"အဟမ်း!!"
သူတို့ ၂ယောက်ရဲ့ အနောက်မှာ လူတွေ ရှိနေတဲ့ အကြောင်း သတိပေးဖို့ အတွက် သမားတော်ကျိုး ချောင်းဟမ့်လိုက်သည်။
စေ့စပ်ထားတာ ကို ကြေငြာလိုက်တယ် ဆိုပေမယ့် သူတို့ ၂ယောက် က အရမ်းကြီး နီးနီးကပ်ကပ် မနေသင့်ပေ။ ခြံတံခါး က ဖွင့်ထားဆဲ ဖြစ်သည်။ ဒီလို ကြီးကျယ်ခမ်းနားလွန်းတဲ့ စေ့စပ်ပွဲကြောင့် ရွာထဲရှိ လူတစ်ဝက်လောက် က အပြင်မှာ ရပ်ကြည့်နေသည်။
အဲဒီနေရာမှာ ထိုင်နေပြီး မျက်လုံး ကို မှိတ်ထားလိုက်သည်။
ပီချင်း သူမရဲ့ ပါးစပ် ကို ကာထားလိုက်ပြီး ပြုံးလိုက်သည်။ ပိုင်ချန် နဲ့ ကျောက်ယန်တို့ က ဆက်ဆံရေးကောင်းမှန်း သိပြီးသား ဖြစ်တာကြောင့် သက်ပြင်းချလိုက်ပြီး အရှေ့ကို တိုးသွားလိုက်သည်။ အဲဒီနောက်မှာတော့ ပိုင်ချန်ရဲ့ အင်္ကျီ ကို ပြင်ပေးတယ်ဆိုတဲ့ အကြောင်းပြချက်နဲ့ ကျောက်ယန်ရဲ့ ရင်ခွင်ထဲက ဆွဲထုတ်လိုက်သည်။
စေ့စပ်ပြီးခါစ ငယ်ရွယ်သော စုံတွဲတွေ က စေ့စပ်ပြီးတဲ့ အချိန် စိတ်လှုပ်ရှားပြီး ပြေးဖက်ကြတာ က သာမန် အပြုအမူ ဖြစ်သည်။
အပြင်မှာ ရပ်ကြည့်နေတဲ့ ရွာသူရွာသားတွေ က ဘာမှထူးပြီး မခံစားခဲ့ကြပေ။ သူတို့ရဲ့ အာရုံ ကို စွဲဆောင်ထားနိုင်တာ က မဟော်ဂနီရောင် သေတ္တာ ၁၈လုံးထဲ ပါတဲ့ ပစ္စည်းတွေ ဖြစ်သည်။
ကျောက်ယန်မှာ ပြုစုစောင့်ရှောက်ရမယ့် သက်ကြီးရွယ်အိုတွေ မရှိတော့ဘဲ တစ်ကိုယ်တည်းသမား ဖြစ်တာကြောင့် သူ့ရဲ့ အိမ်ထောင်ရေး ကိစ္စ ကို သူကိုယ်တိုင် တာဝန်ယူ ဖြေရှင်းခဲ့ရသည်။ မစေ့စပ်ခင်က ဒီအိမ်မှာ ညနက်တဲ့ အထိ နေခွင့် မရခဲ့ပေ။ အခု စေ့စပ်ပြီးသွားတော့ အရင်ကထက် တွေ့ချိန် ပိုရလာပြီး နီးနီးကပ်ကပ် နေခွင့် ရလာပြီ ဖြစ်သည်။
သူတို့ ၂ယောက် က လက်ထပ်ဖို့ ဆန္ဒစောနေတာကို သိထားတာကြောင့် ပြီးခဲ့တဲ့ ရက်ပိုင်းအတွင်း နေ့ကောင်းရက်သာ သွားရွေးခဲ့သည်။ အမြန်ဆုံး က ၁လခွဲအတွင်း ဖြစ်ပြီး အကြာဆုံး က ၁နှစ်ခွဲ အတွင်း ဖြစ်သည်။
YOU ARE READING
သူက အရမ်း ချွဲလွန်းတယ် (Book 2)
Lãng mạnသူက အရမ်း ချွဲလွန်းတယ် ပိုင်ချန် book 2ပါရှင့်
