خلصو ال عواد من الفطور
الجد عواد : يالله ياعيال جهزو نبي نمشي ونبهو الحريم عشان يجهزون
سيف : ياعم مو كأنه بدري؟
الجد عواد : اي والله بس المحلات ياسيف مامريناها من امس نبي نترزق
سيف : اي صح نسيت المحلات ابشر بروح اقولهم يجهزون
طلع سيف لقسم الحريم
سيف : لمار
لمار : وجعاه وش تبي وش ذا الصراخ
سيف : اجهزو بنرجع
لمار : اف واخيراً
سيف : وشدعوه تراها يوم بس
لمار : اليوم عندي سنه مو يوم
سيف : عطيتك وجه دزيها بس علميهم اننا بنمشي
لمار : اوريك ماردك لي
سيف : ايه ايه بس اخلصي علي
لمار : انقلع خلاص
دخلت لمار عند الحريم والبنات
لمار : بنات عمي يقول جهزو الاغراض بنمشي عشان المحلات
مسك : ياربي مسرع جينا
لمار : اقول انتي لو على كيفك سكنتي بالعزبه
ضحكت العنود : صدقتي مدري ليش تحبها
مسك : خير بنات احبها والله عشان رغد وامجاد معانا
العنود : تقنعيني ان امجاد ورغد مو 24 ساعه مسنترات
مسك بضحكه : الا بس يعني
امجاد : وش ذا الكلام عقاب لك يالعنود بكره ماراح اجيكم
العنود : ايه وبالاخير محد بيصحيني من النوم غيرك
امجاد : اوريك اوريك قلت مابجي يعني مابجي
لمار : ياكثر هرجكم قومو ساعدوني
بدو يجهزون الاغراض
سيف : عايد تكفى بركب معاك
مسك : عايد تكفى قل لا متزاحمين
عايد : ليه انا خبل بخليه يركب معانا ؟ انا زين ماخليه مع جدي بسياره وحده
سيف : عادي وشفيها اسولف عليها ويعلمني سوالف وعلوم زينه
عايد بصوت عالي : ياجد سيف يبي يركب معاك بس مستحي يقول لك
سيف وهو يضربه : يالكذاب متى قلت ؟
الجد عواد وهو بالسياره : سيف تعال اركب معي وانا جدك
سيف : ابشر ابشر اوريك يالكلب
عايد : الحلم عايد والواقع جدي
مسك بضحكه : كفو عليك اهم شيء كرشته
عايد : كفوك بس يالله مشينا نركب السياره بيمشون ويخلونا
مسك : بقول للبنات واجيك
دخلت مسك : بنات عايد يقول امشو يالله
العنود : من اليوم ننتظركم اصلاً
مسك : فاتكم صار موقف يضحك عن الهطف سيف
لمار : وشو ابغا اضحك تكفين
مسك راحت السياره تركض : اقوله لكم بالسياره
بالسياره
مريم : وش الموقف مسيكه تحمست
مسك : يع وش مسيكه
مريم : يعني دلع عشان تقولين السالفه
مسك : دزي م راح اقول
مريم : مسوكه
مسك : ياشين الدلع منك بقوله عشان ماعاد تدلعيني اخس من ذا الدلع
مريم بضحكه : ايه اسلمي وش صار؟
مسك قالت لهم الموقف
رغد : الكلب عايد قهرني بكلمته الحلم انا والواقع جدي من زينه عاد الوصخ
عايد ضربها على الخفيف : انا كلب؟ وانتي مالقيتي الا سيف المروح تحبينه وتدافعين عنه
رغد : ويع مافيه اشين منك الا سيف
عايد : عن الغلط
مسك : انا وانا اخته راضيه لانه صدق شين
لمار : وجع الا انا اخته وما ارضى عليه
مسك : عشتو اجل مين اربع وعشرين ساعه بشوش بعض؟ ليكون عايد ورغد
رغد : وجع وانا وعايد وشدخلنا
امجاد : عاد صدقتي دايم بشوش بعض
رغد : يابنت الناس شوي سمعه
رسيل : اي سمعه وانتي كل فضايحك عندنا
رغد : انتي بعد وجع مع امجاد
ساره : اخاف اتكلم وتقولين لي وجع معاهم
رغد : جربي مابيضرك
ساره : سردبيها بس وافتحي لنا اغاني
رغد : خلك قدها وشوفي مين بيفتح لك الحين اغاني
ساره : ياكلبه اوريك
رغد : موتي قهر دزيها يالله
ساره : اتحداني افتح اغاني؟
رغد : اتحداك
ساره : تمام قربت ساره لامجاد بهمس : قولي لعايد يفتح الاغاني
امجاد بصوت شبه عالي : عايد ساره تبي اغاني
ساره ضربتها : وجع اخوات كل وحده انذل من الثانيه
رغد : ههههههههه شفتي مجوده ماتتركني دايم معاي فديتها
امجاد : انتي بعد دزيها عشان مالي خلق لكم
ساره بضحكه : حتى هي ماعطتك وجه موتي قهر
رغد : انطمي انا اوريك يالوصخه من لقا احبابه نسى اصحابه
ساره : احباب وش ياحظي من وين لي
رغد : يعني جاء براسي وقلتها
ساره : لا عاد يجي براسك شيء
رسيل : يالليل ياكثر هرجكم ممكن تسكتون شوي
ساره : مابسكت وش عندك
رسيل : عايد بالله افتح الاغاني خلها تسكت شوي
ساره : كولو تراب ياقليلن الادب انتم
عايد بدا يفتح الاغاني لهم
رغد قربت للمسجل وطفته : خلاص عاد اغنيتين تكفيك ياساره
ساره بمزح : تنعاف الاغاني اصلاً كرهتها منكم
رغد : الله واكبر يعني زعلتي كذا ؟
ساره بضحكه : يعني مو واضح ؟
البنات وهم يضحكون عليها
مريم : طيب ياغبيه كملي الزعل
العنود : مالقيتي الا ساره؟ اتحداك لو كملت الشيء الي تسويه على اكمل وجه
ساره : قليلات ادب دزوها عني
رغد : ياقلبي عليك رحمتك
رغد قربت للمسجل وشغلته : لا عاد تعودينها عشان ماعاد اطفيها عليك
ساره : يع ياشينك ماعاد بركب معكم بركب مع جدي احسن
مسك : وش عندها سيف رقم اثنين
ساره : على الاقل سيف مع جدي مو معكم يالمروحين
مريم : عشتو
ساره : وجع زعلت لابوها من اغاني طفوها بس
رغد : وانا اصلاً فاتحتها عشانك ؟ لا رغد بدت تعلي الصوت
ساره رجعت على ورا وبدت تهوجس مع الاغنيه الي حطتها رغد
اسقني حب .. او اسقني فرقى
إن صبرت اشقى .. او هجرت اشقى
العمر يمضي .. والجروح تبقى
إختر الحل الصعب .. ياتفارق ياتحب
بعد ماطفت الاغاني وقربو يوصلون
امجاد : بنات ترا الحين بننزل نلم اغراضنا ونرجع البيت
لمار : خير كان كملتو السهره عندنا
امجاد : لا زين قبل امس ابوي وافق ننام عندكم
لمار : تكفين بس الليله
امجاد : مدري بقوله اذا وافق جلسنا عندكم
ساره : يع مافيه فكه انقلعو عني شوي افتك منك انتي واختك
رغد : انتي الي انقلعي البنات كلهم يبونا الا انتي
ساره : لا مو كلنا انا مابيك انا عنهم كلهم
امجاد : يع يالثقه يع
ساره : عليك يالوصخه
مريم : بالله عايد اسرع احتاج البيت احتاج هدوء من بعد سوالفهم
ساره وامجاد بنفس الوقت : خلي احد يسهر معاك اجل
مريم : مابيكم انا ماصدق اجي واتعشا وانام بسحب عليكم
امجاد : يابنات السهره اليوم علي وفوق بالسطح
مريم : لا لا طار النوم
ساره بضحكه : تضحكوني تغركم الاشياء السخيفه ذي
رغد : تقنعيني ماتغرك جلسه السطح؟
ساره : لا والله احبها
رغد : اجل اسكتي
عايد شاف البيت : الحمدلله مابغيت اوصل ازعجتوني
رغد: اح تقصدني انا
عايد : الي على راسه بطحه يتحسس
امجاد وهي تضحك : متت اول مرا تعجبني ياعايد
عايد : حتى انتي معاها ازعجتيني
البنات بدو يضحكون عليهم
ساره : يالله بس امشو قدامي رتبو الغرفه معي قبل يجيبون العشاء
رغد : النيه انك ماتبينا ؟
ساره : لاحول انتي الواحد مايمزح معاك
رغد : لا لا ماحب احد يمزح معاي
عايد : خلاص انزلو صجيتو راسي
رغد : ايه احسن احنا نصجك ولا سيف ينشب لك
عايد : سيف ذا احسن منك يالله دزيها بس
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
