නිලස් ගෙ ගෙදර සෝෆා එකට වෙලා එක අතකින් වෙච්ච දේත් එක්ක තාමත් බය වෙලා ඉන්න නිලස් වත් තුරුලු කරගෙන නුදේන් බලාගෙන ඉන්නෙ එහාට මෙහාට යන ගමන් කාටහරි කෝල් එකක් ගන්න උත්සාහ කරන තමන්ගේ අයියා දිහා. ජීවිතේ පලවෙනි පාරට තමන්ගේ ඇස් ඉස්සරහ කෙනෙක් මැරිලා වැටෙනවා දැකපු නිලස් නම් මේ වුන දේත් එක්ක හොඳටම ශොක් වෙලා හිටියේ.
*Flashback*
"ආහ් !..."
"චූටි !!!.."
නිලස් ගෙ පැත්තට දික් කරගෙන හිටපු සුද්දගෙ පිස්තෝලයේ ටිගර් එක තද වෙනවත් එක්කම නුදේන් 'චූටි' කියලා කැගැහුවත් උණ්ඩය වැදුනෙ ඒත් එක්කම නිලස් ගෙ ඉස්සරහට පැනපු තවත් කෙනෙක්ට. ඒ කෙනා උරහිසත් අල්ලන් බිමට වැටෙනවත් එක්කම ඇස් දෙක ඇරපු නිලස් දැක්කෙ තවත් පිස්තෝලයකින් නිකුත් වුන උණ්ඩයක් සුද්දගෙ ඔළුව හරහා ගිහින් තමන්ගේ ඇස් දෙක ඉස්සරහම සුද්දා ලේ විලක් මැද ඇදගෙන වැටෙනවා. ඒත් එක්කම නුදේන් නිලස්ව ඇදල අරන් පපුවට තුරුලු කරගත්තත් ඒ දෙන්නගෙම ඇස් ගියේ ආගන්තුක උණ්ඩය ආපු පැත්තට. ඒ සැනින් දෙන්නගෙම ඇස් විසල් වෙලා ගියේ සුද්දගෙ පැත්තට පිස්තෝලයක් දික් කරගෙන ඉන්න ආරද් ව දැකලා. කවමදාවත් තමන්ගේ අයියගෙ මේ වගේ පැතිකඩක් නොදුටු නුදේන් පවා පුදුම වෙලා බලන් හිටියේ පුරුදුකාරයෙක් වගේ පිස්තෝලය හසුරවපු ආරද් දිහා.
"ජෙෆ් !!... ඩේව් ව ඉක්මනට හොස්පිට්ල් එකට අරන් යමන්.. ආ.. මගෙ වාහනේ අරන් පලයන්.."
"බොස් !... අර මැරුනු මිනිහට මොකද කරන්නෙ ?.."
"ඒක මං බලාගන්නම්.. උඹ මූව එක්කන් පලයන් ඉක්මනට..."
"හරි බොස්.."
නිලස් ගෙ ඉදිරියට පැනලා වෙඩි වැදුනු ඩේව් ව පෙන්නලා, එතන හිටපු තවත් කෙනෙක් වුන ජෙෆ් ගෙ පැත්තට තමන්ගේ වාහනේ යතුර විසික් කරන ගමන් ආරද් කිව්වෙ කලබලෙන්. ඒත් එක්කම එතනට ආවේ සුද්දගෙ මිනිහෙක් ව තමන්ගේ බාරයට අරන් ඉන්න ආරද් ගෙ ගාඩ් කෙනෙක්.
"බොස් !.. අපිට එකෙක්ව විතරයි අල්ලගන්න පුළුවන් වුනේ... මොකක්ද මූට කරන්නෙ ?..."
