ام عايد:جدتكم قالت لي اشوفكم بس ماشاء الله عليكم خلصتو
مسك:اي توي بقولهم اناديكم تنادونهم على العشاء
ام عايد:اذا على كذا يلا اروح اناديهم بس اطلعو انتو
امجاد:ماما طيب حنا بندخل داخل اذا تعشو وخلصو نادينا نتعشا
رغد:يع مو لايق ماما
لينا:على اساس ماتقولها من اول يعني
امجاد:انطمو وش قلتي ماما
ام عايد:خلاص ادخلو داخل بس لاتبعدون خلكم بالغرف القريبه عشان يوم اناديكم مالي حيل ادخل
امجاد:تم
قامو البنات دخلو داخل
عند الحريم
ام عايد راحت للجده الهنوف وقربت لاذنها:العشاء جهز قوميهم
الجده الهنوف:حياكم على العشاء جميعا
قامو الموجودين للعشاء ومابقا احد جالس لان العشاء كثير وبيكفيهم
عند البنات
مريم:الحين ودي يروحون بسرعه طفشتت ابغا البس بجامتي واتدفى واسمع سوالف جدي وامهاتناا
لينا:ولاتنسين نشبة العيال
مريم:ذولا كانهم انتم بكل مكان ناشبين لي
ساره:شف شف وش تقول!!!! اذا حنا نشبه انتي اجل وشو
مريم:عسل على قلوبكم
ساره:ييييييععع يااشيييننك اص اص
لمار بتسكيت مريم:اقول اسمعو اليوم خلونا نجتمع بقسم الرجال بالخيمه الي هناك تدفففيي وعشان نشب نار
العنود:الله تمممم مع شاي نعناع حق رسيل الله
رسيل:الله يالتكسير شلون بسوي لكم شاي يكفيكم كلكم ماشاء الله!
العنود:سوي ٣ دفايات شاي ويكفي معليك
رسيل:اجل بسخن المويا الحين عشان يوم ارجع اسخنها شوي تسخن بسرعه
العنود قامت ونطقت لرسيل:جيبي يدك معي الحين نجهز عشان يبقى المويا لاروحو
رسيل قامت:تم يلا
مسك:الله يالسحبه
رسيل:من الان اي وحده تتكلم بخليها ماتشرب تقليل يعني عشان يكفي الشاي
لينا:ياليل عاد انقلعي انقلعي بس سوي لنا
رسيل:انقلع؟؟ اوريك شوي
طلعو العنود ورسيل للمطبخ وبدو يسخنون الماء
العنود خافت تتكلم عشان بس ماتحسب ان رسيل فهمتها غلط بس نطقت:رسيل تحبين سعود؟
رسيل الي انصدمت من سوال العنود:وش احبه؟ وش ذا السوال نودي "دلع العنود"
العنود:رسيل حبيبتي تخبين علي؟ اذا صدق تحبينه علميني ماراح اسوي لك شي والله
رسيل:العنود مدري
العنود:تدرين هو قالي اكلمك والله انه يحبك وانا عمته واعرف يحبك وووااجد لكن قدامك يستغبي مايبي يعلمك
رسيل الي توترت اكثر من العنود وكلامها:العنود اذا يحبني ليه يسوي كل ذا لي؟
العنود:وش سوا علميني
رسيل بدت تنزل دموعها:فيه مره قال لي انا بخطب وحده؟؟؟ واليوم كلامه مايوجع؟؟؟ يوم يقول بجي اكحل عيوني؟
العنود قربت تمسح دموعها:الخطبه كذاب علمني اذا انتي تبينه بيخطبك انتي
رسيل:بس ليه كذاا نودي تعبت انا والله تعبت بكل مره يثبت لي عكس كلامه!
العنود:ياحبيبتي انتي امسحي دموعك قبل احد يجي ويشوفها وسعود قليل الادب ذا انا اوريه بس ترا هو كذا حبه مو بالرومانسيه والاشياء ذي لااا
رسيل:مدري العنود مدري حيرني معك
العنود:افهم من كلامك انك تحبينه؟
رسيل اشرت على دموعها:وذي اصلا دموع احد تبكي على واحد ماتحبه؟؟
العنود قربت تحضنها:والله يحبك وقريب مرره بيخبطك وبتكونين اول عروسه من حفايد ال عواد
رسيل:يمه لا خير اص
العنود:مافيها اص ذي لو جا الزوج تزوجتي بس تعالي نكمل
رسيل:وجع طيب يلا بحط السكر والشاي عشان نروح نتعشا
العنود:العشااء!!! نسييييت الحين رايحين يتعشون وخلصو بعد
رسيل:كلنا جوعانين امشي بس اهم شي المويا سخنت نكمل الباقي بعدين
العنود:تم يلا
رسيل:نودي شوفي واضح اني بكيت؟
العنود:لا لا مو واضح
رسيل:والله
العنود:ماتصدقيني يعني؟؟
رسيل:امشي بس قدامي
العنود:مافيه احتررااام للعمه قلة ادب
رسيل:يلا بس الاكل مافيه احترام
العنود:صدقتي
راحو البنات صالة الاكل وشافو البنات ياكلون
العنود:ياسلام والله اني داريه انكم بتسحبون علينا وتاكلون
رغد:طولتو حشا مو شاي
العنود:رسيل احرمي رغد بعد
رسيل:معليك حتى انتي معهم منحرمه
امجاد بضحك:يمه رسيل ضحكتتت
العنود:خيييررر رسيللل!!! ترا والله افضح فيك
رسيل:شكلك تبيني احرمك حتى العشاء بس هالمره ماتشوفينه مره ثانيه
العنود:ها؟؟؟
لينا:يعني بتذبحك ياهطف
العنود:والله انكم قليلة ادب اوريك انتي وياها اعلم اخواني عليكم
ساره:تكفون اتركو الهواش وتعالو كولو
مسك:مشافيح كاننا المغرب ماكلنا
ساره:حبيبتي على الشغل زين ماتهضمت انا بعد
مريم:ااايششش؟؟؟ شغللل؟؟ ميييين اشتغل؟؟؟؟ انتي؟؟؟
ساره:وجع اكلتيني بقشوري اي انا
مريم:وماشاء الله وش شغلتك ذي؟
ساره:اراقبكم
مريم بضحك:ساره كولي كولي بس
عند العيال
سيف شاف الرجال بدو يمشون:الله يااعيال جانا الفرج
عزام:اقول اسمعو شرايكم نروح نرتب المجلس الثاني دام مافيه احد؟ عشان نرتاح لو روحو ونجلس مع الاهل
سامر:تم بس قسمنا
عزام:لا لا مع بعضنا عشان نخلص ونرجع بسرعه ومانطول
عايد شافهم مجتمعين نادى حمدان يجلس عندهم
سيف:حمدان نستاذنك بس والله بنروح نشوف القسم الي هناك ونرجع لك
حمدان:افاا تستاذنون مني ياعيال؟ روحو حسبة اخوكم معليكم
قامو العيال
سامي:عايد الكلب اوريه فشلنا معه
عزام: انتم لو تتركون الحلطمه خلصتو ورجعنا
سعد:اشوا نظيف مايحتاج له ذاك الشغل
بدو تنظيف على السريع ورجعو عند حمدان وعايد وجلسو يسولفون مع بعض
حمدان يوم شاف مابقا الا كم رجال والباقي مشو استحى واستاذنهم انه بيروح
الجد عواد:عاد ها ياحمدان مو اول مره واخر مره لنا جمعات مع بعض ان شاء الله
حمدان:افا عليك ياعمي ودام عايد الحين بيكون صديق الشغل يعني معكم دايم باذن الله
الجد عواد:ان شاء الله والله معك
يوم طلع حمدان مشو باقي الرجال ومابقى احد وكذالك عند الحريم
دخل الجد عواد عند قسم الحريم شافهم يرتبون عشان يرتاحون
العنود:هلاا يبه اشتقت لللك
الجد عواد:تشتاق لك العافيه يابنيتي وين امك والحريم
العنود:امي جالسه هناك والحريم يساعدونا بالترتيب عيو يجلسون
الجد عواد:زين تخلصون شغلكم بدري وقولي لهم اذا خلصو يجون هناك عندنا
العنود:يبه عادي اطلبك طلب؟
الجد عواد:ابشري وش بغيتي
العنود:بنجلس بالخيمه نفسي نجلس فيها مع بعض والدكه برد علينا
الجده عواد:ذا طلبك؟ ابشري على هالخشم خلصو وتعالو تلقوننا جالسين فيه
العنود حبته على راسه:احببببك
راحت العنود تعلم البنات عشان يخلصون
بعد وقت عند لمار:انهلكتتت
رسيل:يلا معليه الحين جمعه تنسينااا تعب ذا
ساره جتهم بعد مالبست لبس مريح وخلت شعرها المفير زي ماهو ومسحت مكياجها
لينا:الله شفتك صدققق احتجت البجامه بلبسها واجيكم
رسيل:كلنا معك حبيبتي
قامو البنات بدلو ملابسهم ورسيل راحت تكمل الشاي عشان تاخذه
مسك:بنات الهدايا؟
ساره:صح خوذوها بعد
مسك:وحقت العيال طيب
ساره:عادي كل وحده تاخذ معها وبعدين نشوف حقات مين هناك
مسك:تمم
راحو الكبار للقسم قبل البنات لانهم خلصو بدري
مريم:ياربي عجزانه البس حجابي ياحظك يالعنود
العنود:من كثر ماحسدتوني صرت معكم عشان عايد
رغد بضحك:تبيني اطرده لعيونك؟
العنود:اطرديييه
امجاد:اقول اطردك انتي وياها خير الا عايد
ساره كانت بتقول كفو بس خافت يعرفون وقالت:اقول يلا بروح لاتتاخرون
رغد:بنجي معك
وصلو الخيمه وكان بنص المجلس الجد عواد وحوليه عياله وبعدها العيال ويالقسم الثاني الي مقابل العيال الحريم والبنات
الجد عواد:الحمدلله الي جمعنا هالجمعه
ابو سيف:الحمدلله على خير
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
