روزالين

الفصل الرابع

حسام

بعدما أقسمت أنني لن اوصلهن لمكان ، وأنني لن أوافق على قرار نديم مهما حدث ، هاأناذا بالسيارة ومعي ثلاثتهن ، تجلس بجواري أختي ساندي ومن خلفها صديقتها روڤان ومن خلفي أنا كتلة الاستفزاز ، يجب أن تأخذ جائزة الاستفزاز الأولى ، بالتأكيد تعلمون عمن اتحدث ، نعم انها هي كما خمنتم نادين ، يا الهي تلك الفتاة الوحيدة التي تستطيع جعلي ثائراً ، رغم أنني معروف بالهدوء والرزانة والصبر ، الا ان تلك الفتاة تجعل أعصابي تنفلت ، ها أنا أمسك بمقود السيارة بقوة حتى لا أجذبها من شعرها الآن ، حسنا اهدأ ياحسام ، يجب أن أهدأ ، لذا أخذت شهيقا يليه زفير ، وكررت التنفس بانتظام ، وبالفعل استطعت استعادة هدوئي وتوازني ، ولكن هل يمكنها أن تصمت بالطبع لا ، هل يمكنها أن تدعني هادئاً ، قطعاً لا ، فبمجرد هدوئي لبضع ثواني كنا قد اقتربنا من المقهى الذي سيذهبون إليه ، قالت بصوتها الجهوري بنبرة حادة: بقولك ايه انت هتوصلنا وتمشي ولما نبقى نخلص تبقى تجيلنا ماتفضلش لازق لنا ،. عايزين نتكلم براحتنا .

قلت وأنا أحاول كتم غيظي: مفيش أي أوامر تانيه حضرتك للسواق الخصوصي بتاعك ؟!

قالت بتفكير : لحد دلوقتي لا ، أول لما افتكر حاجه تانيه هقولك ماتقلقش .

ضربت بيدي على المقود وأنا أقول بغضب : انتي ليه كده؟! ليه بجد ، انتي فاكره اني السواق بتاعك بجد ، انتي المفروض تشكريني اني سايب اللي ورايا وجاي أوصلكم وكمان أستنى أجيبكم تاني .

قالت ببرود: وأشكرك ليه هو انا كنت طلبت منك تيجي توصلنا ، وبعدين انتوا ليه بتعاملونا على اننا بيبيهات مثلاً ، مش هنعرف نروح ونيجي لوحدنا ؟!

قلت لاغاظتها: عشان دي الحقيقة ، عقلكوا عقل أطفال ، واعملوا حسابكوا الساعة ١١ هاجي أخدكم ، ابقى أسمع من واحده فيكم اعتراض .

ردت هي أيضاً ، فهي المتحدث الرسمي عن الجميع : ١١ ايه دي ان شاء الله ، دي الساعه ٩ ونص ، خرجنا ليه من الاول بقى ولبسنا ، عشان نقعد ساعه ونص ونرجع .

قلت: وانتوا محتاجين أكتر من ساعة ونص ف ايه ؟! انتوا هتقعدوا ترغوا وهتروحوا هو ده اللي بتعملوه ، الرغي اللي هيفضل كملوه في التليفون أو ف الطريق لو الساعه ونص ماكفتش .

قالت بغضب ظهر جلياً في صوتها : اشمعنا احنا بتتحكموا فينا كده ونروح امتى ونرجع امتى ، مانتوا طول الليل بره ومحدش بيكلمكوا ، ولا انتوا عشان ولاد ليكوا حق واحنا لا ، صحيح مجتمع ذكوري .

قالت ساندي : متعفن ، نسيتي تقولي مجتمع ذكوري متعفن يا نادين .

قالت لها : اسكتي انتي ، انا قولتلك م الأول ماتخليهوش يجي يوصلنا ، قولتلك اقنعيه ، عشان عارفه انه زي نديم بالظبط هيخنقنا .