Nuden's pov,
කාලෙකට කලින් මං හිතාගත්තා ආපහු මගේ ජීවිතේට ආදරේ ඕන නෑ කියලා මොකද මං ආදරේ කරපු ගොඩක් අය හරි ඉක්මනට මාව දාලා ගියා. ඒත් කොහෙද, මේ පිස්සු කෝලමක් දැක්ක වෙලේ ඉදන් ඒක වෙනස් වුනානේ.
මං මුලින්ම නිලස් ව දැක්කෙ පලවෙනි දවසෙම පරක්කු වෙලා ඉස්කෝලේ ඇවිත් තාප්පෙන් පනිනකොට, එදා තාප්පෙන් පැනලා අනිත් පැත්ත හැරෙද්දිම මාව දැකපු එයාගෙ ඇස් දෙක ජිල් බෝල දෙකක් වගේ ලොකු වෙලා ගියා. එයාට තිබ්බෙ බොහොම කලාතුරකින් කෙනෙක්ට මං හිතුවේ නිලස් කියන්නෙ හරි අහිංසක කාත් එක්කවත් වැඩි කතාබහක් නැති ළමයෙක් කියලා. හැබැයි මං හිතන්නෙ මට ටිකක් වැරදුනා ද කොහෙදො. පෙනුම අහිංසකයි වගේ පෙනුනට ආය ඉතින් කට ඇරියම අහිංසක කම දෙපිටින් යනවා. කොටින්ම කිව්වොත් තනිකරම කොච්චි කරලක් වගේ. හැබැයි ඉතින් මං එකපාරක් රවලා බලපු ගමන් කොල්ලා සයිලන්ට්. ඔහොම බය තිබ්බොත් ඇති... මොනා උනත් කේන්ති ගියාමත් පොඩි කියුට් ගතියක් තියනවා එයාගෙ....
ඔහොම ඉන්නකොට තමා අපේ අයියට මැරේජ් ප්‍රපෝසල් එකක් ඇවිත් අපි ඒ අක්කව බලන්න ඒ අක්කලාගේ ගෙදර ගියපු දවස... මං කීයටවත් හිතුවේ නෑ අපේ අයියට ප්‍රපෝස් කරලා තියෙන්නෙ නිලස්ගෙ අක්කව කියලා. එදත් මේ කොල්ලා අහම්බෙන් මාව එයාලගෙ ගෙදර දි දැකපු නිසාද කොහෙද ඇස් දෙකත් ලොකු කරන් බලාගෙන හිටපු විදිහ මට තාම මතකයි. එදා නම් එවෙලෙම මට ඒකව උස්සගෙන ගෙදර අරන් එන්න හිතුනා.
ඔහොම ඉන්නකොට මට දැනගන්න ලැබුනා විශාල් කියන පකයා සෑහෙන කාලෙක ඉදන් මගෙ එකාගේ පස්සෙන් යනවා කියලා. හැබැයි නිලස්ගෙ හිතේ කොනකවත් ඌ ගැන එහෙම අදහසක් තිබිලා නෑ. එක දවසක් මං ඉස්කෝලේ ආපු නැති දවසක විශාල් මගෙ පොඩි එකාට සද්දයක් දාලා තියෙනවා. එවෙලෙ මං හිටියනම් ඔය පකයගෙ දත් දෙක තුනක් බඩට යවනවා මං. කොහොම හරි අදීශයා මැදිහත් වෙලා තමා ඒ ප්‍රශ්නේ විසඳලා තියෙන්නෙ. එතනදි තමා අදීශයටත් දැනගන්න ලැබිලා තියෙන්නෙ විශාල් නිලස් ගෙ පස්සෙන් එනවා කියලා. ඒක දැනගත්ත වෙලේ ඉදන් මට ඕන වුනේ විශාල්ගෙන් එයාව ආරක්ෂා කරගන්න. මොකද ඔය විශාල් කියන්නෙ ඒ හැටි හොඳ එකෙක් නෙවෙයි නිසා. ඇත්තටම මං හිතන්නෙ නිලස් දන්නෑ විශාල් කියන්නෙ කාගෙ කවුද කියන එකවත්. කමක් නෑ කොහොම හරි මං ඉන්නකන් මගේ එකාට සීරිමක්වත් වෙන්න මං ඉඩ තියන්නෙ නෑ. ඉතින් එදා ඔය සිද්ධියෙන් පස්සෙ මට ඕන උනා ටික වෙලාවකට හරි නිලස් ව බලන්න. ඉතින් එහෙම ඉන්නකොට තමා අපේ අම්මා මොනාදෝ පාර්සල් එකක් දීලා ඒක නිලස් ගෙ අක්කට ගිහින් දෙන්න කියලා කිව්වෙ. එවෙලෙ මටත් නිලස් ව බලන්න හොඳ චාන්ස් එකක් නිසා මං එකපයින්ම ඒ අදහසට කැමති උනා. ඉතින් මං නිලස් ගෙ ගෙදර යනකොටත් එයාගෙ අම්මා විතරයි ගෙදර හිටියේ. ටික වෙලාවකට පස්සෙ නිලස් ගෙදර ආවා, ඇවිල්ලා අම්මගෙන් බැනුමකුත් අහන් රූම් එකට ගියේ වොශ් එකක් දාගෙන එන්න කියලා. දවල්ටත් කාල ම යන්න කියලා ආන්ටි කියපු නිසා මං කෑම මේසෙට වාඩිවෙලා බලන් හිටියේ වොශ් දාන්න ගියපු කොල්ලා එනකන්... කොහොම හරි පැය භාගයකට විතර පස්සේ එයත් ඇවිත් කෑම මේසෙන් වාඩිවුනා. වාඩිවුනත් හරි ආන්ටි එයාට නැතුව මට කෑම බෙදනවා දැක්කම මගේ ගිනි බෝම්බෙ ගේ මූන තමා බලන්න වටින්නෙ. ඒ මූණ දැක්ක පාර මට හිනා යන්න ආවත් මං බොහොම අමාරුවෙන් හිනාව නවත්තගෙන හිටියේ ඕක දැක්කොත් මේ බෝම්බේ මෙතන පුපුරන නිසා. කොහොම හරි කාලා බීලා ඉවර වෙලා මායි ආන්ටියි කයියක් ගහන් ඉන්නකොට තමා මං දැක්කෙ දොර පිටිපස්සට වෙලා මෙයා හොරගල් අහුල අහුල ඉන්නවා. ආන්ටිත් ඒක දැකලා එයාට කතා කරාම මෙන්න එනවා හොර පූසෙක් වගේ. ආන්ටි ඇයි කියලා ඇහුවම මෙයා ඇහුවේ සෙහස් එක්ක බීච් යන්න... කාත් එක්කද යන්නෙ කියලා ඇහුවම එකපාරටම මේ කොල්ලා කිසි අවුලක් නැතුව මාව පාවලා දුන්නා. කොහොම හරි ආන්ටිගෙනුත් අවසර අරගෙන අපි දෙන්නම ආවේ බීච් එකට හැබැයි මං නම් හිටියේ ටිකක් කේන්තියෙන්.. ඇයි යකෝ මේකා මේ කොටට ඇදන් මොකා චූන් කරන්නද දන්නෑ ආවේ. කොහොම හරි මගේ ජැකට් එක ගලවලා එයාට දෙනකොට මේකා අහපි මොකටද ඒක කියලා. හැබැයි ඉතින් මං එකපාරක් රවලා බලපු ගමන් කොල්ලා සයිලන්ට්. එදා දවස හරි සතුටින් ගෙවුනා අදීශයායි සෙහස් මල්ලියි ආපු නිසා මුළු හවස් වරුවම ගෙවුනෙ එයාලත් එක්ක. පස්සේ උන් දෙන්නා ගියාට පස්සෙ අපිත් ලෑස්ති වුනේ ගෙදර යන්න. අපි යනකොට බීච් එකේ මියුසික් ඉවෙන්ට් එකක් තිබුන නිසා ඒකත් බලලම යන්න හිතුවා. ඇත්තටම ඒක බලනවටත් වැඩිය මට ඕන උනේ නිලස් එක්ක තව ටික වෙලාවක් ඉන්න. අපි දෙන්නත් ඉවෙන්ට් එක තියන තැන වාඩිවෙලා ඉන්නකොට තමා අහම්බෙන් ශෙනූ අක්කවයි තිශාන් අයියවයි හම්බුනේ. තිශාන් අයියා කියන්නෙ අපේ මාමගෙ පුතා එයා නම් එයාගෙම බිස්නස් එකක් කරගෙන යනවා. එතකොට ශෙනූ අක්කා කියන්නෙ අයියව බඳින්න ඉන්න අක්කා එයා ඩොක්ටර් කෙනෙක්.
එදා තව පොඩ්ඩෙන් ඒ දෙන්නගෙ කටින් පනිනවා මං ආදරේ කරන්නෙ නිලස් ට කියලා. මොකද අපේ අයියට කියන්නත් කලින් මං ඒක කිව්වෙ ඒ දෙන්නටනේ. හොඳම වැඩේ උනේ තිශාන් අයියා මට සිංදුවක් කියන්න කියපු වෙලේ. වෙනදට ඔතන සිංදු කිව්වත් අද නිලස් ඉන්න නිසාද කොහෙද මට පොඩි අමුත්තක් දැනුනා. ඒත් කොහෙද තිශාන් අයියගෙන් නෙ අප්පා බේරෙන්න බැරි. මේ මිනිහා මට බල කරනවා සිංදුවක් කියපන් කියපන් කියලා. කොහොම හරි අන්තිමට මට සිංදුවකුත් කියන්න වුනා.
.
.
.
.
.
ඇත්තටම මං දන්නෑ එයා ගැන මගේ හිතේ ආදරයක් ඇතිවුනෙ කොයි කාලෙ ද කියලා... මං මුලින් හිතන් හිටියේ ඒක නිකං ආකර්ෂණයක් විතරයි කියලා. ඒත් ටික කාලයක් යනකොට මට තේරුනා ඒක ආකර්ෂණයක් නෙවෙයි මං ඇත්තටම මේ පිස්සු කොල්ලට ආදරේ කරනවා කියලා. ඒත් මං කවදාවත් හිතුවෙ නෑ ඉඩෝරයට වේලිච්ච කාන්තාරයක් වගේ තිබ්බ මගේ ජීවිතේට වැස්ස අරන් ආපු මේ පුංචි කුමාරයා මාව මෙච්චර ඇබ්බැහි කරගනී කියලා.
.
.
.
.
