امجاد:ايه واضح اوريك
لينا:عايد مطولين؟
عايد:لا مابقى شي،ليه بغيتي شيء؟
لينا:لو ماعليك امر مر البقاله
عايد:ماضن فيه بطريقنا لكن لو لقيت ابشري
لينا:عادي انا بس ابغا مويا اذا مالقينا مو لازم
رغد:انا جبت معي تبين؟
لينا:اشوا عطيني
العنود:ابغاا حتى انا
بدو يوصلون الرياض وقبل يدخلون الرياض
الجده الهنوف:وين بتروحون شقه؟
عزام:ايه يمه اكيد من الشركه عطوني 4 غرف
الجده الهنوف:زيين جزاهم الله خير اجل اتصل عليهم خلهم وراك لانك تدل الشقه
وبدا عزام يتصل ويعلمهم ان بيروحون الشقه
بشوارع الرياض
العنود عند جهة الشباك:ااخ ياحلو الرياض ماتوقعتها كذا حلوه
ساره:صدقق واو رغم الديره تجنن بس الرياض بزياده
لينا:اي والله اخ وش يقنع جدي نسكن هنا؟
مريم:تحلمين بها ذي
لينا بضحك:يلا اهم شي احلم بها
رغد شافت مقهى:تكفى عايد نبي نطلع نروح مقهى عادي؟
عايد:والله اني دايخ الحين اجيب العشا وننام واودعكم بكره اوديكم
امجاد:طيب كم يوم نبي نجلس هنا؟
عايد:للان ٥ مدري عاد عن عزام وشغله
امجاد:بفرفر الرياض كلهااا بالخمس الايام ذي
عايد:وماشاء الله محد يتعب غيري
امجاد:يعني مالنا غييرك
وصلو الشقه واول شيء كانو بشقه وحده
فهد:دامنا كبيرنا ياعواد كيف التقسيمه
الجد عواد:فيه شقتين ثنتين كل وحده مفتوحه على الثانيه اول وحده "وقام ياشر لهم " ذي للبنات بحيث يكونون هم وامهاتهم ومعهم منيره
والشقه الي حنا فيها لنا وللعيال
فهد:اي زين كذا افضل
حمد:ياعيال احملو بالسهررات
الجد عواد:يعني تسهرون من وراي؟
حمد بوهقه:لا لا بس عشان الرياض ولازم نطلع وكذا والجو مايزين الا بالليل
الجد عواد وهو عارف ان حمد يكذب عليه نطق بضحك:بسمح لكم لكن بشرط بنياتي معكم
العنود:الله يسعدددك يااايبه
امجاد:اي والله الله يسعدك كسبت فينا اجر الوناسه
الجد عواد:امين لكن ها بشرط
العنود:سم وش شرطك
الجد عواد:ماتطولون والاماكن الي تروحون لها تكون معروفه بحيث محد يقدر يجيكم
ساره:افا عليك يالجد توصي حريص؟وبعدين زي ماقلت العيال معنا ولو طلعنا هم طاوله وحنا طاوله مابنكون بعيدين عن بعض بالمره
الجد عواد:عاد اهم شي خوذو حذركم عيال هالزمن مابهم خير
العيال وهم يناضرون بعض ويتنحنحون
عزام:يايبه تقصد عيال هالزمن وذولا تحسسو
مشاري:اي والله تحسسو وكان ابوي يقصدهم
سامي بضحك:ماعاد نتننح
الجد عواد:يلا عاد عايد جزاه الله خير جاب العشا تعشو ونامو وبكره ان شاء الله تطلعون مو الحين
عند البنات
لينا:مين بينام على السرير؟
ساره:طبعا انا
رغد:وانا
امجاد:اكثر ثنتين تخسون اصلاً
ام ساره:لا انتي ولا هي كلكم على الارض انا بنام على السرير
ساره:اح يايمه طردتينا كلنا حتى بنتك!
ام ساره:اذا انتي بنتي هم بعد بناتي
ساره:غررت يمه خير انا بنتك بس
مريم:عشتتتو وانا؟
ساره:يعني انا وياك بس
ام ساره:زي ماقلت لكم الارض واسعه تقاسموها ونامو زي ماتنامون مع بعض بالعزبه
والعيال تهاوشو على السراير لين الجد عواد نطق:لو ماخلصتو لاتخلوني احلف عليكم كلكم على الارض
عزام:يبه عيب عليهم انا الشقه ذي لي وينوموني على الاراض!
الجد عواد:عزام ذاك السرير لك وذااك لعايد عشان عشانا وذاك لسعد عشانه ساق بكم
سامر:واحنا؟
الجد عواد:الارض تناديكم
سامي بضحك:مقبوله منك يالجد
الجد عواد:يلا يلا راح الوقت ومانمنا
انتهت ليله سعييده على الكل بسبب الرياض
اليوم الثاني
الجده الهنوف: يابنيتي قومو جهزت الفطور لكم ترا بنفطر ويطلعونا نشوف الرياض
مسك من وراها:تريحي ياجده انا اصحيهم
الجده الهنوف:ماتقصرين والله
مسك بدت تصحيهم بغصب وتهددهم الي ماتقوم ماتروح وكلهم قامو وافطرو وتجهزو ينتضرون العيال
فهد:هالمره انت بعد نمت معهم يالعواد
الجد عواد:والله تخبر تغيير المكان علي
فهد:يلا نومة العووافي بس صحصح وشف شغلك مع العيال تعبوني الله يهديكم محد صحى غير سعود وسعد
الجد عواد:بدا ينادي باساميهم مره مرتين محد سمع له المره الاخير بصوت عالي:قوم انت وياها من اليوم انادي على مين!!
فزو العيال الا حمد والجد قرب له يحرك العصا على جسمه عشان يصحى
حمد:هااااا وش تبووننن بناام
الجد عواد:يلي ماتستحي قم قم الوقت راح
حمد:سم سم
العيال بدو يضحكون عليه والفطور جابه لهم هالمره هايل
فطرو وخلصو
عزام: الحين وين تبون تطلعون لين يجي وقت دوامي؟
عايد:نتمشى بشوراع الرياض لين وقت دوامك ومن بعدها نتغدا ونرجع
عزام:خلاص تم انا بشوف البنات واجيكم
الجد عواد:خوات عايد داخل خلني انا اقوم لهم
عزام:يلا
الجد عواد علمهم وش بيسون اليوم:ها يابنياتي تبون كذا؟
الجده الهنوف:نبي السوق عشان عزيمة عزام لرجعنا
الجد عواد:خلاص بعد الغدا ننزلكم لين العشا نتعشا ثمً نرجع
طلعو وهالمره السياره صار فيها عزام يسوق بالبنات وعايد بالجد والجده والامهات والعيال سعود
عزام:فيه مطعم جيت له بوقت مقابلتي والله انه لذيذ تبونه؟
العنود:اثق بذوقك ودنا يلا بس اهم شي فيه جلسات عائليه؟
عزام:اكيد وهالمره الحريم بجهه والرجال بجهه افضل ولا
العنود:خلاص تم ودنا له
وصلو المطعم وبدو يطلبون لهم اكل
عند العيال
عزام بدا يقول لهم وش بالمنيو
الجد عواد:وش ذا ماعندهم شي اعرفه كلها اسامي غريبه
عزام بضحك:دامها كذا انا بطلب والي يجيكم تاكلونه
نادا العامل وعطاه الطلبات وبعدها عزام راح للحريم ياخذ طلباتهم وطلب
بعد الغداء عن حمد:اااخ يالطعم والله فنان بنعتمده طول ماحنا بالرياض
عزام:شرايكم بس
سيف:والله تسلم لذيذذذ
عند البنات
العنود:طعمه يجننن صدق اثق بذوق عزام
لمار:والله المخنس اخوي طلع له ذوق
العنود:اخوي قبل يصير اخوك اص بس
"عيال هايل اخوان عايل الجد عواد من الرضاعه"
لمار:ياليل عاد ههههههه
الجده الهنوف:يوليدي رجعني الشقه البنات معهم ام لمار وام ساره جزاهم الله خير وحنا بنرجع
عزام:ابشري ماطلبتي شي انزلكم واروح لشغلي
سعود نزل البنات عند المول
ساره:بنات ناخذ لنا قهوه وبعدها نرجع ناخذ اغراضنا؟
العنود:تم بس بسرعه لازم ندور اشياء زينه العزيمه كبيره وبالمزرعه
ساره:يلا امشو معي اي مقهى قدامنا ناخذ منه
اخذو قهوه
دخلو اول محل مالقو لهم شيء
ثاني محل العنود:واووو تخيلته عليك ياساره عاد الاحمر عليك ناررر ماشاء الله
ساره:والله؟شرايكم بنات
البنات:يجنن خوذيه
ساره:تم بس باخذ لي كذا فستان وكذا لبس للعزايم
لينا:اتوقع كلنا كذا ولاتنسون طلعتنا الشتويه للمزرعه اشترو الحين وافتكو
ساره:الله يذكرك بالشهاده تم
وكل وحده من البنات لقت الفستان الي صنع لاجلها وكم لبس احتياط
دخلو محل مواعين
ساره:عننوود تعالي شوفيي وش لقييت
رسيل:تحمست اعرف وش من نطقها لك عنود مو العنود كالعاده هههههه
ساره:لقيتت اغراض القهوه السوداء
رسيل:احلفيي!! ويييين شفت امس مانزلو للحين
ساره:والله لقيت امشو اوريكم
العنود:اجل تم خوذي ثنتين احتياط
ساره:باخذ بدون تطلبين عددنا كبير وماتكفي وحده اصلاً
مريم:طيب من وين لكم بُن؟
رغد:عايد مدح لي محل يجنن هنا بس نسيت بس صبر بتصل يعلمني وش هو واقولكم
ساره:يلا تم
رغد:الو عايد وش اسم محل بُن القهوه
عايد:غريبه ليه تسالين
رغد:ساره لقت اغراض القهوه ونبي البُن
عايد:تمام اسمه***** تلقونه جنب*****
رغد:احبك كفو عليك
عايد:حبتك القراده
قامت توصفه لهم رغد واخذو مجموعه وكملو تسويق
امجاد:ركبي راسي يدي كلشيء فيني تعبببب
ام لمار:وش تقولين عني وانا عمتس؟ تكسرت وانا الحق وراكم
امجاد حبتها على راسها:والله اسفين تعبناكم معنا بس خلاص كل شيء خلصناا مايحتاج بكره
رغد:بنات عايد اتصل علي يقول سعود جاي والسياره الي معه ماتكفي كلكم روحو غيري انا وساره وامجاد والعنود مع عايد جاي مع الطريق
لينا:خلاص تم خالاتي معنا؟
ام ساره:اكيد يابنيتي
اول سياره كانت سعود ومعه:رسيل،لمار،مريم،لينا،ام ساره،ام لمار
البنات جلسو ينتضرون عايد داخل على الكراسي بالمول
ساره:بنات تعالو ندخل محل الاكسسورات ذا احسه يجنن
رغد:روحو بعلم عايد مكانه عشان يجينا واجيكم
ساره كانت عند سلسال عاجبها فضي وعليه لؤلؤ
نادت امجاد:شوفي يييجننننن
امجاد:يويلي يمووت صبر بنادي رغد تشوفه
ساره:خلاص انا والعنود هنا ننتضركم
امجاد:جيت!مسرع بس صبر ساره عاجبها سلسال بناخذه ونجيك
عايد:لا لا بدخل معكم اشوف
رغد:يلا تعال عشان تشتري لي من فلوسك
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
