-
~ بيت حليمه ~
اخذ نفس وهو مبتسم وناظر فيها : ما اعتقد باقي بخاطري شيء انتي ووصلت لك من جديد و ارتحت ،
رجعت شعرها للخلف تبتسم ومد يده ياخذ الخاتم من نهى
وابتسمت تمد له يده ويلبسها الدبلة ،
ضحكت حنين تناظر و رفعت جوالها غلا تصور ل شموخ ،
كانت حنين مبتسمه ويدها ع بطنها تناظر فيهم بهدوء ،
وعقدت حواجبها تخرج من سمعت صوت عبدالهادي ومشت له وناظر فيها : انتي من اليوم تراكضين! ولا كانك حامل؟
ابتسمت : مبسوطه ان اخيرًا اخواني عايشين حياتهم نفس ما ودهم و مبسوطين ،
عقد حواجبه : وما همك خوفي ع اللي ببطنك؟
هزت راسها بالنفي : لا لانه بخير صدقني ،
هز راسه بالايجاب : وانتي كيف دريتي؟
رفعت كتوفها : ماتدري يمكن انه يكلمني ! يعني طبيعي اني ام و احس فيه اذا بخير ولا لا ،
اخذ نفس ونطق : مشينا البيت؟
هزت راسها بالنفي : لا تو بدري! بجلس مع ايلين ،
عبدالهادي : يعني مطوله؟
حنين وقفت جنبه : اي حتى خالتي بكره رايحه تخطب لاخوك،
هز راسه بالايجاب : اي كلمتني الله يكتب اللي فيه الخير ،
حنين : شُجاع كلمك بشيء؟ وانه بيرجع ولا؟
عبدالهادي : ليه ؟ ما تكلمينه انتي؟
حنين ابتسمت : الا بس حرام ازعجه وهو مبسوط هناك و اشغله بس قلت اسالك اذا تواصلت معه ،
عبدالهادي : لا والله ما تواصلت معه هو الحين لو بيشوف مكالمه مني بيقفل بوجهي ما صدق انه يفتك من الشغل ،
ضحكت حنين وهمست : رايح للبيت انت؟
هز راسه بالايجاب : اي والله تعبان برجع اريح وراي دوام ، وانتي انتبهي ع نفسك و ارجعي مع امي زين؟
ابتسمت له : من عيوني شي ثاني؟
هز راسه بالنفي : لا وخل عنك هالاسلوب اعرف تبيني اقتنع تطولين هنا بس مو مسموح ،
ضحكت لانه كشف خُطتها تركها ومشى يخرج و رجعت للبنات رفعت نظرها على وليد : يهو خلاص اطلع طولت تراك ،
وليد بإستهبال : طب ينفع اخذها معي ولا كيف؟
حليمه بحدها : لا طبعًا ،
ضحك وليد والتفت على ايلين : يلا انا ماشي ،
هزت راسها بالايجاب ومشى يخرج مع حنين وتقدمت غلا تحضنها وابتسمت : مبروووك ،
-
#يا_عذابي_لا_دنى_الليل_من_رووس_الجبال
-
~ روما س ٩ الليل ~
دخل البيت وبيده الاكل وعقد حواجبه ما يسمع لها حِس ومشى لداخل يدور عنها وعقد حواجبه يشوفها تبكي وسكت بصدمه وتقدم لها : شموخ! وشصاير ؟
رفعت نظرها عليه ومسحت دموعها فز قلبه بخوف من ان صاير شيء ونطقت بهدوء : كلهم متجمعين هناك واليوم ملكة ايلين قاعدين يرسلون لي كل شيء ويرقصون بدوني ،
ضحك بصدمه يحاول يستوعب وناظرت فيه : ما يضحك!
شُجاع : لا اسالك جد! انتي منجدك؟ تصيحين عشان ترجعين لهم ؟ بالله هالمنظر قدامك مو اجمل من خشة وليد؟ تصيحين عشان ملكته ،
شموخ : اوف شُجاع اشتقت لهم واشتقت نتجمع كذا ،
ضحك يهز راسه بالايجاب وكملت : حتى امي رايحه بكره تخطب ل ماجد وتخطب صحبتي وانا مو في تخيل!
شُجاع بتمثيل : اوه يمكن نسوك خلاص محد مهتم لك ،
رفعت نظرها بصدمه وكمل كلامه : حتى انا تصدقين محد دق علي! ولا حتى وليد يعني طولنا لدرجه نسونا ،
هزت راسها بالنفي : مستحيل امي اتصلت قبل كم يوم ،
شُجاع : يعني اخوك لو يتذكرك كان ما خطب بدونك بس يلا ،
سكتت لثواني ونزلت دموعها والتفتت عليه : اوففف شُجاع خلاص نرجععع تكفى ،
ضحك بصدمه لانها صدقت بالفعل انهم نسوها! وسكت وهو مستغرب من وضعها لاول مره تصيح قدامه بسبب تافه ،
واخذت نفس وكملت : بنرجع؟ تكفى قل اي ،
هز راسه بالايجاب : من عيوني بنرجع بكره ارتاحي ،
ابتسمت وتقدم ياخذ الاكل وتغيرت ملامحها من شمت ريحة الاكل وصدت توقف تركض لدورة المياه تستفرغ ، وعقد حواجبه باستغراب ولحقها : شموخ! وشصاير لك؟
وسكت ينتظرها ونزل نظره من رن جواله و رد : ياهلا ،
ابتسمت حنين : وحشتني ما بغيت ازعجك بس اشتقت ،
شُجاع : دقايق ياروحي و ادق عليك بشوف شموخ وشفيها ،
سكتت حنين وقفل منها و دخل عندها : وشصاير لك؟
هزت راسها بالنفي : ولاشي بس حسيت بإستفراغ ،
شُجاع بحده : من المخلل اللي بلعتي امس ، ما ردت عليه
تتوجه للغرفه وتنهد يرجع يدق على حنين لاجل ما تزعل ،
و ردت عليه بنفس الوقت : وشصاير؟ وشفيها شموخ؟
شُجاع : ماني عارف شفيها هالايام و توها استفرغت وفجاه تشتهي اشياء غريبه ،
حنين سكتت بصدمه ونطقت بفرحه : مبروككك شُجاع ،
عقد حواجبه : ..
-
#يا_عذابي_لا_دنى_الليل_من_رووس_الجبال
