انا فعيونك مواطن دولته صارت عييونك

Part36

اللهم صل وسلم على نبينا محمد

تجمعو البنات وبدو يسولفون مع بعض
العنود:بكل مره اشوفكم مع بعض وتضحكون احمد ربي الف مره انكم بحياتي وانتم"اشرت على رنيم ولين ورنا وريناد ولانا ولنا وسلمى" حتتى انتم احبكم والله انكم سعاده ماتوقعت انكم بتسعدونا زي كذا
مريم:وش المشاعر الغريبه ذي
العنود:شسوي كاتمه مشاعر وواجده وذا الي قدرت اطلعه ههههههه
رغد:وش كاتمه علميني
العنود الي حست انها جايت العيد:لا لا ولا شي
رغد:بس اصبري عليك امسك مسكه تعلميني كل شي
ساره:نصيحه لاتعلمينها بتجلس تذلك
رغد ضربتها:خير متى ذليتك!
ساره:نسيينااا مين الي توضح قبل اني احب عايد
لينا شهقت:كنت تقولين لها وماتقولين لنا
ساره:خير خرعتيني على بالي قايله شي غير ذا! لا يعني انتم كنتم دارين
لينا:على اساس مو هي داريه يعني
رنيم شافت ساره متوهقه وغيرت السالفه ونطقت:صح بنات العرس ابوي علمنا عليه واحسني بفقدكم خير مابنروح الرياض غير قبل العرس بيومين
لنا الي كانت جنب لين:خير تعلقت فيكم مابغا ابيكم معنا حنا بعد العرس بنمشي الجنوب
لين:هااا! عيشو هنا خير
لانا:مو على كيفنا حبيبي بس انا احس ابوي مرره حاب الديره وتغيرت نظرتي لها مع اني كنت احبها بس حبيتها اكثر الحين
لنا:صح معليكم بحاول اقنعه نكون هنا ولا على الاقل نجيها من فتره لفتره
امجاد الي كانت تهوجس بعزام وخايفه انه يحب غيرها وهي تبيه ومره تسب نفسها كيف حبت ومره تستانس على الحب ذا ولا عرفت لنفسها
قامت امجاد متوجهه للمطبخ الي كان بجنب الصاله وسمعت عزام ينطق للجده الهنوف:يمه انا داري والله ان كبرت لكن وعدتك نرجع من الزواج اعلمك تخطبين البنت
الجده الهنوف:علمني طيب هي منا ولا لا
عزام:كل شي بوقته حلو وها ها حولينا
الجده الهنوف:توك تفتح الموضوع شكلهم من قرايب عايد
ذا اخر كلام سمعته امجاد ودخلت المطبخ مسرعه وبدا قلبها يدق بسرعه كيف كيف كذا ! كيف عزام بيخطب غيرها وهي تحبه
رنا الي كانت داخله المطبخ تبي تشرب مويا وانصدمت من شكل امجاد الي كانت متوتره ودموعها تنزل
رنا:امجاد فيك شي؟
امجاد الي ماكانت تسمعها وجالسه تفكر بكلام الجده الهنوف
رنا:امجاااد تسمعيني؟؟
امجاد مسحت دموعها:هلا هلا
رنا:وش فيك
امجاد قربت تحضنها:ياعمري مافيني شيء بس تذكرت موقف لي وانا وصغيره مع جدتي ودموعي نزلت
رنا :الله يرحمها امشي مع حبيبتي نرجع للبنات
امجاد:يلا بس بروح اجيب شي من الغرفه والحقك
راحت امجاد بتطلع الدرج لكن صكت بعزام الي كان نازل وكانت دموعها تنزل ويوم صدمت به حاولت ترفع وجهها بس من شافت الثوب خافت يكون مو عايد واحد من العيال وهي ماتحب تطلع عندهم لكن رفعت راسها وانصدمت من شافت عزام
عزام الي عرفها وكان ينتضرها ترفع راسها ويوم رفعته شافها تبكي:امجاد تبكين! وش فيك فيه شي صاير؟
امجاد الي ردت بكرهه:مافيني شي ابعد عني بعدته عن الدرج وركضت لغرفتها
عزام الي كان للحين تحت صدمة الموقف لكن نزل خاف يتاخر على العيال
امجاد بالغرفه:اخخ ليش حبيته ليش احب انا ليييش ليششش
نامت وهي تبكي والبنات مافقدوها يحسبونها عند امها
بعد ماجا الليل وروحو البنات وقامت ام عايد بتصلي الوتر:انا بقوم اوتر وانام لاتتاخرون بنومه بكره بنمشي
مريم شهقت:ااايش! نمشي متى مو على اساس بعد بكره؟
ام عايد:نسيت اعلمكم عزام عنده شغل بعد بكره ولازم يمشي بكره وجدكم قال كلنا معه بكره
رغد:ياربي مارتبت اغراضي رتبت نصهم ونصهم سحبت عليهم
ام عايد:قومي وصح وين امجاد؟ مو معكم ولا جت
ساره:ليه ماكانت عندك؟
ام عايد:لا ماشفتها من جو البنات
رنا:اي عمه هي قالت بتروح الغرفه وشكلها نعست ونامت
ام عايد:زين بروح اشوفها
رغد:بجي معك دقيقه عشان الدرج
ام عايد:لا لا خلك مع البنات عادي يمديني اطلع له
راحت ام عايد وتوجهت على الغرفه الي ينامون فيها دايم البنات وانتبهت لامجاد وقربت لها وشافت وجهها محمر وواضح انها كانت تبكي قربت راسها لها وحبتها على راسها"اخ يابنيتي ماصرت ادري وش فيك من كبرتي وانتي تكتمين علي كل الي تحسين فيه ولا اقدر اجبرك تتكلمين اخاف اضغط عليك واازعلك
قامت ام عايد بعد ماقرت على بنتها الاذكار وصلت الوتر وكانت تدعي التعب الي فيها يروح ولا يرافقها طول عمرها
عند العيال الي كانو مجتمعين على منامتهم ويسولفون
وعزام الي كان بحيره ووده يعرف وش صار على امجاد وليه تبكي
قام من منامه متوجهه للمطبخ على امل بيلقى امجاد ويسالها ليه تبكي لكن راح ورجع بدون حتى يلمحها
عند البنات الي طلعو وشافو امجاد نايمه وانصدمو بس نامو معها ورغد راحت تكمل اغراضها ويوم شافت اغراض امجاد على جنب بس مو بالشنطه رتبتهم ورجعت نامت
-صباح جديد صباح السفر للرياض-
امجاد الي كانت صاحيه من بدري وهي صحتهم :يلاا قومووو
لمار:امجاد اطلعي وقفلي الباب
امجاد:ماافيييه قووومووو يلا
ام حمد:زين قمتي صحيهم يلا بنمشي
امجاد:نممشي!!! ليييه
ام حمد:عزام عنده شغل بكره ونمشي معه كلنا احسن
امجاد:مارتبتتت اغراضي ياربي،قربت تحب راسه ام حمد ونطقت:تكفين ياخاله بروح اجهز اغراضي بس صحي وحده منهم تصحي الباقي
ام حمد:يلا حبيبتي لاتشيلن هم انا اصحيهم بس جهزي
نزلت بسرعه امجاد متوجهه لقسم بيتهم عشان تلم اغراضها بركض بس شافت شنطتها عند الباب ونطقت :وفوق ذا مجهزين شنطتي يارربي،سحبتها معها لغرفتها ويوم فتحتها شافت كل شي مرتب ونطقت:اح مين رتبهم مستحيل رغد!
قفلت الشنطه بعد مازادت كم شي ورجعتها مكانها وراحت بتسال رغد
ام حمد صحت ساره وصحت البنات ساره ونزلو يفطرون
مسك:وين امجاد
لمار:ذي ازعجتني والله لاوريها
ام حمد:راحت تجهز اغراضها ياعمري ماهي داريه بمشيتنا
امجاد الي دخلت:لقيت اغراضي مجهزه مين رتبهم؟
رغد:انا يوم شفتك نايمه رحمتك وسويتها
امجاد:غريبه منك بس ارتحتتتت كنت شايله هم والله
ساره:فيه لكم اغراضي عندي ماوسعت الشنطه شوفيهم فوق اذا فيه لهم مكان معك حطيهم
امجاد:اي اي يلا بطلع اشوفهم
راحت امجاد فوق مسرعه وانتبهت لغرفة الجده الهنوف مفتوحه وهي تحت! ودايم تكون مقفله اذا كانت الجده الهنوف تحت جاها فضول تشوف مين الي فيها وراحت شوي شوي بتشوف ولمحت عزام الي على سرير امه ويشوف صوره وهو صغير
عزام الي كان يسمع الخطوات وتجاهل لكن يوم رفع راسه لمح امجاد وقفل البوكس مسرع بيلحق يسالها
امجاد الي من شافته ناظرها اسرعت على غرفتهم ونست تقفل الباب
عزام الي وقف عند باب الغرفه ومادخل عشان امجاد ماتكون كاشفه وتنحنح ونطق عزام:امجاد ممكن سوال؟
امجاد:عزام مابي اسمع شي ممكن؟
عزام:بتسمعين
امجاد:عزام خلاص
عزام الي عاند ونطق:ليه امس كنتي تبكين
امجاد الي توترت من سؤاله:مايهمك مو مهم
عزام:يهمني! مين قال مايهمني
امجاد:ماشاء الله وليه يهمك
عزام:انتي حسبة اخت اكيد بسال
امجاد تنزفزت من كلمته:عزام مالك دخل ولا عاد تتدخل بشي يخصني فاهم!
عزام:امجاد لاتكلميني بالاسلوب ذا كان تقدرين تقولين لي باسلوب زين مو اسلوب كذا
امجاد:وماشاء الله مين انت عشان اكلمك باسلوب زين؟
عزام:امجاد ادري انك متنرفزه بس انتي جالسه تخليني حتى انا اتنرفز!!!!!
امجاد:عزام مايخصك قلت وبرجع اقولك مايخصك
عزام الي من قو مانرفزته امجاد دف الباب بيده:يخصني يخصني!!!
امجاد الي كانت بدون حجاب ونطقت بخوف:عزام اطلع اطلع
عزام الي كان صاد:ماجالس اشوووفك بس قولي لي وش فييييك وخلصيني
امجاد :عزام شي مايخصك لاتتدخل فيه متى تفهم؟
عزام:شلون مايخصني؟ شلون ياامجاد؟
امجاد:يعني مايهمك
عزام تنرفز:وميييين قال! يهمني الا يهمني
امجاد:وليه يهمك!
عزام الي نطق:لاان "كان بينطق احبك بس استوعب" لانك بنت عايد
امجاد:خلاص عزام اطلع قبل احد يشوفك هنا ويفهم غلط
عزام:خليهم يفهمون امجاد انا مابي اشوف دموعك تنزل واسالك عن السبب تقولين مايهمني! لييييه ليييه
امجاد:عزام جالس تعصبني اطلع اخلص مايخصك
عزام الي عصب:تمام تمام مايخصني "استدار وطلع"
امجاد الي خافت:ليه ليه كلمته بالاسلوب ذا بس يستاهل
رغد الي جت:مين الي يستاهل
امجاد الي خافت انها سمعت ونطقت:ذا الي بيدي"كانت ماسكه حلق" قطتعه بالغلط طفشني وانا اسويه عيا يسوي
رغد:وليه تتعبين نفسك ذا الي مثله ضايع اصلا
امجاد:خير وانا من اليوم احاول اسويه لو دريت رميته
رغد:خلصتي الاغراض؟
امجاد:اااااا لا
رغد:لييييه
امجاد:ابلتشلت بذا شسوي يعني
رغد:ياربي منك مافيه فايده منك قومي اخلصي بس يخلصون فطور بنمشي
امجاد:اف اف جالسين تختبرون صبري انتم!
العيال الي بدو يركبون الشنط بالسياره وهالمره تعبو صدق لان الاغراض مره كثيره
اما البنات كالعاده شي ينفقد بالوقت الغلط
مسك:يابنات انا كنت امس حاطه سلسالي هنا مالقيييته
لمار:طيب امشي اذا رجعنا ندوره مافيه مشكله
مسك:ماابي ياخي ااابيه الحين معي!
امجاد الي جت من وراها: وش تبين بعد
مسك:سلسالي كان هنا ومدري وين طاري
امجاد:اما سلسالك الي عليه شمس؟
مسك:ايي تكفين قولي انه معك
امجاد:اي اي على بالي حق ساره وحطيته بالشنطه اذا وصلنا هناك اعطيك الحين قفلت الشنطه
مسك:اشواا لا عادي اهم شي ماضاع ومعك
بدو يتجهزون ويركبون السيارات وكالعاده يوم يسافرون كل الديره تدري بسبب هواشهم على السيارات
ام عايد:على الهواش ذا كل واحد مع اهله بالسياره
ام سامر:حتى انا ودي كذا على الهواش ذا
ابو عايد:خلاص ولا كلمه انتم يالبنات روحو بالجمس حق ابو خالد دام اعطانا اياه نمشي به يكفيكم والعيال توزعو بالسيارات بالرياض بتكونون نشبه لبعض
رغد قربت تحب يده:احبببك بابا كفو
مسك:كلنا نحبك دام وقفت معناا
سامي:ومين يوديكم ماشاء الله
عايد الي كان راكب السياره الثانيه مو الجمس وماكان يمدي يغير السياره لان الجد عواد والجده الهنوف ركبو بالسياره ونطق:والله ودي بس شنسوي
سعود:اناا اوديهم اجل
ابو سامر:لا لا انت محد يقدر يعدل سرعتك غيري امش قدامي
سعود:اح وش السمعه ذي
عزام:اجل انا اوديهم
امجاد الي بداخلها قلدت كلامه"انا اوديهم" ياليل منه
سعد:لاتنسون بُشوتكم
ابو سيف:لا لا كلهن اخذناهن
سعد:زين
ركبو سياراتهم وانطلقو على الرياض
بالطريق بسيارة البنات
العنود:عزام متى فقرت الاغاني
عزام:مابي اغاني
ساره:مو على كيفك ذي عاده وغصب بتحط
رسيل:اي وش عندك ماتبي
عزام:ياليل على بالي اذا انخبطتو بتهجدون لكن ههههه الجنون تهجد وانتم لا
ساره:اعترف غيران اننا بنتزوج وانت لا؟
عزام:ياشينكم اغار عشان زواج؟ اخر همي
رسيل:اي وااضح بس بنحط ترا
عزام:حطو حطوو بس انا اول شي احط
العنود:ياليل منك ومن اغانيك
عزام:انتي اسكتي شوي
بدا عزام يدور الاغنيه الي يبيها وحطها ويوم جا البارت الي يبيه رفع الصوت على اخر شي
‎متى قلبك متى ممكن يصافح بالوله قلبي
‎متى هالبال يتطمن على احساسي وعلى حبي
‎ابي هذا الغلا مُعلن تعبت احب واخبي
ورجع قصر الصوت ورفع الصوت على ذا البارت
‎من اللي يحب فينا مين ومن اللي دايمٍ يشتاق
‎أنا أحبك أحبك لين تضيق بحبي الآفاق
العنود قربت يدها للمسجل وقصرت ونطقت:كلتراب ذا اول شي ثاني شي مين الي تقصدها
عزام:الله ياسوء الظن على طول مين الي تقصدها؟
العنود:اي علمني اخلص
البنات الي ورا كانو يسمعون نقاشهم ويضحكون الا امجاد الي كانت شايفه عزام ونظراته لها لكن تجاهلت ماتبي تجي عينها بعينه بعد اليوم حتى وهي تحسبه انه مايحبها
عزام:ماقصد احد جت براسي وحطيتها
ساره:وماشاء الله ترفع الاغنيه على البارت المطلوب ليكون جا براسك بعد
عزام:يمكن
العنود:انا اوريك بس خلنا نوصل
بدو البنات يحطون الاغاني الي يبونها
سيارة عايد الي كانت فيه الجده الهنوف والجد عواد وام عايد وابو عايد
عايد:يمه معك قهوه؟نعست بصحصح بها
ام عايد:اي اي اشوا جبت معي يلا ابشر
صبت ام عايد لعايد وبدت تقهوي الي بالسياره
اما بسيارة سعود الي كان فيها حمد،سيف،فيصل،هادي،سعد
فيصل:اشتقت لخالد ماتعودت اركب سياره بدونه
هادي:اشتغل عنده موال الشوق وش يفكنا منه الحين
فيصل:غيران عشاننا اخوان ونحب بعض صح؟
هادي:فيصل بالله انطم اكون بدون اخو احسن من اني اكون كذا
فيصل ضحك:اطقطق اكيد مو منجدي اتكلم كذا
سعد:شكله دايم يتكلم كذا غريبه مانصدمت
هادي:اوووه فاتك الي راح اسوء من الحين ترا
حمد:اجل اشوا فيه تطورات