فزت نوره ومشت لعنده ونطقت : وش مسوي في البنت انت!
عبدالهادي بهدوء : ليه؟ جت اشتكت لك بشيء؟
نوره : لا يا امي بس البنت تبي ترجع ل بيت ابوها طول اليوم اقنعها تجلس واتصلت عليك تجي عشان توقفها ،
عبدالهادي : خل تروح اذا ودها ،
-
#يا_عذابي_لا_دنى_الليل_من_رووس_الجبال
-
نوره : لا يا امي بس البنت تبي ترجع ل بيت ابوها طول اليوم اقنعها تجلس واتصلت عليك تجي عشان توقفها ،
عبدالهادي : خل تروح اذا ودها ،
نوره بهدوء : بعد يومين زواج اختك شموخ ولو هي راحت بتصير مشاكل رح راضي زوجتك ،
سكت عبدالهادي من استوعب وهز راسه بالايجاب وصد عن امه ومشى فتح باب غرفته و دخل و رفع نظره يشوفها تجهز شنطتها وقفل الباب بالمفاتيح وحطهم بجيبه عقدت حواجبها بصدمه وناظرت فيه : افتح الباب!!
ما رد عليها يرمي جواله ومفاتيح سيارته على الكنبه ويتوجه للسرير بصمت و رجعت صرخت بقهر : قلت افتح الباب!
رفع نظره بهدوء : واذا ما فتحت وش بتسوين؟
حنين : قاعده اقولك افتح!
عبدالهادي بعناد : انثبري هنا في بيتك ومانتي رايحه لمكان ،
حنين : مو بكيفك فاهم! وافتح الباب الحين ولا اكسرها ،
عبدالهادي بحده : قسم بالله كلمه زياده يا حنين! ارميك من هالشباك لبرا الشارع ،
ناظرت فيه بصدمه منه ومن اسلوبه لاول مره بهالشكل!
وصدت من تجمعت الدموع بعيونها وتجاهلها و انسدح على السرير وسحب اللحاف ومشت عند الباب تدق بكفها على الباب بقوه وتصارخ : خالتييي ،
فز من سريره بصدمه لا يسمعون صراخها امه وابوه او اخوانه ويعرفون حصل بينهم شيء ، وتقدم سحبها من ذراعها للخلف وناظر فيها : صاحيه انتي!!
صرخت بوجهه : فك الباب اروح لاهلي لا تتدخل فيني ،
صرخ بعلو صوته من غضبه : قلتلك انثبري هنا بمكانك ولا اسمع لك حس فاهمه! وش مفكره نفسك اذا سكتت خلاص اعطيك على جوك و اخليك تسوين اللي تبين! و تتدخلين بالرايح والجاي وتخربين فرحة غيرك عشان نفسك!
حنين ضحكت بصدمه من بين دموعها : اوه اجل طلعت ست الحُسن والدلال اشتكت لك عني! عشان كذا تتصرف معي كذا!
عبدالهادي رفع اصبعه بتهديد : كلمه وحطيها حلق باذنك انا انسان ما احب هالحركات ولا احب انك تتدخلين بحياة احد من اهلي ان كانت شموخ ولا غيرها انثبري بمكانك ولا اسمع لك حس مفهوم!! حركات المراهقين كانت عند ابوك مو عندي!
رجعت شعرها لخلف اذنها ونطقت : فك الباب ،
عبدالهادي : قدامي يلا نامي ولا اسمع لك صوت تراي جاي تعبان من الدوام لا تخليني اطلع حرتي فيك!
-
شموخ خرجت من غرفتها بصدمه : صوت وش؟
نوره تنهدت : عبدالهادي وحنين مدري وشصاير بينهم ،
وابتسمت شموخ : يلا زين لقت من تربيها ،
نوره بصدمه : شموخ! وشصاير لك انتي؟
شموخ : هي اللي جت تدور مشاكل معي وتبيني اسوي اللي هي تبي!
-
#يا_عذابي_لا_دنى_الليل_من_رووس_الجبال
