سُهى:يع متكبرين مدري على وش تراكم تعيشو بالديره انتم بعد
مريم:وانتي ماعندك سالفه غير الديره! اسكتي بس
العنود الي قامت تشوف المطبخ وشافت ام خالد تجهز العشاء وجت تساعدها
ام خالد:روحي ارتاحي وانا عمتك ونادي رنا ولا لنا يساعدوني
العنود:ازعل عليك ترا عادي مافيه مشكله
ام خالد ابتسمت:كيف البنات معكم؟
العنود ودها تسبهم بس احترمت ام خالد:لا زينين معنا
ام خالد باستغراب:متاكده؟ مو نفس عادتهم
العنود الي فكرت وقالت دامها داريه داريه بنفجر
العنود:لا والله الصدق يغثوون بالحييل ودي روحتهم من الحين بسرعه والمعذره عشانهم بنات اخواتك
ام خالد:ليتهم بس مو اخواتي ولا ابوي فكر يتزوج امهم
العنود:يعني هم مو اخواتك من امك؟
ام خالد:لا من ابوي عشان كذا فيهم كره لي ومفروض العكس انا اكرهم عشان ابوي تزوج امهم بعد ماماتت امي لكن مقدرت
العنود:ياحبيبتي الله يرحمه ودام نفس ماقالت لي لانا مايجونك كثير ذا احسن شي وانتي وقفيهم عن حدهم لاتسكتيهم طيبة قلبك بتخليهم يتمادون
ام خالد:بس ماقدرت اقسي والله هذا هم داخل يتكلمون عني وامك وعماتك يسكتونها بس صامله تسولف
العنود قربت تحب راسها:لايضيق صدرك بسببهم هذا العشاء الحين نحطه ويتقلعون
ام خالد:الله يسعدك يلا تعالي نجهزه
عند البنات
رنيم:وين العنود طولت
رغد:اكيد عند عمتي عشان العشاء بقوم اشوف
رنيم:اصبري بروح معك مابيهم
رغد ضحكت:يلا امشي
رغد الي اول مادخلت المطبخ بدت تتحلطم:افف اكرهمم يع يع
العنود تاشر لرغد اسكتي
رغد حست فيه شي وسكتت وقربت للعنود تساعدها :وش فيه
العنود:اصبري شويات وتشوفين بس اخلصي انتي ورنيم افرشو السفر
قامو يجهزون المقبلات لين يجيب خالد الاكل من المطعم
رغد وهي توزع المويا:عنودوه وش فيه سكتيني
العنود:مافيك صبر؟ اصبري شوي وتشوفين
رغد:ياربي شوي شوي ابعرررف
العنود وقفت:قومي قومي خالد بجيب العشاء بعدين اقولك
قامت رغد بتافف تدخل عند البنات لين خالد يحط الاكل
ام خالد بعد مااتاكدت من السفره دخلت على الحريم:حياكم الاه على العشاء
وبعدها راحت عند البنات تناديهم العشاء وتجمعو كلهم مع بعض ياكلون
العنود الي كانت بس تتنتضر الزله من ام مشعل وام سجى
قامت ام رنيم من العشاء:يعطيك العافيه ماقصرتي
ام مشعل ضحكت:ماقصرت؟ الا قصرت جايبه لنا عشاء من المطعم ماكلفت على نفسها توقف
العنود بسرعه:احترمي الاكل الي قدامك بالاول وثاني شي اذا مو عاجبك اننا نجيب اكل من برا ونطبخ وننفخ بالمطبخ لعيونك فهذا لا مو عندنا اذا انتي تستاهلين من عيوني نطبخ لك لكن انتي مين عشان نتعب نفسنا؟
ام مشعل:حتى انتي قليلة ادب ماتربيتي
العنود:شف من يتكلم عن التربيه ربي بنتك بالاول وتعالي تكلمي ولا اقول ربي نفسك بالاول ان تطلع منك كلمه حسنه مدري شلون بتدخلين الجنه اذا متي وانتي كذا سيئه لهدرجه
سهى:لاتغلطين على اميي!!
الجد الهنوف:العنود بس خلاص
العنود:يمه معليش دقيقه اذا هم ماحترمو أختهم ويجلسون يسبونها قدام الناس كيف اسكتت؟؟ كل وحده مربيه بنتها على قلة الادب والفشخره بدون احترام للناس
ام سجى:انتي عاد طولتيها لاتتكلمين كذا عن اختي وعني
العنود:ليييه مو عاجبكم ان كلامي حقيقي! مو عاجبكم ان اختتكم(سكتت العنود ماتبي تبين لهم ان ام خالد تزعل) ورجعت تكمل مو عاجبكم انها مدخلتكم البيت وتتكلمون كذااا عنها!!! والله قلة ادب تسمى ذي
الجده الهنوف الي كانت تسمع كلام العنود ومبتسمه انها قدرت تسكتهم
ام مشعل وقفت:مالنا جلسه بالمكان قومو يابناتي نمشي وانتي ام سجى مشينا
سجى:بااكل ماما
لانا:مامااا ييلاا قومي بس اذا خالتك مو عاجبها اكلنا مو لازم تاكلون ولا عاد اشوف وجيهكم بالبيت لان قسم بالله لسكر الباب قبل تدخلون
ام خالد:خلاص بنات اسكتن
قامت ام مشعل وام سجى وهم يسبون بالبنات بس ماهمهم جالسين يضحكون عليهم
رغد:يمه ماتوقعتك جديه بالمواضيع ذي
رسيل:من شفتها تتخانق مع ام سعد وانا عارفه انها تمشي وتتهاوش مع الحريم
العنود ضحكت:والله يابنات تقهر نفس ثقالة دم ام سعد لكن اخخ ام سعد اهوون على الاقل ماعندها بنات يغثني نفس الهوانم الي مشوي
ام خالد ابتسمت:والله انا الي ماتوقعت يوم اقولك كذا تروحين تتهاوشين معهم عشاني
العنود:معليشش اي احد يفكر يزعلكم اتوطى على راسه
ساره:عااااشت عمتي الكفوووو
ضحكت العنود وكملو العشاء
عند العيال الي منصدمين ان تركي ترك الاكل وطلع
حمد:تهقى انه ماعجبه؟
خالد:لا اكيد عجبه بس تعودت انا وفيصل وهادي كل ماجونا يسوي كذا ويوم سالنا امي طلع عشان الحريم بيروحون
حمد:اها
بالسياره عند تركي:انا كم مره اقولكم احترمو نفسكم عندهم
سجى:مينن هم عشان احترمهم؟؟ ترركي مايستاهلوون
تركي:انتي انطمي احسن كلامي مع امي وخالتي ماكلمك
سجى:يع يدافع عنهمم يقهر
تركي:على العموم جيه مره ثانيه معي مستحيللله احلمو بها ذا اول شي ثاني شي ان شفتكم تضايقون احد من البنات والله ثم والله لاوريكم الشغل زين ولاوريكم من تركي صدق
ام مشعل:تدافع عنهم وحنا؟
تركي:ماتستاهلون
الكل سكت بعد كلمة تركي كفايه حركة العنود وحركته الحين
عند البنات
رسيل:سوييت لنا شاهي اخضر يريح اعصابنا بس البلا الي مشوي
العنود:يمه بنات يقهرون ماتوقعت انهم منرفزين عمتي لهدرجه
لانا:ماشفتي شي دايم تتضايق لو جو بدال تستانس
العنود:عاد الحين وكلتهم تراب وانتي طردتيهم وان شاء الله ماهي شايفه وجيهم مره ثانيه
مريم:اف نعسااانه مالي خلق اقوم اجهز الشنطه عشان ندور فندق
رغد:ياررربي نسييت تكفيين مريم حاولي بجدك مالي خلق
مريم:اقول ليه انا بذات
رغد:اول اسم جا ببالي تكفيين
مريم:يلا عشاني عجزانه بتجهز بقوم اشوفه
مريم بعد مااتصلت على سعود تعلمه انها بتكلم جدها وطلع لها بالحوش
مريم:تكفى خلنا ننام هنا مالي خلق ندور فندق تعب تعبب
الجد عواد:والله خليت سعد وسامي يدورون اذا مالقو حلف علي ابو خالد نكمل هنا كل الايام
مريم:يارربي يارب مايلقون استانست مع البنات
الجد عواد:بس عيب نجلس عندهم وقت طويل
مريم:طيب اذا قالو لك لقو علمني عشان اجهز اغراضي
رجعت مريم بحلطمه:افف بنات ادعو مايلقون
مسك:وش السالفه
مريم:سعد وسامي طلعو يدورون
لنا:اوهو ليلهم طويل مابيلقون معليك
مريم:وعايد كيف لقى حقته بسرعه
ساره:الدوام حاجزينها له عشان كذا بقلعة جدي هنا مافيه شي للحجز
مريم:اشواااا احبببك طمنتيينيي
عند عزام
المدير:عزام انت عشانك توك بادي ماعندك جلسات كثيره تقدر تطلع من الشغل
عزام:وبكره وبعده عندي؟
المدير:شفت سجل الطلبات الاسبوع ذا كله لا
عزام وقف باابتسامه:الله يسعدك يارب ماقصرت
طلع عزام وهو مستانس بيسافر الجنوب بدون يدرون ويفاجأهم وقرر يروح طياره بما ان الوقت تاخر
سعد وسامي الي دورو ومالقو ولو لقو لقو وحده ولا ثنتين وهم عددهم كبير
دخل سعد بالمجلس:والله مالقييت واذا لقيت ياخايسه يانها فيها غرفه وغرفتين
ابو خالد:زين شكل دعواتي استجابت انا ابيكم عندي
الجد عواد ابتسم:والله ماتقصر وانت سعود اتصل على اختك قل لها ماحنا رايحين
سعود الي مايدري اي وحده مريم ولا ساره بس تذكر مريم هي كانت تبي جده
مريم:سعود يدق يارررب مالقوو
سعود:وش فيه طولتي ومارديتي على العموم بننام هنا
مريم:اففف احببببك وقفلت بسرعه
مريم:مالقى
لانا:وناااسه بتنامونن عندييي
ساره:غرت ليه كذا انا بعد بنام عندكم
مريم:نامي ليه ماتنامين
ساره:زوجي اهم والله
البنات كلهم لفو عليها وبصوت واحد:وععع
ساره:عليكم ههههههه
رغد:بموت ساره الله يقرفك
ساره:يمه انطمي امزح قسم
رغد:ادري طيب هههههههههههههه
ساره شافت رساله من عايد:تبين تنامين عند البنات ولا تمشين معي؟
ارسلت:معك
ابتسم عايد واستاذن منكم انه بيروح ينام وارسل على ساره:يلا اجل تجهزي واطلعي
ساره بعد ماقرت الرساله :يلا عاد انقلعو بروح
امجاد:خير ساره الوقت بدري
ساره:معليكم بكره انام
ريناد:والله؟
ساره:ايي معليييييك
عايد الي ركب السياره وركبت ساره وبدت تعلمه وش صار اليوم
عايد:العنود ولانا كفووو عليهم قسم بردو خاطري
ساره لفت عليه:عيد كلامك؟
عايد:كفو عليهم اقول
ساره:عيده مره ثانيه
عايد:ليه
ساره:امم كفو علييهم وبردو خاطرك اوكيه ياعايد
عايد:لا والله مو قصدديي انتيي الكفوو بس انتي
ساره:عاد تدري اليوم ام مشعل مدحتني وقالت ياليتك لتركي؟
عايد التفت:وووووشووو
ساره:زي ماسمعت
عايد الي كان عارف ام مشعل ماتمدح لو ايش بس سوا نفسه معصب:خلاص اطلقك وتصيرين له
ساره:مااابيه يييع اذا هو نفس اخته اللحجييييه
عايد مقدر يمسك نفسه وجلس يضحك عليها:اخخ احببك والله داري ان ام مشعل ماتمدح لو وشوو
ساره ضحكت:والله كنت داريه اعرفك يوم تعصب مو كذا عصبيتك
عايد:تبين تجربينها؟
ساره:لا يمه
عايد جا بيتكلم وقاطعه مكالمه من عزام
عايد:هلا بالسحبه وينك ماجيت
عزام:يارجل توني ثاني يوم وانا قايل لكم نهاية الاسبوع
عايد:ياليل ايوا اخبار علوم
عزام:ابد لكن تعال المطار
عايد:المطار؟ليه
عزام:تاخذني توديني عند امي واخواني
عايد:بذمتك جيتت؟
عزام: اي والله يلا لاتتاخر علي
عايد:الحييين جاااييك-قفل من عزام وماكان بيعلم ساره
ساره الي توقعت عايد بيعلمها لكن شافت الطريق تغير ووقف عند المطار
ساره:ها؟ مطار؟
عايد:تعالي معي سرعه
ساره:عايد لابسه كعب ومطار؟ مايصير
عايد راح لسيارته من ورا وطلع له جزمات وعطاه الشبشب:البسيهم
ساره لبستهم وضحكت على كبر الجزمه مقارنه برجلها:طيب ليه جايبني
عايد:امشي معي بس وتعرفين
مشت ساره وشافته يتلفت يدور احد لين لمح عزام :هذااك هوو
ساره:وش الي هناك؟ مين
عايد:ياربي تعالي وتشوفين
مشت ساره لان ماتدري مين يقصد لين وقف عند عزام:عزززااام!! متتتىى جييتتت
عزام:هذا انا توي جيت
ساره قربت له تحضنه:والله اشتقت لك صدق اشتقت
عايد تنحنح:ذي بس لعزام
ساره ضحكت:لاني اشتقت له ٣ ايام ماشفته!!
عايد:اذا كذا انا مسافر تشوفوني بعد شهر
ساره:تسافر شهر!!! مو على كيفك
عايد:اجل على كيف مين
عزام:خلو هواشكم بعدين مشينا توصلوني عند اهلي
عايد:تراهم ببيت خالي اوديك لهم؟ولاتنتظر بكره تروح معي مره ومده
عزام:لا والله متحمس الحين
عايد:يلا اجل بوديك هناك وارجع
عزام:اقول نام عندنا واصحى بدري وامش لدوامك
عايد:الحين انت فيه واسمع سوالف شف متى انام عاد ومتى اصحى
عزام:الصحوه لاتشيل همها الحين تتدبلو الله يحفظهم الي يصحونك
عايد ضحك:اميين يارب
وصل عايد البيت وهو يخطط كيف يدخل عزام عندهم
ساره:طيب اسمعو انا بقول لجدتي وعماتي عايد تعب علينا عشان يجون ويشوفون عزام
عزام:ممتاززز والبنات طيب
ساره:ذي البلشه بس بسوي نفس الطريقه كلهم يجون من الخرشه وانت (اشرت على عايد)يويلك توقف هنا البنات اكيد يطلعون بدون حجاب
عايد:ههههههه ابشري أوامر ثانيه؟
ساره:لا يلا
عزام:والعيال طيب
عايد:جب القهوه لهم واجلس عاادي وشف ردة فعلهم
ساره:تجننن الفكره احسن من حقتي تحمست اشوفها
عزام:تعالي يلا
عايد:اقول هي مو واحد ولا اثنين ياكثرهم الي ماتطلع عندهم
ساره:هههههه طيب يلا بروح وانت نفس ماقلت لك
عزام وقف بالحوش ينتضرهم وساره ركضت اول شي للحريم:يمه يمه جدتي شوفوو عايدد طاح عليي بالحووش
الكل فز وركضو للحوش ونفس الشي عند البنات الا لانا ورنا وريناد ورنيم ولين ولنا
رنيم:يمه وش صاير
البنات راحو الحوش وانصدمو ان عايد مو طايح وواقف ومعطيهم ظهره
بعد ماتجمعو لف:مافيني الا العافيه
امجاد شهقت وحطت يدها على فمها من شافت عزام الي ناضرها على طول وهالمره شافها وهي متكشخه ولا نزل عينه الا يوم دخلت
الجده:متى جييت هنا ومتى وصلت
عزام:ابشري بقولك كل شي بس تعالي اسلم عليك
بدا عزام يسلم عليهم كلهم بعد مادخلت رغد وامجاد
لين:وش صاير
امجاد:بنت الكلب ساره والله لاوريها عزام جاي وحطتها براس اخوي ويوم طلعت طلع عمها وانا طالعه بشكلي ذاا
رغد:يمه حظك مخيس كلنا غيرنا غيرك لابسه للحين
ريناد:امجاد شفيك مكبره السالفه عادي
امجاد:وربي مو عاادي اف
عند عزام
العنود:اقول عاد الحين تجي تسولف علي مو تروح للرجال
عزام:اول شي خليني اسلم عليهم واجيك ابشري
العنود:اشك بذا الشي بس طيب
دخلت العنود عند البنات وبدت امجاد تسفل بساره
ساره:يمه امجاد وش فيك عادي معلييك اكيد ماانتبه من البشريه الي جوه
امجاد الي صدق حست انها مكبره السالفه:اشوا اجل بروح اغير واجيكم
ساره:اصبري حتى انا معك
رغد:ليه مابتروحين عند زوجككك
ساره:لا للاسف بننام عندكم
لمار:وتقول للاسف!!!
لنا:اجل دوري لك مكان تنامين فيه
ساره:لانا بتخليني انام عندها
لانا:كنت بقول لا بس دامها قالت لي تبشررررييين
ساره:حييك كفو كفو احببك
لانا:اكثررر
بعد ماطلعو امجاد ورغد
ساره:ابي بجامه عطيني
امجاد:يلا اختاري مع انك خرشتيني
ساره:ياربي هههههه خلاص انسيي
امجاد:مابنسى اوريك بس يلا عاد عشان ننزل عند البنات
عند العيال عزام آخذ القهوه من عايد الي طلعها ورجع دخلها عليهم
سعود:عايد تستهبل ليه مرجعها
عزام جلس قدام الجد عواد:فنجال يبه
الجد عواد انصدم ورفع عينه الي كانت على الارض:عززام؟
عزام بيشككهم بنفسهم:شفيكم عايد مو عزام
سعود:الا والله عزززام ياكلب متى جيييت
العيال تجمعو عليه يسلمون عليه وبعدها شرح لهم ليه جا
ابو هادي بمزح :زين انك جيت مالهم حلا بدونك
عايد:افاااا افااا لييه كذاا
عزام:ادري عشان كذا جيت عشان اونسكم
سعد:يععع ياشينك اسكت اسكت صدقت نفسك انت
عزام:تراني عمك احترمني
سعد:يلا بس بلا احترام بلا بطيخ
عزام لخالد:بالله دلني الطريق بروح لامي
قام خالد ودخله عند امه الي كانت جالسه لحالها :له له ليه لحالك
الجده الهنوف:نامو وانا انتضرك تسولف لي
عزام ابتسم:عندي لك موضوع تستانسين فيه
الجده الهنوف:عساه خير وشو
عزام:يمه انتي من زمان تبيني اخطب وفكرت ووافقت تخطبين لي
الجده الهنوف:واخييرا واخييرا البنت جاهزه عندي
عزام:لا يمه انا ابي امجاد
الجده الهنوف:امجاد؟ماتحسها توها صغيره
عزام استغرب ان امه مو حاطه ببالها امجاد:لا يمه امجاد كبرت وانتي كلميها اذا ماوافقت زوجيني الي تبين الا مين الي تبيني اتزوجها
الجده الهنوف:بنت ام خالد الكبيره لانا لكنك تبي امجاد ابشر اكلمها واشوفها
عزام:زين استودعك الله بروح اشوف العيال وانام وانتي نامي لاتتاخرين
الجده الهنوف:تصبح على خير
قام عزام عن الجده الهنوف وهي قامت تدور امجاد تكلمها الليله عشان تاخذ وقتها بالتفكير
دخلت الجده الهنوف على البنات:وين امجاد ماشوفها بينكم
رغد:طلعت هي وساره يغيرون تبيني اناديها؟
الجده الهنوف:لا انا اشوفها عشاني بنام بعد
طلعت الجده الهنوف لغرفة لانا الي ينامون فيها البنات وشافت ساره وامجاد يسولفون:امجاد يابنتي بكلمك شوي تعالي
ساره الي حست وجودها ماله داعي:ادخلي عندها انتي ياجده انا بنزل عند البنات
امجاد كانت خايفه ان عزام كلمها عن موضوع خطبتهم وكانت متوتره لين تكلمها الجده الهنوف
الجده الهنوف:ماودي اكثر معك بالكلام لكن عزام خطبك اذا انتي موافقه ابشري واذا انتي تحسين توك صغيره علميني وانتي داريه بعزام مو عشانه ولدي لكن من وانتي صغيره معنا وتعرفينه وواكيد عارفه اطباعه وعارفه الزين والشين ولا
امجاد:الا اكيد وعزام نعم المرجله لكن بستخير وارد لك
الجده الهنوف:ابد خوذي راحتك لاتستعجلين
طلعت الجده الهنوف من عند امجاد وفرشت امجاد سجادتها الي حتى وهي تحب عزام تبي تستخير
بعد مانتهت من الصلاه وحست براحه:الحمدلله ياربي الله يكتب فيه كل خير وكانت مخططه ماتعطي ردها للجده بسرعه تبي تطول شويات
عند البنات بعد مانزلت ساره ونطقت رغد:وين امجاد
ساره:جدتي تبيها
رغد:زين على بالط نامت
ساره:لا لا شويات وتجي قالت
بعد ماجت امجاد وكانو مشغولين البنات يلعبون مع بعض الا ساره الي كان فيها فضول تعرف وش الموضوع وزاد فضولها يوم شافت امجاد هاديه وماهي جالسه معهم
ساره:بقوم انام فيه احد بينام معي؟
لنا:ياربي سارونه توه بدريي خير
ساره:وانتم كل يوم طالعين لي بدلع جديد؟المهم بروح انام ميته نعس اليوم تعبت بما فيه الكفايه
مريم:ماشاء الله تعبتي من وش من الكلام والتشميق
ساره ضحكت:الصدق اي
لانا:طيب دامك تعرفيم الغرفه روحي نامي
ساره:خييير مابتجون معي!!!
امجاد وقفت وهي كانت تبي تهرب عن الازعاج وتجلس نفكر زين:انا بجي معك
ساره:كفو عليك يلا مشينا
عند العيال الي مسكو عزام سوالف وهو يعلمهم عن سوالفه وكانهم ماشافو بعض من شهور لكنهم شايفين بعض قبل يومين لكن من كثر تعلقهم فيه فقدوه كانها سنتين مو يومين
ابو هادي:ارقدو الليله بدري بكره اذا شاء الله بوديكم مزرعتنا
خالد:احللفف تودينا!!!
هادي بضحك:وش احلف اكيد صادق
سعد:من كثر الوناسه قام يخبص بالكلام
ضحك ابو خالد:خلاص ان شاء الله ودامها كذا يلا انتم كل واحد على منامه"كان ماشر على العيال"
فيصل:يبه تكفى الوقت بدرري
عزام:لا لا انا توي واصل وتعبان وايي ترا عايد عنده شغل بكره يعني لازم ينام بدري
خالد:ذا ليه جاء من الرياض؟؟؟ لو انه جالس ابرك
عزام:يعني تبي فرقاي؟ ابشر بكره امشي الرياض
ابو خالد:اقول خلو عنكم السوالف ونامو ولا
هادي الي حافظه جملته:بننظف المزرعه بكره
عايد بضحك:طلع العقاب متوارث عندنا وعندكم
ابو خالد:اجل زين دامكم ذايقين العقاب من قبل مابستحي بكره يوم اخليكم ترتبونها
الجده عواد:انا اعطيك الاذن اعتبرهم عيالك وسو الي تسويه
حمد:طيب ابوي موافق انا يسوي فينا الي يبي
ابو حمد:لو يسوي الي يسويه راضي
الكل ضحكو على حمد وابوه واستهبالهم الي كان مستحيل يزّعل
عند ساره وامجاد
امجاد:ساره
ساره:سمي وش تبين
امجاد:شرايك بعزام
ساره كانت شاكه بالموضوع:ليه وش جاب الطاري عزام تعرفينه انتي من وحنا صغار مع بعض
امجاد:لا مدري اسال
ساره:اقول ليكون خاطبك؟
امجاد هزت راسها:اي
ساره صرخت:كذاببه متتى ومااقالل لييي الكلب
امجاد ضربتها على خفيف:اصص اصص لحد يسمعك تو كلمتني عمتي الهنوف وقلت بستخير
ساره:ونااسه بس شوفي هو بعيداً عن انه عمي بس صدق عزام رجال والكلمه الي يقولها يسويها ولا يرضى الغلط على اي شكل من اشكاله لكنه طيبب طيبب اطيب قلب ممكن تعرفين
امجاد:بس مو اطيب من امي
ساره تضايقت وقربت تحضنها:اكيد امك غييير غييير وطيبتها غير الله يرحمها يارب
امجاد نزلت دموعها:ليه ماانتضرتني لين اتزوج وتتزوج رغد؟ ليه مانتضرتني ابشرها؟
ساره:لاا امجاد لاتقولين كذا وتعترضين على قضاء الله وقدره وهي تنتضرك الحين قومي صلي الوتر الحين وادعي لها وقولي لها كل شي بخاطرك بتسمعك واكيد فرحانه انك تزوجتي واحد من احفاد جدي عواد
امجاد قربت راسها لحضن ساره وانسدحت:تمنيتها معي دايم لكن يارب الرحمه والمغفره لها
ساره :اميين،جالسه تحاول تغيير الموضوع فتحت سالفة عزام من جديد:تدرين سوا مقلب بعد بالرجال
امجاد:مين
ساره:عزام
امجاد تذكرت انه شافها:اقول تراني مانسيت يوم خليتني اطلع وانا متكشخه وشافني
ساره:يابنتي شفيك مااشافك معليك
امجاد:افف والله جت عيني بعينه
ساره شهقت:وشش بعد علميني
امجاد:بس
ساره:هالعزام طلع يحب ويعشق من وراي انا اوريه
امجاد:لاتسوين شيء له
ساره:عشتوو بدينا دفاع عن بعض وتو ماعطيته الموافقه؟
امجاد ابتسمت:بكره اعطي عمتي
ساره:وناااسه لو قالو لك تختارين عرسك وين بتختارينه؟هنا ولا بالرياض ولا بنجد
امجاد:لا مابي عرس كبير انا ابي الملكه بالديره والعرس اي مكان بس يكون عائلي مابي ناس كثير وكلام يضايقني
ساره الي عرفت ان بيتكلمون عن امها وتزعل:حلو والله كذا لكن الملكه خليها كبيره الي تكون بالديره ونجهز لها كانها عرس
امجاد ابتسمت من حماس ساره:خلي يعدي موضوع الخطبه على خير وبعدها نشوف الملكه
ساره انسدحت:تعالي نامي عندي
امجاد:مع اني نمت امس عند مريم بس يلا اليوم عندك
قربت امجاد لساره وبدت تلعب بشعر امجاد لين نامو
عند البنات الي لعبو وبعدها قامو نامو مع بعض ولا هم داررين بالمزرعه
عند العيال الي بعد ماعلمهم ابو هادي انهم يمكن يطلعون المزرعه نامو لانهم جربو قبل تعب المزرعه بعد قطعه طويله
صباح اليوم التالي واليوم الثالث لهم بالجنوب
ابو هادي صحى بدري وعلم الحريم انهم بيطلعون المزرعه عشان يتجهزون
ام هادي:زين ماتجون من الصلاه الا وكل شي جاهز ان شاء الله
ابو هادي:ناقصكم شي من برا اجيبه معي؟
ام هادي:لا والي ناقص اشياء خفيفه يوم نمر البقاله ناخذهم
ابو هادي:زين ولاتكثرون بالاغراض باليل راجعين عشان دوام العيال
ام هادي:معنا احد؟
ابو هادي:اي والله عزمت اوخيتي وصالح
ام هادي:زين عشان اقول للبنات
دخلت ام هادي تصحي البنات والي كانت اسوء مهمه لكن من قالت لهم بنطلع المزرعه صحصحو وبدو يجهزون الاغراض قبل يفطرون
ريناد:غريبه ابوي وش جاه الحين على المزرعه
لانا:تلقينه بيطلعنا كذا وناسه واكيد مابنطول
ام هادي الي كانت عندهم بالغرفه:اي بالله الليل راجعين عشان داوم عايد وخالد وهادي
"هادي كان يشتغل محاسب بمحل،خالد ظابط،وعايد معروف تدريب على العسكريه"
العنود:خساره مع اني احب بالمزرعه بس يلا معليه
ام هادي:اوعدك المره الجايه لو تبين كل جيتكم هناك تبشرين
العنود:جدد والله؟ الله يبشرك بالخيرر
ام هادي:اي بالله وامين وياك ويلا جهزو ونزلوهم عشان مانطول
عند العيال
سامر:واحد منكم يكلم متعب يطلع معنا عجبني جوه والله
فيصل مسك جواله:زين بشوفه انا
اتصل فيصل على تركي:ياهلا ومرحبا
تركي:ياهلا والله
فيصل:عندك شغل شي اليوم
تركي:لاوالله ابد ماعندي شي
فيصل:اجل حياك الليله بمزرعة عمي ابو هادي
تركي كان متردد بسبب اهله:اشوف وارد لك خبر
فيصل:اذا يمديك تعال اهل ابو هادي بيجون ونكتمل مع بعضنا
تركي:ابشر اجل جاي ان شاء الله
فيصل:زين توصي على شي
تركي:سلاامتك
فيصل:الله يسلمك
قفل فيصل من عند تركي وبدو يركبون الاغراض بالسياره وهالمره مافيه اغراض كثيره لطلعة المزرعه بما انها يوم
ام هادي الي نست تعلم البنات:نسيت اقولكم والله لكن ام عبد الرحمن وصالح اخوان زوجي بيجون اليله
رنا بتررد:وميس معهم؟
ام هادي:اكيد بتجي مع امها وبعدين لاشوفك متهاوشه معها
رنا:ياربي ياماما كيف اتحمل اشوف حركاتها ذي
ريناد:يمه معليك الموضوع عندي
لينا:عشتو شكل الموضوع وراثه عند لانا ولنا وعندكم
ريناد:لا اهل ابوي احبهم طيبييين مررره غير ذي ميس بنت عمي تغث مدري على مين طالعه وكل سوالفها عن فيصل الي مادرا عنها
لنا:ييعع على طاري فصول ليكون صادقه تحبه للحين؟
رنا:اوووه ياحياتي عليك وصلت فيها اذا شافته تتميع
لمار لا شعوريا:المخيسه !كيف ماتستحي
ريناد ضحكت على كلمتها:اخ ياحبيبتي الحين تجهزي عشان تشوفينها الليله
بعد ماتجهزو البنات ركبو السياره وكانو عشوائين هالمره السياره الفاضيه يركبون فيها
ساره شافت عايد واقف بالحوش والعيال كلهم برا:بتمشي؟
عايد:لا والله بمشي الشغل واخلصه بدري واجيكم
ساره:مين بيجلس معك
عايد قرب لها وحضنها من الجنب:محد ياعيني بروح شغلي الحين ومن بعدها عندكم
ساره:زين انتبه لنفسك
عايد:وانتي بعد
ساره:اذا بتمر الفندق علمني بوصيك على اغراض تجيهم معك
عايد:اي اكيد بمره عشان اغير واجيكم
ساره راحت من عند عايد بعد مانادوها اكثر من مره:جيتكممم
سعود:وانتي مالقيتي تكلمين عايد الا الحين
رسيل بجنب سعود:فاضيه اختك
ساره:اقول مسوين طالعين منها؟ وانتم طول الطريق بتقرفوني بحركاتكم
سعود:اووه من زمان ماقرفتك-قرب من رسيل وباسها:شرايك
رسيل الي استحت وانصدمت منه انه باسها قدام مريم وساره ولينا وريناد ونطقت بهمس:سعود
سعود بنفس الهمسه:عيونه وش تبين
ساره:ياربي اجرني بمصيبتي واقدر اصبر طول الطريق يارب يارب
ريناد ماقدرت تمسك نفسها على اسلوبهم مع بعض وضحكت ونفس الشي عند لينا ومريم
نروح عند مكان اول مره نجيه
بيت ام عبد الرحمن الي اسمها منوه وعمرها ٦٧
وعندها ولدها عبد الرحمن الي عمره ٣٢ ومتزوج بنت عمته غلا وعمرها ٢٥ وعندها بنتها الاولى"سما"وكان عمرها سنتين
واخت عبد الرحمن فايزه عمرها ٢٣ وتدرس اخر سنه بالجامعه بالتخصص الي تحبه"دكتوره"
بيت صالح الي كان يملك شركات كبيره بالجنوب لكنه كرييم ومحترم ولا فيه شوفة نفس عمره ٥٩
زوجته لطيفه الي اسم على مسمى عمرها ٥٤
بنتها الكبيره منيره الي عمرها ٢٨ وكانت مثل امها ولا تحب تصرف الفلوس بااشياء عبث وتحب تسثمر فلوسها بشكلها الصح وتشتغل بوحده من شركات ابوها
خديجه كانت نفس شخصية منيره وكلهم فيهم قبول ومحبوبات
عمرها ٢٦ ومُبتعثه برا السعوديه بالالمانيا ولكن انتهت من قبل شهرين
همس اخر عناقيد البنات وعمرها ٢٣والوحيده الي طالعه عكس اهلها ولا احد قادر عليها لا امها ولا اخواتها وابوها مايدري باسلوبها مع الناس لان لو درا صدق بيأدبها دامها مخطيه
محمد عمره ٨سنوات
ام عبد الرحمن:امي دحمي وفايزه خالكم عازمنا بالمزرعه تروحون معي ان شاء الله
فايزه:يووه متحممسه امس تراسلني ريناد ان صديق ابوها جايب احفاده وحفيداته مررره متحمسه اشوفهم
ام عبد الرحمن:وانا مثلك يلا اجل قومي جهزي وانت يادحمي
عبد الرحمن:اي بإذن الله معكم ان شاء الله
ام عبد الرحمن:زين وقل لغلا تجي معنا تتعرف عليهم
عبد الرحمن:يلا اجل بشوفها وانتم تجهزو اتجهز وانزل لكم
ام عبد الرحمن:يمه فيوزه بروح اتجهز انا وانتي اطلبي حلا ناخذه معنا
فايزه:يلا تمام بشوف
بالمزرعه بعد ماوصلو
مريم:ياربي تجننن ماشاء الله تذكرت مزرعتنا اشتقت وقسم
ساره:وربي ماشاء الله يالذوق
رسيل:يالله واشتقت للكلبه سلمى
العنود:مررره وربي من جينا الجنوب ماكلمناها اذا فضينا بنكلمها كلنا حتى انتم يابنات
ريناد:سلومه جارتكم؟
العنود:اي هي
ريناد:ياعمري والله وحشتني صدق
ام خالد من وراهم:يلا يابنياتي ادخلن جوا بقسم الحريم ذا قسم الرجال
مسك شهقت:اماا الرجال قسم على بالي حقنا
لنا ضحكت:لا لا تعالي اوريك حقنا هناك
انبهرو البنات بجمال المكان الي كان مقارب لمزرعتهم لكن مزرعة ابو هادي كبييره كبير مره واضعاف مزرعتهم وتضييع الواحد
رغد:بروح اتجهز عشان اخلص تبون تجون معي؟
البنات كلهم راحو مع رغد وتجهزو يوم شافو ان الوقت خلص وماباقي شي على المغرب
ساره خلصت وكانت تنتضر اتصال من عايد عشان تخليه يجيب لبسها وقطع تفكيرها اتصاله:واخيرا وينك طولت
عايد:والله تعبتت بالتدريب ونمت
ساره:زين نوم العوافي بس تكفى جب معك لبسي الي لونه وردي فاتح
عايد:انتضر افتح الشنطه اول،فتحها ورجع نطق:بس هي ورديه بالشنطه؟
ساره:ايوا والجنز الابيض موجود؟
عايد دقيقه ادور...ايي لقيته تبين شي ثاني بعد؟
ساره:معرف اذا باليل برد ولا حر لكن جب معك جاكيتي السوداء الي معلقه عند جاكتيك
عايد:زين شي ثاني
ساره:اخر شي صدق طقم الالماس الي جبته لي بس السلسال مالبسته جبه معك بعد
عايد:اي هذا هو قدامي يلا ابشري الحين اغير واجيك
قفلت ساره من عند عايد وبدت تساعد البنات الي ماخلصو شعورهم او يحتاجون بالمكياج مساعده
ام رنيم تحت:يابنياتي انزلو البنات جو يلا
رنيم:يلا ماما بس نخلص ونجي
ام رنيم:لاتبطون عنهم وصلو من قبيل
رنيم:ابشري
مسك:طيب اسمعو انا ولمار ومريم وامجاد ولين ولانا ولنا دامنا خلصنا بننزل وانتم انزل مع بعض
ساره: يلا طيب بس تكفين امجاد اذا جا عايد جيبي لبسي الي معه
امجاد:معليك تم بس عطيني اتصال واروح
نزلو البنات وسلمو على بنات عم ريناد ورنا وكانو منبهرين منهم وفرق فرق كبيير بين ضيوف امس وبين اليوم اليوم غييرر احترام واخلاق وقبول واشكال تفتح النفس
مريم الي انهارت على سما بنت غلا ونطقت:ماشاء الله محد بيخليني اعجل بالزواج غير سما قلبي
غلا ابتسمت :ياعمرري الله يتمم لك على خير
لانا فهمت قصدها لكن ماتبي تفشل غلا:امين الله يجيب لها الزوج الصالح بخير ونرقص بعرسها
مريم:انتي قبلي ان شاء الله
امجاد الي شافت اتصال عايد وراحت سريع تجيب البس وتطلع عندهم وبدت تعلمهم على البنات:يمه بنات يمه احتررام وجمال واخلااق وبنت غلا النونو يناااس ينااس ماشاء الله
ساره:حمستيني انزل ويت بس اغير لبسي واجي ننزل مع بعض
غيرت ساره وحطت عطرت ونزلت تسلم على البنات وبدو يمدحون بعض
ساره انهارت على سما:اكلت قلبي ماشاء الله وش اسمها
غلا:سما
ساره:ياعييني اسم وشكل ماشاء الله الله يخليها لكم يارب
غلا:امين ياحياتي
الجده الهنوف:قومن يابنتياتي بمكان ثاني بنسولف
العنود: احم انطردنا طرده محتررمه
ريناد بضحك:تعالو فيه مكان بطل نجلس فيه
غيرو البنات مكان جلستهم وجلسو يتعرفون على بعض اكثر
غلا:يعني الحين محد متزوج منكم غير ساره ورسيل؟
رغد:وقابلين للزياده يمكن السنه الجايه نجيك وكلنا متزوجات
لينا:ييمه فال الله ولا فالك انتي زياده عليهم بس
همس:عاادي وش فيه الزواج
خديجه دقتها:همس عيب مو كذا تقولين عند ناس اول مره نجيهم
عند العيال الي تعرفو على عبد الرحمن واكتلمو بمُجرد وصول تركي
عبد الرحمن:ايا الخسيس ياهادي تعرفهم وماعلمتني عنهم!!
سعود:حيلنا فيه ماعرفنا عليك ولو ماقال لنا اليوم انكم بتجون كان مادريت ان عنده عمام ابدا
هادي ضحك:وانتم من تجون نسولف عن الشغل وعن اشياء ثانيه الا القرابه شسوي
حمد:يلا خلونا نمشيها له هالمره المره الثانيه لا
عند الامهات الي حبو بعض وسولفو عن كلللل شيء
ام عبد الرحمن:ياماشاء الله يعني كلكن متزوجات عيال ابو عواد؟
الجده الهنوف:اي ذي ام حمد وذي ام سيف وذي ام سامر
ام عبد الرحمن:ياعمري الله يخليكم لبعض كانكم اخوات مو سلفات
ام محمد:اي والله ونعم الابو والام الي حببوهم ببعض صرنا نشوف العلاقات الي كذا ناادر اغلب الي مثل حريم عيال يكونون مايطيقون بعض لكن الله يحفظكم من كل سوء
الكل:امين
نرجع عند البنات
رسيل يوم درت ان خديجه كملت دراستها برا:كييف البعثه وكيف الاجواء هناك
خديجه:فيه شي سلبي وفيه شي ايجابي السلبي انكم بتفقدون كل شي بالسعوديه كل شي حرفيا لدرجة توصل تشتاقون لبقاله تخيلو!! بس الايجابي ان هناك الناس متفاهمين ودراستهم سهلله بالحييل ويعذرونك بما انك سعوديه عشان كذا مليون مره احمد ربي اني انولدت بااعظم بلده
رنيم:حيي عييينك
رسيل:وناسه تحمست صدق اروح اكمل دراستي هناك
خديجه:اووه انتي متزوجه ودامك متزوجه ماراح تفقدين احد
لينا:اذبحها لو فكرت انها ماتفقدنا
رسيل:مابفقدك لا انتي ولا البنات معليك ههههه
لينا:نشووف
رسيل الي دخلت السالفه براسها انها تكمل دراستها برا السعوديه وتبتعث برا وتفكر كيف تقنع سعود بالقرار ذا
اما ساره الي عجبها شغل منيره وحتى هي حطت الفكره براسها لكن تكمل بالسعوديه مو خارجها
لانا:مررره ودي نتمشى بالمكان واوريكم كل شي فيه ماشاء الله لكن بعد العشاء نهضم الي ناكل يوم نمشي
فايزه للبنات:اول مره تجون هنا؟
العنود:اول مره نجي الجنوب اصلا ياحبي انتي
فايزه:فااتكم نص عمركم
امجاد:لا والله يافايزه فاتك نص عمرك ماجيتي لنجد ااخ من دخلتها وانا مابي اطلع منها عيوني وقلبي تعلقو بالمكان ذاك وماصار يغريني اي مكان غير الديره صدق ااماان صغيره وملمومه ونادر تلقين الشوارع زحمه
لانا:وربي يابنات تجنن انا يوم رحت ماودي اطلع منها
غلا:يلا فايزه شدي حيلك اقنعي عمتي وعمي نروح زياده
فايزه:ودحوم
غلا:معليك ازهليها عندي
رسيل:يلا من الحين نبدا دعوات انه يوافقون عشان تجون عندنا وانتم بناتت كانت تقصد"خديجه وهمس ومنيره"لازم تجون بعد
همس:امم مستحيل اروح ديره متعوده على مكان يكون فيه كوفيهات ومكان مليان نااس مو ديره وقرف يع يع
منيره تفشلت من اختها:معليش بنات معليكم منها بنجي ان شاء الله
امجاد الي كانت رافعه ضغطها همس من قبل يوم يتجمعون :همس اذا مو عاجبك اسكتي مو شرط تفرضين رايك بكل شي
رغد الي كانت جنب امجاد:امجاد وبعدين يعني تحطين راسك براس المتخلفه ذي خلاص عيب احترمي البنات على الاقل
امجاد تاففت من همس وحركاتها:عشانكم مو عشانها
عند العيال
خالد:تبون نتمشى بالمزرعه؟
هادي:اقولكم ياعيال قبل ترفضون ترا البنات داييم يحبون يتمشون بعد العشاء عشان كذا امشو نمشي الحين ويجي وقتهم بعد العشاء
وقفو العيال وبدو يتمشون وكانهم يتمشون بمزرعتهم من كثر الشبه فيها
عزام لفت انتباهه الزرع الي كان بمكان على جنب ولحالها واشر عليهم:ليه لحالهم مو عند الي هناك
هادي ابتسم:قل لعايد يعلمك
عايد:يووه ذي وحنا صغار عمي ابو هادي كان جايب عمال يزرعون شتلات موجوده لكن انا وهادي وفيصل وخالد نشبنا له عشان حنا نزرعها لكن عيا لحالنا لازم معنا البنات الي كانو مدلعينن وهم صغار اخواتي واخوات هادي واخوات فيصل وزرعناها
فيصل:تعالو نوريكم امشو
هادي بدا ياشر:ذي الصفراء حقتي انا والعيال اما البنات كل وحده اختارت لو وردتها المفضله،وبدا يعدد اسامي البنات بما انهم معروفين وعادي ذا الشي عندهم،ذي حقت لانا ولنا اختارو بنفسجي وذي ريناد ورنا اصفر نفسنا،وذي امجاد وردي،وذي رغد رفضت تزرع معنا ورد وزرعت نبته
عزام ابتسم من شاف حقت امجاد وابتسم من طاريها ونطق بفرحه:حلو الفكره تبقى ذكرى بسويها لاحفاد احفاد جدي
سعد :ياطول السالفه يعني عيالنا
عزام:ايه هههههههه
تركي:يالله ياعيال شدو حيلكم وتزوجو وعجلو بشوف عيالكم
حمد بطرف عين:اذا انت تزوجت انا
خالد:واذا تزوج حمد وتركي انا اتزوج
سامي:واذا تزوج خالد وحمد وتركي اتزوج
سعود:واذا واذا بالاخير كل واحد يتزوج قبل الثاني
عايد ضحك:انشههد السنه الجايه بنفس ذا الوقت وكلكم متزوجين وقولو عايد ماقال
فيصل:اتق الله كلنا بسنه!
عايد:يعني نصكم مو كلكم
عند البنات
ريناد قامت هي ورنا بيجهزون سفرة العشاء عشان يرجعون يكملون سوالف مع البنات وعشان بس يبقا العيال يحطون الصياني
محمد الي كان مع العيال ومسوي نفسه رجال معهم
عايد:محمد شرايك بالموضوع مين تتوقع يتزوج اول شي
محمد اشر على عايد:انت
عايد ضحك:لا لا انا متزوج غيري
محمد:انت متزوج مين متزوج
عبد الرحمن:حمود وش قلنا عن الاسئله ذيي
عايد:عاادي خله عنك"قرب عايد لاذن محمد وهمس:شوي اذا رجعنا اوريك من زوجتي"
محمد بصوت عالي:الله تحمستت
عايد:فضحتناا اسكت اسكت ههه
محمد:امم طيب احس ذا بيتزوج "اشر على عزام"
عزام:الله يجيب الخير اذا صدق تزوجت اول واحد اعزمه على العرس انت
عايد ضحك عليه وهو عارف عزام مستحيل يتزوج الحين
لكن ماايدري عن الي صار امس
عند البنات
قامو امجاد ولين ورسيل يساعدون البنات بترتيب السفر
ريناد:بنات اتركو واطلعو ازعل منكم ترا مافيه شي يتعب بس اوزع واحط على السفر واجيكم
لين:اقول ريناد حنا الي بنزعل ترا خير حنا صرنا واحد وكيف تبينا نستانس وانتي ورنا مو معنا!!!
ريناد:ياعمري انتي دامك صامله يلا خوذي السفر افرشيهم وانتي امجاد اجلسي عاونيني بتوزيع السلطات وانتي رسيل بس روحي وزعي على السفر لبن ومويا مع رنا
عند الرجال
ابو عايد تذكر ابو رحيل خويه:الا بسالكم ماشفتو واحد اسمه ابو رحيل؟
ابو هادي:يوووه ابو رحيل وش صار عليه
بدا يعلمهم ابو عايد بكل شي صار وكيف جا عندهم ودورهم وتعب عشان يساله عن اخباره
ابو خالد:الله يذكره بالخير كل ماجيت عند بيتكم قبل يعطيني كراتين من التمر
ابو عايد:والله موجعني قلبي عليه مدري وين راح وكل مابطلع امر بيته اشوفه غيره ولا لا مالقا وقت امرهم
الجد عواد:بكره اذا شاء الله نمر ونشوفه لو تبي وانتم معنا
ابو عايد:اي بالله كلكم معنا
ابو عبد الرحمن:ابشر نشوف الوضع ونرد لك خبر
عند العيال
هادي اتصل جواله ورد على رقم المطعم الي علموه انهم وصلو
هادي:مشينا نرجع ياعيال العشاء وصل
خالد:زين اصلا خلصنا اضن ماباقي شي بالمزرعه ماوريناكم اياه
سيف:والله ماشاء الله يازينها العقبال لكم تجونا من جديد بدون مناسبه ونوريكم مزرعتنا وعزبتنا
بطريق الرجعه كانت سوالفهم عباره عن المزارع وكم تجيب لو يبعيونها
بعد ماوصلو دخلو المجلس الا عزام الي كان مار على الحمامات الي عند مدخل الحريم
همس كانت طالعه بتشوف فيصل لان من زمان ماشافته لكن لمحت واحد ماتعرف ونطقت:انت ياهي تعال ابيك
عزام عصب وكان مستغرب من الصوت اول مره يسمعه:انتي ياهيه لي اسم
همس بدلع:معرف اسمك شسوي انا
عزام:اسمي عزام وش بغيتي بعدين بي
همس:ممكن تنادي فيصل
عزام يحاول يستوعب وش قالت:فيصل؟ ليه وش بينك وبينه
همس الي كانت باايعتها:فيصل حبيبي لكن هو مايحبني وابي اشوفه
عزام الي عصب منها:انتي استحي على وجهي ولو فيصل درا عن كلامك ذا فرشك هنا عيب استحي استحي
همس:مالك دخل ناده
عزام:اعقبي وادخلي وفيصل ماني مناديه لك
سحب عليها عزام ودخل الحمامات وهي للحين واقفه
عند البنات بعد ماخلصو التوزيع قامو يوزعونه على السفره لكن امجاد انصدمت ان همس تسولف مع واحد من العيال وماعندها اخوان الا صغير وذا الي فهمته من كلام اخواتها لكن يوم لمحت طول عزام وظهره انصدمت
سبحان الله
لاإله الا الله وحده لاشريك له له الملك وله الحمد وهو على كل شيء قدير 🩶
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
