_
ومشت تناظر من الشباك وبلعت ريقها لثواني تطلع راسها من الشباك وتلتفت يمين يسار و رفعت نفسها تجلس على طرف الشباك وتحط جوالها بجيبها وغمضت عيونها تاخذ نفس و رفعت نفسها ترمي نفسها تحت وشهقت من طاحت على الارض وانجرحت جبهتها من طرف الجدار وصرخت بالم تشهق فز الحارس اللي عند الباب والتفت وناظر بصدمه وتقدم وهو يشوف شموخ بلعت ريقها شموخ من شافت الحارس قدامها ومدت كفها على جبينها على الجرح ،
اخذ جواله الحارس يدق على الجدة هيلة ويعطيها العلم،
-
كان جالس بسيارته شُجاع ويدخن ويناظر بصمت وعقد حواجبه من رن جواله ومد يده ياخذ الجواله وسكت يشوف رقم الجدة هيله وسكت لثواني و رد بهدوء ولا نطق بحرف وعقد حواجبه بصدمه من نطقت الجدة هيله : هذي اللي تدافع عنها ليل نهار وتوقف بوجيهنا تعال وشف وش مسويه؟
فز شُجاع وهمس : شموخ؟ وش مسويه؟
الجدة هيله : حاولت تهرب من البيت بس مسكها الحارس ،
سكت شُجاع وهو مصدوم وقفل الخط وفتح باب سيارته ينزل ويتوجه يدخل القصر والتفت على الحارس اللي كان واقف وتقدم له ونطق بحده : هي هربت ولا انت تكذب!
الحارس بهدوء : ما دريت عنها الا لما صرخت ،
هز راسه شُجاع يناظر فيه وصد يدخل القصر و دخل الصاله وناظر الجدة هيله والتفت يشوف شموخ جالسه وعلى جبهتها لصقة الجروح دليل انها فعلًا كانت ناويه تهرب وطاحت ،
اخذ نفس من اعماقه يناظر فيها وهز راسه بقلة حيل بلعت ريقها شموخ تشوف نظراته وتقدم لها بصمت ومد يده : امشي،
سكتت بهدوء وصدت عنه توقف بدون ما تمسك يده وسكت شُجاع وهمست الجدة هيله بسخريه : هذي نهايتها ،
ناظر فيها شُجاع بصمت ولا رد والتفت على شموخ يشوفها تصعد للدرج ومشى يلحقها صعدت من الدرج وهي تحس بالم الجرح وتحس بدوخه بسبب انها ما اكلت طول اليوم كان واقف خلفها يمشي وراها بصمت فز من شاف انها بغت تدوخ وتطيح و بحركه سريعه رفع ذراعه خلف ظهرها يمسكها والتفتت عليه بصدمه من مسكها من ظهرها وسكتت بهدوء تناظر فيه واخذ نفس شُجاع يشوف احمرار عيونها ، بلعت ريقها تصد بنظراتها وهمس شُجاع : انتي بخير؟
هزت راسها بالايجاب تصد وتوقف من جديد وتمشي بهدوء قرب منها يحضن ذراعها بذراعه ويمسك يدها تجمدت بمكانها من حست بكفوفه البارده تشبكت بكفوفها ومشت بخطواتها تصعد من الدرج وصعد معها وسحبت يدها منه بحركه سريعة تتوجه لغرفتها لكنه لحقها وهمس : اخذك المستشفى ؟
هزت راسها بالنفي وسكت شُجاع يناظر فيها كانت تصد بنظراتها ماهي عارفه وش تجاوب وليه نوت الهروب واخذت نفس من اعماقها ونطقت : انا كنت....قاطعها يهز راسه ...
-
#يا_عذابي_لا_دنى_الليل_من_رووس_الجبال
-
هزت راسها بالنفي وسكت شُجاع يناظر فيها كانت تصد بنظراتها ماهي عارفه وش تجاوب وليه نوت الهروب واخذت نفس من اعماقها ونطقت : انا كنت....قاطعها يهز راسه بالايجاب وينطق : اعرف ،
شموخ بهدوء : ما حاولت اهرب بس كن...سكت شُجاع يناظر فيها بصمت وكملت : كنت ابغى اقابل صحبتي ،
شُجاع : وليه ما كلمتيني؟
عقدت حواجبها وناظرت فيه : كان ساعدتني؟
شُجاع بحده : وليه راح تطلبين المساعدة مني؟ انتي على ذمتي ومحد له الحق يمنعك تخرجين من هالباب! ولو منعك الحارس ف اكسر هالباب على راسه ،
رفعت نظرها بصدمه وتقدم منها وكمل كلامه : من بعد اليوم روحي وين ما تبين وقابلي مين ما تبين محد راح يمنعك ،
شموخ بهدوء : بس جدي ما يدري بشيء و راح يمنعني ،
شُجاع : وانا قلتلك محد راح يمنعك!
سكتت شموخ ولا نطقت بحرف وتقدم منها ومد يده يسحب اللصقه من جبهتها صرخت بالم وناظرت فيه وسكت ينزل نظره عليها وهمس : قبل تحطين اللصقه كان نظفتي الجرح،
هزت راسها بالايجاب وهمست : راح انظفها ، ووقفت بتمشي لكن مسكها من ذراعها يرجع يجلسها ويصد يفتح الدرج وياخذ الادوات وتقدم يمد يده ينظف لها الجرح غمضت عيونها من حست بالم ونزل نظره عليها وهمس : كان فكرتي بالعواقب قبل ترمين نفسك ،
سكتت لثواني ونطقت : ذيك المره ما صار لي شيء ،
هز راسه بالايجاب وهمس : لاني كنت معاكِ ،
صدت من سمعت هالكلام منه وكمل شُجاع : ماراح تتاذين بوجودي و ذيك المره خليتك ترمين نفسك من شباك غرفتي لان مو مرتفع نفس شباكك ،
سكتت من استوعبت وهمست : ما انتبهت ،
هز راسه بالايجاب ياخذ المرهم ويحط لها : اي عارف ،
شموخ رفعت نظرها ونطقت : خلاص انا بحط بنفسي ،
ما رد عليها يسحب لصقة الجروح وتقدم يحط لها وقرب راسه منها وغمضت عيونها من حست ما يفصل بينهم شيء واخذ نفس يحط لها اللصقه ويبتعد : بنزل اكلم الشغاله تجيب لك شي تاكلين عشان لو المرة الجايه حاولتي ترمين نفسك تكونين شبعانه مو تدوخين بوسط الدرج ،
رفعت نظرها بذهول من كلامه وصد يخرج وتنهدت شموخ تسحب المخدة وتحط راسها بتعب ،
-
#يا_عذابي_لا_دنى_الليل_من_رووس_الجبال
