فز عايد وبانت على وجهه الغمازه من كثر ماهو مبسوط ان حمدان جا بذا اليوم وارسل له:هلا هلا جايك
عزام الي انتبه لعايد:اخس يالابتسامه من نصيب مين؟
عايد:شوي وتشوف لمين
طلع عايد مسرع وتارك عزام منصدم انه ماقال له
عايد من شاف زول حمدان بدا يرحب:ارررحب تو مانورت المزرعه
حمدان:البقى بنورك منوره
عايد تقدم يسلم عليه:فقدت الامل بجيتك
حمدان:افاا انا غبي اخلي خويي وفرحته بذا اليوم؟
عايد:والله ماتوقعتك تجي طولتت مره
حمدان:ايه كان عندي شغل وخلصته وجيتك
عايد:ارحب ارحب ادخل سلم على الرجاجيل قبل يوصل العشاء
حمدان:اما العشاء لهدرجه متاخر
عايد:انت اصلا لو ماجيت كان خليتك صينيه زايده على العشاء
حمدان بضحك:اجل زين اني جيت وماتاخرت زياده
وصلو المجلس وبدا يسلم حمدان على الموجودين لين وصل صدر المجلس وكان ابوه وابو العيال مستانسين بجيته وكلهم بدو يتشكرون له من جديد لين وصل عايد للجد عواد وكان مجهز له الجد عواد هديه منه ومن عياله واحفاده شكر له
وكان بيحلف حمدان ورفع يده الجد عواد على فمه ونطق:انا احلف قبلك خذها مني ولا ازعل منك
حمدان:ماردك يالعم ونردها بالافراح لكم يارب وانت حاضر
جلس حمدان وبدو يقهونه العيال ويتعرفون عليه اكثر
عند قسم الحريم
ساره:بنات يمه تعبت قسم وجدتي مسكتني عندها لين وصلو كل الضيوف
مريم:شلون لو كان زواجك
ساره:يمه انقلعي فال الله ولا فالك
مريم:اقول اسكتي سنة الحياه متزوجه متزوجه
رغد:معليك ساره عندييي ازوجها لك لو تبين بكره
ساره:رغددد وجع
رغد:وذا الصدق
ساره:انقلعي اجلس عند الحريم ازين لي
رغد:اقول اجلسي بس وزعي معنا الفواكه والخضار
ساره:اهاا ماتبيني حب يعني؟ انقلعي والله لاروح عندهم
امجاد:روحي روحي اصلا جدتي قالت ساره لاتمسك شي
ساره قربت تاخذ الخس الي كان بيد رغد ونطقت:يلا عاد جت الاوامر من الراس الكبير اشوفكم على العشا
رغد كانت تقلد امجاد:اننننناا انطمي انتي وساره بعد انقلعي
ساره:بنقلع بدون تقولين"وبدت تمسك خصله من شعرها وتلفها بدلع"
رغد:ياخي كلبه يليق عليك الدلع حتى لو اقول مايليق غصببب يليق
ساره:وجع رغد حسيت بتانيب الضمير
العنود:ساره لو مامشيتي انادي لك امي
ساره:وش التهديد الكيوت ذا تهددين بجده
العنود:كيوتتت؟؟؟ طيب"بدت تنادي:يايمه"
ساره:على اساس بتسمعك يعني
العنود:ياليل ساره على اساس تخافين بس مدري وش صار انقلعي برا حنا نسويه
ساره:ياليل هاربه من جو العجايز لكم وانتم ابلا منهم
لينا:شفف الحمار!! تقارنا بالعجايز!
ساره:وش فيهم العجايز
لينا:ابد والله مافيهم شي
ساره:ايي على بالي
مسك:ساااره فقرة الهدايا بنسويها بلليللل ترا
ساره:يمه نسيتهم مدري وينها اصلا
مسك:معليك خليناهم هنا
ساره:الله اجل بالليل نسويها
مسك:تم معليك
ساره:بروح لجدتي قبل تفقدني
لينا:روحي وقولي لها اننا خلصنا الفواكه والخضار
ساره:تم
رجعت ساره عند الضيوف
رسيل:بنات خلصت حق قسم الرجال مين يوديهم؟
العنود:ماتوقع حنا بكلم عزام يجي هو والعيال
رسيل:تسوين خير
العنود:تعالي يدي مليانه ادخلي على المكالمات واتصلي لي على اي واحد من العيال اسمه قدامك
رسيل فتحت الجوال وكان اول اسم"سعود"واتصلت عليه
رسيل كانت توهجس لين سمعت كلمة "الوو هلا العنود وش بغيتي
نطقت رسيل:العنود خوذي رد سعود
العنود:حطي سبيكر
سعود يوم اتصل جواله طلع برا عشان يكلم وماكان متوقع بيسمع صوت رسيل
العنود:سعود الو
سعود:هلا وشبغيتي
العنود:تعالي انت والعيال خوذو صحون الخضروات والفواكه تكفون تعب علينا نروح هناك وحنا لابسين كعب بنتكسر
سعود بدا يستعبط ونطق:ياسلام احلى طلب بجي اكحل عيوني
رسيل انصدمت وقالت:وجع قليل ادب
العنود كانت منصدمه بس انصدمت اكثر ان رسيل ردت عليه ونطقت:وصدقت رسيل ياقليل الادب تعال بس من الباب الخلفي لو تجي من الي قدام احش رجولك
سعود بقلبه يقول:ليتك تدرين المقصد شوفتك بس نطق: حلوه ذي تطلبين وتتشرطين
العنود:انت ناسي اني عمتك؟؟
سعود:وانتي ماتتذكرين اني عمتك الا وقت المصالح
العنود:وجعع المفروض انا اقولها لك بس تعال اخلص وبتصل على عزام يجي بعد ماثق بك
سعود:شين وقوي عين
العنود قبل يكمل كلام سعود:رسيل قفلي بوجهه
رسيل قفلت بدون تردد لان انقهرت من سعود
سعود: اح قويه تقفلي بوجهي
عزام من وراه:مين الي يقفل بوجهك
سعود انخرش:وانتم شغلتكم اليوم تمشون وتراقبوني وتخرشوني؟
عزام:تشوف من كثر ماننا نحبك صرنا نفقدك
سعود:لو قلتي انكم تكرهوني صدقتكم بس اقول اختك الي قفلت بوجهي تقول تبينا نشيل الاغراض لقسم الرجال بعيد عنهم وهم لابسين كعب ذاك العالي
عزام ضحك على شرحه:طيب يلا مشينا السياره ناخذهم بها اسرع
سعود:طيب
اخذ السيارة سعود ودخل المزرعه عشان يلف من ورا عشان المدخل الخلفي للمطبخ
وصل سعود:العنوووودد
العنود:امشي معييي رسيللل
رسيل:لا بالله احلفي؟؟ تبيني اطلع له كذا؟؟
العنود:نسيتت ياربي نادي مريم اخوها
رسيل:طيب
راحت رسيل ونادت مريم وبدو يشيلون الصحون بالحوض حق السياره
سعود نطق للعنود:اوريك على تقفيلة الجوال انتي ورسيل
العنود:انت والله صدق شكلك ناسي اني عمتك ياقليل الحيا ورسيل وشدخلها
سعود:انتي وياها قفلتو بوجهي
عزام:معليك سويتي خير انتي ورسيل بسحبه معي ذا لو جلس يسولف معك محد يسكته
سعود:اححح حتى انت ؟؟؟ ماش لانت عمي ولا انتي عمتي
العنود:وقت المصالح تجيك الكلاب مشتاقه لاتجيني بالليل اتوسط لرسيل تسوي شاي حقها
سعود:تجين على الجرح الا الشاي عاد
العنود:اعرف نقطة ضعفك بس انقلع يلا الوقت مابقى شي ويجي العشا
عزام شاف الساعه بيده:اي والله باقي ٥ دقايق ويجون امش امش اخلص علي
سعود:وليل جيت جيت
ركبو السياره ووقفو عند مجلس الاكل ينزلون الاكل الي معهم قبل يجي العشا
عند البنات
رغد:اف تعبت وانا اوزع باقي المويا تعبتت
سلمى كانت داخله تشوف البنات:ياعمري واضح تعبتو عطيني
رغد استحت من سلمى:لا وين انا اسويهم
سلمى:شف الخبله تستحي مني!!!
رغد:لا انتي الخبله وش اتسحيت
سلمى:اقول امشي عني انت اوزعه
رغد:يلا سويتي خير كملي
أنت تقرأ
انا فعيونك مواطن دولته صارت عييونك
Ficción históricaالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
