سبحان الله،الحمدلله،استغفرالله
دخلو البنات غرفهم
رغد : يالله عاد انقلعو بروح انام وبكره اذا جتكم امي بجيكم
امجاد : مالي خلق ابداً ارجع البيت بس الشكوى لله
العنود : يلا يلا انتي وياها على بيتكم
رغد : وع على اساس حنا نبيك
العنود : حبيبتي مردك البيت بكره ماحد بيصحيني غيرك
امجاد : اقول انطمو شوي ساره
ساره : هلا
امجاد : كلمتي عمي عن المزرعه
ساره : لا وين من رجعت ماشفته بس اذا صحيت اكلمه
رغد : يالله مع السلامه
العنود : يالله مع السلامه دزيها
مسك : صبر بنات تعالو بعطيكم اغراضكم نسيت
امجاد : رغد قومي ساعديني
ساره طلعت تبي تسلم على جدها عشان تنام
عايد عند الباب واقف ينتظر اخواته
ساره وهي تمشي بدون حجاب تحسب البنات وعايد مشو بيتهم وتفكر بمليون شيء ومو منتبهه لشيء صكت بكتف احد وترفع راسها
ساره : وانا بكل مرا انسى حجابي تطلع انت بوجهي
عايد : الشكوى لله محد قالك اطلعي بدون حجاب
ساره : وانا شدريني انكم مارحتو
عايد وهو معطي ظهره ساره : زين اخواتي وين
ساره وهي بداخلها منقهره من اسلوبه : مدري عنهم وبعدين لمشيتو قل لوحده من اخواتك تقول لي بسلم على جدي
عايد : مري المجلس مابه احد انا بعطيس ظهري
ساره : متأكد ان ماعنده احد؟
عايد : يعني مثلاً بكذب؟
ساره : محشوم بس بتأكد
عايد وهو يسمع صوت امجاد ورغد : يالله مري بسرعه قبل يجون اخواتي ويشوفوني معاس
ساره وهي ماشيه للمجلس : لا تأمر علي ياولد فهد
عايد وهو بيرد طلعو امجاد ورغد وطلع عصبيته عليهم :
وينكم انتم رصيتوني رص هنا
رغد : خير ان شاء الله وش ذي الاخلاق الزفت
عايد : اخلصي انتي وياها بنمشي تعبت وانا انتظركم بنام
امجاد : لو مايقول بينام تقريباً تقريباً بيموت
عايد : يلا يلا بس قدامي
داخل عند الجد عواد
دخلت ساره عنده : سلام عليكم ياجدي
الجد عواد : هلا هلا بشيخه البنات
ساره وهي تحبه على راسه : هلابك يجدي
الجد عواد : ايه اسلمي وش عندتس جايتني ذا الوقت
ساره : لا وين بس جيت اسلم عليك قبل مانام
الجد عواد : زين تصبحين على خير يابوي انتي
ساره وهي تحب يده : وانت من اهله
سعود وهو داخل المجلس : له له وش ذا الدلع ياجدي ؟
ساره : منقهر؟
سعود : لا وين انقهر من المروح احمد ولا منتس
الجد عواد : عيب يابوك تتكلم على واحد قد جدك كذا
سعود : يخسي يالجد يوصل مواصيلك ذا
الجد عواد : حتى لو لازم تحترم الكبير وانا ابوك عشاني لاتآذونه
ساره : ياجد هو يأذيك وانت لا؟
الجد عواد : بس وانا ابوتس تبوني ارد السيئه بالسيئه؟ عمره مانفع ذا التعامل السيئه لو جت من شخص عزيز تقهر وتغبن يابنيتي اتذكر ايامنا الحلوه اوقاتنا الي كنا مستانسين فيها ارد السيئه بالسيئه احاول اردها بالحسنه وانا جدكم
سعود : ياجد وش هي سالفة احمد الي وصلتكم لذي المرحله ؟
الجد عواد : السالفه سالفه لكن بعدين اقولها لكم الحين الوقت تأخر على وقت علاجي وعليكم مانمتو وبكره جمعه لازم تصحون بدري
بعد يوم مليء بالاحداث عم الهدوء في بيت ال عواد
اليوم الثاني الصباح
الجد عواد وهو يصحيهم : ياعيالي يالله الصلاه قومو
حمد : سم ياجد
سعود وهو صاحي : يمه حمد تعال امسك راسك انت فيك شيء؟
حمد وهو يضحك : شسوي نمت بدري امس
الجد عواد : شكلي بطلعكم كل يوم عشان ترجعون وانتم تعبانين
حمد: هي حسنه بالسنه اصحى بدري مو كل يوم يالجد
الجد بضحك: يالله وانا جدك صحهم واللحقوني المسجد
حمد:ابشر سم
سعود: شرايييك نرش مويا عليهم؟
حمد: شرايييك اصفقك؟ لان الحركه اكرهاا ذي
سعود: هم سووها فيك ردها لهم
حمد: تصدق؟ صادق يالله تم
سعود:كفو كفوو يلا مشينا
حمد معه مويا:ياعيييال جدييي جاكمم ييويلكمم
سامر يحسب انه تاخر عن الصلاه لان حمد صحى بدري:الساعه كممم ليه ماصحيتونا
حمد: مدري مدري قومو بسرعه نلحق
صحو منخرشين طلعو يوضون شافو الشمس توها
حمد وسعود ماسكين ضحكتهم ووجيهم حمراء
سامي : وش بكم وجهيكم كانكم شارقين
حمد ماقدر يمسك نفسه وانفجر ضحك وضحك وراه سعود
والعيال عرفو انه مقلب
سامر : وجع حسبي الله على عليكم
حمد : موتو قهر
سامي : صبر حمد وش مصحيك بدري؟
سعود : صح غريبه كلنا منصدمين بس طلع نايم بدري
سامي : تفو عليك يارب دايم تنام بدري عشان تصحى بدري
حمد : تفو عليك ياوصخ
عزام : اخلصو علي بتوضى وامشي للمسجد
حمد : الوقت بدري يلا خلونا نلحق على تحية المسجد ونقراء اذكارنا قبل الاقامه
عزام : اخس طلع فيك خير
سعود : على قولته بالسنه حسنه تطلع ذي الاخلاق والنفسيه حلوه
حمد : الشتاء قريب تجهزو للنفسيه الزينه
عزام : للمخيسه قصدك
حمد : حدك انت وياه امشو اخلصو
وصلو للمسجد والجد انصدم انهم جايين بدري وناداهم يصلون تحية المسجد
بعد ماخلصو الصلاه
عزام : راحه ياعيال شرايكم نعتمد الصحوه بدري وجيت المسجد بدري ؟
سيف : اي والله راحه انا عن نفسي تم
سعود : مافيه اطقع من حمد بالنوم الا انت عاد
سامي : اقسم بالله صادق بس سيف اهون شوي
بعد مارجعو البيت
البنات كانو صاحيين وبدو يساعدون الامهات بالفطور والتجهيز
مسك وهي تجهز السفره وتغني :
انا الابيض اذا غيري تلون
وانا الصابر اذا ربعي عصوني
وانا العاقل اذا وقتي تجنن
وانا المجنون وعاجبني جنوني
سيف من وراها : طيب يالمجنونه قصري حستس الي على الصبح والله لو انتس راشد الماجد على علاوة الصوت ذي
مسك : خرشتني جني مو انسان بعدين وشدريك يمكن احسن منه
سيف : وش قالت قالت يمكن احسن منه يالله بس ادخلي جوا بناديهم يفطرون
مسك : يعني تبيعني عشانهم ؟ اوريك
سيف : ابيعك الله واكبر وش سويت
مسك : لاتكثر كلام ويالله الحين العيال بينفعونك بطبخات الليل ؟ لا محد بيطبخ لك غيري لكن الحين تخسي
سيف : اقول .....
مسك طلعت بنص كلامه
سيف علا صوته : اوريس يازفته
سيف : ادخلو مافيه احد
الجد عواد : يالله وانا ابوكم خلصو الفطور ومشينا للحلال
حمد : ارتاح يالجد حنا نروح نشيك عليها
بدو يفطرون
عند البنات
رسيل : بنات شرايكم الليله نسهر بالسطح ؟ مره ودي ونعزم بنات عمي فهد
لينا : صدق وبسوي لنا كيكه من العصر واحطها بالثلاجه ولجا الليل طلعتها ورحنا فوق
ساره : تم الالعاب علي
رسيل : اهم شيء لعبة جلسة مصارحه وانتي بذات ابغا اسحب منك علوم
ساره بضحكه : ايش خير وش علومه؟ كل شيء اقوله لكم
لينا : اشك اشك ان وراك شيء
ساره : مثل وش يعني؟
لينا : بسم الله عليك وشفيك توترتي الواحد يقول يعني مثل وش يالمطفوسه بالسوالف
رسيل : مطفوسه بالسوالف جديده ذي بس متت ضحكتيني اول سالفه بقولها للبنات الليله
ساره : تضحكون على حسي ياقليلات الادب ، اقول تقصدين مثل وش انتي؟
رسيل : يا انتي ؟ اسمي رسيل وتبين تدلعيني ماتقصرين ترا
ساره : يالليل وش يسكتها ذي
لينا : انطمو وامشو لجدتي ماعندها احد
ساره : تهاويل الحين هي وجدي بالعسل مع بعض
رسيل : بكره تصيرين مثلها ترا
ساره : الله يرزقني بس
رسيل : يالوصخه تدورين زواج؟
ساره : اعوذ بالله يالنيه شدخل هذا بهذا الحين؟
راحو عند الجده وبدو يسولفون عليها
الجده الهنوف : اسمعوني العصريه بتمرني ام خالد وبخلي ام عايد تجي بعد
رسيل : ام خالد ؟ ياربي ياجده مابيها
الجده الهنوف : يعني اطردها اقولها لاتجين عيل وانا جدتس ضيفه تعتبر لازم نأدي الواجب
لينا : ماعليك ياجده حياها الله بسوي القهوة الحين
الجده الهنوف : تعلمي يارسيل من لينا
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
