انا فعيونك مواطن دولته صارت عييونك

Part11

لينا : خير يعني مابيروحون معنا!
العنود : لا اكيد وقف وقف سعود بشوفهم
وقف سعود وفتحت الشباك ساره لان هي عند الباب
العنود بصوت عالي : رغدد امجاد تركبون معنا؟
رغد : والله تم نسحب على امي وابوي وعايد
ساره : جدي كلمني يقول سيارتكم مالها داعي عايد يركب مع العيال والبنات معنا وعمتي وعمي معهم
سعود : اقول عايد تاخذهم؟ مالي خلق لهم نعساان
عايد : كذوب تبي تلحق على الفعاليات
سعود : الصدق ايه يلا موافق؟
عايد : دقيقه....
مايمدي يكلم كلامه الا سعود نازل من السياره
عايد : اوريك بس اصبررر علي
رغد:وناسه بركببب قدااام
امجاد : دزي مو على كيففك!
عايد : لا انتي ولا هي مابي احد جنبي
رغد : مو على كيفك يعني مو على كيفك
امجاد : خلاص بخليك قدام بس بشرط
رغد : وشهو شرطك
امجاد : الاغاني على ذوقي
رغد : امم يلا مواقفه بما اني مطفره اغاني
عايد : صبر بنادي عزام يقرب السياره لامي وابوي واجيكم
راح عايد عند عزام : سلام عليكم لكل الي بالسياره
كلهم ردو : وعليكم السلام
عايد : فيه مكان لامي وابوي؟
عزام : العين اوسع لهم من المكان
عايد : تسلم والله يلا بس بالله قدم قدام شوي
عزام : على الخشم يلا
قرب السياره عزام وركبو وتوكلو على الله للرياض
امجاد : شرايك توقف عند كوفي امس؟والله ادمناا
رسيل : لا ابغا شاي
العنود : محد يبي غيرك انتي ومسك ولينا حنا نبي قهوه
عايد : خلاص اسكتو بوديكم شاي وقهوه
رغد وهي تحب راسه : الله يسعععدك
امجاد : يع ياشينكم
رغد:تغاريين
امجاد : اغارر من الكل الا انتي والمروح الي جنبك
عايد : انا مروح!! خلي احد يجيب لك قهوه اجل
امجاد : لا لا ماقصدك اقصد ساره لانها ورا رغد
ساره : انااا شكووو حالي حال نفسي
امجاد : سدي عاد كل شي الا القهوه
ساره : بمشيها عشان انا نفسي بالقهوه مو عشانك
وقف عند محل القهوه اول شيء
رغد : بنات وش تبون
ساره : كالعاده قهوة اليوم
العنود : حتى اناا
مريم : ابغا V60
لمار : مععك
امجاد : قهوه اليومم
رغد :  حلو ثلاث قهوة اليوم واثنين V60
عايد : مو على كيفك قهوة اليوم اربع انا ابغا
رغد : نسيتك بس يلا اطلب
عايد طلب القهوه وخلص وراح محل الشاي
عايد : تبون كلكم شاي ملخوط؟
مسك : ايوا صح بنات؟
رسيل ولينا : ايوا
وخلص من الشاي وبدو بالطريق
امجاد قربت تبي تقتح المسجل
عايد حط يده : لا الحين بياذن العصر نصلي وبعدها تحطون
امجاد فتحت جوالها : ايه والله يمه مانتبهت للوقت

عايد : اذا اذن بنوقف نصلي ونكمل الخط
عند سيارة العيال
سعد : ياعيال ماراح امسك الخط كله بنتداور ترا
سعود : انت مين قايل لك جاي السياره ذي لعيونك؟ ميييتت نعس بننااام
سعد : حمد وسيف ماوصلو المرحله ذي واضح انك كذاب بس اول واحد بعدي انتت
سعود : ليتني منطم اجل
اذن العصر
الجد عواد  لعزام : يوليدي اتصل على عايد وسعد يوقفون نصلي
عزام : ابشر يلا
عزام اتصل على عايد : الو عايد وينك
عايد : وراكم
عزام : زين بتصل على سعد لشفتنا واقفينا اوقف نصلي
عايد : يلا يلا
عزام اتصل على سعد ومارد : يايبه مايرد اكيد مو منتبه للجوال
الجده الهنوف : طيب اتصل على واحد غيره
عزام : سمي
عزام اتصل على سيف : وينكم انتم؟
سيف : قدامنا انتم بمسافه
عزام : زين بنوقف على جنب نصلي
سيف : زين زين بنوقف معكم
وقف عزام وبدا ينزل الفرشه عشان يصلون
عايد شافهم واقفين : رغد وامجاد تغطو بنصلي عزام قدامنا
تغطو رغد وامجاد والباقي لا بحكم ان عزام عمهم واخو العنود
وصلو العيال وتغطو البنات زين وتقدم الجد عواد يصلي ووراه العيال ووراهم البنات
بعد ماخلص العنود راحت عند الجد عواد
العنود : يايبه ماقلت لنا وش مناسبة سفرتنا للرياض؟
الجد عواد : خلو عزام يعلمكم
العنود :اماا  انت سبب السفره ولا قلت لي! قليل ادب ليه بنسافر
عزام : احم احم طبعاً قدمت على وظيفه وقبلوني الحمدلله
العنود:احلفف!!
عزام : والله اجل ليه بنروح
العنود قامت تحضنه : مبرروك
رسيل قربت تحضن عزام : اااخ يالعم والله بتصير من اهل الرياض
عزام : من اهل الرياض بس بدوي ههههه
مسك : وشو الوظيففه
عزام : مبدئيا متدرب محامي وبعدها رسميييا المحامي عزززام
لينا قربت تحضنه : مبروك  ااخ يااحظك وحده من احلامي اني اصير محامميه
عزام : الخطه الجايه اوظفك عندي
الجد عواد : انا يلا يلا بتقبل بعدك  وانا ابوك بتقبل بعد بعد لينا!
عزام : خلك بعيد يزيد حبك يايبه
الجد عواد : انتم وانتم قراب مني احبكم شلون وانتم بعيدين؟
عزام حبه على راسه : تسلم يايبه الله يطول بعمرك يارب
الكل:امين
بدو يسلمون على عزام ويباركون له الا رغد وامجاد ومسك ولمار  لانه مو محرم له م
رغد وامجاد ومسك ولمار بعيد عن عزام : مبروك مبروك وعقبال المحاماه ان شاء الله
عزام:تسلمون يابنات فهد  ويابنات هايل والله العقبال لكم بالوظيفه يارب
رغد وامجاد ومسك ولمار :امين
هايل : ان شاء الله مطولين؟
الجد عواد بضحكه : لا لا يلا مشينا نكمل الطريق
رجعو مسكو الطريق من جديد
ساره : يابنات منغثه من امس مدري شفيني
امجاد : حاااممللل
ساره وهي تصفقها على وجهها : يمه مريضه وش حامل
امجاد بضحكه وهي تتوجع : ماعندك مزح وجع امس قرص واليوم كف! قليلة ااادب
ساره : والله قليل الادب انتي اوررريك بس خلينا نوصل
امجاد : مابتشوفيينييي هالمره بكون مع امي وابوي بالشقه ارتاحو مني يالمهوسات
البنات بصوت واحد : يييع ياشينك
مريم : قرف شكلك منثغه منها ومن نرجسيتها
امجاد : يحق للي
ساره : اقطع اقول سردبيها عني وافتحي اغاني
امجاد : حبيني على راسي وافتح لك
ساره : تخسين ابعدي عني بس
امجاد : وش بتسوين
ساره : بعطي جوالي رغد تشبكه دزيها
امجاد : بذبحكك ياررغد ولا اتلك واجي قدام بدالك
رغد : ليكون بتنطين؟
لينا : انتبهي تسويهاا
امجاد : يع انقلعو بس مافيه عايد شوفهم
ماكان منتبه معهم عايد : خير خير وش فيه
ساره : يمه الحمدلله ماسمع
امجاد : ساره تبي تحط اغاني وهي تسبني!
عايد : بلا مبزره خلاص كل وحده تحط اغنيه واسكتو شوي
ساره:موتي قهر دورك خلص يلا بحط على مزززاجي
ساره عطت رغد اسم الاغنيه وحطتها رغد
اختيار ساره هالمره كان رساله لعايد :

واذا خايف انا انسى
انسى روحي مانسااك
اذا نويت تعشق تحب ثاني
امانه لاتنساني إني احبك موووت
ساره تحسب صوت الاغاني عالي وقالت بصوت شبه مسموع : انسى روحي مااانساااك
امجاد : فوق انك تفتحين المواجع الصوت نشاز
ساره : احلفي كان واضح!!
امجاد بضحك : اييه كلنا سمعنا  ههههههه
ساره : بالغلط والله
عايد وهو مايدري تقصده ولا لا بس حس انها تقصده من بارت "انسى روحي مانساك"وتكررها للجمله ذي
عايد : ساره لو ماعليك امر شغلي اغنيه ثاني عجبتني ذي
ساره بتوتر : اء اء ابشر
امجاد : ااييييه وانا ذوقي تسبه حيووان
عايد : ذوقك؟انتي ماعندك ذوق
رغد وهي تضحك بصوت عالي عشان تقهر امجاد : موتي
امجاد : خيرر عايدد تطقطق علي
عايد : وانتي"قام ياشر لرغد"مسويه طالعه منها؟
رغد : لو مره بشوفك توقف معي دايم مع امجاد
امجاد : ياحظي واقف معي وهو يسب؟
طبعا مسك ورا كانت تقرا كتاب لان تحب تقرا كتب هي ولينا فكانو ورا
مسك : متى تخلصون فقرتكم ذي بقرااا
لينا: اسكتي شوي ترا شوي وبنقفل وعلى راحتك تخلصين الكتاب كله
لمار : قسم بالله خلونا نستانس شوي
ساره : اص بس بحط اغنيه
ساره : النت ماش وانا مو محمله غير الاغنيه ذي
امجاد : احسن يلا دوركم لينا ولا مريم ولا لمار
لينا : جوالي طافي كنت بحط من جوال ساره بس النت بدا يصير ماش بالطريق
لمار ومريم بصوت واحد : حتى انا
ساره : فكه احسن يلا عايد وتكفى قل مو محمل
عايد : لا معلييك عندي مليون اغنيه بس بحط ثنتين دام جالس اسوق بكم :
غرام أطفال جمعنا وكنا بشعور كبار
وفا قلبي مثل ماتوفي العشاق أو أكثر
أحب بجد ماألعب مثل منهم في سن صغار
ولا أذكر قلبي لو مره معاها كذب وقصر
في ذاك الوقت ماأكتب ولكن أحفظ لشعار
عشان اعجابها فيني يزيد ويصبح الاكبر
رغد : اخس غرام اطفال !!! يبي لها قعدة سطح ذيي وتعلمني
عايد : سردبيها الاغنيه عاجبتني بس