انا فعيونك مواطن دولته صارت عييونك

Part31

بدو يتغطون عنه البنات الا رسيل الي صارت حلاله
دخل سعود الي بجبنه اخوان رسيل وسندها ابوها وبدو يسلمون عليها
مريم شافت سعود متوهق بلسلسال ونطقت:عطني افتحه
مد يده سعود لها وعطته وفكته وبدا يقرب يده لرقبة رسيل عشان يلبسها
رسيل الي توترت بزياده يوم هبت عليها ريحة عطر سعود وقرب سعود لها
بدا سعود يلبسها الحلق وانتقل للسواره ورسيل الي كانت بس تبتسم وترجف
جا دور الخواتم وبدت ترجف يد رسيل وقرب يده ليد رسيل وحطها على كف يده وبدا يلبسها
بعد مانتهى من لبس الخاتم قرب ليدها وباسها
بدت رسيل تطلع الخاتم وتحط بيد سعود على انغام اغنية
كان يامكان ليلة
من ليالي الف ليلة
قصة عن قلب عاشق
ذاب في عينن كحيله
حبها وهدا له رمز الغلا
حبه وشوقه وبتدت
يالسامعين حكاية
"الحب الجميا
وبدت تختلط الاصوات مابين مبروك ومابين الله يتتم لكم على خير
قربت الجده الهنوف مدت يدها بهديه لرسيل ونطقت:شفتك قبل كم يوم تساليني عن الذهب الي بيدي وقلت مايغلي عليك شي وانا بالدنيا ذي
نرجع لورا شوي
رسيل شافت الغوايش بيد الجده الهنوف ونطقت:الله جدددههه تجننن هذي من وين؟؟ بخلي ابوي يجيبها لي
الجده الهنوف نطقت بتصريفه لها:هذي من زمان عندي لكن اصليات عشان كذا لونهم للحين كذا وتلمع
رسيل:الله مره تجنن فوق ماهي تجنن اصليه! واوو صدق تمنيت تتذكرين مكانها عشان اجيب لي مثلك
الجده الهنوف:ماتوقع يابنيتي هنا فيه ولا بالرياض لانها قديمه
رسيل الي سكتت ومانطقت بشي
نرجع لملكة رسيل
رسيل قربت تحضن الجده بمدموع:الله يطول بعمرك لنا ووجودك بحياتنا وكونك جده لنا ذي لحالها هديه ومعوضتنا عن كل شي ولا مخليتنا انتي وابوي وابوي وعمامي وعماتي نحتاج لاحد بيوم غيرككم الله يطول باعماركم لنا يارب
العنود:اتفققق امي واخواني وزوجاتهم عن الف شخص
لمار:وحنا بعد
العنود:مايبي لهاا ذي
البنات الي كانو متفقين اذا طلعو الرياض يجهزون للعرس يسوون لها حفله بسيطه ويهدونها هداياهم لها
سعود لسعد الي كان بجبنه:ماودك تطلعون؟
سعد:تطردني واختي جنبك؟ خلاص كنسل الملكه
سعود بضحك:مو على كيفك شرعاً صارت لي يعني يلا دز برا
سعد:عناد لك خمس دقايق واطلعها من عندك اوريك
رسيل الي سمعت كلام سعد وتوترت ماتبي تجلس مع سعود هالمره لانه حلاله متعوده عليه جلسة سوالف وسهره مو جلسة شوفه شرعيه
طلعو البنات وبدو يغمزون لرسيل وذا الي خلها تتوتر اكثر
طلعو ومابقى غير سعود ورسيل
بعد صمت طويل قرب سعود اكثر لرسيل ومسك يدها ونطق سعود:ادري انك كنتي متضايقه مني يوم كنت اقول اني بتزوج بس والله ماكان ببالي الا انتي ولا افكر بغيرك وكلمت امي عنك وقالت لي اصبر شوي البنت صغيره وكنت مُصر كل مره اجلس معها افتح الموضوع ذا ويوم وافقت قالت بس ترجع ساره تكلم جدك وتصير الخطبه وعلى اساس ابوي يتكلم بالمجلس لكن ماقدرت يوم جدي قال الكلام عن الزواج ابوي ناضرني وهز راسه لي وانا قلت الي عندي وانتي الحين حلالي والله يارسيل ان ماتنزل دمعه منك بسبب زعل مني مابتنزل الدموع الا دموع الفرح وانا معك باحزانك قبل افراحك واحنا نعرف بعض من وحنا صغار يعني بنكبر مع بعض ان شاء والله وماني مقصر معك بشيء وعن البيت زي ماقلت لك من حنا صغار وحنا بالبيت ذا وبيكبرون فيه عيالنا لكن الارض الي ورا بيتنا الفاضيه جدي علمني انها له وعطاني اياها عشان ابني البيت وبإذن الله مو جاي الزواج الي وانا مخلصها والزواج انتي بتحددينه بس ها لاتطولينه ماودي اصبر اكثر من كذا
رسيل الي طول كلام سعود وهي مبتسمه وبكل مره تنصدم من كل كلمه اكثر من الي قبله بسبب كمية الحب الي ماتوقعتها بتكون من حبيب الطفوله وكانت مستحيه رسيل ولاحظ سعود:ادري انك مستحيه الحين ولا بتنطقين بولا كلمه لكن اهم شي انك سمعتي كلامي وياليت الليله فيها سهرة شاي وهالمره مقابل وجهك الحسن بدون تتغطين عني
رسيل استحت مره وقربت راسها لكتف سعود وحطته عليه ونطقت بعد صراع داخلي:ان شاء الله اذا مانمت سويت لك
سعود الي جا بيتكلم بس داهمه سعد:اطلع اخلص
سعود:يابني خلني اكملها على الاقل
سعود:اطلع بس ااطللع
قام سعود وقرب لرسيل وحضنها وطلع
سعد:يالخسيس ماتستحي على وجهك
سعود:ليه استحي؟ اختك يالخبل وزوجتي عادي
سعد:ابلشنا ذا درينا انها لك بس اطلع يلا
سعود ابتسم من كلمه "لك" ونطق بابتسامه:ها طلعت
بعد ماطلع سعود وراح يستقبل الرجال الي جو
عند البنات بعد ماطلع سعود دخلو على رسيل
ساره:وش صاررر علمينا
رسيل :يمه بنات توترررتتتت تخيلو ان طول الوقت جالس يسولف وانا ساااكته اول مره اسكت لدرجه ذي
مريم:ياحرام ماسمع صوتك ههههههه
رسيل : لا معليك سمع بس سمع ضحكي اكثر من سوالفي ههههههه
العنود:ليه وش صاررر
رسيل بدت تعلمهم كيف سعد طرده من عندها
ساره:ياحرام يااخوي حتى وانتي حلاله يطردونه من عندك
رغد:معليه معليه بيجي اليوم الي هو يطردهم من بيتهم
رسيل ضربتها:وجع بدينا يعني
امجاد:ليه اصلا حنا بنترك لحالنا؟؟ لااا
سلمى:واييي رسيل والله وملكتي اول وحده بيناا وحضنت رسيل ونطقت:مبروك حبيبتي وذي الهديه بسيطه مني
رسيل الي رجعت تحضنها:سلمى احبببك معرفتك لحالها هديه وكلفتي على نفسك بعدين
سلمى:ياروووحي مامن كلافه تستاهلين الاحسن والله
رسيل:ياحبيبتي
مسك:متحممسهه لصورررر
مريم:حتى انااا
رسيل:من الحين اقول ترا طول الوقت ارجف يعني الصور مو حلوه
رغد:لا لا معليك ان شاء الله حلو
جت ام حمد:يلا بنات ادخلو الحريم بدو يوصلون
رسيل: يمه يالبلشه الحين لازم ارسبن عندهم طول الوقتت؟؟؟؟
العنود:اكيد حياتي بس اصبري اطلعي فوق بالغرفه لين مايجي حريم واجد وتنزلين احلى
لينا:اي احس حلو نحط لها نفس الي حطيناها بوقت التلبسه بتطلع مررره تجننن
رغد:صح!!! الاغنيه توفقتي فيها مررره
رسيل:اشكرو لمار هي طلعتها لي
لمار:شرايكم بذوقييي
رغد:ذويقه والله
بدو البنات يستقبلون الضيوف تحت ورسيل فوق تعدل المكياج وشعرها
عند الرجال نفس الشي العيال يستقبلون الضيوف الا سعود هالمره مستريح
عند رسيل الي بتدت تعدل مكياجها وجتها امجاد:ها خلصتي
رسيل:يمدي اكنسل؟أحسني متوتره
امجاد:مايمديهاا يلا بس اقري اذكارك وانزليي
اما رسيل الي كانت بتقول اذكارها ونزلت بدون تقولها
نزلت امجاد عشان تعلم البنات يحطون اغنيه لنزلت رسيل وبدو يحطون الاغنيه ونزلت رسيل
الكل كان منبهر من طلتها رغم انها ملكتها بالبيت وكل شي سوته بنفسها الا انها غطت على الكل بجمالها ومعروفين بنات ال عواد بالجمال
ام سعد:هذي من حفايد عواد؟
ام رنيم:هذي هي الي ملكتها اليوم"اشرت على رسيل"وذولا الباقيات"كانو حفيدات عواد كلهم عند الدرج ينتضرون رسيل
ام سعد:زين علمتني اخطب لسعد وحده منهم
ام رنيم:وانتي مقتنعه ان عواد بيعطيهم سعد؟
ام سعد:وش فيه وليدي يازينه
ام رنيم:الزين بجهه وهو بجهه بس اقولك لاترفعين توقعاتك
ام سعد:غيرانه لكن اوريك ان ماسمعتي ملكة ولدي منهم ماكون ام سعد
ام رنيم:سوي الي تسوينه
تعريف بسيط
ام سعد:توها ناقله من ديرة كلهم يشوفونها شر لهم وماعندها غير سعد وابو سعد متوفي وهي حامل بسعد ومن كثر ماتحبه اثر عليها وفاة ابو سعد بشكل سلبي وسعد فاقد الاهتمام من وهو صغير من امه وكارها بسبب الحركات الي تسويها لحريم ديرتهم القديمه وكانت تعلمه يسوي زيها ولا تطرده من البيت وهو لازم يسوي الي تسويه لين صار شر زيها
ام رنيم:ماعندها غير رنيم ولين وزوجها طيب وزميل للجد عواد وعياله بالشغل والمحلات ومايجون عند ال عواد الا بالعزايم الكبيره
قامت ام رنيم تغير مكانها ماتبي تسمع كلام اكثر عن ام سعد الي ندمت انها تعرفت عليها
نزلت رسيل الي كانت مشاعرها بين توتر وسعاده وبين خوف
بدت تسلم على الحريم ويباركون لها
رسيل بعد ماخلصت جلست عند جدتها ونطقت جدتها:تحصنتي
رسيل الي شهقت:جده نسيت والله
ام حمد:انتي بتجنيني اليوم قومي قومي اقري اذكارك وقولي للبنات ياخذون غسال الحريم
رسيل:يايمه لا مابغا بس بقرا اذكاري
الجده الهنوف:حريم الديره وعارفتهم زيييين يابنيتي على اتفه الاشياء يعطونك عين ويحسدونك حنا مو ناقصين
رسيل:ابشري بروح الحين
العنود الي كانت طالعه لقسم الرجال بتعلم العيال انهم يجهزون السفر عشان على طول يتعشون ومايتاخر العشاء بس فجاءه استوقفها رجال يبكي بصمت ومتلثم وكان عند مدخل الحريم وتوقتعه حمد من الطول والجسم وراحت له ونطقت:بسم الله عليك وش فيك تبكي
سعد الي انصدم من الصوت وماقد سمعه رفع راسه وناضر العنود وعيونه مليانه دموع
العنود الي للحين مافرقت ونطقت:حمد حبيبي وش فيك فيه شي مضايقك؟
سعد الي انتبه لها وشافها ونطق بتأتأة:انا مو حمد
العنود شهقت ولفت وجها ونطقت:ميينن انت اجل وش جابك هناك عندنا
سعد الي وقف ومسح دموعه وكان صاد ونطق:الي انا بروح قبل احد يشوفنا ويفهم غلط
العنود تنرفزت:كيفك مو مهم وتوجهت تدور العيال وودها تعرف مين ذا الشخص لان ماقد شافته
انتبهت لعايد واستحت تناديه بس تذكرت لو مانادته بتجلس تنتضرهم وتطول ونطقت:عايد عايد تعال
عايد الي مدري من وين يجي الصوت واخر حل يلتفت لباب الي يفصل بين الرجال والحريم وانتبه ليد العنود الي تاشر
راح عايد:وش بغيتي
العنود:كنت بجهز السفر بس من اليوم اشوف الرجال طالعين جايين مايمدي اعطيك تظبطهم؟
عايد:اي والله كثار ماشاء الله لاتطلعون حطيهم عند الباب اروح انادي العيال ونجي
العنود:تمام ،دخلت تدور البنات يساعدونها يحطون الاغراض عند الباب ويجهزون سفرة الحريم
رغد:انقذتيني من الراديو ام خالد ماتسكت ماشاء الله عليها
مسك:حبيبتي ام خالد بالعه راديو صدق مستحيل تسكت عشان كذا مانجلس عندها دايم
رغد:حتى اناا بس نادتني
مسك:تخبرين تبيك لخويلد
رغد:ييععع وتدلعيييينه بعدد
مسك بضحك:اي وش دريك
رغد:انقلعي عني يع
لينا مدت صحون الفواكه:تهاوشو على الصحون وسوها يلا
ساره:ياحظ رسيل يارب اصير مثلها دايم مرتاحه
رغد الي سمعت دعوتها ونطقت:اميييييينننن ونشوف عيالك
ساره شهقت:وجععع عيالك قبل عيالي يارب
رغد:يوووه مطوله انا انتي مابتطولين
ساره:يع يع انطمي وسوي وانتي ساكته
بدو البنات يوزعون الاغراض وراحو يعلمون العيال عشان يدخلون صياني العشاء
حمد:فيه احد قدامي ولا ادخل
العنود:مين الي مو قدامك ؟؟ كلهم هناك البنات صبر
حمد:يلا سرعه قبل يبرد
راحت العنود تعلم البنات يطلعون بس علمت حمد وطلعت عشان عايد بيدخل معهم بعد
حطو الصياني ونادى حمد بصوت عالي شوي:خلصنا ادخلو
دخلت العنود وقالت:بس شيلو القصادير وانادي جدتي تناديهم يتعشون
امجاد:ياعمري العنود شايله هم
العنود:والله بنت اخوي وولد اخوي يعني مافيه مفر ابداً
امجاد:اجل انا اروح انادي عمتي انتم كملو
العنود:تتهربين والله ان داريه تعالي بس شيلي معنا اخر شي اخليك تنادينها
امجاد:قهر على بالي بتمشي عليكم
العنود:لا حبيبتي ماتمشي
خلصو البنات وراحت امجاد تعلم الجده الهنوف ان العشاء صار جاهز ونطقت الجده الهنوف:حياكم على العشاء بمناسبة ملكت حفايدي من بعض
دخلو الحريم يتعشون والبنات كانو بالمطبخ يسوون الشاي والاعشاب عشان يحطونها للحريم بعد العشاء
رغد:ياليل مافيه احد ينقذنا من الشاي هالمره
رسيل الي دخلت عليهم:الشاي لي خلوه انا اسويه
رغد:الخير على طاريه يجي يلا حبيبتي مابقول لا بسوي الشاي الاخضر انا وسلمى حلفت على البنات تسوي الاعشاب
بدو يسوون المشروبات وتاكدو ان الحريم كلهم خلصو عشاء وبدو يوزعونه عليهم
عند الرجال نفس الشي بعد ماقلطهم ابو حمد والجد عواد على العشا وخلصو عشا بدت فقرة الشاي
بدا يفضى البيت تدريجياً من الضيوف وبدت عادة ال عواد شبة النار بالحوش والسوالف مع بعض
الجد عواد الي نطق بنص سوالف حفايده وقام ياشر على الجدار الي بينه وبين رفيق عمره واخوه "ابو عايد" ذا الجدار بينهدم دام علاقتنا للحين كذا ولك الحمد وابو عايد ونعم الرجال ودامهم كل شوي عندنا ينفتحون البيتين على بعض افضل وابو عايد موافق باقي انتي ياام عايد وياالهنوف
ام عايد: والله ماعندي مانع انا شايفه الهنوف كانها وحده من اخواتي وزوجات عيالك بعد كانهم اخواتي ولا بمره قصرو علي بشيء
الهنوف:ولا انا عندي مانع بالعكس بيزيد البيت نور بزيادة بيت ام عايد مع بيتنا
الجد عواد استانس لحبهم لبعض:اجل بكره انادي العمال
البنات الي استانسون على ذا القرار لان منجد هم يعتبرون امجاد ورغد منهم وفيهم ومن كثر الحب الي بينهم كل من شافهم يحسبونهم بنات عم من كثر الشبه
ورجعت سوالفهم بضحك بعد القرار الي جا من الجد وانبسطو عليه
رسيل الي بردت وشافت انهم للحين مانامو وقرررت تقوم تسوي شاي عشان سعود بس قررت تسوي كميه كبيره لهم كلهم
وقفت رسيل ونطقت:بدخل داخل اجيب شي يدفيني
ساره:بلوفري جيبيه معك
رسيل:يلا عشاني داخله بجيبه