ام عايد الي استانست وبدت تزغرط وتجمعو البنات وعلمتهم ام عايد وكلهم انبسطو وطلعت رغد تعلم عايد يكلم ابوها يكلم ابو ساره
ورجعو يجهزون كلهم بسعاده يوم درو الاشخاص المطلوبين انخطبو وصارو لبعض من وهم صغار يحبون بعض لين الحين وكلهم يشهدون على قصة حبهم لبعض
العنود الي تجهز مع البنات بالمطبخ:وناسه واخيرا مابغيتو لكم كم وانتمم كاتمين حبكم لبعض
ساره: تكفون اص من التوتر شوي واكسر الصحن الي قدامي
رغد ضحكت وعلمتهم عن الي سوته ساره بالصبح:يابنات تضحك ماقدرر
العنود:بتسوي انها ثقيله وكذا وهي عند طاري عايد خفيفه
رغد:اي وربيي وايي صححح بنااتت حتى ساره ماتدري خالي وخالتي بيجون الليله عشان عايد
مسك:متحممسه لهمم داييم تقولين لنا عنهم واحسني حبيتهم من السوالف شلون عاد بالواقع
رغد:مو عشانهم يقربون لي بس والله صدق اسلوبهم زيي العسل وفيهم قبوول مرره
عند العيال بعد ماراح ابو رحيل ووعدهم يرجع لهم نهاية الاسبوع ذا وعايد كلم ابوه ونطق ابو عايد لاابو سامي:طالب القرب منكم عايد لساره اذا انت موافق
ابو سامي:ابرك الساعات والله انا ماعندي مانع يشرفني والله كون ساره حرم عايد لكن الراي الاول والاخير لساره
ابو عايد:ابد خذ راحتك وانت يالخوي وش رايك
الجد عواد:بالعكس انا موافق على خطبتهمم من زمان بس كنت انتضر عايد يكلمني ودامها كذا بكره بإذن الله الخطبه وكتب الكتاب
عايد:بس سعود وعزام مو بكره جايين عندهم دوامات
الجد عواد:كلمهم وشف اذا يمديهم يجون افضل
اتصل عايد عليهم وعلمهم عن الخطبه وسعود وعزام استانسو وقالو له انهم بيجون اصلا بكره بعد عندهم اجازه
قفل عايد من عندهم وعطاهم الخبر وراح ابو سامي يكلم ساره ونطق:ساره عايد تقدم لك وانا داري ودك به ولا عليه خوف دامه هو الي لقاك لنا يوم ضعتي ولا عليه خوف ابد عايد رجال وان شاء الله انه يصونك ويحافظ عليك ويصير سند لك ولعيالك بالمستقبل وانتي وش رايك؟ لو مو موافقه ماراح تتم الخطبه ذي وانا ابوي
ساره الي ابتسمت ونطقت: لا يبه انا موافقه كلمتني امه قبل واستخترت وارتحت
ابو سامي قرب حضنها:اجل مبروك يابنيتي بس الملكه وكتب الكتاب بكره ان اشاء الله
راح ابو سامي يبشر ابو عايد ان ساره وافقت واتفقو بكره يكون الملكه وكتب الكتاب وتكون عائليه والعرس يكون كبير
ابو عايد: الليله بيجون اخو زوجتي واختها وببيتي ان شاء الله بس بعطيكم علم
الجد عواد:ابد البيت بيتهم لو يبون ينامون عندنا حياهم
ابو عايد:ماتقصر تسلم والله
عند البنات الي قبل يوصلون رنيم ولين بدو يتجهزون وسلمى معهم وبعد ماخلصو بدو يحطون الاكل على الطاوله وبعد فتره وصلو عندهم لين ورنيم وبدو يتعرفون على بعض اكثر
لين:امس اقول لرنيم اني احس فيكم شوفة نفس بس كش علي يوم شفتكم طلعت عسولات
رغد:وش الي خلاك تحكمين كذا
لين:مدرري كانت جنبي عجوز وتتكلم عنكم بكره وتوقعت انكم ماش
رنيم:قلت لك انهم عسلل من تعرفينهم
لين:اي والله عسل
رنيم:كلكم اخوات ماشاء الله؟
العنود:لا لا انا عمتهم وذولا بنات اخوي مشاري وذي لينا وذي رسيل الي جيتو ملكتها وذولا بنات اخوي عبد المجيد مريم وساره
وذول بنات اخوي هايل لمار ومسك وذولا بنات صديق ابوي وصرنا نعتبره عمنا وبناته امجاد ورغد
رنيم:ماشاء الله مو واضح! كانهم بنات اخوك حتى هم علاقتكم ماشاء الله قويه
العنود:ياعمري اي من وحنا صغار مع بعض
بدو يسولفون عن مواقف صارت لهم
وابتدت ساره تسوي لهم قهوه سوداء يوم عرفت انهم يحبونها
عند سعود وعزام الي على اساس يمشون بكره بس خلصو شغلهم بدري وسرو لنجد وكذالك ابو خالد وام هادي تجهزو ويمشون بالليل عشان يوصلون الفجر
عند العيال الي كانو مرتاحين ان هالمره بتكون عائليه بس يعرفون انهم بياكلونها بالعرس
عند البنات بعد ماخلصو سوالف رنيم ولين استاذنو بيروحون ونطقت ساره:بكره ملكتي صح بتكون عائليه بس انتم صرتو صحباتي تعالو وقولي لامكم تجي
رنيم:ينااس حتى انتي بعد؟ من عييوني ومبروك حياتي
ساره:الله يبارك فيك
طلعو البنات رجعو البيت وجلسو يسولفون مع امهم عن الي صار
لين:ماتوقعتهم كذا مر الوقت بسرعه معهم قبول ماشاء الله
ام رنيم:انشهد سلمتو على امهاتهم وجدتهم؟
رنيم:اي اكيد وصح توي ادري ان فيه ثنتين منهم بنات جيرانهم ماشاء الله من قو علاقتهم ماتوقعت
ام رنيم:اي ماشاء الله من وهم صغار مع بعض
رنيم تتذكر وش باقي ماقالته لامها ونطقت:صحح يمه ساره عزمتني بكره ملكتها وبتكون عائليه وقالت اقولك
ام رنيم:لا يويلي عائليه ووبتروحين! عيب يمه
لين:لا يمه عادي هي قالت لنا وبيجون بنات خالة جيرانهم
ام رنيم:اشوف عاد بكره اذا اروح ولا لا
لين:ماني رايحه اذا مارحتي
ام رنيم:اذا عزموني رحت غيره لا
بعد ماروحو البنات باقي سلمى وحفيدات ال عواد
قامت سلمى بتروح ونطقت ساره:ها حتى انتي بكره تعالي وخلي امك تجي اذا ماجيتي زعلت
سلمى:لا لا ان شاء الله اجي
طلعو البنات عند جدهم بالمشب واستوقف سوالفهم طقة الباب وفز عايد يفتح الباب وبدا يرحب:هلا هلا والله
البنات انصدمو من ترحيبه وتوقعو رجال غريب كانو بيطلعون بس دخل عايد عليهم وهم وراهم عزام وسعود وفزو يسلمون عليهم
العنود:ليه جيتو ماعندكم داوم انتم!!!
عزام:لا لا عطونا اجازه عشان ماعندي شغل كثير الاسبوع ذا الاسبوع الي بعده الضغط
العنود:وسعود وش صار عليه؟
سعود نطق:انا جاني قبول بس مو بالسعوديه وماكان ودي اوافق بس عزام قالي اوافق واقدم عرسي واروح معها ابريطانيا
ساره شهقت:خييير سعووود!! لمتى بتجلس برا!!
سعود:وظيفه يابنتي يعني للابد
الجد عواد:دام انت بتقدم عرسك وبكره ملكة عايد خلو عرسكم مع بعض احسن
عايد الي استانس ونطق:والله ماعندي مشكله
سعود:ولا انا بس بالرياض نسويه؟
ابتسمت رسيل من انتهى من جملته ونطق عايد:اسال ساره ورسيل اذا موافقين بالرياض
سعود:ذي ماتقول لا ورسيل موافقه يعني بالرياض ان شاء الله
ساره:وش ذي خير خذ رايي
الجد عواد:العرس بعد اسبوعين يعني؟
سعود:اي اكيد بعدها اسافر
ام سامي:وانت سافرت يومين وفقدتك شلون بصبر المده الي ماتكون فيها
سعود:لاتخليني اكنسل الوظيفه واجلس عندك هنا
ام سامي:لا لا موفق ان شاء الله
عزام:صح عايد وش صار على العسكريه متى تبدا
عايد: والله حطوني بالجنوب ورفضت بس مافيه مكان غير الجنوب وقالو لي بيكونون متعاونين معي بالنسبه للاجازات
ام عايد:زين بتكون عند خوالك
عايد:اي بس مابيكون شغلي جوا الجنوب على الحدود
ام عايد:استودعك الله ومتى تبدا ان شاء الله
عايد:اليوم التاريخ ٧/٢٣يعني ٨/٢٣ ابدا بس بعلمهم بالنسبه للعرس ممكن ياخرونه لي ودي اصوم رمضان معكم
ابو عايد:الله يبلغنا اياه وحنا لافاقدين ولا مفقودين يارب
الكل:امين
ابو حمد:اذا على كذا بإذن الله نمشي الخميس عشان شغل عزام وعشان يبدون يتجهزون البينات
الجد عواد:انشهد كذا احسن دام اليوم الثلاثاء وبكره الملكه وبالليل كل الشنط جاهزه
عند اهل ام عايد
ام هادي:يابنات بنات خالكم بيسافرون معنا تبون تروحون معهم بسياره وحده ولا
رنا:لا يمه اكيد بسياره وحده ومعنا خالي ومرته ومابناخذ راحتنا
ام هادي:كيفكم اجل بس ها يأذن الفجر ونمشي
ريناد:معليك جهزنا الشنط وباقي بس المكياج والاكسسورات وخلاص
رنا:يمه صح بنجلس لمتى هناك؟
ام هادي:والله مدري بس خوذو احتياطتكم اذا العرس مو بعيد عن الملكه نجلس لين العرس وبعدها نسري الجنوب
ريناد:الله يارب مايطول عشان نجلس هناك
عند حفيدات ال عواد بعد مالكل نامو وباقي هم
ساره:بنات عندي فستانين اصفر وردي فاتح وش البس؟
مريم:شرايك تقومين تجربين ونختار
رغد:صحح يلا
ساره:مع ان مالي خلق بس يلا
قامت ساره تلبس الوردي اول شي ويوم دخلت كلهم مدحوه
وبعدها الاصفر
مسك:احس الوردي مرره فخم الاصفر خليه لاول زواره بعد الزواج يطلع يموت
العنود:ياخبله لازم ابيض اذا جتنا
ساره:بكسر القاعده ذي والبس الاصفر
مسك:حييي عييينك
ساره:يعني خلاص الوردي؟
رغد:ايي مرره حلو والله
ساره:تم وشعري بسوي ويفي والكعب عندي وردي نفس الدرجه بلبسه
امجاد:ومناكير لون ابيض بيطلع مووتت
لينا:وناسه اول مره مااشيل هم العزومه لانها عائليه
ساره ضربتها على خفيف:خير تكشخي بيججون قرايب رغد وامجاد وعزمت رنيم ولين
لينا:اكيد بتكشخ بس الي ماشيل هم اللبس فهمتي؟ ان عادي البس لو شي خفيف واثقل بالميكب بيطلع واو
ساره:اهاا ايي فهمت
بعد ماجهزى البنات فساتينهم نامو الا ساره الي كانت على الجوال لان ماجاها نوم وبعد دقاايق جتها رساله بإسم عايد الي مسجلته عندها من زمان وكان محتواها:
من بين كل الناس أخترتك
أخترتك خليل وحبيبا لفؤادي
أخترتك وطن ومأمن وأمان
أخترتك لتكون لروحي ملجأ
أخترتك لتكون للعين مسرة
وتكون كتف وسند وعون لي
ساره الي ابتسمت من قرت الكلام من برا بدون تدخل الواتس وبدا قلبها يدق بسرعه من الوناسه وقفلت الجوال بدون تعطي عايد رد وبدون تدخل الواتس اصلا ونامت وهي مستانسه ومبتسمه
صباح اليوم الثاني صباح اليوم المنتظر "ملكة ساره وعايد"🥳
عند اهل ام عايد
ابو خالد:يلا يابنياتي مشينا قبل تطلع الشمس ويمر الوقت
ام خالد:يلا يلا اطلع انت وحنا وراك
ابو خالد:انتضركم بالسياره لاتتاخرون
ركبو السيارة والي كان قدام ابو خالد وام خالد
وورا خالد وفيصل ورنا وريناد وكالعاده مناقرات السفر بين الاخوان ماتنتهي
عند ام هادي الي صَحت البنات وهادي وعلى طول فطرو وركبو السياره مع شغالتهم "ميري"
هادي بعد ماطلعو برا الجنوب وقابل محطه ونطق:تبوني اوقف عندها؟ ماني مار اي محطه ترا
رنا:اي اوقف جيب لنا شي ناكله مع الطريق ولاتنسى المويا
خالد:ها شي ثاني ريناد؟
ريناد:لا لا بس عجل علينا
نزل خالد يعبي السياره بنزين وبدا يشتري اغراض اخواته ومسكو طريق الى نجد ديرة اهلهم
بيت ال عواد
العنود:شايله هم وش اسوي حلويات
رغد الي سمعتها ونطقت: لاتسوين شي قلنا لخالي يجيب معه من الجنوب بس سوو القهوه
مسك:اشوا زين اذا كذا انا اسوي القهوه والشاي لان شعري بخليه كيرلي
العنود:تم بقوم ارتب انا والبنات عاد
بدو البنات ترتيب البيت والامهات الي مستحيل عادتهم تزول من اي عزومه وهي انهم يحنون يدينهم وهالمره مريم هي الي سوت الحنا وحطتهم على يدينهم
عند العيال نفس الشي قامو صلو وافطرو وبدو ترتيب القسم وماكان يحتاج له ترتيب لانه مرتب بس لزياده التاكيد رتبوه
بعد ماخلصو وصار وقت الظهر بدت ساره تستشور شعرها والبنات بالغرفه يجهزون مع بعض واهل ام عايد على الوصول
ابو خالد يوم دخل نجد وانبهر بتفاصيل البيوت والمحلات وشوارعهم الي محد حياها الا اهل نجد
التقو ابو هادي وابوي خالد وبدو يمشون ورا بعض لين وصلو بيت الجد عواد وبيت ابو عايد الي صارو بيوتهم مع بعض وبدت اصوات البواري تملي الشارع
رغد:شكلهمم وصلووو بروح اشوووفف
امجاد:انتضرينيي بجيي معك
العنود:خيرر حتى حنااا بننزل كلنا
رغد:يلا تعالو
ام عايد الي من سمعت البواري وهي عرفت انهم اهلها لان عندهم هالعاده وكانت جالسه وتعلم زوجات عيال ابو عواد وام عواد ان اهلها وصلو
البنات الي نزلو واستقبلهم عايد ونطق:ارحبو ارحبو وبدا يسلم على خالته وزوجها وخاله ومرته
بعد ماخلص سالته ام هادي عن مدخل الحريم ونطق:هذاك هو ومفتوح ترا ادخلو والعيال حياكم من هنا تعالو
وبدو البنات يستقبلون ضيوفهم بالاحضان ودخلو البنات يسلمون على الحريم وبعدها طلعو يجهزون مع البنات لان كان مافيه وقت
وعند العيال الي اخذتهم السوالف وحلف ابو خالد انه العشاء الليله عليه رغم رفض ابو عايد والجد عواد بس نطق"احنا اهل ماله داعي ضيافه صرت منكم وفيكم وعايد واحد من اولادي واعتبروها هديه والهديه ماتنرد"
ابو عايد:والله ماتقصر لكن دامك للحين على رايك العشاء عليك الليل
رنا الي تغير رايها من شافت البنات وكيف انهم يسولفون وكانهم يعرفون بعض من زمان
العنود:صححح لازم تتعرفون على رنيم ولين
ساره:يمه نسيت اقول لامي اعزمي امهم
مريم:اماا!!! بروح اقولهاا تكلمها اجل
راحت مريم ركض لامها وتدور رقم ام رنيم واتصلت وعطتها امها
ام سامر:والله اعذريني كنتي على بالي من امس لكن تو مريم تذكرني حياك مع بناتك الليله ملكة ساره
ام رنيم:ابشري اذا امداني جيتك
رنيم ولين الي كانو يجهزون ويحاولون باامهم تروح ويوم خلصت نطقت:جتني عزومه بروح معهم
رنيم:واخييرا يمه
سبحان الله وبحمده ورضاء نفسه وزنت عرشه
أنت تقرأ
انا فعيونك مواطن دولته صارت عييونك
Fiksi Sejarahالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
