දවස්, සති ගෙවිලා ගිහින් මේ ඇවිල්ලා තියෙන්නෙ මාර්තු මාසේ. අද අපේ ස්පෝට් මීට් එක. අද අපේ ඉස්කෝලේ නිකං කඩිගුලක් ඇවිස්සුනා වගේ. උදේ ඉදන් මාරුවෙන් මාරුවට ඉස්කෝලේ ටයි ග්‍රවුන්ඩ් එකටයි ගිහින්ම අපේ හොඳ පණ ගිහින් තිබ්බේ. අපේ ඉස්කෝලේ Zeus, Ieris, Athena, Apollo කියලා හවුසස් හතරක් තියනවා. මායි සෙහසුයි පහනයි අපි තුන්දෙනා ම zeus හවුස් එකේ. සෙහස් නම් අපිට කලින් ගියා ග්‍රවුන්ඩ් එකට මොකද ඌනේ බෑන්ඩ් ලීඩර්. ආරාධිත අමුත්තන් පිලිගන්න ඌ ඉන්න එපැයි ඒනිසා ඉක්මනට ලෑස්ති වෙන්න ඕන කියලා ඌ ගියා. කොහොම හරි ස්පෝට් මීට් එක පටන් ගන්න පැයකට විතර කලින් මායි පහනුයි ග්‍රවුන්ඩ් එකට ආවා. අපි එද්දිත් ගේට්ටුව ළඟ අදීශ අයියයි සයාශ් අයියයි ඩියුටි හිටියා. කෝ එතකොට නුදේන් අයියා !!! මට මේ ළඟකදි ඉඳන් නුදේන් අයියව මතක් වෙනවත් වැඩි වගේ අප්පා මොන වදයක් ද මන්දා...
"ආ... ගුඩ් මෝනින් මල්ලිලා.."
අපිව දැකපු ගමන් අයියලා දෙන්නා හිනාවෙලා ගුඩ් මෝනින් කිව්වා.
"ගුඩ් මෝනින් අයියේ.. මේ... කෝ නුදේන් අයියා, එයා ආවේ නැද්ද ?..."
"ක්හ්ම් !! මොකද දන්නෑ නේ එයාව හොයන්නෙ... නේද අදීශයා"
මං නුදේන් අයියා කොහෙද ඉන්නෙ කියලා ඇහුවම සයාශ් අයියා කින්ඩියට වගේ මොකටද දන්නෑ එයාව හොයන්නෙ කියලා අහපි... සැක් යකෝ ලැජ්ජාව බාල්දියෙන් එකයි මුන් මොනවා හිතුවද මන්දා... එකත් එකටම මං මොකටද දැන් නුදේන් අයියා ඉන්න තැනක් ගැන ඇහුවේ... මටත් පිස්සු තද වෙලා ද මන්දා...
"නෑ අයියේ මං මේ... නිකං ඇහුවේ පේන්න නැති නිසා.."
"ඇයි මල්ලි ආරද්‍යව පේන්න නැති උනාම උඹට සාංකාව වගේ ද"
"අනේ මේ සයාශ් අයියේ !.. එහෙම මගුලක් නෑ අප්පා...ම්හ්ක් !!.."
"හරි හරි මේ... ආරද්‍ය ඇති චේන්ජින් රූම් එකේ... යෙවිංස මල්ලි, මේ ෆයිල් එක ඌට ගිහින් දෙන්න පුළුවන් ද මං දුන්නා කියලා..."
"හරි හරි මං ගිහින් දෙන්නම්.... එහෙනම් අපි කැපුනා ඈ..."
මායි පහනයි අයියලටත් යනවා කියාගෙන ෆයිල් එකත් ඇරගෙන චේන්ජින් රූම් එක තියන පැත්තට එන්න ආවා.
