انا فعيونك مواطن دولته صارت عييونك

Part37

بعد مده قصيره اذن الظهر ونزلو يصلون وكانو بالاول الرجال وبعدها الحريم
امجاد ورنيم الي كان عليهم عذر شرعي وجالسين بالسياره مع بعض ورنيم لاحظت امجاد ساهيه بالي يصلون ونطقت:امجاد وش فيك
امجاد ناضرتها:يمه انتم ليه كلكم تسالوني ذا السوال؟ مافيني شي انا
رنيم:متاكده؟
امجاد:اي والله ولو عشان شي تذكري الهرمونات وش تسوي
رنيم:لا لا بس مدري بالك مو معنا طول الطريق
امجاد:مالي خلق ابي اوصل متكسر
رنيم:زين دام مافيك شي وهذا حنا قربنا
بعد ماانتهو من الصلاه ورجعو يركبون السيارات وبعده فتره وصلو الرياض وكانو منبهرين بالتغيرات الي صارت على اخر مره جوها
العنود:واوو! ياحظك ياعزام كنت تشوف الرياض كل يوم
عزام:تراها ٣ ايام وبعدها رجعت نجد
العنود:بس الحين بترجع تشوفها كل يوم
عزام:تبين تجلسين هنا؟
العنود:مررره ودي بس عشان امي وابوي مقدر اخليهم والبنات بعد
عزام:بعد العرس افكر بالموضوع ذا
وصلو ونزلو يدورون فنادق واول فندق وصلوه وكان مافيه غرف على عددهم وثاني فندق كان زحمه وصغير ووصلو ثالث فندق
ساره:اففف تعبت يارب انهم يلقون
امجاد:منجد وش ذا انهد حيلي وانا بالسياره
عزام الي من داخله يقول واخيرا سمعت صوتها لكن نطق:وانتم بس تتحلطمون! شلون لو خليتكم انتم تسألون
ساره:الحمدلله مو حنا بس يلا عجل انزل شف
طبعا هم كانو متوزعين بالسيارات كل سياره تروح فندق اسرع لهم عشان يلقون بسرعه
عزام الي نزل وانصدم من سعد الي كان موجود بعد بالفندق يبي غرفه ونطق:كاني شفتك انت سعد؟
سعد:وصلت خير اي نعم
عزام سلم عليه ونطق:ارحب دامك هنا بالرياض بس اسبوعين عرس بنت اخوي وولد اخوي حياك
سعد:عساكم على القوه ابشر اول الحاضرين ان شاء الله
عزام كلم الاستقبال ولقاء الغرف وارتاح وركب السياره يتصل على اول شخص قدامه عايد ونطق:لقيت الفندق شفت الفندق**** تعال له من الخلف وتلقاه
عزام كان حاط سبيكر وساره كانت تسمع صوته وهي مبتسمه وودها لو تجلس معه كم دقيقه من انخطبو قليل يجلسون مع بعض او مايجلسون خير شر
عايد:زين زين جايك
قفل عزام من هنا وراح اتصل على اول شخص طلع له وكان هادي:وانتم بعد اكير مريتو على فندق**** تعالو لنا اياه من ورا لقينا غرف
هادي بضحك:والله حنا مادورنا خير شر شفنا محل شاي ووقفنا ناخذ لنا
عزام:لا إله الا الله شكل بس انا وعايد كانا ندوج بالشوارع بس يلا الحين ارسلك بالواتس الموقع وتعالو لنا
اما سيارة سامر الي كان فيها ام حمد وام سيف وام سامر وام خالد وام هادي
اما ابو خالد رفض يركب مع احد واخذ وحده من السيارات وكان فيه هو وابوي هادي وسامي وابو حمد وابو سيف وابو سامر وابو هادي
عزام الي كان ينتضرهم يوصلون ويطلعون مع بعض نطق:صح فيه احد منكم يعرف سعد؟ اكيد تعرفون امه
العنود:مين ذا بعد
عزام الي لمح سعد طالع من الفندق ونطق:ذا ذا تعرفونه؟ حضر ملكة رسيل وسعد
البنات الي فجاءه وجههو اناضرهم على سعد الي طالع ونطقت رسيل:اما شكل محد يعرفه غيرك
العنود الي من شافته عرفته! عرفته ذا الي كان يبكي وماكانت تدري وش اسمه وبدا قلبها يدق بسرعه وعزام لف عليها ونطق:وانتي تعرفينه؟
العنود:اء اء انا؟ اذا مايعرفونه اكيد معرفه انا بعد
عزام:يلا زين علمتكم عليه اذا سولفت عنه مره ثانيه تعرفونه
وصلو السيارات كلها وهالمره كل عايله اختارو غرفه افضل لهم واريح لهم
غرفه كان فيها ام عايد وابو عايد ورغد وامجاد وعايد واهل ام عايد
غرفه فيها الجد عواد والجده الهنوف والعنود وعزام وابو حمد وام حمد وحمد وسعد ولينا ورسيل
وغرفه كان فيها ابو سيف وام سيف وسيف ولمار ومسك وابو سامي وام سامي وسامي وسامر وسعود ومريم وساره
وكانت كلهم عند بعض ويفتحون على بعض وبينهم باب
بعد ماخلصو من تقسيم الشنط على الغرف اجتمعو كلهم عند الجد ال عواد وبدو يسولفون كلهم مع بعض وهالمره عايد وساره ورسيل وسعود يناضرون بعد بدون خوف ان الثاني يعرف بحبه الحين كلهم يبادلون بعض بحبهم
بعد ماانتهت السوالف نطق ابو هادي:فطوركم بكره علي والخيار لكم تبون بالمطعم ولا هنيا
الجد عواد:تجيبه هنيا على قولتك احسن هناك مافيه الي يكفينا حنا قبيله
ابو هادي:ماشاء الله اجل تمام
توزعو على غرفهم والكل كان طافي من الطريق ومن فرفرة انهم يدورون فندق الا الي راحو يشربون شاي طبعاً ونامو كلهم وكالعاده باقي عايد وساره
عايد الي كان بالواتس وانتبه ان ساره متصله وارسل لها:صاحيه؟
ساره الي من شافت الشعار وابتسمت :اي وش بغيت
عايد:ابد كلهن نامو وسحبو علي قلت اجي لحبيبة قلبي
ساره الي شوي وفكها يتكسر من الابتسامه:حتى انا كلهم نامو محد صاحي
عايد:وانتي؟
ساره:وش انا؟
عايد:ليه مانمتي
ساره:اها رنيم جالسه تكلمني وكنت بنام بس شفت اشعاراك ودخلت الواتس من جديد
عايد:زين مابي اسهرك تصبحين على خير ياخيري انتي
ساره الي حطت الجوال على صدرها ونطقت:كذا كثيير على قلبي جالسه اتعلق فيه قبل عرسنا!
انتهت هاليله بحب وسعاده
صباح اليوم التالي الي طلع ابو هادي وهادي يجيبون الفطور وتجمعو وفطرو ويوم خلصو ارتاحو وبعدها انطلقو البنات على رحلة تدوير الفساتين الي صنعت لاجلهم وكذالك العيال الي يدور شماغ ويدور ساعه والي يدور شوز والي يدور كبك وكان يوم مليء بالاحداث
ساره ورسيل الي دخلو على محل فستاين العرايس وساره انبهرت من فستان الي كان طويل وماسك عليها من فوق ومن تحت طايح  والطرحه مطرزه بخرز وورد ونطقت:واوو!! واووو مابي ادور ذا عجبني مررره
رسيل:يجننن خير مره حلو قسم شرايك نطقم بعد
ساره:عرس واحد وفستان واحد بعد هههههه!
رسيل:اكيد امزح يلا عطيها الي تبيه وامشي اشوف محل ثاني
ساره:ماعجبك شي؟
رسيل:ابدااً
عند البنات الباقي الي من محل لمحل يدورون الفساتين
مسك ولينا الي من دخلو المحل الاول عجبهم فستان
لنا:عطوني قناعتكم بالله
لينا:ذا ذوقنا حبيبتي مو قناعاه
رنا الي كانت تمشي معهم بالممرات ولمحت فستان بمحل من المحلات ونطقت :امشوو امشوو هنااا احسه يجننن
لقت رنا الفستان الي تبيه وكان الموظفه بنت وبدت تقنع بقيت البنات بتصاميمها وعجبو لانا ورغد ولمار الي خلوه عندها لانه يحتاج تعديلات
اما باقي البنات مالقو لهم وتعبو وقررو يرجعون له بكره
عند رسيل وساره الي مالقو شي لرسيل للحين وساره لمحت محل ذهب ابيض ونطقت:واو! تعالي معي
دخلت المحل وعجبها طقم كامل اللماس وكان غالي السعر تقريبا ونطقت ساره:حتى لو انه كليه دامه عاجبني استاهله
رسيل:حييي عيييينك ملبوس العافيه
بدو يكملون الي ناقصهم ورجعو الفندق وسوو شاي لهم واجتمعو مع امهاتهم وهم تعبانين من المشي
ام عايد:خلصتو؟ ولا باقي
رغد:وماشاء الله بنتك وبنات اختك واخوك وذي مريم ورسيل يقتنعون بسرعه تتوقعين؟
ام حمد:رسيل مالقيتي شي؟
رسيل:لا والله يايمه لكم فيه محل ثاني بكره بمره مع ساره
ام حمد:انتي ساره لقيتي؟
ساره:اي الحمدلله بس بروح معها
ام سامي:زين اجل بكره احنا بعد بننزل محل الحريم ندور لنا معكم
مريم:ووه احسن من يتقضاء معنا ابد حياكم
امجاد:اكيد حياهم اجل بينتضرون موافقنا
مريم:امم يمكن ماندري
ام سامي:الوقت تاخر قومي قومي نامي الله يصلحك
قامو الكل على غرفهم ونامو الا رغد وامجاد الي كانو منسدحين على رجول امهم وتلعب بشعرهم
ام عايد:ليه ماتقومن انتن بعد تنامن
رغد:اح يمه يعني ماتبينا؟
ام عايد:لا ياحبيبتي اكيد ابيك بس غريبه
رغد:لاغريبه وولاشي انا وامجاد قررنا كل يوم نجلس معك نهاية اليوم ونقولك وش صار معنا
ام عايد الي ابتسمت:زين ذا احسن شي سويتنه اشتقت لسوالفكن
امجاد:على اساس حنا ماشتقنا لنصايحك لنا يعني
رغد:اي وربي يمه تكفين قولي لنا ااي شي اي نصيحه
ام عايد الي حست النصيحه الصح بالوقت ذا انها تتكلم عن التعلق بالاشخاص:انا احسكم مره بديتو تتعلقون بالاشخاص كثير يعني مثلا رنيم ولين من جو وانتم معهم وهم توهم ماكملو اسبوع وذا شي غلط لازم تحطون حدود لتعلقكم هذا ماتدرون وين يوديكم بالاخر ومحد بيدوم كلنا ماشين على مبدا عيش وموت بكره انا اموت انتم تموتون ماتدرون وش تخبي الايام ومحد بيتعب قلبه غيركم
رغد:يمه بسم الله عليك لاتقولين كذا
امجاد:يمه نعم لاعاد تقولين كذا ولا ازعل منك
ام عايد:ليه تزعلون بالعكس ذا الصح شوفو احمد كيف بيوم وليله ربي اخذ روحه منه وقبلها ماكان فيه شي واكيد كلنا النفس الشي وبعدين كم مره اتكلم عن موضوع الموت والحياه! ذي سنة الحياه
رغد باست يد امها:ادري والله بس يمه كل شي بوقته الحين خليك معنا ولاتجيبين الطاري ذا
ام عايد:هذاني معكم ماني تاركتكم ياامي انتم
عايد الي دخل عليهم:ياسلام جلسه بدوني!!
ام عايد:قرب انت معهم العب بشعرك واسولف معك
رغد الي نعست وقامت:وقته غلط "قربت باست راس امها ويدها" يلا تصبحين على خير
امجاد:صبر بجي معك
عايد:خير احترموني على الاقل مين بيجلس معي اذا نامت امي الحين!
رغد غمزت له:ساااره
عايد:ادخلي ادخلي بس
بدت ام عايد تسولف لعايد ويوم جا وقت صلاة الوتر الي كانت محددته كل يوم تصلي بذا الوقت:والله الجلسه معك ماتنمل لكن بوقت اصلي الوتر وانام قبل يتاخر الوقت
عايد:تقبل الله بس اذا رغد ولا امجاد مانامو نادي لي وحده منهم ماني نعسان
ام عايد:رغد وامجاد بس؟ ماتبي غيرهم
عايد ضحك من عرف قصد امه:لو انها صاحيه ناديها مافيه مشكله
دخلت ام عايد وشافت البنات نايمين الا ساره الي على وشك تنام بس يوم شافت ام عايد قامت تشوف وش تبي
ام عايد:ليكون صحيتك بس
ساره:لا لا مانمت للحين
ام عايد:زين اذا مافيك نوم عايد يبيك بالصاله
ساره الي توترت ونطقت:يلا ابشري بس باخذ جوالي واجيه
طلعت ام عايد تعلم عايد انه بتجيه ساره وراحت تصلي وبعدها نامت
ساره الي عدلت شكلها على السريع وطلعت عند عايد بالصاله وكانت بعيده عنه بشوي
عايد:ناسيه انك حلالي؟
ساره:ادري بس بجلس هنا
عايد الي قرب لها :مو بكفيك ذا القرب الي كنت ابيه قربي مني
توترت ساره من قربه لكن قربت له وصارو جنب بعض وبدا يسولف لها عن يومه وبدا يخف توتر ساره وتحمست مع سوالفه ونطقت:حتى اناا لقيت الفستان من اول محل وصدق عاااجبني مره
عايد:كيف شكله
ساره الي لفت عليه:يعني بعلمك؟
عايد:عادي علميني
ساره:لا بتشوفه بيوم العرس
عايد:عرسنا على العموم وش ودك مكان نروح له شهر العسل؟
ساره:اي مكان عادي مافيه شي محدد
عايد:تمام بخيرك بين ثلاث سويسرا،لندن،بريطانيا مع اخوك
ساره:مابي اخوي سويسرا ابي
عايد:ماطلبتي شي كل شهر العسل فيها
ساره الي استحت ووقفت:تبي شي؟بروح انام قبل احد يصحى
عايد:وين تو الوقت
ساره:عايد بكره بروح مع رسيل ادور معها فستان مالقت لها وبتصحيني بدري
عايد:تمام نوم العافيه
راحت ساره على منامها وكل يوم ساره تنامه من يوم ملكتها اسعد من اليوم الي قبل
اما عايد الي كان بهواجيسه بساره لين نعس وراح نام
"صباح اليوم الثاني"
عزام الي صحى بدري عشان دوامه وشاف الوقت بدري طلع يجيب الفطور لهم ورجع شاف الكبار صاحيين ونطق:فطوركم اليوم علي بروح شغلي
ابو سيف:اجلس اجلس افطر معنا
عزام:والله مايمديني باقي ربع ساعه واخاف اتاخر
ابو سيف:لاتنسى تفطر
عزام:ابشر
شاف سعود صاحي ونطق:وانت امش معي تخلص اوراقك عشان شغلك
سعود:ياليل اوراق وش
عزام:لاتكثر هرج انا بنزل بالسياره والحقني 
طلع عزام لشغله وكان بجنبه سعود ونطق سعود:مافيه شي جديد عن امجاد؟
عزام كان بيقوله يوم شافها تبكي بس خاف يعصب منه انه شافها بدون شال ونطق:ولا وانا اخوك مافيه شي جديد
سعود:وانت
عزام:وش فيني؟
سعود:تبيها؟
عزام :سعود تستهبل! اكيد ابيها لو مابيها لين افكر فيها 
سعود:اجل دور لك بيت هنا وخل اوضاعك تستقر وبعدها تقدم لها
عزام:اول شي عرسك انت وعايد وبعدها يصير الي بيصير
وصلو الشغل ونزل عزام لمكتبه يتجهز للاجتماع وسعود بغرفة المدير يعطيه اوراق يعبيه لسفرته لبريطانيا
عند عايد بالشقه:سعود مطول بشغله؟
ابو سيف:والله مدري اتصل وشوف
اتصل عايد على سعود وسعود قاله انتضر عزام يرجعني ونطق عايد:تجهز الحين بمرك انا ورسيل وساره عشان ندور قاعه ماتبقى وقت معنا
سعود:تمام يلا
قام عايد ونطق للجالسين:استاذنكم بنروح ندور قاعه واذا لقينا بنرجع ناخذكم تشوفونها معنا
الجد عواد وابو عايد بوقت واحد:الاذن معكم روحو الله يستر عليكم
طلع عايد الي معه ساره ورسيل وركبو المصعد
عايد الي قريب لساره وقرب يده ليدها وشبك يدها بيده وشاف حجم يدها الصغير مقارنه بيده وابتسم بينما ساره الي بدا قلبها يدق بسرعه من حركته ومانخفي انها كانت ميته فرح
اما رسيل الي ماانتبهت عليهم ولو انتبهت بتنقد لكن لو كانت مع سعود مابتنقد هههههههه
وصلو السياره وركبت ساره قدام جنب عايد وورا رسيل
عايد:تبون نمر ناخذ قهوه الحين ولا بعد ماناخذ سعود:
رسيل:بعد ماناخذ سعود
ساره:معليك بس منها هي وسعود امش ناخذ لنا
رسيل:لو اخذتو الحين ماني ماخذه معكم
ساره:زعلت زعلت امزح معك اكيد مع سعود
ابتسم عايد على نقاشهم وانطلق لسعود اخذه وركب قدام مكان ساره وساره رجعت ورا وبعدها مرو المقهى
عايد:وش بغيتي ساره؟
ساره: V60
عايد:زين ورسيل وسعود؟
رسيل:ابي سبانش لاتيه
سعود:وانا مثلها
ساره:يعنني اقلدها وكذا
رسيل:ساره اسكتي بالله
عايد الي ابتسم ونطق من داخله"ماتدرين ان حتى انا باخذ مثلك من الحب" وبدا يطلب ويوم نطق:اثنين V60 ابتسمت ساره
اخذو قهوتهم وانطلقو على القاعات وكالعاده مستحيل رسيل يعجبها شي من اول مره بس هالمره انعكس الدور وساره الي ماصار يعجبها شي
بعد مادخلو ٤ قاعات دخلو الخامسه وانبهرو ساره ورسيل من جمالها! وقبل يكملون ساره نطقت:ذي الي ابيها
رسيل:حتى انااا مررره تجنن
كانت القاعه كبييره بمعنى الكلمه والقاعه فيها درج تنزل منه العروس وغرفه خاصه للعشاء وكبيره وفوق غرفة العروس وكانت ثنتين وكبار برضو
عايد:زين دامها عجبتكم ناخذها
سعود:بس طبعا اول شي نشوف قسم الرجال
دخلو قسم الرجال وكانت نفس الشي كبيره وحوشها وسيع ونطق عايد:ماراح تخلو هالعاده منا الحوش كله بيمتلي فرش حمر اذا كتب الله
سعود:حييي عييينك والله تم نعتمد؟
عايد:نعتمد دامها عجبتهم ليه لا