انا فعيونك مواطن دولته صارت عييونك

Part45

قربت ساره لعايد وسوت له الشماغ الي تعودت تسويه لاخوانها دايم ونطقت:شرايك
عايد وقف عند المرايا:كل شي منك حلو يلا انتي تجهزي
ساره:سويت شعري بس باقي المكياج شوي احطه
عايد:يلا روحي كملي وتعالي نبخر مع بعض تو باقي نص ساعه تقريبا على الصلاه
ساره ابتسمت:يلا تمم وانت رح عند العيال
عند رسيل الي ماقدرت تشوف سعود لان جهزت اغراضه ونزل خاف يتاخر على العيال ويسحبون عليه
عند العيال
عايد:ياحرام ماعندكم زوجه تجهزكم من بدري
سامي:رجع اختي تسوي لي شماغي وتظبطه زي ماسوتها لك
ضحك عايد:والله وعرفت مين مسويها
سامي:اكييد دايم تسويها
سعود:اقول يلا سريع تجهزو
عايد:شفيكم مستعجليين باقي نص ساعه
سيف الي انتبه للساعه:نص ساعه! وليه تقولون ماباقي شي
حمد:يعني نص ساعه يعني ماباقي شي
سيف:تستهبلل قسم اجل ماني مجهز الا اذا باقي ربع ساعه
اما عند ساره الي دخلت عند البنات وهم بدو يتجهزون ودخلت:هااايي سويت شعري وجيتكم
امجاد:ياكلبه يجننن ماشاء الله الويفي عليك دايم يفوزز
ساره:قلبيي وش ذا بعد
مريم:عيديات للاطفال وبقينا لك كم حبه تسوينها وذي للعيال العنود مسويتها
ساره:ياقلبيي العنود وقربت تسوي حقت الاطفال وخلصتها بسرعه وبدت تسوي المكياج
لمار:يلاا عشان نروح نصلي العيد
لينا:اكيد بنصلي بس اصبري هذا هو باقي اخر شي
ساره:الي تبيني اسوي لها الايلاينر تجي بسرعه قبل ابدا بالارواج لاني اطول فيهاا
قربت مسك:سويي لي انا
ساره قربت تسويها لها وظبطته:اجحديها بعدين ولينا تبين؟
لينا:اكيد ابي
اما عند الامهات الي بدو يجهزون وريحة العود من غرفهم بدت تنتشر بكل مكان بالبيت وذي افضل ريحه
الجده الهنوف طلعت الفلوس الي مخبيتهم لعيديات بنات وعيالها واحفادها وحفيداتها
سعود بصوت عالي:يلا عجلو باقي عشر دقايق نبي نلحق
العنود:يلاا اركب السياره جاينك
البنات خلصو ولبسو العبايات وساره:خوذو التوزيعات حقت الاطفال انا بروح بسرعه اجيب عبايتي من هناك واجيكم
وساره كانت رايحه عشان عايد مو عشان عبايتها
عايد ابتسم باانبهار من شاف ساره الي كان فستانها ابيض ولتحت ركبتها وشعرها الويفي واكتافها الي بدون شي وابتسم :بسم الله عليك
ساره ابتسمت وحطت البخور لهم:قرب ببخرك
عايد كان يتاملها ويتامل رجفة يدها الي واضح عليها توترت وقرب مسك يدها:انتبهي ننحرق ويصير العيد عيدين صدق
ساره ضحكت:دام الحرقه معك راضيه
عايد قرب باسها:الحين اقدر اقول ان عيدي اكتمل قبل يدا
ساره الي استحت:عايد !
عايد:عيونه وروحه وقلبه ودنيته كلهاا سمي وش بغيتي
ساره:خلاص يلا مشينا
عايد:اخخخ لو اقدر اني اسحب على العيد كله واجلس معك
ساره:يلا يلا بس امش معي
عايد:ومافيه غير امشي معك لو جلست اكثر بنسحب صدق عليهم
توترت ساره من كلام وعرفت مقصده ولبست عبايتها وسبقته على السياره
مريم:وجع وش ذا التاخير
ساره:شسوي انااا ماتاخرت شوي وجيت
سعود بدا يسرع متوجه للمصلى ونزلو يصلون كلهم وبدت تكبيرات العيد وبعدها الصلاه والُخطبه
بعد ماانتهو بدت فقرة توزيع الهدايا للاطفال ووزعو الي يقدرون عليه وطلعو من الزحمه
سلمى الي كانت معهم:العيد ذا غيييير غيييير مدري ليه احس انه صدق عييد
مريم:اجل والي قبل وش
سلمى:لا بس ياخي كيف اشرح لك
رسيل:معليك فهمت اي والله صادقه الا اقول بتجين تعيدينا؟
سلمى:اكييد اي امي قالت نعايدكم ونروح معكم نعايد اهل الديره
مسك:متحمسه للفقره ذيييي مره بنتمشى على كل البيوت ونعايدهم
سعود من بعيد الي كان معه البنات وبدا ينادي عليهم
رسيل سمعت الصوت بس مو متاكده:بنات تسمعون صوت سعود؟
البنات الي سكتو وماسمعو صوت ونطقت لينا:من الهوس تحسبينه صوته
رسيل:والله سمعته،بذت تلتفت تدوره لين شافته ورجعت تنطق:هاا قلت لكم ينادينا امشو يلا
سلمى:يلا عاد مع السلامة بروح اشوف ابوي اكيد ينتضرني
العنود:لو فيه مكان كان خليتك تجين معنا لكن تقاسمنا باربع سيارات وزي ماتشوفين متحااشرين
سلمى ضحكت:لا معليك روحو انتم مع سعود وانا بشوف ابوي ونتقابل بالبيت
راحو البنات يركبون السياره بعد ماتاكدو ان امهاتهم ركبو السياره
رسيل بدت تعلم سعود عن الموقف ونطقت ساره:وربي متروجه وحده بسم الله عليها
سعود:ااكيد حبيبتي رسيل بسم الله عليها
رسيل استحت وكملت :بس ماصدقونيي تخيل!يقولون من الهوس اسمع صوتك
سعود ضحك:اتمنى توصلين للهوس ذا تسمعين صوتي حتى وانا مانديك من الحب
ساره:وصلت وخلصت هههه
رسيل الي استحت:اقول اسكتو خلاص
لينا:خليتوها تستحي اسكتو اي والله
بعد دقايق وصلو البيت الي كان مجهز بطريقه عفويه ومو مبالغين ابداً مجرد بالونات وطاوله عليها الحلويات والعيديات الي سووها لبعض
ام حمد:هالسنه ماحنا رايحين للبيوت لان غالبا هم يجون والي مايجينا نروح نعيد عليه مو احسن؟
الجده الهنوف الي بدت تكبر عن قبل ويوضح على يدها التجاعيد اكثر:اي بالله مافيني حيله زي السنين الي فاتت كذا افضل والله
ام سيف:حلو اجل بدخل اسوي لنا قهوه زياده عشان لاجو
امجاد:لا لا انا اسويهم فيني طااقه
ان سيف ابتسمت:يلا ياعيوني عاد قهوتك ماتتفوت
العنود:تعالوو عندنا عيديات لكم
سعود:ياسلام وش هي
العنود:تجمعو وخلكم كاملين واوزعها عليكم
سعد:كاملين بس ناقصنا عايد
ساره:ليه مو معكم؟
سعد:الا رجع معنا بس اخذ سيارته ومشى
ابو عايد:وين راح بذا الوقت
سعد:مدري والله بس خلوني اتصل اشوف
اتصل سعود وشاف مافيه رد ونطق:مايرد
الكل توتر وبدو يدقون عليه من جوالاتهم
اما بجهه ثانيه عايد،بعد ماخلص صلاة العيد مسك الطريق وانطلق للرياض واول ماوصل توجهه لمقبرة امه ودخل لها وجا عند قبرها:يالله ترحمك العيد مو عيد وانتي مو موجوده وجيت متعني اعايدك حتى وانتي بعيده عسا الله يرحمه ياغلى ماملكت ولا نسيتك من دعائي قدامهم ابين لهم القوي ومن وراهم ضعيييف كل ماتذكرت اني ماعاد اشوفك لكن الله يجمعنا بفسيح جناته يارب
بكل كلمه منه دموعه تنزل منه ومتجاهله دموعه الي تنزل بغزاره ووقف بعد ماشاف ان الكل متصل عليه
وقف وركب السيارع وتوجه لديرته(نجد)
ام سيف:ماتعرفون وين يروح دايم
سيف:الا يمه بس اكيد مو رايح العزبه الحين وحنا بعيد! ولا بالمحلات وهي مقفله ولا هو رايح المزرعه لان برضو عيد
امجاد:ياربي تكفون روحو شوفو وين
عزام الي من سمع كلمة تكفون نطق:معليك بنطلع نشوف واول مانشوفه نتصل عليكم
بنفس الوقت عايد دخل عليهم وسلم ونطق عزام بعصبيه:وين اختفيت من اليوم ندق وماترد !
عايد:رحت لي مشوار قريب وجيت
عزام برفعة صوت من العصبيه:عايد علمني وين كنت بسرعه
عايد:وين يعني! اكيد اني رحت الرياض
ابو عايد:ليه رحت بدون لاتقول
عايد بعّد عن عزام واتجهه لابوه:رحت اعايد امي وجيتك هذا انا قدامك
الكل كان معصب ومتوتر لكن بعد مانطق عايد رجعو يترحمون على ام عايد
ابو عايد:زين جزاك الله خير
العنود بتغيير الموضوع:جاابك الله عايد يلا بسرعه قبل يجي احد بعطيكم العيديات
العنود وساره بدو يوزعون على العيال وعمامهم وابوهم،
الجد عواد:تعالو حتى انتم اعايدكم
بدا يوزع لكل واحد منهم 100 ريال والجده الهنوف نفس الشي
وعمامهم برضو
ام سيف:هالمره انا وام حمد وام سامر حبينا نغير عن الفلوس وجبنا لكل واحد منكم قطعه انتم ثياب والبنات يسوون فيها فساتين
مريم:الله جت بوقتها صحح بعرس عزام وليناا اسويها ان شاء الله
ساره:مانسيتكم حتى انتم جبت عيديات لكم ووزعت لكل وحده منهم عيديتها ورجعو يتقهوون مع بعض
رسيل:قومو تجمعو عند جدتي وجدي بصوركم صوره
العيال كانو بجهه ونهاية صفتهم سامر وبداية صف البنات مريم وبعدها البنات ورسيل ثبتت الكاميرا على 3ثواني وتبدا تصور وراحت بسرعه تجلس عندهم والتقطت الكاميرا اجمل صوره لهم
مسك:ياايي تجننن والله
لمار:مرره عجبتنيي
ساره سمعت صوت الباب:قومووو المجلس بسرررعه الحريم جوو
سعد:بس فنجال
مريم:ابو هالوجه تقولك قم تقول فنجال!
سعد حط الفنجال على الطاوله:هااا قمت عنكم
طلعو العيال متوجهين للمجلس يستقبلون ضيوفهم حتى هم
بدو يقهوون من كل الجهتين بنات وعيال وسوالف ومعايده مع بعض وجو رنيم ولين وسلمى
امجاد:رسيل مشوي صورتنا صوره عائليه والحين بتصورنا مع بعض بس بنات تعالو يلا
تجمعو البنات وصورو صوره ثانيه مع بعض ورجعو يسولفون مع بعض وجلسو معهم لين جت الساعه 11 ورحو الكل
ام حمد:زين الحمدلله كلهم جونا مااحتجنا نروح
ام سيف: اي بالله كذا اريح
مريم بتثاوب:نعسسااانه بقوم اغير وانااام
ساره:نفسكك ومكيف بارد اوووه صدق
الجده الهنوف:يمديكن تنامن ومتى تصحن
العنود:يمكن المغرب ليه
الجده الهنوف:ابوك مسوي عزيمة رجال وودي اسوي مره وحده عزيمة حريم اذا تصحون بدري بعزم
البنات الي كانو بيرفضون بس شافوو ان جدتهم بخاطرها هالشي ونطقت رغد:معليك اعزميهم وحنا الحين بننام ونصحى نجهز دام البيت مرتب
الجده الهنوف:زين يلا انهضن ونامن قبل يخلص الوقت
طلعو البنات وغيرو ونامو نومة العيد ونفس الشي عند العيال الي نامو بالمجلس مع بعضهم
اذن المغرب وقامو العيال عشان يصلون بالمسجد
عند البنات الي قامت اول وحده فيهم رسيل من حست بطنها يوجعها ويوم شافت الساعه 6 قومت البنات ودخلت دورة المياه "اكرمكم الله"
مريم الي قامت من رسيل:يلا سارونه وامجاد قومو
امجاد:طيب بس صحي البنات وارجعي لنا
مريم:البنات قامو شوفي باقي انتي وساره
امجاد قعدت:هذا انا صاحيه قمت خلاص
مريم:مابروح الا يوم تدخلين تغسلين وجهك
امجاد:ياليل رسيل بالحمام اذا خلصت ادخل
مريم:يلا انتضرك،لفت على ساره وبدت تصحيها لين صحت ونزلو يتقهوون تحت
ام سيف:كل ذا وماشبعتو نوم ماشاء الله عليكم
لمار:ياماما قسم نعساانه من امس المغرب صاحيه ونمت بس 7 ساعات!!!
ام حمد:اذا خلصنا العزومه ارجعن نامن
مسك:اذا بغينا النوم يطير واذا بغانا نمنا ذي البلشه
ام حمد:لالا معليك الليله يجن البنات وتنامن مع بعض
مسك:لين ورنيم وسلمى؟ ماراح ينامون
ام حمد:لا وش فيك لانا ورنا وغلا وفايزه
شهقت مسك:بييجون!!!!!
لمار:الله صدق!!
ام حمد:ليه محد قالكم!!
امجاد جت من سمعت شهقاتهم:خير وش صاير
مسك:بيجوونن البناتت
امجاد:طيب جو اليوم
مسك:لاا ياغبيه الي بالجنوب
امجاد:احلفي!!!! كذابه مو على اساس بكره!!!!
مسك:لاا والله تو قالت عمتي
امجاد:ونااسه اقدر اجهزز وانا مروقه
طلعو البنات بعد ماسمعو الخبر وتجهزو بسرعه ونزلو يجهزون الحلويات واشياء الضيافه
بعد دقايق سمعو صوت دق باب ونطقت لينا:يارب هم يارب من الحماس شوي وواطيررر
مسك بهمس:اكيد متحمسه بيخطبك فصولي بكره
ضربتها لينا:يع انطمي بس لاتخلييني ماخليك تحضرين عررسي!
مسك:اتحداك
لينا:اقول بفتح الباب وااوريك بعدين
البنات الي كانو بالصاله ومن سمعو صوت صراخ عرفو ان البنات وصلو وطلعو كلهم متجهين للباب يسلمون على بعض
منيره:واخيييرا جيينا لديرتكم الي زعجتونا فيها
مريم:بس كيف تستاهل ولا لا
منيره:مبدئيا كذا تستاهل وكثييير
مريم:يلا يلا ادخلو نكمل سوالف داخل
عند العيال الي ماكنو داريين حتى هم لين سمعو صوت الباب ونطق سامر:اما جاييين المغرب! قلنا عيد مو لدرجه ذي يجون الوقت ذا
سعد ضحك:لو يطلع واحد من بزران الحي لاقوم جلد فيه
سعود:بروح افتح الباب
فتح الباب وبدا يرحب فيهم والعيال انصدمو على بالهم صدق بزر لين دخل عليهم ابو هادي وابو خالد وابو عبد الرحمن وصالح
فزو يسلمون عليهم وبدو يرحبون بالعيال
حمد للعيال:ماعندنا جوالات يوم انكم تعلمونا انكم جايين
عبد الرحمن:عاد قلنا لعمي عواد بس شكله نسى يعلمكم
حمد:اما! جل اي والله نسى يلا معليه
عند البنات الي تجمعو بمكان واحد وبدو يسولفون وسوالفهم مختلطه بين صياح سما وسوالف العجايز وسوالف البنات مع بعض
ام حمد لرسيل:شوفي العيال جابو الذبايح؟
رسيل:يلا بقوم اشرب مويا واشوف
راحت رسيل وشافت اللحم وريحة اللحم المنتشره بالمطبخ
وركضت للحمام " تكرمون " بدت تستفرغ
ساره الي طلعت بتروح تشوف عايد الي اتصل عليها وش تبي وشافت رسيل : رسيل شفيك ؟
رسيل : مادري لي كم يوم بس استفرغ
ساره : روحي المستشفى شيكي على الوضع
رسيل : لا الوضع عادي اكيد معاي برد
ساره : اقول والله انا الي بدق على سعود
رسيل : لالا خلاص بروح اقوله
ساره:والله؟
رسيل:اي معليك
اما رسيل الي ماكانت تبي تقول لسعود ابدا وصرفت ساره بس ساره الي كانت عارفه حركات رسيل ودقت على سعود
سعود:هلا ساره وش بغيتي
ساره:سعود رسيل شفتها تو تستفرغ ويوم قلت وش فيك قالت لي كم يوم على الوضع ذا بعد ماعلمتنا!وقلت لها تقولك بس شكلها مابتقول
سعود بخوف :بسم الله وش فيها؟ يلا بتصل واشوفها
قفل سعود من ساره بدون يسمع ردها واتصل على رسيل
رسيل:هلا سعود
سعود:رسيل البسي عبايتك واطلعي
رسيل:ليه؟
سعود:بوديك المستشفى ماتقولين كم يوم بطنك يوجعك؟
رسيل:سعود عادي ليه مكبر السالفه معليك تطيب
سعود بصوت حاد:رسيل قلت لك اطلعي قبل يجوون الضيوف
رسيل تاففت:طيب الحين طالعه
شافت بوجهها ساره:اوريك ياكلبه طيب طيب
ضحك ساره : يلا روحي وشوفي وش يقولون
لبست رسيل عبايتها وطلعت لسعود الب من ركبت توجهه للمستشفى بدون اي كلمه ونطقت رسيل:سعود وش فيك؟
سعود:وش فيني؟؟؟ انتي تعبانه ولا دريت الا من ساره وتقولين وش فيني؟ وش فيني وانتي مخبيه عني تعبك؟
رسيل بخوف:سعود انت تعرف ان العذر الشرعي يسووي كذا شفيك مكبر السالفه
سعود:وهي عليك الحين؟
رسيل:لا
سعود:اجل وجع بطنك مو منها
سكتت رسيل لين وقف سعود عند المستشفى ونزلت معه وواضح عليه العصبيه
الدكتوره بدت تفحص لرسيل ونطقت:الدوره كم لها ماجتك؟
رسيل:انا اخر مره جتني شهر 8 شهر 9 مانزلت علي
ابتسمت الدكتوره:تعالي طيب افحص لك بالسونار
وعرفت الدكتوره ان رسيل حامل:مبروك انتي حامل
رسيل بتوتر:حامل؟متاكده؟
الدكتوره:اي ووتوك ثاني اسبوع لكن واضح بيتعبك كثير دام تعبتي معه من الحين
رسيل:تمام وش علي عشان يخف التعب
الدكتوره:بفتح ملفك عندي وتراجعيني كل اسبوع اي يوم عادي تجين لي والحين اصرف لك حبوب خوذيهم كل يوم بعد العشاء وحبه وحده
رسيل:تمام
الدكتوره:زوجك الي معك؟
رسيل باستغرب:ايه
الدكتوره:حابه ابلغه؟
رسيل الي كانت تفكر كيف تعلم سعود ونطقت: اي الله يسعدك
طلعت الدكتوره ومعها رسيل ونطقت لسعود:مبروك مرتك حامل
سعود باابتسامه لرسيل:صدق الي سمعته؟
رسيل الي فرحت من ابتسامته:ايه الحمدلله
قرب سعود وحضن رسيل بقوه والدكتوره:ها ترا علمت المدام عندها موعد كل اسبوع عندنا لين يستقر وضعها دام انه اول بيبي
سعود:معليك بإذن الله
الدكتوره:وها لاتزعل كثير ولا تهمل صحتها
سعود:تمام تمام
طلع سعود مع رسيل الي طلعو بابتسامه غير يوم دخلو بعصبيه وطول الطريق سعود يناضر رسيل ويبتسم ونطق:اخخ من الوناسه ودي اصرخ بكل العالم واقول انك حامل
رسيل ابتسمت:سعود لاتقول لاهلنا الحين
سعود:متى تبين ياعيون سعود
رسيل:بعد العرس احسن واذا سالتك الملسونه ساره قل لها مافيها شي
سعود:وش يصبرنيي لبعد العرس بس ابشري مايصير خاطرك الا طيب
رسيل:لاتصير طماع عاد العرس بعد بكره
سعود:اي ابي الحين اقولهم
رسيل:لا لا مافيه بعد العرس
وصلو ونزلو وسعود الي من سعادته هو الي قهاوى الرجال بحب ورحابه
ورسيل الي دخلت الصاله وشافت حريم وبدت تسلم عليهم وبعدها راحت عند البنات
خديجه:وينك اختفيتي
رسيل:بطني اوجعتني وساره كلمت سعود غصب ياخذني ويوم رحت قالو عادي يمكن ماكله اكل مايناسبني
فايزه بشك:اما ماعطوك ادويه؟
رسيل:الاا عطوني طلعتهم فوق مع عباتي
فايزه:زين ماتشوفين شر
رسيل:مايجيك ياعيوني
البنات الي حبو مايشغلون اغاني الحين ويسولفون مع بعض وبعد العشاء يشغلون على راحتهم
همس الي للحين كارهه لينا ونطقت:فيه وحده هنا بتخطب واحد يحبني! وامه غصبته عليها! تعرفونها؟؟؟
ريناد وقف بعصبيه:انتي ياقليلة الادب ابلعي لسانك وفيصل اذاكان حابك خطبك وعطاك وجه لكن استحي يامره رايحه تلاحقينه حتى وهو بيخطب؟؟ اخخخ ضحكتيييني لكن حبيت اقولك ترا فيصل بعد بكره بيخطب جهزي فستانك ياقلبيي انتي
همس بنرفزه:ماراح تتم واوريكم
لينا تضايقت من كلامها ووضح من ملامحها لكن قربت منها لنا:وليكون تزعلين عشانها؟؟؟ حبيبتي تدرين جيتنا اليوم بسبب فيصل؟ مستعجل من الفرحه بيخطبك بكره بس اشوا هجد لكن والله يالينا ماكذب بولا حرف فيصل يكرها وسمعتي كلام امي يوم الزفت ذي تكلمت ببيتنا تذكرين صح؟ بس فيصل من امس خطبتك له وهو كاره كل البنات غيرك حتى حنا كرهنا
لينا ضحكت من كلام لنا:ياعييوني معليك ماعاد بعطيها وجه وبسحب عليها وتقريبا لو جتني المره ثانيه توطيت عليها
لنا:ايي ذي لينا الي اعرفها
ضحكت لينا الي رجعو يسولفون مع بعض وفجاءه دخلت ام سعد عليهم ووقفت العنود بصدمه:يمه بنات وش البجاحه ذي!! كم مره طردتها ورجعت!
امجاد مسكتها:اصبري خلينا نشوف وش تبي
ام سعد:السلام عليكم
الكل التفت وردو السلام ورجعو يسولفون الا الجده الهنوف الي قامت ووقفت عندها:وش جابك بعد ماطردتك بنيتي؟
ام سعد:تكفين ياالهنوف اسمعيني بس هالمره تكفيين
الجده الهنوف الي انصدمت اول مره تسمع تكفين من ام سعد:وش بغيتي تكلمي
ام سعد:ابي اكلمك لحالك مابي احد يسمع
الجده الهنوف راحت معها للمقلط وجلست مقابلها:والله من دريت وانا قلبي يوجعني انا يالهنوف ماقد ترجيت احد غيرك سعد من درا اني خربت الخطبه للعنود بنفسي وهو متضايق ولا يرجع البيت الا باليل ينام ويصحى قبل يشوفني وبعدها صار مع العيال بالاستراحه وتعرفين هو الولد الوحيد لي ولا عندي غيره وبكل مره اساله وش فيك يرد ويقول انتي السبب وامس سوا حادث وطلع بسبب التفكير اغمى عليه وهو يسوق تكفين ياالهنوف جايه اطلب السماح منك واذا فيه نصيب سعد والعنود يتزوجون بعض على سنة الله ورسوله
الجده الهنوف:انا مسامحتك ولا عندي مشكله لكن تدخلين وتعتذرين من امجاد ورغد وبعدها يصير الي يصير ولا انك تجين تخطبين بوقت عزا امهم
ام سعد بضيقه:ابشري مايصير خاطرك الا طيب الحين اعتذر منهم
الجده الهنوف الي ماحابت تنزل مقام ام سعد:وبناديهم لك هنا مو قدام الحريم افضل
البنات
العنود:يمه بنات وش صاير امي طولت معها
مريم:الحب خاطبك مره ثانيه
العنود:يابنتي لو خاطبه بتقول قدام خلق الله كلهم نفس اول مره قليلة الحيه ذي
مريم ضحكت:اجل والله مدري
جت الجده الهنوف:رغد وامجاد تعالو ابيكم
انصدمت رغد:حنا؟ عسى ماشر
الجده الهنوف:لا لا مافيه شي صاير بس تعالو ابيكم
طلعو البنات وهم مستغربين لين وصلو المقلط ودخلو فيه وطالعو ام سعد ونطقت الجده الهنوف:ام سعد جايه تعتذر منكم
رغد:حنا لو بنسامحك بنسامحك عشان امي كانت تقول لنا كل شي ولا انكم تشيلون بقلبكم على احد تدرين ليه؟ عشان اعمالنا مابترفع كل اثنين وخميس ومسامحينك لوجه الله
ام سعد وقفت وابتسمت:والله المعذره وذي الهنوف بتعلمكم بكل شي لكن جيت اسمع مسامحتكم وامشي والي كلمتك عليه بنرجع ونشوف له حل
الجده الهنوف:اجلسي تعشي
ام سعد:لا والله بروح اعلم سعد اني جيتك عشان يرجع للبيت
ام سعد الي طلعت وهي مستانسه ولاانتبهت الا على بيتها الي كان قريب لجده الهنوف لين جت السياره المسرعه وصدمتها والي فيها هربو خايفين ينسجنون
حمد الي كان طالع يجيب اغراض ناقصه للبنات من البقاله وانتبه للحرمه وقرب لها:خاله فيك شي؟تسمعيني
ام سعد الي ماردت واغمى عليها وحمد مسك جواله واتصل على الاسعاف ودخل مسرع داخل ولقا بوجهه خالد:اسمع اذا احد سال عني قل اني بالمستشفى
خالد:عسى ماشر
حمد:مامن شر شوي واجي
طلع حمد بعد ماسمع صوت صفارة الاسعاف وراح مع ام سعد المستشفى وهو للحين ماعرف مين ذي
الدكتوره بسيارة الاسعاف:اسرعو على المستشفى
بدت تسرع السياره ووصلو للسمتشفى ونزلوها بقسم الطوراى وبدو يسوون لها الاجراءات عشان تصحى لكن صحت وهي مشلوله ولا تقدر تمشي وطلع الدكتور:الي داخل امك؟
حمد:لا والله لقيتها بالشارع واتصلت على الاسعاف لكن لو تقول لي اسمها يمكن اعرفه
الدكتور:ذي كانت تجينا كل فتره مع ولدها ويكون تعبان او هي تعبانه وطلع فيها سكر وصارت تراجع عندنا كل بعد يومين واسمها فهده تعرفها؟
حمد شهق:ولدها سعد؟
الدكتور:اي اذكر اسمه سعد عرفتها الحين؟
حمد:اي بالله عرفتها وش فيها علمني
الدكتوره:لازم ترضون بالي كاتبه ربي فهده من الصدمه الي جتها كانت قويه وهي بسبب مرضها السكر جسمها على اتفه الاشياء يوجعها وذي الصدمه كانت قويه وانشلت ولا تمشي
حمد الي حزن من سمع الخبر ونطق:لا إله إلا الله
حمد الي فتح جواله بحزن وتفكير كيف بيعلم سعد خويهم لكن تشجع واتصل عليه:سلام سعد
سعد:هلا حمد وعليكم السلام
حمد ماحاب يعلمه بالموضوع ونطق:وينك ماجيت العشاء اليوم
سعد:والله العيال عازميني ورحت لهم لكن أعوضكم مره ثانيه
حمد:زين الا بالله ابيك بالمستشفى
سعد:المستشفى؟ ليه
حمد:تعبت انا ولا ودي اعلم احد من اهلي وهم الحين عندهم ضيوف اذا يمديك تجيني تعال
سعد:ابشربي مسافة الطريق وانا عندك