انا فعيونك مواطن دولته صارت عييونك

Part38

خلصو من تحديد وقت عرسهم وطلعو للفندق يعلمون اهلهم ومن بعدها بدا ينطلقون من جديد بتجهيزات الحلويات وتجهيزات الكوشه وتجهيزات الفساتين وكان اسبوع ملييء بالسعاده الي تملي قلوبهم وكل يوم يزيد التوتر اكثر من قبل لان وقت العرس قرب وبالايام الاخيره تجمعو اهل الديره بالرياض وكانت شبهه غريبه عليهم الرياض لان مايجونها ومو نفس عاداتهم وتقاليدهم ولا هي نفس الديره الرياض تعادل ربع ديرتهم وكانو منصدمين بكبرها وجمالها،خلص الاسبوع وبدا العد التنازلي للعرس كان باقي يومين بس عليه
ام عايد الي كانت تحس بتعب بجسمها لكن ماتقدر تقول وتتكلم ماتبي تخرب سعادتهم بيومهم وتخاف يرقدونها بالمستشفى وهي ماتبي الحين
عايد وسعود الي كانو حاجزين شهر العسل وانتهو منها من زمان
ساره الي كان ناقصها كم شي من المول وراحت تجيبه مع عايد لكن لفتها خاتم ذهب ودخلت تشوفه
عايد:عجبك؟
ساره:اي مرره بشتري لي
قرب عايد بطاقته للكاشير وحاسب عليه
ساره:عايد لييه! انا كنت بجيبه لنفسي
عايد:مايفرق انا وياك واحد
ساره ابتسمت:هالمره امشيها لك المرات الجايه ازعل
عايد:يلا يلا بس خلصتي؟ نرجع؟
ساره:اي خلاص بسترخيي بكره واليوم عشان العرس
عايد:عساك على القوه ولاتحرميني منك
ساره:الحين يطلع لي عرق عادتنا ومابتشوفني الا بزفتي
عايد:ماتفقنا كذا وش معنى ماطلع لك العرق الا الحين!!
ساره:امم مدري
اما عند رسيل وسعود الي علاقتهم للحين مابين ضحك وحب
رسيل الي كانت تسولف مع سعود ودخلت مريم ونطقت:انتي ماتعرفين شي اسمه العروس ماتشوف زوجها الا بيوم العرس؟
رسيل:تصدقين عجبتني بسويها مع اخوك
سعود:تراني زوجك بعدد
رسيل:ادري بس مابتشوفني الا بالعري
سعود:نعم مو على كيفك!
رسيل:الاا
سعود:طيب وشاهيك؟ تحرميني منه؟
رسيل:لا الشاي مستحيل لان بسوي لي وتعودت اسوي لك معي
سعود قرب حضنها:كفو على زوجتتي
رسيل الي توترت من ناضرت مريم الي واقفه وتضحك على وجه رسيل: عادي معليكم تعودت على ساره وعايد ماعاد يفرق معي
ابتسمت رسيل وارتاحت من طقطقه مريم عليها وراحت
انتهى هاليوم وبدا اليوم المنتظر من سنيييين لزواج احفاد ال عواد
البنات الي صحو واخذو شاور وانطلقو للمشغل الي كان مجاور للقاعه
ساره الي كانت مجهزه شنطه بكل شي تحتاجه ونفس الشي رسيل وباقي البنات
رنيم ولين الي من وصلو الرياض راحو اقرب كوفي واخذو حلى وقهوه لهم وللبنات واتجهو لصالون البنات
العنود:ياعمري ليه كلفتو على نفسكم
رنيم الي قربت تحضنها:مامن كلافه يلا انتم ابدو عشان يمديمكم تصورون
ساره:حتى انتي يلا بصور معكم انتي وبنات خال وخالة عايد
رسيل:كلناا بنصور مع بعض صورة ذكرى
عند الامهات الي كانو يتجهزون بالبيت لان مكياجهم بيكون خفيف مايحبون الثقيل وتجهزو من بدري ودقو على سيف يجي ياخذهم
ام حمد:يلا عقبال ماتاخذنا لعرسك
سيف الي شرق بالمويا ونطق:امين امين
ضحكو عليه الي بالسياره واتجهو بدري للقاعه
عند العيال الي كانو بالقاعه اصلا ولبسو هناك
عايد طلع بشت بيضاء وسوداء ونطق للعيال:اي وحده
سامر:ساره دايم تقولنا نلبس اسود البسه هالمره لكن اسالها بالاول
عايد:اصلا بسالكم وانا رايح اخذ رايها ههههه
سامي:قليل ادب ذا! اقول مانت رايح لها
عايد فتح جواله وتصل على ساره:اتصل عليها مافيه مشكله
اتصل عايد عليها وسالها ونطقت ساره:وش بيلبسون هم؟
عايد:اسود
ساره:خلك مختلف والبس ابيض
عايد:وانتي خلصتي؟
ساره:اي ماباقي شي خلك بالقاعه لاتطلع المصوره جايه
عايد:تمام
سعود ناضر عايد وابتسم تذكر انه اخذ رسيل يوم كانو بالديره عشان تختاار له
نرجع شوي لورا
سعود اتصل على رسيل ونطق:فيك حيل تطلعين معي؟
رسيل:وين بتطلعني
سعود:مكان
رسيل:يلا تمام شوي وجايه
طلع سعود ورسيل بالسياره لمحل البشوت الخاص فيهم وماكان احد فيه بما انه باليل
رسيل:ذا المكان!!
سعود:اي ابيك تختارين لي بشت
رسيل ابتسمت ونطقت:عشانك تبيني اختار لك بمشيها لك
بدت رسيل تتمشى بالمحل لين طاحت عينها على البشت الرصاصيه ونطقت:واووو ذيي مرره حلوه حتى مع فستاني الي بيكون لونه ابيض تليق مره
سعود:حتى انا ماودي اسود كلهم بيلبسون كذا
رسيل:اجل البس الي اخترتها لك
نرجع للواقع
عند ساره الي خلصت ونطقت لرسيل:اروح اصور؟ ولا تصورين قبلي
رسيل الي كانت توها تبدا ميكب:لا لا روحي انا مطوله
ساره:يلا بس ابي وحده منكم تساعدني بالفستان
التفت للبنات الي كل وحده منهم ماسكتها ميكب ارتست او هير ستايل ونطقت:اف الحين من بيساعدني
راحت بغرفتها الي كانت فوق بالقاعه وبدت تلبس الفستان وباقي لها الطرحه ويوم شافت مافيه امل قررت تتصل على عايد يساعدها حتى لو مايعرف
عايد:الحين انتي صادقه تبيني اساعدك؟
ساره:خير عايد وش فيها
عايد:اخاف اخربها
ساره:عادي هي سهله بس تركبها على شعري عشان التصوير وبعدها تظبطها لي وحده من البنات
جا عايد وطلع عندها وشافها معطيته ظهرها ونطق:طيب لفي بشوفك
ساره:مافيه سو الطرحه وانزل انتضرتي تحت
ضحك عايد وقرب يسويها ونزل
ساره الي كانت متفقه مع المصوره تسوي الفيرست لوك بوقتها كان شي جديد وحبت تسويه
بدت المصوره تعلم عايد عليه وساره نزلت تحت عنده وبدو يصورون
عايد الي كانت ينتضر ساره توصل لعنده عشان يلف ويوم التفت انبهر بجمالها انبهر بغمازتها الي تستقبله انبهر بتفاصيلها الجميله واول مالتفت نزلت دموعه وقرب حضنها وساره بادلته الحضن
عايد الي كانت دموعه تنزل وساره الي تضحك من التوتر ونطقت المصوره:برافوو يلا الحين وقت الصور
ابتسمت ساره وقربو لبعض وبدت المصور تعلمهم على الحركات الي يسوونها عشان يصورون وبعد ماانتهو نادت المصوره ساره وقالت لها:عندنا هديه خاصه لك تصورين اكثر من صوره بدال صوره مع اهلك لو حابه
ساره ابتسمت ونطقت:مرررره شكرررا بس ابي مع اهلي ومع بنات عمي لكن ماعندي فكره محدده مع اهلي
المصوره:شوفي اهلي بيكونون اخوانك وامك وابوك واخواتك ومستقبلينك هنا وانتي تكونين عند بداية الدرج وتقبلين عليهم وبعدها نصور صوره معهم وبعدين صوره معهم كلهم مع زوجك غير اخواتك تمام كذا؟
ساره الي حبت الفكره:ايي مرره حلو تمام بخلي زوجي يناديهم وانا بروح هناك لكن بصور مع جدتي وجدي بعد
المصوره:تبينهم مع اهلك؟ ولاصوره غير
ساره:لا كلهم مع بعض حتى هم اهلي
ساره نطقت لعايد:عايد تكفى ناد امي ومريم وابوي واخواني وجدي وجدتي
عايد ابتسم:لاتقولين لي تكفى بس امري وانا اقول ابشري
راح عايد يناديهم وبدت المصوره ترتبهم على الكوشه وكان ترتيبهم من الوسط الجد عواد والجده الهنوف وجنب الجد عواد ابو سامر وسامر وسامي وسعود وبالجهه الثاني جنب الجده الهنوف ام سامر ومريم
يوم اقبلت ساره عليهم بدت دموعهم تهل وبذات اخوانها ومريم ويوم خلصت تصوير نطقت المصوره:الله يحفظكم لبعض قربو يحضنون ساره الي اقبلت عليهم ويوم طلعت مريم نادت عايد وصور معهم
المصوره:ناد انت اهلك بعد لو حاب تصور معهم
صورت المصوره اكثر من صوره مع اهل عايد ومع اهل ساره ومع بعض
انتهت المصوره من تصويرهم وبدت برسيل وسعود الي كانو متوترين من بعضهم بزياده والمصوره تقولهم حركات يسوونها
المصوره لسعود:قرب لها وحط يدك على خصرها
رسيل توترت ونطقت:لازم؟
المصوره:لازم يلا
صورتهم اكثر من صوره مع بعض ومع اهاليهم ويوم قرب المغرب وبدو الضيوف يوصلون نادت رسيل لامجاد ونطقت:تكفين نادي البنات نصور مع بعض وعماتي كلهم
اجتمعو حفيدات ال عواد وامجاد وساره ورنيم ورنا ولين ولانا وريناد ولنا وام هادي وام خالد وام عايد وزوجات عيال الجد عراد وصورتهم مع بعض
ساره الي من شافت الصوره نزلت دموعها ونطقت:بكيت احبكم مررره الحمدلله عليكم الف مره
رسيل:صدق الحمدلله
ام حمد:يلا قومو غرفكم وانتم استقبلو مع الضيوف
راحت ساره ورسيل غرفه وحده وجلسو يسولفون مع بعض
تحت بدو الضيوف يوصلون وبدت القاعه تمتلي وكل من دخل شاف البنات انبهر من جمالهم
طبعا البنات توفقو مره بفساتيهم هالمره واطلالتهم كل وحده تقول الزين عندي
عند العيال نفس الشي بدو يوصلون الضيوف والعيال يرحبون فيهم
وبدت اجواء العرس بالاغاني والطبل وتختلط الروايح بين ريحة العود وريحة العطور
ساره الي شافت الضيوف ونطقت:يمه رسيل كثيييييير
قامت رسيل بتشوف معها ونطقت:يمه انا وياك بننزل قدام ذولا؟؟
ساره:يمه قسم توتر
رسيل:انتي انزلي اول شي
ساره:لا والله انتي ملكتي اول شي انزلي انتي ويدخل سعود ياخذك وبعدها انا
رسيل:وين نروح؟
ساره:بيرجعك الديره وين يعني اكيد الفندق
ضحكت رسيل:ياليل من التوتر نسيت
طلعت العنود لهم تعلمهم ماباقي شي وينزلون وجابت لهم اكل عشان مايدوخون ونزلت بتشوف عايد وسعود تدخلهم داخل
عند العنود الي كانت تنتضر سعود وعايد وطولو وهي تنتضرهم دخل سعد بيشوف امه لكن صادف العنود الي كانت مو متحجبه وكانت لابسه اسود عاري الاكتاف وماسك عليها وفيه فتحه من عند رجلها وشعرها ويفي وطويل ومن التوتر ماقدرت تسوي شي غير تقول:اطلع اطلع برا تكفى لحد يشوفنا اطلع
سعد الي لف وعرف انها العنود من وصف امه الي كانت تبي تخطبها له
نرجع شوي ورا
بوقت ملكة رسيل ام سعد شافت العنود وراحت لسعد تمدحه وسعد توقع هي الي شافته وهي تبكي لكن ماكان متاكد اذا هي ولا لا وكان يقولها لاتخطبينها مابي
نرجع للواقع
سعد:ادري انك العنود وتدرين اني سعد لكن ماشفتك ولاشفتيني
ولا احد بيدري
العنود خافت كيف عرفها وكانت ساكته للين طلع ويوم جو سعود وعايد دخلت جوا عشان عايد
ونطقت بتوتر:خلكم هنا بتنزل رسيل اول شي بعدها يوم اجيكم بيدخل سعود وبتاخذها وتطلع ونفس الشي عايد واكيد البنات قالو لكم
عايد:اي اي معليك
دخلت العنود الي واضح من ملامحها متضايقه ان سعد شافها وهي كذا انتبهت لها لين ونطقت: عنودي وش فيك
العنود:ليه وش فيني واضح علي شي؟
لين:وجهك ماكان كذا وش صاير
العنود الي دمعتها على خدها وتبي تقول الموقف لاااي احد عشان ترتاح وسحبت لين على جنب وقالت لها
لين:يمه عنودي وش فيك زعلانه ينقلع عادي بالغلط ولو قال لاحد هو الي بيكون عليه الغلط وش عنده داخل من المكان ذا وهو مخصص لاهل العروس؟
العنود:والله؟
لين حضنتها:اي معليك منه تتعالي استانسي وخليه ينقلع
بدو البنات يرقصون مع بعض كلهم والامهات يرحبون بكل من جاء ونفس الشي عند الرجال
جا وقت زفة رسيل وبدت الاغنيه تشتغل
صلو على الهادي المصطفى خير الانام
نبدا بذكر الله وعلى حبيب الله سلامx2
صلو على الهادي (الهادي)المصطفى خير الانام
نبدا بذكر الله وعلى حبيب الله سلامx2
لون المساء طايح على متن السحاب
واليل أرخا لك هدب والنجوم
قبل الحكي كلاً ذكر ربه قبل
شوفك وقال صلو على الهادي المصطفى خير الانام
نبدا بذكر الله وعلى حبيب الله سلامx2
وبدت تنزل رسيل وابهرت الكل بإطلالتها النادره وبدو يذكرون ربي عليها لين وصلت القاعه ونطقت ام حمد:سعود بيدخل تغطو"
تغطو الكل ودخل سعود على تكميلة الزفه
واشتغلت اغنيه ثانيه ورقصو عليها سعود ورسيل واخوات سعود وبعدها ام حمد لسعود:ها الا بنيتي حافظ عليها
سعود:ياخاله هي الحين بعيوني معليك
رسيل الي استحت من كلامه وقرب لها سعود اخذ يدها شبكها بيده وطلعو مع بعض للفندق
وصار وقت زفة ساره ونزلت يوم اشتغلت الاغنيه الي عايد حاول بساره ان الزفه عليه عشان يحط القصيده الي شافتها بدفتره وكان اقناع ساره صعب صعب لين حاول فيها ووافقت ويوم نزلت بدت الزفه بــ
راجع من الايام من الاحلام
و من الف سناره مغروسة بقلبي
لقيت لى بشارة ما اغلى عطا ربي
أثر العمر ساره و موج البحر ساره
وكل المدى " ساره "
سافرت كل العمر وراجع احب ساره
وبدت الموسيقى ونزلت ساره الي طول الدرج وهي تبتسم من القصيده والموسيقى الي حاطها عايد ويوم وصلت للقاعه دمعت من الحب الي جالسه تشوفه من عايد
قربو رغد وامجاد لها يحضنونها ودخل عايد لها وحضن ساره قدام اناظر الكل وبدو يرقصون مع بعض
ام سامر الي وصت عايد على سارع ونطق عايد:ياخاله انا من زمان ابي ساره تتوقعين بزعلها وافرط فيها؟ لا والله انها بقلبي قبل عيوني
تطمنت ام سامر اكثر وبعدها طلعت وكانت تساعدها رغد بالفستان ويوم وصلو السياره ركب قدام عايد وجنبه ساره الي للحين تدمع عشان اهلها وعشان حركة عايد الي كبر بعينها اكثر
عايد:وش فيك تبكين يابوي؟
ساره ابتسمت ونطقت:مافيني شي
عايد:زين لاشوف الدموع ذي مره ثانيه
عند رسيل وسعود الي وصلو الفندق وجلسو يصورون مع بعض بالكاميرا الي اشترتها عشان بس توثق هاللحظات السعيده
سعود:خلصنا تصوير؟
رسيل: ايوا
سعود:يلا غيري عشان مايضايقك الفستان وتعالي تعشي
راحت رسيل تفصخ الفستان وبعدها رجعت له وكانت شبعانه وماتبي تاكل بس سعود مد يده لها ونطق:كولي
اكلت رسيل وبدت تاكل الخضار الي على الاكل بدون تاكل اكل دسم لانها شبعانه
عايد وساره الي كانو بالسياره ونطق عايد:عجبتك الزفه؟
ساره:مررره عجبتني محد خلاني ادمع غيرها
عايد:ليه ليه يابعد الدنيا انا مسويها عشان تفرحين مو تبكين
ساره:وانا من الفرحه دمعت بس مره شكررا صدق فرحت
عايد:مابسمع منك كلمة شكرا مره ثانيه نهائيا
قربت ساره راسها لكتفه وحطته عليه ونطقت:وش اقولك كلمه غير شكرا يعني
عايد:يعني غير شكرا
ساره:يعطيك العافيه؟
عايد:لا
ساره الي تدري وش يبي بس مستحيل تقولها تبي تبين انها ثقيله عنده ونطقت:الفندق وصلنا
عند البنات الي من بعد زفة ساره وصل العشاء وضيفوهم عليه وبدو يروحون الناس بعد العشاء
والرجال نفس الشي بدا الرقص بعد العشاء وبدت تخف الزحمه اكثر من قبل
بدت تفضى القاعه شوي شوي لين باقي ال عواد واهل ام عايد
ام عايد الي حست بتعب بس للحين ساكته وتعبت وهي ساكته ويوم ركبت السياره مع عزام نطقت:عزام ياوليدي مر المستشفى
امجاد الي شهقت:يمه وش فيك
ام عايد:مافيني شي بس احسني تعبت من اليوم باخذ لي مغذي
طبعا ام عايد كانت تخفي عنهم تعبها وصرفتها انها تعبت اليوم
رغد:يمه تكفين متاكده مافيك شي؟
ام عايد:اي مافيني بس باخذ مغذي انتم ارجعو الفندق
امجاد:لا والله اني معك
ام عايد:والفستان الي عليك؟
امجاد:يمه لفي علينا شوفي فصخنا الفستاين لابسين بجايم
ام عايد الي تطمنت:زين عشان تنامون بعد
رغد:يمه لا حنا معك
عند ساره وعايد بالفندق بعد ماوصلو وغيرو ملابسهم وساره شافت بشت عايد معلق عند فستانها وابتسمت وصورته
عايد:ساره يلا العشاء قبل يبرد
ساره:مابي مو مشتهيه
عايد:حتى انا مو مشتهي اجل
ساره ضحكت:خلاص انت ابدا عشان انا بعدك