انا فعيونك مواطن دولته صارت عييونك

Part46

بعد ماوصل سعد وشاف حمد واقف:مافيك الا العافيه وش فيك
حمد:سعد لازم ترضي بالي كاتبه ربي لامك وتصبر
سعد:حمد وش فيها امي؟ وش صاير لها تكلم بسرعه
حمد:انا شفت امك بالطريق واضح احد صادمها ويوم جبتها المستشفى قالو لي انها انشلت
سعد تذكر اسلوبه مع امه:امي؟ متاكد حمد؟ تكفى لاتقول اي تكفى
حمد:مايصير سعد تقول كذا ادخل شفها الحين مافيها الا العافيه الحمدلله لكن الحين حط عينك عليها وانا عارف امك زين لكن يمكن ربي ابتلاها عشان يكفر ذنوبها وارضى بالي ربي كاتبه
سعد الي اتفق مع كلام حمد ومسح على وجهه:زين بدخل اشوفها الحين وانت امش تعبتك معي
حمد:يالولد لاتقول كذا هذي امي الثاني وعادي بجلس معك لين نشوف الوضع
دخل سعد على امه الي كانت الاجهزه عليها من كل جهه وبدت دموعه تنزل من المنظر الي شافه:يمه تكفين اصحي والله لاسوي كل شي تبينه بس قومي الحين
ام سعد الي كانت تسمعه ومسكت يده وضغطت عليه ونطق سعد للدكتور: امي حركت يدها
الدكتور بصوت عالي ندو على المساعدات الي معه وطلعو سعد وبدو يكملون اجراءتهم على ام سعد الي صحصحت وصارت تنادي باسم سعد ودخل سعد وقرب حضنها:يمه تكفين سامحيني سامحيني على كل شي سويته لك وزعلتك
ام سعد بصوت شبهه تعبان:مسامحتك يوليدي مسامحتك
وقف سعد:والله اني اسف على كل شي سويته والحين ندمان لكن اوعدك من تطلعين من هنا اني اعيشك احسن من قبل
ابتسمت ام سعد وجاء الدكتور كلم سعد انه بس بتجلس عندهم اليوم وبكره يطلعونها لان اوضاعها استقرت
سعد الي طلع لحمد:الله يعطيك العافيه ابشرك امي قامت وبتطلع بكره انت ارتاح وتعال بكره لو ودك
حمد:زين واذا صار شي اتصل علي
سعد:على خشمي
طلع حمد راكب السياره ومتجهه للبيت الي تاخر الوقت وجت الساعه 1 باليل ودخل البيت شافهم بالحوش مجتمعين سلم عليهم وجلس بينهم
الجد عواد:انت وين اختفيت
حمد الي علمهم السالفه كلها وشهقت رغد وامجاد:ياعمريي الله يشفيها وكيفها الحين
العنود الي انصدمت:سامحتوها؟
امجاد علمتها بالي صار:وانتي بعد سامحيها لاتشيلين بخاطرك عليها
العنود:مسامحتها والله ماني شايله بخاطري عليها
الجده الهنوف:زين اجل بكره من تطلع نروح نزورها كلنا مع بعض ان شاء الله
الكل:ان شاء الله
بعد ماجلسو مع بعض توزعو كل واحد على سريره ونامو وانتهت اليله بخير وسعاده
فجر اليوم الثاني
ام سيف عند البنات تقوموهم الا رسيل وساره الي كانو مع ازواجهم ونايمين بغرفهم
العنود:الله يعجل سعيد الحظ الي يجي ويخليني انام زي رسييل وساره بدون احد يصحيني
ضحكت ام سيف:قومي الله يهديك وصلي وبعدين اختاري سعيد الحظ الي يخطبك
قامو البنات ونزلو يجهزون الفطور مع بعض وبدو يوزعونه على السُفر وجلسو تجمعو على الاكل
ام عبد الرحمن:متى نزور ام سعد؟
الجده الهنوف:من العصر لين اليل الي يمشي يرجع البيت بكيفه لكن بعد المغرب لكن نعاونها ماعندها احد
ام حمد:اي بالله محد جايها الحين لكن الله يعين ويحنن قلوب اهل الديره عليها عشان يعاونونها
الجده الهنوف غيرت الموضوع:مين منكم خلص اغراض العرس كامله؟
العنود:اكيد بنتك يمه وذولا للحين ناقصهم كم شيء بينزلون الليله للمحلات ويشوفون الي ناقصهم
الجده الهنوف:زين وشرايك تبيتين عندها؟ ادري انك اخذتي موقف منها لكن ماتدرين الاجر الي بيجيك لو عاونتيها بالايام ذي
العنود بتردد:يمه بس سعد بالبيت؟
الجده الهنوف:انا اكلم امه انه تعلم ومايجي يدخل الا يوم تطلعين ومعليك انا معك بجلس عندها لكن باليل مقدر عشان ابوك والعيال
العنود الي ماترفض لامها طلب:ابشري يمه بشوف
البنات الي انصدمو من العنود ماتوقعوها بتقول اي ابدً لكن رجعو ياكلون وبيشوفون السبب بعد الفطور
وقفت ساره:ياجده انا بمر ام سعد معكم لكن اسلم واطلع بمشي مع عايد للرياض اجيب كم شيء ناقصني
الجده الهنوف:الي تبين لكن اهم شي تسلمون عليها
البنات توزعو الي يرتب والي بالغرفه مايسوون شيء لكن مجتمعين يسولفون
غلا:العنود غريبه وافقتي بعد موقفها ذاك
العنود:اف يابنات قسم رحمتها مرره وعشان امي بعد وافقت
فايزه:معليك اجر وحنا كل يوم مسنترين عندك
العنود:اذا على كذا موافقه ههههههه بس قومو الحين طلعو وش بتبلسون اذا رحنا
طلعو البنات لهم لبس خفيف لكن كشخه ونزلو يتقههون مع امهاتهم
عند رسيل وسعود
سعود:ياام غنى فيه ثياب مكويه؟
رسيل:ماشاء الله ومختار الاسم بعد؟؟؟ لا مافيه
ضحك سعود:كيف بس عجبك ولا لا
رسيل:يعني الصدق ايه
سعود ابتسم:يلا عطيني الثياب بروح اكويهم
رسيل:خساره لو دريت انك بتكويهم بالكواي وانا حامل حملت من زمان
ضحك سعود:طلع معذبك الكوي يعني
رسيل:مررره
طلع سعود الي بيدينه الثياب يوديهم الكواي وقابل عايد:ياهلا والله على وين
عايد:ابد بروح اشيك على السياره بمشي الليله للرياض
سعود:مو امس مشيت لها؟ناقصك شيء؟
عايد:لا والله بس سارونه تبينها وقلت اوديها انا
سعود:يعني اختك ممشيه كلامها ععلليك
عايد ابتسم:ومايصير الا الي تبي
سعود:اجل اسمعني بعلمك بس هاا الا ساره لاتدري عشان رسيل بتعلمهم ببعد بكره ان شاء الله
عايد:عسى ماشر
سعود:لا مو شر بس ابشرك بصير اب
عايد:الف مبرررووك
سعود:الله يبارك لك والعقبال لك وغمز عايد
عايد:ان شاء الله نقول يارب
تفرقو كل واحد وشغله والعيال راحو للعزبه يشيكون على الحلال ونصهم بالمحلات
صالح:ماشاء الله المحل كل ماجيته يكون افضل من قبل والله صدق المحل باايادي فنانه
طلعو متجهين البيت يوم قرب صلاة العصر عشلن يتغدون
عند عايد وساره الي علمته انهم بيروحون لام سعد
عايد:حلو اجل يوم تمشين من هنا بشغل السياره واكون عند بابهم وانتي سلمي واطلعي عشان يمدي نرجع الليل ونشبع نوم لين بكره
ساره:تمام
بعد ماتغدو نطق ابو سيف:يلا ياعيالي افرشو الفرش الحمراء الحين باليل مايمديكم
سعد حط يده على راسه:اصعب مهمه واكره مهمه
سعود:انشهد لكن الصدق اشتقت قومو الحين نخلص
بدو العيال يفرشون الحوش كامل بالفرش الي لونهم احمر ونفس الشيء بحوش الرجال
ابو حمد:انا بطلع اجيب عمال للاضاءه واجي
عند الحريم الي كانو يتجهزون لزيارة ام سعد وقربو يخلصون ويوم طلعو شافو الحوش
مريم:وناااسه الليله قهوتنا هنا دامهم سووها بدري
العنود:يعني كانك تقهريني
مريم ضحكت:معليك هي الليله بس وبكره عندنا
العنود:ان شاء الله بس يلا مشينا
العيال الي كانو راجعين من صلاة العصر وجلسو يكملون شغلهم ومحد كان بالبيت
عايد الي شغل السياره ورجع لساره واخذها ومشو للرياض
عايد:جهزي ان شاء الله بعد العرس بنسافر سويسرا
ساره:على طول؟؟
عايد:بالصبح ان شاء الله
نرجع لورا شوي
الجد عواد:الملكه الحين والعرس متى تبون
ابو خالد:والله ودي كلهم مع بعض عشان اشغالنا بالجنوب
ابو حمد:مافيه مشكله عندي
ابو عايد:حتى انا كذا احسن والله بس شوفو العيال قبل
عزام الي دخل وسلم ونطق الجد عواد:الله جابك شرايك نخلي العرس والملكه مع بعض؟
عزام بتررد:انتم موافقين؟
الكل:اي
عزام:خلاص اجل نفس ماتبون
واتفقو ان العرس يكون مع الملكه اريح لهم واحسن لهم
نرحع للواقع
ساره:زين علمتني عشان اجيب الي ناقصني من الرياض
عايد:بنزل معك حتى انا اشوف كم غرض ناقصني
وصلو الرياض وتوجهو للمول اخذو اغراضهم كلها ووقفو عند محل رجالي ونسائي
ساره:عايد شرايك انا انسق لك لبس للسفر وانت تنسق لي؟
عايد:كانها عجبتني يلا
كل واحد نسق للثاني وتنسيق ساره لعايد كان شورت باللون الاسود وتيشرت باللون الاصفر وتنسيق عايد لساره كان فستان طويل باللون الاصفر الهادي
ساره:والله وطلعت ذويق عجبني الفستان
عايد:شرايك فيني
ساره: كفو والله
عايد:يلا مشينا نتعشا ونرجع لنجد
توجههو للمطعم وتعشو ورجعو لنجد
اما عند بيت الجد عواد العصر بعد مازارو ام سعد وجلسو عندهم بدون يسولفون عليها ونسو كل شيء سيء سوته لهم
ام سعد:تكفون سامحوني والله العظيم خايفه يجي يوم واحد منكم شايل بخاطركم علي
الجده الهنوف:اعوذ بالله لا وين محد شايل بخاطره عليك وكلنا مسامحينك وها تراني عازمتك لعرس العيال بكره
ام سعد:على وضعي ذا والله ماضنتي
العنود:لا ياعمه وين انا معك بنام عندك الليله وبكره اجهزك وتروحين معي مايصير الفرح بدونك
ام سعد ابتسمت:لا ياقلبي روحي انتي عشان عرس اخوك وبنت اخوك وانا عندي سعد
العنود:لا والله عندك اعاونك
ام سعد:اذا تبين رضاي امشي الليله وبكره وبعد بكره كيفك عاد
العنود:خلاص بس ها اجيك بكره وتروحين معي
ام سعد:ان شاء الله
العنود الي من شافت ام سعد بالحاله ذي حبتها وكثيير وصار عندها مقام للعنود وصارت تحترمها وكل اهل العنود حبو فكرة ان العنود حابتها وبعد مارجعو قبل صلاة العشاء نطقت العنود:يمه انتم روحو وانا عندها اذا جا سعد اجيكم
الجده الهنوف:زين
بعد ماراحو جت العنود جنب ام سعد وبدت تسولف لها عن ماضيها وان كيف تاثرت بعد موت زوجها الي تحبه
العنود الي حزنت:الله يرحمه وربي عوضك باغلى ضنا على قولتك سعد الله يبلغك فيه وتشوفين عياله واحفاده
ام سعد:ياررب ياررب
العنود:انا بقوم اسوي لك شوربه تاكلينها عشان امشي دام سعد اتصل عليك ويقول بيجي
ام سعد:يلا تمام
دخلت العنود تسوي الشوربه ومتجاهله نظارات سعد لها الي كانت من شباك حوشهم الي مقابل للباب والتفت:لا ياسعد حرام حرام تشوفها قبل تصير حلالك
صد ودخل تنحنح وام سعد نطقت:لاتدخل ياولدي العنود للحين فيه رح للمجلس
سعد:طيب بس الاغراض هذي هي عند الباب الي قلتي اجيبهم
العنود الي كانت تسمع النقاش وبعد مانتهو سعد من كلامه اتجهت تاخذ الاغراض وتوزعهم بمكانهم وبعدها انتهت من الشوربه وحطت صحن لام سعد وصحن لسعد وحطته عند باب المدخل ودخلت عند ام سعد:عمه حطيت لسعد صحن تبيني ادق عليه من جوالك تكلمينه؟
ام سعد:اي بالله
سعد الي من شاف الجوال رد:هلا يمه
العنود التفت تبي ام سعد تتكلم لكن ام سعد حطت الملعقه بفمها ونطقت العنود:ااء فيه صينية فيها شوربه سويتها لامك وحطيت لك
سعد الي ماتوقع ان العنود هي بتكلمه ورد:الله يعطيك العافيه وامي اذا جالسه تاكل خليها واطلعي انا عندها
العنود:لا بجلس عندها لين تاكل وامشي
العنود الي من التوتر قفلت بوجه سعد وسعد توقع لان عارفه انها بتقفل بوجهه
اما بالبيت كانو يجهزون مابين قسم الرجال والحريم وقسم الحريم الي كان مزين بطاولات وكوشه للعروس والرجال بعد مزيني الحوش وبدت اجواء العروس عندهم
رغد:امجاد وش شعورك وزاوجك بكره
امجاد:يمه خاايفه بنات متوتررره تخيلو بكره اشوف عزام اول مره وعرسنا بنفس الوقت!!!
ضحكت منيره:ياعمري لكن وربي افضللل شيء سويتو عرس وملكه وانتم مقتنعين
امجاد:اي اكيد حلو بس يوترر بالله نادو لي لينا تشاركني التوتر ذا
رغد:اقول نامي بس بكره من بدري بتروحين معي الكوفيره
امجاد :على ذا التوتر ماضنتي لكن بحاول
لينا الي كانت تحت عند امها تتقهوى وشافتها خديجه:ييوه يالينا يابرودك مجوده فوق شوي وتموت من التوتر وانتي تتقهوين
لينا:مين قال اني ماني متوتره؟ وربي ميييته خوف وتوترررر بس لازم اقلعه عشان انام
خديجه:اذا مانمتي من التوتر مابتنامين من القهوه
ضحكت لينا:لا معليك ادعي لي انامم
ساره الي دخلت عليهم:هااي اشتقتو؟ اعترفو بسرعه
العنود الي دخلت وراها:توي ادري انك مو موجوده اصلا
ساره:احححح يالعنود متاكده؟؟
لينا:تقولك العنود بدون عمه يعني تراني زعلت
ساره بضحك:اايييي اقول بس كذوب واضح اشتقتي
العنود:تقريبا لا
ساره:وجع انطمي بروح لامجاد ورغد اشوفهم
طلعت ساره لهم وشافت امجاد على وشك النوم وطلعت لان ماصدقت امجاد تنام من التوتر
رغد:دخلتي على امجاد!!
ساره:اي شفتها بتنام طلعت
رغد:اشوا قسم بالغصب خليتها تنام كانها بزرر
ساره:ياعمري اقول بس جبت اغراضكم الي قلتوها لي
رغد:كفو عليييك
ساره:كفوك الا خلصو الاحواش؟
رغد:مدري والله تعالي نشوف مع بعض
عند العيال الي من دخل عايد نطق سعود:ياااحظك ياحظك
عايد:ياحظي بوشو بكره دوري اكرف ناسي ان عرس اختي
سعود:بكل الحالتين ببناكل تراب
عايد ضحك:يلا دامكم تعبانين بجيب العشاء واجيكم
راح عايد لاقرب مطعم واخذ لهم رز ودجاج وللحريم
ام هادي:البيت كذا صار جاهز من وإلى ناقص الحلويات
ساره:اي الحلويات جبتها بالسياره بخلي عايد ينزلها عشان نحطها بالثلاجه
ساره اتصلت على عايد:عايد الحلويات نزلهم الحين
عايد:يلا بس جبت معي عشاء تعشو وانزلهم
ساره:لا تكفى عايد نزلهم قبل يميعون
عايد:ابشري اعتبروهم جوك
قفللت ساره من عنده واتجهت عند الباب عشان تاخذ منه الحلويات وبعد ماعطاها الحلويات عطاها العشاء:يلا تعشو ونامو لاتتاخرون
ساره:تمام
دخلت ساره وتناديهم بصوت عالي:الي يبي عشاء يجي عايد جاب من المطعم
تجمعو كلهم على العشاء وبدو يتعشون مع بعض
همس الي كل يوم تصير احسن من قبل باسلوبها مع البنات ونطقت:بنات حجزتو كوفيره صح؟
مريم:اي حجزنا بكره نروح لها الظهر عشان يمديها تخلصنا قبل المغرب
همس:زين
ام عبد الرحمن:غلا وين بنتك
غلا:نامت فوق
ام عبد الرحمن:تحطين لي حنا؟
غلا:ابشري وانتم تبون بعد؟
ام سيف:اذا ماعليك امر اي عشتي
غلا:ابشرو بعد العشاء اجهزه واحطه
بعد العشاء قامو وتوزعو كل واحد على فراشه ينام الا غلا الي بدت تحني يدين الكبار
ام حمد:يارب نخدمك بالافراح
غلا:امينن وانتم حاضرين يارب
بعد مانتهت غلا والكل نام بدون استشناء حتى العروسات والعريسين واذن الفجر وهالمره تاخرو والكل صحى 9 عشان يكون مصحصحين لليل
العنود الي بدت تصحيهم
امجاد:اخخ ماحسيت بنفسي لو ماصحيتوني الحين ماصحيت
من الحماس كلهم قامو وماتعبو العنود وبدو يجهزو اغراضهم
ام محمد:جهزت الفطور قبل تطلعو برا البيت افطرو واطلعو
البنات تجمعو وبدو ياكلون اكل ام محمد الي كان جنوبي ونصه من اكلهم الي ياكلونه دايم
مريم:يعطيك العافيه لذييييذذ
ساره وقفت:يلاا مشينا بنات؟
الكل وقف:اي شبعنا الحمدلله
توزعو بثلاث سيارات سيارة حمد،سعود،خالد ووصلو للصالون الي متفقين معهم وبدو يتجهزون البنات
اما عند الحريم بالبيت دخلت ام رنيم:وين البنيات ولا راحو الصالون
ام محمد:اي بالله توهم طالعين ليه بناتك مو معهم؟
ام رنيم:الا بالله تو ابوهم نزلني وبيوديهم
ام محمد:زين يتجهزن مع بعض
ام رنيم:فيه شي ناقص؟
ام محمد:لا بالله للحين كل شيء كامل حتى الحوش الخارجي باقي حنا نتجهز اذا اذن المغرب نبدا
جلست عندهم ام رنيم وبدو بالسوالف كالعاده
عند العيال
سعود:ياعيال مشينا نجيب الذبايح بسرعه
عايد:كم ذبيحه نجيب
سعود:جدي قال لي 4 ذبايح وقعود
عايد:خلونا نزود قعود لان الديره كلها انعزمت
سعود:خلاص عادي بس قل لجدي والحقني انت والعيال للعزبه
طلع عايد وكلم الجد عواد وووافق وركب السياره مع هادي وعبد الرحمن وسامر وسيف يلحقون سعود
عند البنات بالصالون
رنيم ولين الي دخلو:وحشتتووونييييي
مريم:هلا والله ادخلي يلا ابدي معنا
رنيم ناضرت الهير ستايل كلهم ماسكين البنات ونطقت:انا ببدا بالمكياج بعدها بالشعر
لين:وانا معك
عند امجاد الي كانت متوتره وجالسه على جوالها وجتها رساله من عزام مكتوب فيها:والله وجاء اليوم الي بشوفك فيه عروستي وحلالي❤️
امجاد الي انرسمت على وجهها الابتسامه وردت:الحمدلله
عزام:بس كذا الحمدلله؟
امجاد:كل شيء بوقته حلو
عزام برد على الاغنيه:ياحلووو
ابتسمت امجاد لين بدت تبان غمازتها وقفلت الجوال وبدت تناضر نفسها بالمرايا
اما عند لينا الي كانت خايفه لكن مستعده للحياه ذي
ببيت ال عواد
ابو سيف:يوليدي سامي تجيب لنا بشوتنا من المحل
وقف سامي:ابشري شوي وهي عندك اعتبرها واصله
ابو سيف:الله يسعدك
طلع سامي بالسياره متوجهه للمحل واخذ البشوت ورجع بسرعه للبيت عشان يبدا تجهيز
سلمى الي دخلت عند الجده الهنوف وزوجات عيالها ونطقت:البنات للحين ماجو!!!
ام عبد الرحمن وبيدها سما:لا بالله اتصلت غلى غلا تقولي تونا نبدا بالمكياج ويجون
سلمى:يويلي احس الوقت تاخر وانتم قومو تجهزو عشان عقد قرانهم
ام سيف:اي بالله نسييييييت يلا يلا قومو نبدا الحين
سلمى:عطيني سمو العبها معي لين تخلصين
اخذت سلمى سما وبدت تلعبها
عند العيال بالعزبه نطق سيف:ياليل كيف امسك القعود بدون يبطحني
عايد:ذا الموضوع خالصين منه عشان كذا العامل هو بيطلعه لنا
تقدم العامل وبدا يعبي السيارات بالقعود والخرفان ومتوجيهن للمصلخ يخلصونه بسرعه
عايد:العشاء الساعه 11 لا يتاخر
العامل:ان شاء الله
طلعو العيال وهم متطمنين لان العامل دايم يسوي لهم العشاء بوقت المناسبات
عند البنات الي بدو يخلصون ونطقت امجاد:بنات المكياج حلو؟
رنيم:واو!مااشاء الله يييمووووتت!!!
امجاد:والله؟
رغد:اي قسم يجنم عليك
لينا:وانا طيب
رغد:يجنن لينا! ماشاء الله عليكم تحصنو لاتنسون
غلا:ادق على عبد الرحمن يجينا؟
ساره:دقي على اي احد قدامك اهم شي نوصل بسرعن نلبس الفساتين
اتصلت غلا على عبد الرحمن يعلم العيال ان البنات خلصو وجا معهم
سامي:العيال تاخرو مدري وش اختفو
عبد الرحمن:مو بالمصلخ؟
سامي:الا بس تاخرو بدق عليهم اشوف
سامي دق على سامر:يارجل انتم وينكم
سامر:تونا ندخل الديره ليه
سامي:تاخرتو سريع اسرعو عشان يمديكم تتروشون وتلبسون
سامر:طيب يلا يلا
عبد الرحمن:وينهم
سامي:توهم يدخلون الديره ويلا مشينا نجيب البنات ،توجههو لهم وركبو البنات معهم وكانت حالتهم تضحك وهم لابسين الطرحه بعشوائيه
سامي وهو كاتم الضحكه انتبهت له مريم:وش فيك اضحك
سامي:كل مابضحك اتذكر الي راكبين معي واكنسل
مريم:ليه ليكون تستحي
سامي بضحك:اشكالكم تضحك
مريم بصدمه:وجع ماتوقعتك بتضحك علينا ياقليل الادب
ساره:هو وقفت عليه؟ كل من بيشوفنا كذا بيضحك
مريم ناضرت البنات وضحكت:مالومك يوم تضحك اشكالنا تضحك
سامي ضحك عليهم واسرع السرعه وبسرعه وصلو البيت ونزلو البنات يلبسون الفساتين
فايزه :سلمى انتي هنا؟
سلمى:ايي وش فيكم تاخرتووو
فايزه:يلا يلا بس نلبس وننزل
سلمى:خلو امجاد ولينا يتجهزون سريع الشيخ بيجي بعد اذان المغرب مباشره
فايزه:يلا تم
طلعت فايزه مستعجله وشافت البنات:يلااا بناتت الشيخ بيوصلل بعد المغرب سريييع
امجاد:طيب بنات شرايكم البس فستاني هذا؟ وبعد مايخلص الشيخ البس الابيض لانه مو طبيعي قروشه
لينا:قسم بالله ومع الدرج صدق بيقروش
العنود:اي دام محد جاي خلصو يلا
لين:مانتي رايحه لام سعد؟
العنود:يووه نسيتت كم باقي على المغرب؟
لين شافت الساعه بيدها:نص ساعه تقريبا
العنود:اشوا يمديني بروح لها بنات واجي ماني متاخره عشات تحضر كتب الكتاب
رنيم:معليك روحي يلا
عايد الي طلع من الحمام"اكرمكم الله"وشاف ساره:مارحتي انتي مع البنات؟
ساره لفت:الا بس جيت البس الفستان
عاد الي انتبه لساره الي لفت عليه وهي جميييله جميييله وزاد جمالها المكياج الي حطتها وبدا يقرب لها وساره ترجع على الجدار ونطق:انشهد انك قمر ومو ملك لحد ملكي انا
ساره الي مبتسمه من كلامه لكنها توترت:حبيبي عايد ابعد بكمل البس اكسسوراتي
عايد:وحبيبي! كذا كثيييير علي
قرب عايد لساره وطبع اول قبله على ثغر ساره:اخخخ يااارب الصبرر علو جمالك ذا
ساره الي ناضرت عايد ونطقت بتوتر:طيب عايد الروج طبع عليك
عايد رأح المرايا مبعد عن ساره وشاف الروج: دامه من حبيبتي راضي اطلع للرجال كذا
ساره:ععايد تعال امسسحه لك
قرب عايد لها وطلعت ساره مزيل المكياج وقربت له وبدت تمسح الي على وجهه وبعدت:قم يلا اللبس قبل يجي الشيخ
عايد وقف وفتح الدولاب:اختاري لي بشت
ساره:اكييد البشت الاسود! عليك يجنن
عايد التفت:لعيونك البسه
ساره ابتسمت ورجعت تكمل وعايد رجع يكمل لبس
عند العنود الي اخذت عبايتها وطلعت بفستانها لبيت ام سعد واول مادخلت الباب بعدت الطرحه من وجهه يوم شافت سيارة سعد مو عند الباب ودخلت عند ام سعد:هلا بعمتي كيفك اليوم
سعد الي كان جالس ولا انتبهت له العنود ومن شافها بفساتها الوردي الفاتح وطويل ومن فوق ماسك عليها ومن تحت فيه نفشه خفيفه وشعرها الويفي واكتافها العاريه وكان يتامل كل شبر فيها متجاهل امه
ام سعد:انا الحمدلله بخير وانتي كيفك
سعد الي عرف ام امه مابتحرج العنود وبدا ينسحب بدون تحس فيه ونطقت:الحمدلله يلا بجهزك عشان تروحين معي قبل الشيخ يوصل
ابتسمت ام سعد:ياوليدي نادي سعد يعطيك الي امس فصلها لي
العنود:سعد هنا؟ سيارته مو برا
ام سعد:اي موجود بس سيارته شكلها معطيها العيال عشان الحلال
العنود ارعبتها فكرة ان هي وسعد بنفس البيت:ايييه نسيت يلا ابشري بشوفه بس اتصلي عليه
اتصلت ام سعد وراح سعد يجيبها وقرب بيدخل يحسب العنود متحجبه وناضرت فيه العنود وجلسو يناضرون فبعض لين تنحنح سعد ورجع على ورا:المعذره مادريت انك مو متحجبه لكن ذي القطعه والذهب على امي بس زيدي عليها ذي الاسواره جبتها لها امس
العنود الي استوعبت الحين ان سعد هو الي يوم بكى شافته وهو الي كانت بحيره تبي تعرف مين الرجال ذا والف سوال براسها ولا توجهت تاخذ القطعه لين نطقت ام سعد:العنود بنتي وش فيك
العنود:ااء معليش يلا الحين اجيبهم اخذتهم العنود وبدت تلبس ام سعد
ام سعد بتردد:العنود يابنتي لو اخطبك لسعد توافقين؟
العنود الي كانت ماسكه الاسواره بيدها وطاحت منها من سمعت الكلام ودنقت بتاخذها ورفعت راسها ونطقت:الراي الاول والاخير لامي وابوي وبعدها اشوف
ام سعد:تكفين يالعنود لاتكسرين لي قلب وليدي الوحيد
العنود:اكسره؟كيف اكسره ماسويت شي انا
ام سعد:داريه لكن هو يحبك ويبيك وشاريك يوم جيت قبل يصير الحادث لي كلمت امك ان امجاد ورغد يسامحوني عشان اجي ثاني يوم اكلمها اخطبك لكن صار الي صار ولا جيك سعد يوم جيتك اول مره اخطبك زعل مني وماجاء البيت الا امس يوم تعبت ولا عاد يطلع ابدا من عندي
العنود توترت من كلام ام سعد:ياحبيبتي ياعمتي انتي تعرفين النصيب لكن ابشري انا استخير واذا حسيت براحه بجي اكلمك تكلمين اهلي
ام سعد:تقولينها صادقه؟
العنود:اي والله اذا ارتحت لاجي واقولك
ام سعد:الله يكتب الي فيه الخير
العنود بتغيير الموضوع اول ماسعت الاذان:اذن!!!بعد الاذان بيجي الشيخ
ام سعد بدت تنادي على سعد:تغطي يابنتي يجي ياخذني
العنود لبست عبايتها ودخل سعد عند امه يركبها الدراجه حقتها ولبسها العبايه وبدا يسحب الدراجه لبرا ونطقت ام سعد:يلا العنود
العنود :بس اقفل اللمبات جوا واجي
دخلت العنود مسرعه تطفي اللمبات ورجعت برا وبدا سعد يسحب امه ووراهم العنود لين وصلو للبيت ونطقت العنود:سعد انا بكمل انت الحق الصلاه
سعد:تمام
صد سعد وهو للحين خاطره بالعنود ويبيها ولا يدري ان امه كلمتها عن الموضوع ذا واول ماوصل المسجد وكبر المؤذن وسجد دعاء ربي(ياارب اكتب لي كل مافيه خير واكتبها من نصيبي يااارب ياررب)
بعدها سلم وطلع متوجه لبيت الجد عواد الي وصل الشيخ وبدا يطبق الي مكتوب عنده وصار فيصل زوج لينا على سنة الله ورسوله وصارت امجاد زوجة عزام على سنة الله ورسوله
بعد المباركه نطق الجد عواد:يلا ياوليدي عايد قل لاختك الحين وقت التلبيسه وبعدها لينا
عايد:ابشر طالع اشوفها
طلع عايد وشاف ساره ونطق:ساره نادي امجاد الحين يلبسها عزام
ساره:خله يدخل المقلط وانت ادخل معه لين امجاد تجهز
راح عايد يسوي الي قالته له ساره ودخل عزام ينتضر امجاد
ساره الي من علمت امجاد وهي متوتره لين قربت تدخل المقلط وهدت ودخلت على عزام الي نسى كل الي حولينه من شاف امجاد وانفتن بجمالها
عايد:عزام وين سهيت يلا وقت التلبيسه
استوعب عزام وقرب لامجاد يسلم عليها ولبسها الذهب الي جايبه لها وهي لبست الخاتم وبعدها بدو يباركون لهم مع بعض
بعد مانتهى عزام من تلبيس امجاد طلعو الكل وصار المجلس فاضي وعم الصمت لين نطق عزام:مادري وش ببالك الحين وش الفكره الي ماخذتها عني ماامدح نفسي لكن تعرفيني وكيف اني رجل ومستحيل امد يدي عليك واوعدك اني اعيشك نفس عيشتك من اهلك واحسن واطلبيني وماتسمعين غير سمي وابشري ومن اليوم الي صرتي فيه زوجتي لين اخر يوم بكون معك وجنبك وساندك وقف عزام يوم انتبه لدموعها ونطق:الا دموعك لاشوفها لاشوف الا دموع الفرح غيره مابي اشوفها وش فيك ياعيني انتي وش الي مزعلك
امجاد الي تذكرت كلام امها نفس كلام عزام وطريقة الكلام ذا الي بكاها لكن صدت تمسح دموعها من شافت عزام قرب يحضنها له:لاتبكين وانتي معي جعل الي يبكيك مايعيش
ابتسمت امجاد:محد زعلني لكن تذكرت امي
عزام الي شده لحضنها من درا سبب زعلها امها:الله يرحمها والحين تشوفك ومستانسه انك تزوجتي ويارب اعيشك العيشه الي ترضيك وترضيها ولا ازعلك بيوم
دخل عايد:عطيتكم دقيقه زياده انتهى وقتك
وقف عزام:الحمدلله اني باخذك الليله ولا رحت تهاوشت معك عزام انه خرب اللحظه ذي
ابتسمت امجاد من شافته طالع وتنهدت بضيق لكن اختفى الضيق من تجمعو البنات عليها ونطقت ساره:هاا علمينا وش صاررر
امجاد:انطمي بس
لمار:ناسيه ان عزام عمنا وبيعلمنا
امجاد:يلا اتحداكم لو علمكم
مسك:اي والله بذي صادقه مستحيل بس يلا دور لينا لعل وعسى تعلمنا
امجاد:لينا لو علمتيهم انتي مو كفو
لينا:معليك الموضوع عندي
قاطعهم صوت حمد:اطلعو فيصل بيدخل
لانا:ماني طالعه بجلس عند اخوي
مريم بضحك:ياحظك اكيد بتجلسين بدون نقاب وحنا ننكتم عشان نشوف لينا
لانا:لا لا قصدي يوم يجلسون لحالهم
لينا طيرت عيونها عليها:اذا جلستي شفتي؟ والله لك الي تبين
لانا:الي ابي؟
لينا:اي وربي
ضحكت لانا يوم شافت فيصل يدخل على لينا الي انبهر ماااتوقع لينا بالجمال ذا هو كان حاط صوره بخياله ان ذي لينا لكن عكس تخيله طلعت لينا اجمل من الي توقع ويوم سلم على لينا نطق:ماشاء الله
لينا ابتسمت من كلمته ذي وقرب مسك يدها يلبسها الخاتم وبعدها طقم الذهب ونطقت لانا من وراها:لينا ياهوه الخاتم
التفت لينا تدور الخاتم الي اصلا كان قدامها وضحكت لانا وعطتها الخاتم ولبسته فيصل الي صارو حلال بعض وبدو يباركون لهم الكل
الجد عواد:الله يتمم لكم على خير ويكتب كل مافيه الخير لكم ولامجاد وعزام وهاا لاتطول يافيصل بنخليك على راحتك عشان الضيوف بدو يوصلون
ابتسم فيصل:معليك ماني مطول
طلعو الكل وباقي لينا وفيصل وبدا فيصل بالكلام:معرف احط كلمتين على بعض اذا شفتك ااضيع والحين صرت اضيع من جمالك بسم الله عليك لاحول ولا قوة الا بالله
ابتسمت لينا من شافت يده تحاوط يدها ونطق فيصل:من اليوم ذا لين اخر يوم لنا وانا بعيشك العيشه الي تبنيها ولا ازعلك واوعدك لكن لو زعلتك اعرفي بدون قصد لان والله الي يشوف ابتسامتك مايقوى يخربها
لينا الوحيده الي ردت من كل البنات الي خطبو قبل:لاتزعل قمرك وتنصدم من طفائها خلك معها وزد نورها نور
فيصل:صحح لسااانككك والله ابشررري مايصير الا الي تبين واخسي ازعلك
ابتسمت لينا ووقفت من حست ان فيصل طول عندها:لاتعصب كلمة جدي وتشوف عقاب لك
فيصل قرب للينا وباسها:الليله اجلس واسولف معك على راحتي ياقمر فيصل
لينا ابتسمت من جملته ودخلت بسرعه عند البنات تغير فستانها وتزيد المكياج تتجهز للضيوف ولمحت لانا:هاا دخلتي؟؟؟
لانا:فيصل كرشني نظرته خوفتني
ضحكت لينا:وناسه اشوا يخوفك كل ماسويتي شي بخليه هو يتعامل معك
لانا:هين قلبتي علي
العنود دخلت عليهم:ياورعات انزلو يلا
لينا:يلا بنزل معك
ضحكت العنود:لا لاتتحمسين اجلسي مع امجاد وسولفو على بعض لين وقت زفتكم
لينا:الحمدلله مو لحالي ولا طقيت طفش
عند الرجال الي بدا يمتلي الحوش رجال ونفس الشي عند الحريم
رنيم:يمامي بنات تخيلو من جا
رغد:يمه مين ماذكر احد نكرهه
رنيم:تذكرون احمد الله يرحمه؟ زوجته جايه
رغد حطت يدها على قلبها:يمه تكفون ابعدوها ساره لو شافتها بتتذكر وتجلس تبكي ومستحيل ترجع تطلع
رنيم:لا يمه ماجت العرس اقصد رجعت الديره والي سمعته من امي انها جايه تلم اغراضها وترجع عند اهلها
لمار:فكه احسن الله يقلعها قلعه مالها رجعه
رغد:اميينن
عند امجاد ولينا نطقت امجاد:لينا تحبين فيصل؟
لينا:واضح انك طفشانه ولا وش السوال ذي
ابتسمت امجاد:لا جد يلا
لينا:قبل اليوم لا بس بعد اليوم اي والله طحت بحبه مو بس حبيته
ابتسمت امجاد:نفس الحاله لكن قبل احبه وحبيته الحين اكثر
لينا:تحبين عمي عزام وماقلتي؟؟؟؟
امجاد:ماقلت لحد اصلاً
لينا:بس كان واضح الصدق بذات اذا جبنا طاري عزام غيره لا
امجاد:اهم شي محد قفطني لين الحين ههههه
لينا:يبي لي اخذ دروس عندك عن الكتمان ماشاء الله
امجاد:بعد وشو الله يسعدك لو جيتيني قبل اليوم كان علمتك
لينا الي جت بتتكلم بس قاطعتهم سلمى الي دخلت:مجوده تجهزي وقت الزفه الحين
امجاد رفعت حواجبها بتعجب:مو كانه بدري؟
سلمى:لا ياقلبي الساعه 10:30 نص ساعه على العشاء وعشان لينا بعد
امجاد:تمام يلا بس نادي لي رغد
نزلت سلمى تنادي رغد ووقف امجاد تعدل على المكياج ويوم جت رغد نطقت امجاد:رغد كيف ؟
رغد:ملاكك وربي لاتزيدين مكياج كذا حلو
امجاد:والله؟
رغد:اي وربي يلا بنزل اخليهم يشغلون الزفه وارجع لك
نزلت رغد وامجاد الي واقفه عند المرايا للحين تتامل نفسها وراضيه اتم الرضاء على شكلها لين جت رغد تناديها ونزلت على زفة اغنية
يمه هناك اليوم لين
يمه هناي اليوم ليتك حظرتي
وتشوف عينك فرحتي في عيوني
يمه هقيت إن الفرح راح خذي
واليوم كل الناس فيك ذكروني
يمه الفرح باهت وروحك بتحيي
أتخيلك جمبي وتزهر غصوني
ياليت كل العمر ترجع أمالي
أضمك بروحي وتبرا حزوني
لولاي أهني العمر ب أبوي وأطريه
أن كان عجزت عن حمولي متوني
عايد أبوي وشمس عمري وكوني
نسل الملوك اللي بعاد هقاوي
يا كيف أبوفي لك عظايم ديوني
وعايد ألي لا تنح زادني تيه
من جوخة العز المقصب كساني
يالله عسى هالعمر تكمل رجاوي
البنات الي ماتوقعو امجاد بتختار الاغنيه ذي ومن سمعوها وقفو يستقبلون امجاد لين وقفت وانتبهو لدموعها وحضنتها رغد:يادنيتي لاتبكين هي تشوفنا وزعلنا انك تبكين
امجاد تمسح دموعها وابتسمت:زين
بعد ماانتهت الاغنيه الي ضيقة صدور الكل وذكرو ام عايد بدعوه
ونطقت الي ماسكه السماعه بالمايك :العريس بيدخل ياليت تتغطون
تغطو الكل وبدت اغنيه ثانيه ودخل عزام مقبل على امجاد وقبل جبينها ويدها ووقف جبنها الي كانت المصوره تصورهم لين انتهت وطلعت امجاد مع عزام الي الكل بدو يذكرون ربهم على جمال امجاد
عايد واقف عند الباب:يعني ماعليك خوف بس ها الا مجوده ان زعلتها ازعل الدنيا كلها عشانها
عزام:هي بعيوني قبل تكون معي وابشر
ركبت امجاد مع عزام بالسياره متوجهه للرياض
عند رغد:وجع اشتقت لها وهي توها ماشيه
رنا:ترجع وتسكن عندك معليك
رغد:ياعمري ناسيه ان عزام شغله بالرياض؟ بتسكن هناك
رنا:ياعمري علييك نسيتتت والله
العنود:يلا بنات بنادي لينا ابعدو عن الكوشه
توزعو البنات على جهتين ونزلت لينا على زفة
صلو صلو عالنبي الف الصلاة والسلام
سمو سمو يالحضور بسم اللي عينه ماتنام
ياعيون سمي بالنظر وادعي الاله
لجمل عروس بالوصايف ماثله
هذي (لينا) طيب واخلاق وحلى
سبحانه الكامل خلقها كامله
وصلت الكوشه الي كانت عليها امها وبدت تقبلها وجلست على كرسي الكوشه لين دخل فيصل عليها واخذها وطلعو ركبو السياره متوجهين للرياض
رسيل:بدال تصير ضيقه صارت ضيقتين امجاد ولينا راحو
ساره:اي والله اخخ
توزعو البنات ورجعو الحريم وبنات الديره يرقصون على الاغاني لين جا وقت العشاء وتعشو
اما عند الرجال نفس الشي لكن بدت الدحه عندهم وبدو يدحون وذي الفقره المفضله لهم بكل مناسبه وبعد مانتهو بدو يجهزو العشاء وتعشو الرجال والحريم وبدا يفضى بيت الجد عواد شوي شوي لين فضى كله وماباقي غير ام سعد وام رنيم واهل البيت
ريناد:بنات تدرون بنمشي بكره
شهقت مسك:وشوو! بكره! خيرر ماجلسنا مع بعضض
ريناد:والله ابوي من قبل معلمنا عشان شغل العيال
ساره:وانا بعد بكره بسافر شهر العسل
رغد:قسم يمه ضيقه كلكم تروحون ومايبقي غيري انا والعنود ورسيل ومسك ولمار!
لانا:شنسوي حبيبي لازم نمشي ولنا جيه ثانيه ان شاء الله عشان نستانس مع بعض اكثر
رغد:يلا بس قبل تمشون صحوني فاهمين!
العنود:حتى اناا بودي الحين ام سعد واذا نامت جيت واخاف انام متاخر عشان كذا صحوني
غلا:معليكم واذا ماصحيتو اجيب لكم سما تصحيكم
ساره شافت فستان سما:يويلي مييته على فستانها بسم الله علييهاااا
غلا:شرايك بس
ساره:تنوكل والله
رنيم :الحين مالي خلق اوصل البيت واناممم لكن قومو اودعكم قبل امشي لان لو نمت بتشوفوني بعد بكره مو بكره من التعب
ضحكو البنات ووقفو يودعونها هي وسلمى ولين وروحو وباقي البنات بس
ساره:بنام هنا عشان تودعوني بس
نامو البنات كلهم
عند العيال
سعود:مافيني عضله ماوجعتني
سيف:نفسي اخخخ يارب الصبر
خالد:المنامات جاهزه قومو ننام
سيف:والفرش ذي!
خالد:لاحقيننن بكررره
سيف:لو تمشون بدون تساعدونا لا الحقكم الجنوب
ضحك خالد:معليك معليك ماحنا رايحين قبل نشيلهم
توجهو العيال على منامتهم ونامو
عند العرسان امجاد وعزام
طول الطريق عزام ساكت ونفس الشيء امجاد لكن قطع صمتهم عزام بدا يفتح الاغاني وعطا امجاد جواله:اختاري اغنيه
امجاد حطت اغاني لين انتبهو لاضوء الرياض وقفلو الاغاني وزلو الفندق
عزام:بجيب العشاء واجي
دخلت امجاد تغير فستانها وانتبهت ان كعبها جنب جزمة عزام وابتسمت وقربت تصورهم ورجعت تغير ملابسها
جا عزام وانبهر ان حتى وهي لابسه بجامه انيقه وجميله وتعرف لنفسها
قرب عزام العشاء لامجاد وبدو يتعشون وبعد مانتهو وقف عزام وتوجهو للسرير بينام وانتبه لامجاد واقفه:تعالي نامي
قربت امجاد بتنام على طرف السرير لكن انتبهت لعزام الي فاتح يده لها ونامت بحضن عزام وانتهت ليلتهم بخير وسعاده
اما عند لينا وفيصل الي كان فيصل يسولف بالطريق ولينا ترد بردود مختصره واول ماوصلو غيرو ملابسهم وتعشو ونامو وانتهت ليلتهم على خير
عند العنود الي وصلت ام سعد للبيت وغيرت ملابس ام سعد ونطقت:تصحبين على خير
ام سعد:وانتي بخير يالخير كله
ابتسمت العنود وطلعت متوجهه لبيتهم ونامت
صباح اليوم الثاني
وقف عايد بتعب يشوف الساعه وشهق من شاف الساعه 3 الظهر وركض يدور ساره وشاف رغد:وين سارره
رغد:نايمه
عايد:تكفين صحيها طيارتنا الساعه 5 وحنا للحين مامشينا الرياض
رغد فزت:ابشر
ركضت رغد تصحي البنات كلهم وساره ونشبت لساره لين صحت وبسرعه غسلت وجهها وتوجهت لقسمهم تحط اخر الاغراض بالشنطه وتقفلهم ويوم خلصت انتبهت لعايد:انتضر بفطر
عايد:يلا حتى انا بفطر ونمشي لكن عطيني الشناط احطهم بالسياره
حطهم عايد ورجعو يفطرون ووقفو يودعون الكل وقطع وداعهم رسيل:دقيقه قبل تمشون عندي لكم موضوع
الكل التفت على رسيل ونطقت لمار:سمي وشو
نطقت رسيل:قبل تمشي ساره حبيت اعلمكم بعد 9 شهور بصير ام
البنات وقفو ونطقت مسك:صاادقه!!!!
رسيل :اي والله ماستهبل
وقفو الكل يباركون لها حتى عماتها والجده الهنوف ونطقت:الحمدلله بشوف احد من عيال حفيداتي
رسيل قربت تبوس راسها:الله يطول بعمرك وتشوفين عيالنا كلنا يارب
الكل:امين
ساره:يالكلبه من رحتي المستشفى وانتي داريه وتوك تقولين!!!
رسيل:كنت بقولكم بعد العرس عشان يوم اسوي شي ماتقولون اتركيه حامل
ساره ضحكت:بس الحين جدتي بكبرها مابتخليك تتحركين 9 شهور
رسيل:مو حب فيني حب للي بببطني
ساره جت بتنطق وسمعت صوت عايد :يلا ساره
ساره:يلا عاد مع السلامه
طلعت ساره لعايد بالسياره وتوجهو للرياض