انا فعيونك مواطن دولته صارت عييونك

Part41

راحت ساره له وشافها متبلله وقرب يحضنهها:وعساك مو لابسه شي يدفيك
ساره:عادي من اليوم اللعب ودفيت
عايد: لا والله وتتعبين بعدين تعالي اعطيك فروتي
ساره :وانت بعد ترا برد! البسها انا اغير ملابسي الحين
عايد سحبها معه:تعالي اعطيك الفروه وانا اخذ الجاكيت عادي
ساره:عايد برد عليك الجاكيت ماتسوي شي وبتتعب
عايد قرب يلبسها الفروه:كيف اتعب وانا عافيتي قدامي؟
ابتسمت ساره بخجل من كلامه وقرب مسك يدها:دام الدعاء مستجاب ادعي بالي تبين
بدت ساره تدعي وعايد يدعي بعد وبعد مانتهت ساره
عايد:فيه احتمال تعلميني وش الدعاء
ساره:لا لا مافيه اذا تحقق اعلمك
عايد ابتسم وشاف يدها لابسه الاسواره الي جبها له:للحين تلبسينها؟
ساره:اكييد وماني فاصختها ابدا
رجع عايد يحضنها لين سمع سعود يناديه:ذا هادم اللحظات السعيده وقرب باسها
ساره:عايد تخيل احد شافنا!!
عايد:عادي متزوجين ونفس حركتك امس يلا حبيبتي روحي غيري ملابسك اكيد بنمشي
ساره:ياربي ماشبعت
عايد:معليك بالديره تاخذين راحتك اكثر يلا
كانو مخططين يفطرون بس بعد ماشافو المطر بدا يكثر خافو يصعب عليهم طريق الرجعه وجهزو الاغراض ومشو
العنود :يبي لها قهوه مع ذا الجو
امجاد:صحح عايد مر المحل الي دايم نمره
عايد:مافطرتو مافيه
امجاد:تكفى عادي اذا رجعنا نفطر
عايد:واذا هاوشوني
رغد:قل لهم امجاد قالت لي
امجاد:خير كلكم تبون مو بس انا
العنود:عايد ودنا معليك ازهلها انا اقول لهم
عايد:اذا على كذا بوديكم
وداهم المحل وطلب لهم كلهم قهوه حاره
بعد مارجعو بدو يفطرون مع بعض ويوم خلصو طلعو يلعبون بالمطر ويودعون عزام الي بيرجع للرياض عشان شغله
مر اسبوع من روتينهم المتكرر وكل الاسبوع كانو بالبيت او يطلعون عند سلمى او رنيم ولين
باقي يوم على سفرتهم للجنوب
مريم:بنات مو لازم ناخذ اغراضنا كلها مثل الاستشوار وكذا ناخذ اثنين يكفي والويفي نفس الشي
لمار:اي احسن ماودنا نكثر
جهزو شناطهم وبعد ماخلصو راحت ساره لعايد الي كان بغرفة امه على السرير
ساره:عايد؟ نايم؟
عايد:لبيه لا مو نايم بس عجزان اسوي شنطتي قلت ارتاح وبعدها اقوم
ساره:انا اجهزها لك بس تعال معي
عايد قام معها للغرفه
ساره:طلع لي وانا اسفطهم
عايد:اخذتي ملابس شتويه؟ هناك برد ترا
ساره:اي اكيد علموني البنات
عايد طلع لها الثياب الشتويه والشمغ ونطق:اعطيني اعاونك
وبعد ماانتهو راح عايد عند التسريحه:باخذ لي كم سبحه وخاتم مع انهم مايدخلون معي
ساره:ذي الشنطه للجنوب نفسها الحين اجيب شنطه ثانيه تاخذها معك للدوام
عايد:يلا بس تعالي اول شي اختاري الخواتم الي اخذها معي
ساره قربت ومن تزوجت عايد اول مره تشوف درج خواتمه كذا مرتب وكثيره خواتمه
ساره الي كان واضح عليها الانبهار وبدت تختار لها واختارت ٥
ونطقت:يكفي؟ ولا ازيد
عايد:لا لا خلاص والمسابح طيب
واختارت له وبعد ماخلص طلع له كم ساعه وانتبه للدفتر وابتسم ونطق:ساره تعالي بوريك
ساره:وشو تبيني اختار بعد
عايد:تعالي بس
طلع عايد الدفتر وساره تذكرته بس استغبت عليه:وش فيه
عايد:بتقنعيني انك ماتعرفين؟
ساره:شلون اعرف وانت ماعلمتني
عايد:يمكن انتي جيتي غرفتي وشفتيه وانا شفتك يوم شفتيه
ساره الي انصدمت:ذاك اليوم انت شفتني!
عايد:كنت جاي غرفتي وشفتك تشوفينه
ساره:والله معليش بس الفضول اخذني
عايد اشر على الغرفه:انتي الغرفه كلها فداك سوا قبل ولا الحين
وقرب يفتح الدفتر لها وانتبهت ساره لصورتهم سوا وهم مع بعض والي كانت مبتسمه:من ويين جبتهاا
عايد:من عند امي الله يرحمها يوم تورينا صورنا اخذت ذي منها وماشافتني
ساره:الله يرحمها يلا ورني تحمست
عايد بدا يقلب الصفحات وبكل مره تنبهر ساره اكثر بالشعر الي كاتبه عايد بها:لدرجه ذي كنت تحبني؟
عايد:انا ماكنت احبك! انا كنت هااايم فيك يابنت عبد المجيد
ابتسمت ساره وقربت راسها لكتفه:حتى انا احبك
عايد الي واخيييرا سمع الكلمه منه:تحبيني؟انا؟
ساره:اي وشفيك
عايد:عيديها بتاكد
ساره:كلامي مايتكرر معليشش
عايد ضحك:تعالي تعالي نكمل
بدا عايد يقلب فيه لين وصل صفحه فاضيه ساره:خلص! ابي اكثر ماشبعت
عايد:لا ماخلص طلع القلم من جيبته:تعالي اكتب وانتي معي انك صرتي زوجي وحلالي وماصرتي لغيري
ساره ابتسمت من كثر الحب لعايد وقربت له وبدا يكتب:صارت لي وجابها ربي لي كانها الخير كله هي جنبي ودي الدنيا توقف عند اللحظه ذي ويجعلني مانحرم منها ولا من حسها ولا سارة الزين
-ولعتني بالهوى والحب ساره-
ساره الي ماقدرت ماتقرب من عايد وتحضنه بعد كلامه ونطقت:والله قربك هو كل الخير ولا انحرم منك يابعد عمري
عايد:يانظر عيني انتي
قفل الدفتر ورجعه:بنرجع نكتب فيه كل شوي ولو خلص نجيب غيره اهم شي يمتلي ذكريات لنا مع بعض ونوريه عيالنا بعدين
ابتسمت ساره بحياء:لا عايد الحين استحيت شلون يوم توريهم
عايد قرب يده لخدها وقرصه على خفيف:يازين الي يستحي
ضحكت ساره وقربت لشنطته تقفلها وبعدها جهزو الشنطه الثانيه مع بعض
ابو عايد الي كان داخل البيت:ياهلا انتم هنا
عايد:اي والله جيت اجهز شنطتي
ابو عايد:زين وانا ابوك البنات قبل كم يوم كانن يبن اوديهن المساجد يوزعن مويا عن امهن عطهن خبر وشغل السياره لين ماجي وخل البنات كلهن يمشن عشان الاجر لهم كلهم بإذن الله
عايد:ابشر ماطلبت شي
استانست ساره لان ذي الفقره تحبها مع البنات كانو يسوونها كل بداية رمضان والحين بيسوونها قبل عشان ام عايد
عايد:ساره نادي البنات وتعالو
ساره كانت بتكلم رغد وامجاد اول شي وهم يكلمون البنات
ساره:رغد وامجاد ابوكم يقول اذا الحين فاضيين تمشون توزعن المويا بالمساجد
رغد: صح نسيت زين بس بعطي البنات خبر يجون معنا
امجاد:زين وانتي ساره معنا
ساره:ابشري يلا جهزو وروحو لعايد وعمي بالسياره
رغد راحت للبنات:بنات بنروح نوزع مساجد بالمويا صدقه عن امي ودكم تجون معنا؟
مريم:اذا تبون نروح ليه لا
رغد:اكيد تعالو
تجهزو البنات وعطو امهاتهم والجده الهنوف خبر وركبو السياره واول وجهه كانت مصنع المويا بما انهم بياخذون كميات كبيره من المويا
بعد ماحطوها العمال بالسياره ركب عايد:انتم توزعون بقسم الحريم وحنا بالرجال واذا باقي نوزع على العمال لان اخذت كراتين كثيره
رغد:زين
اول مسجد وصلو فيه نزلو بكل قسم كم كرتون مويا وكملو على باقي المساجد لين باقي كرتونين
وبعد ماانتهو راح عايد بالسياره يعطي العمال. الي بطريقه لين خلص
ابو عايد:جزاكم الله خير والله يكتب اجركم جميعا
الكل:امين
رجعو البيت وعلى طول عند الجده الهنوف والامهات بدو يعلمونهم الي صار وذي عاده تعودو عليها
الجده الهنوف:جعلها عاده ماتنقطع وجعلها كل سنه تسوونها وحنا لافاقدين ولا مفقودين يارب
ردو الكل:اللهم امين يارب
طلعو البنات يكملون شناطهم بسعاده بعد الي سووه وبذات انه لام عايد! يعني ياسلام على السعاده الي فيهم
مسك:يالله الحمدلله والله لازم بين فتره وفتره نسوي كذا دامنا بننبسط كذا
لمار:صدق والحمدلله المره الجايه برمضان على خييير
العنود:على طاارري كم باقي؟
ساره:حبيبي اذا رجعنا من الجنوب بيكون باليل نتسحر
رغد:يمه احلفي!!! مسرع يعني باقي اسبوع!
ساره:ايوا بالظبط الجمعه الجايه على خير نتسحر
ام سامر:يابنات تعالن كلن الاكل خلص
نزلو البنات الا مريم الي رفضت لان ماكان لها نفس وبطنها توجعها
تجمعو على الاكل ونطقت العنود:يمه صح ام رنيم ولين معنا؟تكفين قولي اييي
الجده الهنوف:والله مدري اخر مره قالت ان شاء الله الحين اكلمها عطيني الجوال
قامت العنود ودورت اسم ام رنيم واتصلت عليها
الجده الهنوف:سلام عليكم كيفك وكيف البنات وابوهم
ام رنيم:الحمدلله كلنا بخير وصحه كيفك انتي وكيف الي عندك
الجده الهنوف:كلنا بخير الحمدلله لكن بنشدك عن سفرة الجنوب انتي صملتي معنا؟
ام رنيم:للحين محتاره الصدق ولا يمدي اكنسل البنات من اليوم يحاولن فيني
الجده الهنوف:دام نفسهم بالسفره حاولي عشاني
ام رنيم:دامها لاجلك ابشري ماطلبتي شي
الجده الهنوف:تبشرين بالجنه يارب
قفلت ام رنيم الي كانو عندها رنيم ولين
رنيم:يمه وش
ام رنيم:تسالني اذا بسافر ويوم قلت انكم لكم خاطر بالسفره قالت عشاني حاولي
لين:دامها تدخلت عمتي اجل السالفه منتهيه ولا؟
ام رنيم هزت راسها بموافقه وقربت لين تحب راسها:ياعمريي يااميمتي الله يحفظك لنا
ام رنيم:امين يلا قمن جهزن
رنيم ولين طالعو ببعض وضحكو وام رنيم:وش فيكم
رنيم:يمه جهزنها وخلصنا درينا انك بتوافقين
ام رنيم ضحكت :ياماشاء الله عليكم يلا زين بروح اجهز انا لين يجط ابوكم واشوفه
لين:حتى ابوي امره منتهي كلمنها ووافق وكان يوم بيجي يعلمك بس دامك وافقتي سهلتي علينا
ام رنيم:انتم متى سويتو كل ذا وانتي دايم عندي بسم الله عليكم!
رنيم:سررر
عند بيت الجد عواد
الجده الهنوف بعد مانتهت من المكالمه العنود:ها يمه
الجده الهنوف:تقول بتشوف وتعلمني والوكاد انها موافقه
العنود:يسسس الحمدلله كنت ابيهم معنا
بعد ماانتهو سحبو شناطهم عند الباب عشان العيال يحطونها بالسياره من الحين وبكره بس يمشون
رغد:مريم ليه ماتعشت
ساره:عيت تقول بطنها يوجعها
رغد:بروح اشوفها
طلعت رغد لها وشافتها نايمه وقربت تغطيها ويوم بتقوم قامت مريم ونطقت:تكفين بطني توجع سوي لي شي دافي
رغد:ابشري تبين كمون؟
مريم:ااي شي بس اهم شي تخف علي عجزت انام
راحت رغد تسوي بثلاجه كبيره عشان توديه عماتها وجدتها وتصب لمريم بعد
يوم خلصت ودته:مريم كانت تبي شي ساخن وسويت لكم معها
ام سامر:وش جاها مشوي مافيها الا العافيه
رغد:مدري والله بس ماتصلي ممكن بطنها توجعها عشان كذا
ام سامر فهمت وقامت تشوف مريم الي كل شهر تتعب ذا التعب
امجاد:تعبك مو وقتتته
مريم:يارب مايطول قسم عذاب مو تعب
ساره:بسم الله عليك بس اشربي من الاعشاب ذا ونامي بعده
بعد مانتهت مريم نامت وقفلو اللمبات وحتى هم نامو
عند العيال الي خلصو من شناطهم وحطوها بالسياره ونطق سعد: ياعيال الجنوب كم تبعد
عايد:تقريبا 700 كيلو
حمد:اح وحنا بنجلس نمشي طول اليوم
عايد:لا معليكم خمس ساعات ست ساعات ونوصل
حمد:قصرت الصدق
عايد:اقول لاتبالغ بنمشي الفجر اكيد بنوصل الظهر وبالكثير العصر
سعود:يوم قلت كذا حسيت صدق مو طويل الوقت ههههههه
عايد:خبرره
سامر:طفى اللمبات ونامو بس وراكم طريق سفر
اما عند عزام الي من وصل الرياض وهو يداوم ويرجع البيت وينام وقليل يطلع برا لان مو متعود ولا تعود
-انتهت هاليله بخير وسعاده-
صباح اليوم المنتظر سفر الجنووب
قامت مريم اول وحده لانها نامت بدري وحست بطنها خفت واحسن من قبل وطلعت طاقتها على البنات وقومتهم
رغد:لو دريت الاعشاب بيسوي كذا كان خليتك تتوجعين
مريم:وجع اقول يلا قومو نمشي
عند ابو حمد:صح ابو عايد الرجل الي جانا وينه ماله حس
ابو عايد:والله مدري عندي نيه امره اذا رحت الجنوب اشوفه
ابو حمد:زين تسوي خير
بعد مامشو ال عواد وابو رنيم وبناته وزوجته وكان باقي على الجنوب ساعتين تقريبا
بالجنوب عند ابو خالد الي عزم ام هادي والبنات عنده بما انه بيته اكبر
لانا بعد ماجهزت الحلويات واغلبهم جابتهم من محل
ولنا الي كان عليها العشاء وخلصت السلطات بدري عشان وقت العشاء بس تحطهم
ام خالد:لانا روحي اسالي ابوك اتصل عليهم شافهم وين ولا
راحت لانا سالت ابوها ورجعت لامها نطقت:ابوي يقول باقي قليل ويجون
ام خالد:حول الكم ساعه
لانا:قالي ساعتين
ام خالد:لا وين مطولين وشافت الساعه كانت ثنتين ونطقت:اذا جت ٤ علموني
لانا:طيب
بالسياره عند البنات
رغد:عايد لو سمحت المرايا لفها على ساره البنات بيشيلون الحجاب عشان يسوون المكياج ويعدلون شعورهم
عايد ابتسم:ماني مناضر بس يلا بلفها لفها على ساره وبدو يحطون مكياج ويعدلون لبعض
ساره:العنود ناضري ظابط ؟
عايد لف عليها وقرب لها:انتي حليتيه
ساره دفته وقربت له:اص البنات معنا
عايد ضحك بعد ماشافها لفت للعنود
بعد مانتهو ووصلو الجنوب وكانو منبهرين منها لانها اول مره يجونها دايم بنجد او الديار الي حولين نجد
مسك:واووو ماتوقعت كذا! سبحان الله كل شي غييير
العنود:منجد سبحان الله حتى الجبال هنا غييير
رغد:اوف ماجربتو يوم يجيها ضباب يطلع احسنن من كذا
امجاد:اي وربي الجنوب احبها وقت الامطار تطلع ولااروع
ساره:تحمستت
وصلو بيت ابو خالد وكانو بالجنوب بالتحديد "ابها"
ابو خالد :ياهلا تو مانور البيت حياكم حياكم
بدو العيال يسلمون على بعض ونفس الشي داخل عند الحريم
رغد الي من دخلت البيت تذكرت اخر مره جته مع امها وتضايقت ونطقت:لنا حبيبي بروح غرفتك اعدل شكلي
لنا:روحي بدون تستاذنين البيت بيتك
طلعت رغد وكان وقتها صلاة العصر وصلتها وجلست تدعي لامها لين حست انها بخير ورجعت للبنات
رنيم ولين الي وصلو وقامو سامو على رغذ ونطقت لين:انتيي وين رحتي من اليوم ننتضرك
رغد:رحت بشوف شكلي سمعت الصلاه وصليت
لين:ياحبيبي تقبل الله
بدو البنات يسولفون مع بعض بعد ماتجمعو من جديد مع بعض
ام خالد:يابنتي لانا خوذي البنات وادخلو داخل
قامو البنات ودخلو المقلط وجلسو يسولفون مع بعض
ام خالد الي قامت للمطبخ بتجهز الشاهي وجتها ام حمد تساعدها
ام خالد الي حست فرصتها تتكلم ونطقت:ام حمد
ام حمد:امري وش بغيتي
ام خالد:مايمر عليك عدو لكن تعرفين العيال كبرو وودي ازوجهم احدً منكم
ام حمد:حياك والله الي تبينها كلمي امها وشوفيها
ام خالد:ابي بنتك لينا لفيصل
ام حمد:لينا؟اشوفها واشوف رايها وارد لك خبر
ام خالد:خذي راحتك
لانا:شرايكم نطلع بالصاله الي فوق عشان نتابع مع بعض
لنا:تدرين وش مشتهيه؟ رقصصص
ريناد:حتى انااااا
لانا:اجل اصبرو اجيب السماعه واجي
شغلت لانا الاغنيه لهم وبدو يرقصون بشعورهم البنات ورسيل ورنا ومريم الي ماقامو يرقصون جلسو يعززون لهم
ساره بعد ماتعبت:اخخخ تعبتتت من ثاني اغنيه
رنا:تبون ماتتعبون؟ حطو هز هههههههههههههه
ريناد:لا يمه تخيلي احد من امهاتنا يدخل علينا
قربت لانا من الباب وقفلته بالمفتح:يلا حبيبي خوذو راحتكم
طبعا محد كان يعرف غير رنا ورنيم والعنود الي انصدمو منها البنات كيف تعرف
بعد مانتهو نطقت امجاد:العنود ورنيم ياكلبات من وين تعرفوون
العنود:وقت احط مقشرات على جسمي وارقص ماراح عبث
رنيم ضحكت:حتتتى انااا
ضحكو البنات عليهم لانه صدق ذا الواقع
قفلو السماعه يوم سمعو اذان المغرب وصلوها مع بعض ورجعو يسولفون مع بعض وبنص السوالف مدحت لهم ريناد مقهى باابها
لنا:صحح! يجننن لازم تذوقونه والله
لانا:شرايكم الحين؟ دام العشا مطول وصلاة العشاء توها بعد باقي لها ساعه
ساره:لا عادي خليها يوم ثاني
لانا:لا اقول الحين اشتهيته اصبرو اشوف امي واجي
لانا راحت المجلس شافت امها مو فيه دخلت المطبخ لقتها ونطقت:يمه يمه عادي نروح الكوفي؟
ام خالد:ماشاء الله عليكم وش الكوفي الي بيشيلكم كلكم
لانا ضحكت:عادي تكفين يمه توي مدحته لهم مرره بخاطري يجربونها
ام خالد: وقت ثاني
لانا:تكفيين يمه قلت للبنات بجييك
ام خالد:طيب بس شوفي احد يوديكم
لانا:احببببك
ضحكت ام خالد عليها وهي ركضت للبنات تعلمهم:بروح اشوف احد يودينا واجييكم
ريناد:شوفي هادي جابنا بالجمس
لانا:بشوف اخواني بالاول
عند العيال الي كانو يلعبون مع بعض بلوت والكبار يسولفون مع بعض وسوالفهم معروفه كلها عن المحلات والخ
عايد الي كان طالع لحمام وانتبه لوحده تنادي وخاف تكون من بنات ابو هادي ولا ابو خالد ورجع للمجلس:فيصل بغيتك شوي
فيصل قام:هلا وش فيه
عايد:لا بس جالس اسمع احد ينادي يمكن وحده من اخواتك ولا من بنات عمك
فيصل:زين مشكور
فيصل:لانا؟ خير ان شاء الله وش عندك تصوتين لي بصوت عالي
لانا:اما ذا صوت عالي! مو عالي
فيصل: مو عالي وعايد علمني انك تناديني!
لانا:وانا وش دريني المهم تبي تودينا للكوفي؟
فيصل:كوفي؟ والحين؟ صاحيه انتي عندنا عشا كيف اوديكم
لانا:فيصل! تكفى قلت للبنات وامي وافقت
فيصل:امي وافقت متاكده؟
لانا:اي والله وافقت
فيصل:زين اشوف ابوي واقولك
لانا:انتضرك هنا لاتسحب ولا بناديك بصوت عالي
فيصل:يويلك
طلع فيصل للمجلس ينادي على ابوه وكلمه برا
ابو خالد:زين ودهن مايخالف بس لايطولن وانت خلك معهن خالد وهادي عندي
فيصل:معليك عندي الموضوع
فيصل رجع للانا وحب ينرفزها:ابوي عيا يقول اجلس عند الرجال
لانا:كذاب ابوي مايقول كذا اخلص وافق؟
فيصل:اي
لانا:وناااسه حتى انتت احبببببك
فيصل:مين تحبين قلبي
لانا:امي ولاتصدق نفسك
وركضت بسرعه قبل يقولها اجل من موديكم وعلمت البنات
لنا:يمه غريبه وافق
لانا:عندي مهاراتي الخاصه بس يلا البسو ومشينا
ساره:بس اقول لجدتي وامي وعماتي واجيك
لانا:امشي الموضوع عندي قلت لك انتهى امي علمتهم
ساره:والله كفووو عليك
ساره ارسلت لعايد:"بطلع مع البنات الكوفي"
عايد قراء الرساله وحب كيف ان استاذنت منه ورد عليها:"روحي بس انتبهي لنفسك"
ابتسمت ساره وقفلت الجوال وطلعت مع البنات
رسيل:مريم تكفين ارجعي ورا
مريم:مالي خلققق
رسيل:تكفييين احبك يلا عشاني
مريم:رسوله تكفين مالي خلق
لينا الي كانت بجمب مريم :انا ارجع خلاص
رسيل:كفوو عللليتس
مريم:هههههههههههههه من الوناسه طق العرق
رسيل:انتي لو ماقلتي لي رسوله كان زعلت عليك
مريم:اجل بقولها دايم
رسيل:مو كل مره تظبط
بعد ماركبو البنات وركب فيصل وكانو مستحين منه البنات لانها اول مره يركبون معه
لانا:فيصل اكيد مابنجلس بالهدوء ذا شغل لنا شي
فيصل:خوذي الجوال انتي حطي
لانا:النت حقي خلص افتح من عندك
فيصل عطاها الجوال:اقري لي الاغاني واقولك الي تحطينها
بدت تقرا له الاسامي لانا لين وصل:سحر البيان
فيصل:حطيها
بدت تشتغل الاغنيه وبرضو البنات مستحيين حتى الاغنيه مايرددون وراهم من الحياء الي فيهم
وصلهم فيصل الكوفي ويوم جت بتنزل لنا:اذا خلصتو انا هنا ولاتطولون
لنا:تمام
نزلو البنات وكانو كثار لكن اتفقو يتقسمون على طاولتين احسن
رنيم:ماعجبني جوكم شكلي بروح للطاوله الثانيه
العنود:يلا اشوف وريني طولك وروحي لهم
رنيم:ماعندهم كرسي لو عندكم رحت ههههههه
العنود:شف البجاحه! والله غيرر تجلسين هنا عاد
رنيم:ياليل بس
اخذت طلباتهم لانا وراحت تطلبها وبعدها قامت العنود اخذت الطلبات حقتهم وقامت تطلبهم
بعد ماوصل وكلهم عجبهم الطعم ومدح البنات ماكان مبالغ فيهم
بعد مامرت نص ساعه وهم بالكوفي لنا:فيصل ينتضرنا بالسياره تبونا نمشي؟
رغد:يويلي ليه توك تقولين اخذنا راحتنا على بالنا مو فيه
لناعااددي اخذ لها قهوه الحين تراضيه
راحت لنا تطلب له ورجعو السياره ومدته:عشان تاخرنا عليك
فيصل ماحب يفشل اخواته قدام البنات ويوم وصلو ونزلو نطق:انا اوريكم هين ان وديتكم مره ثانيه
لنا:حتى القهوه مانفعت!
فيصل:ابدا لا
لنا:اعوذ بالله منك
رجعو البنات وساره راحت تطمنهم انهم رجعو ورجعو بالمقلط يكملون سوالف مع بعض
بعد دقايق قامو لانا ولنا يجهزون العشاء وساعدوهم ريناد ورنا
رسيل:بقوم اساعدهم عيب نجلس كذا
رغد:يلا حتى انا بجي معك
بعد ماوصلو المطبخ ونطقت رغد:فيه شي نساعدكم فيه؟
ريناد:لا مافيه بس روحو ارتاحو
رسيل:خير اقول عطونا نساعدكم
ريناد:اقول والله ماتساعدونا مافيه شي بس نوزع السلطه على السفره وخلصنا
رسيل:والله؟
ريناد:اي والله مافيه شي