سبحان الله،لاإله الا الله،استغفرالله،،الله اكبر
عزام:اشتقتت للخيول
ساره:والله حتى انا شرايكم نكمل سهرتنا هناك؟
سعود:ماتقول لا المهبوله ذي
عزام:عن الغلط الا ساره
سعود:يااشينك اختي تراها
عزام:وانا عماها
لمار:ياحظك يتهاوشون عليك
ساره:الهوشه الي محد يبيها اقول يلا بجيب اغراض القهوه عشان نسويها
سعود:العزبه هذي هي وشوله
ساره:يالبدوي انت العزبه لك بروح اجيب اغراض V60
سعود:البدوي ازين منك
عايد الي بيدافع عن ساره بس من ورا التريلات: والله وهي صادقه V60 احسن منك بكبرك
رغد:وانت يالبدوي مسرع حبيتها
عايد:عاد حبيتها
لينا:شكلكم مو ناويين الخيول اروح انام؟
ساره:لا لا خوذو فرشه ومشينا
كانو يتمشون بنفس المكان الي احمد خطف فيه ساره
ساره بصوت شبه باكي:هنا هنا هنا خطفني
التفتو عليها كلهم بوقت واحد انصدموا منها
سامر قرب حضنها:يخسي يرجع يمسك واحنا حاولينك الحين مو بس اخوانك ذولا كلهم"اشر على عيال عمامها وعايد"اخوانك وسند لك وذولا"اشر على البنات"اخوات وسند لك بعد ابيك ساره القويه وتمرين من ذا المكان وتقولين الكلب رجعت للطريق ذا وانا بين اهلي بخير وخطته مانجحت ولا قرب لك
عايد:واحمد توفى يعني ماعاد بيجيك ابدا
ساره: تكذب تكذب اخاف يجيني
عايد:افاا تهقين اني اكذب عليك؟ابدا بس اني صادق توفى والصلاه عليه كانت العصر اليوم بعد
رغد حضنتها:ساره يام دميعه خلاص امشي وذا المكان بتشوفينه وتكتشفين ان كان عندك اهل وسند
ساره:خلاص مابغى روحو لحالكم
رغد:اذا ماتبين كلنا مانبي صح؟
كلهم بصوت واحد:صح
سيف:ساره بلا استهبال يلا امشي معنا بس
ساره:عشانكم بس يلا
قربو للخيول وبديو يسرعون خطواتهم للخيول
رغد سمعت صوت خيلها وراحت مسرعه:ادهمم اشتقتتتت
وكل واحد راح لخيله وبدو يركبون على خيالّهم
ساره:ودي اتساابق مين يسباقني؟
امجاد:اقول انزلي نسوي قهوتنا الوقت تاخر خلي المسابقات بكره
العنود:صدق والله الساعه ثنتين
ساره:ثنتنين!!! يمه مسرع الوقت
لمار:صدق والله يلا عجلو عشان ننام ونصحى بكره مروقين
ساره:طيب مين يبي قهوه حاره؟
البنات كلهم قالو انا والعيال عايد وسعود وسامر وسيف وعزام وسعد
رغد:اجل اجيب لك مويا حاره واجيك الي معك قدها بردت
ساره:نسيتتت ههههه لو دريت جبت فيش الغلايه
لمار:ماشاء الله تشبكينها براس مين من ذولا"اشرت على العيال"
عزام:اقول لاتغلطين عمك تراني
لمار:ازعجتنااا ترا
عزام:اذكررك بس
ساره:خلك رغد انا بجيبه واجي
عايد:وانا بروح ادخل اجيب حلى معها
رغد كانت بتقول لساره لا وتحلف عليها بس يوم عايد تكلم سكتت
مشت ساره ووراها عايد
عايد:ساره لو اعطيك شي بترفضينه؟
ساره:وش
عايد:اي ولا لا
ساره:وانت بكل مره بتقولي كذا
عايد:واضح من ردك لا خلاص كنسل
ساره:لا لا صدق وشو
عايد طلع الاسواره الي بيدها ومدها:هديه بسيطه لك
ساره:عايد!!مررره شكرررا مفروض انا الي اهديك على الي سويته لي
عايد:هذي جبتها من الرياض وعادي الي سويته لك مايعتبر شي
ساره:الا والله يعتبر وكثيير صدق شكرا
عايد:العفو
ساره انبسطت وراحت المطبخ تحط مويا تسخنها وعايد استانس من ردة فعلها ودخل يدور الحلى الي حطوه بالثلاجه
الجد عواد قام يبي الحمام:انت للحين مانمت!!!
عايد بوهقه وقام يمثل انه توه صاحي من النوم:الا الا بس جاي ادور مويا عطشت
الجد عواد:المويا هذي هي وراك ماتشوفها
عايد الي كان بيضحك بس حاف يفضح نفسه:معليش اعذرني توي انتبه من النعس
الجد عواد:يلا رح خذ مويا لك وكمل نومتك مابقى شي على الفجر
عايد اخذ مويا وتاكد لين الجد يدخل الغرفه وراح المطبخ ينتضر ساره
ساره الي فكت حجابها وفكت الشباك تناضر النجوم لين يخلص المويا
عايد الي كان بيوقف عند الشباك ينادي ساره بس سرح هالمره بساره وشعرها الويفي ومن داخله يقول"واخييرا رجعت اشوفك من جديد بس مافقدتك يامناة الروح"
ساره الي انتبهت لعايد وقفلت الشباك بسرعه وراحت للغلايه بتاخذها معها وناداها عايد:خليها عنك انا اخذها بس تحجبي انتي عشان ادخل
تحجبت ساره ودخل عايد اخذ الغلايه ورجعو عند العيال والبنات
بطريقهم نطق عايد بعد صمت:تدرين جدك شافني؟
ساره:يمه متى الحين!!!!!
عايد:ايي "وقال لها السالفه"
ساره ضحكت:جدي لو انك مو عايد كان كذبك بس زين مشاها لك
عايد:ويقولك بصرفها رحت وصرفتها بالمويا وانا جالس ادعي من جواي انه مايقول يعني صاحي من النوم عشان مويا؟ بس الحمدلله ماقال
ساره:جدي يحب الاستقعاااد بس مشاها لك
وصلو عند البنات والعيال وبدت تسوي ساره القهوه لهم
مريم:الحين اذا خلصنا كيس بُن اجل شلون لو بنسوي كل شوي
ساره:لاننا كثارر واغلبهم بس بيجربون المره الثانيه محد بيطلبني اسوي الا قليل
مريم: اي نسيت الي بيجربونها
عايد الي شهق من فتح بوكس الحلى:ياهوه جبت الحلى ذا كان مليان والحين فتحته مافيه شي!!
رغد:متاكد ماكلته مع الطريق؟
امجاد:مانصدم عاد
عايد:اقول والله ماطب فمي
ساره:شكلك اخذت ذا من الخرشه بدال المليان
رغد:لييه وش صار
ساره قامت تقولهم الموقف وعايد ساكت يتاملها وهي تقول السالفه لهم ولا خلاها تسكت زي العاده مع اخواته يوم يقولون موتقف له تفشل يسكتهم
ساره:والله متتت لو شفتو وجهه يوم جاني قال مشينا نرجع
لمار:ورربيي غريبه من جدي رغم انه حق استقعاااد
مريم:تلقينه تعبان ولا انه ماله خلق يستقعد هالمره
امجاد:يلا عاد الحين قم جب الثاني
عايد:اايش!!! والله مارجع وش تبوني اصرفها المره الثانيه
سيف:دامه حلف مستحيل يقوم انا بجيبه لك واجيكم ركض
عايد:لا والله يارجل امزح بقوم الحين اجيبه
سيف:لا حلفت خلاص انا واصلا بروح دورة المياه اكرمكم الله
عايد:يلا جزاك الله خير
امجاد طلعت لعبة الشيش:مين بيلعب معي؟
لمار:جوووي ابغااا انااا
مريم:واناا
رغد:ساره تلعببن؟
ساره:ماعرف لها العبو اول قيم انتم عشان اتعلم منكم
رغد:اجل لينا تعالي العبي وانا ورسيل والعنود مع ساره القيم الثاني
لينا:يلا تم
مسك:اح يالغدره نسيتوني
لمار:من متتى تحبين تلعبينها
مسك:يمكن حبيتها ماتدرون
رغد:طيب،تبين تلعبين؟
مسك:لا
رغد رمت عليها علبة المناديل:تستعطبين علينا صح
مسك:وجع زعلت
رغد:ازعلي واجلسي
سيف جا:تعبت من الركض اجحدوها
حمد:محد ضربك على يدك قال لك تروح صح؟
سيف:مسويه فزعه وكذا وندمت من كثر ماركضت
سامر:اقول ياعيال لنا الله جابو العاب لهم واحنا لا
سعد:والله جحدونا بس معليه"طلع البلوت من جيبه"جبت البلوووت نلعبه؟
عايد:ابك انت قللي لي من باقي مافتخر بك كفوو كفوو
سعد:كفوووك يلا نلعب بس مين يبي اول شي
عايد:انااا وانت وسعود وسامر
سامر:ذا على كيفه قسمنا
عايد:من الحب فيك حطيتك معي
سامر:محد يبي الحب ذا بس يلا لعبنا
سعود الي كان يناضر رسيل وقرر خلاص بكره يكلم امه تكلم ام رسيل واذا وافقت يصير الكلام بين الرجال
رسيل الي حست بنظراته ولا ناظرته وطول الوقت تناظر الخيول والبنات
عند البنات
امجاد:غششششش غششش انحررررقتتت طلعتتت بررااا
لمار:سددييي ادررري طيب
امجاد:ياماشاء الله تدرين وتبين تمشينهم!!؟؟
لمار:ترفعين الضغط اسكتي
العنود:يمه هذولا تهاوشو شلون انا والبنات شوي!
رسيل:لو وحده ترفع صوتها علي زي امجاد نطيت بشوشتها والله
رغد:دقيقه دقيقه ياكلبه حاطتنا مع بعض وحنا على اي شي نتصااافق!!!؟؟؟؟؟
ساره:انتو الي ماقلتو نبي نلعب بالقيم الاول وحطيتكم معي
رغد:ياليل صح بس والله غير نتهاوش اعلمك من الحين
العنود:حبيبي دامك انتي وساره ضد بعض اضمن لك الهواش
رغد:اي والله هههههه
عند العيال
سعود:اول قيم وفزززت هاتو الباقيين افوز عليهم بعد
عايد:اقول انت لو ماغششتك كان الحين خسران
سامر:وشوووو!!!غشيتوو!!!!
سعود:خذ لك فضحت نفسك بنفسك وياثور ناسي اننا فريق؟ يعني انا وياك فزنا
عايد:نسيتتتت
سعد:اقول يلا يلا بس انت وياه الي فاز انا وسامر دام السالفه فيها غش
عايد:مو على كيفكك ماغشينا بس كنا بنختبر ردة فعلكم
سامي:سااامر غشووو شفتهم ترا
سعود:وراك ماتطم حلقك
سامي:اخووي
سعود: وانا ليكون ولد البطه السوداء؟
سامي بضحك:انا مع الحقق
سعود بتقليد صوته"انا مع الحق"قم انقلع عني تعال العب ويارب تخسر عشان اوريك ان الله حق
سامي:فال الله ولا فالك
سعود:اي اي بس العب الحين اوريك
حمد بمثاوبه:اقول مع السلامه انتو ولعبكم ذا نعست بنام
رسيل:حتى انا مالي خلق العب معكم
ساره:ماش خفتي نفوز عليك انا والعنود؟
رسيل:لا والله تخسون بس نعستتت
العنود:الا الا خفتي
رسيل:اجل والله لاجلس والعب واتوطاكم واروح انام
ساره:اجلسي بس قالت وش قالت اتوطاكم
بدا القيم الثاني وجلسو يلعبون مع بعض البنات
امجاد:بلم الاغراض على مابال تخلصون دوركم عشان اذا خلصتو ندخل مت من النعس
لمار:حتى انا والله
ساره:دخلتهااا اولللل دبووووسه
رغد:من يضحك اولاً يبكي اخِراً تذكريييهااا
ساره:حتى لو خسرت تخسين ابكي مرروقه مرروقه
العنود كانت بتقول ولا كانك الي كنتي تبكين مشوي بطقطقه بس خافت تضايقها وسكتت
بعد فتره فازو رسيل ورغد
رسيل:ماقلتتت لك!!! بفوز واروح انام!!!
رغد:لاتوسعون احلامكم مره ثانيه علينا بالفوز
ساره:توي اعرف لها اذا لعبنا بكره لاوريييكككك وافوز عليكم انا والعنود
العنود:صححح صحح ونتوطاكم حنا
رسيل:اقول قومي قومي نامي واحلمي فيها
ساره ضحكت:والله قلت لكم مرروقه عشان كذا كاني فايزه مايهمني الخساره
العيال الي من قام حمد بدو يسولفون سوالف عاديه لين يخلصون البنات ويقومون يرجعون داخل وينامون
سعود:مشينا نرجع؟ نعست
مريم:جته متلازمة حمد
رسيل:على تعب اليوم كلنا جتنا متلازمة حمد
رغد:صدقتي والله
توزعو العيال عند قسمهم والبنات عند قسمهم وانتهت هاليله بخير وسعاده عليهم
صباح اليوم الثاني
ابو سيف:يبه ريح هناك اليوم انا اصحيهم
الجد عواد:جزاك الله خير يلا ياولدي بقوم الصلاه قبل يفوت وقتها
ابو سيف:على هالخشم يلا الحين
راح ابو سيف يصحيهم وكل واحد يقول اذا الثاني قام انا اقوم
ابو سيف طفش:شوفو والله الي مايقوم الحين لااخليه اليوم هو يروح العزبه يشوف البل ويشيل الاغراض بالسياره اذا مشينا بكره الصبح
العيال فزو لانها أصعب مهمتين وبذات المهمه الثانيه اصعبب
حمد:لو خليتها على الاولى ياعم كان شبعت نوم بس الثانيه خلتني افز من فراشي
ابو سيف الي كان بيضحك بس خاف يرجعون نام ونطق بعصبيه:طلعت لو كبر ابوي قبل احد منكم يجي حلفت يسوي ذولا الاثنين
قامو العيال يتوزعون بدورة المياه يتوضوون"اكرم الله القارى"
عايد:بررردد برددد تجمدددتتت
سيف وهو مار من المغاسل:رح هناك توضى السخانات مفتوحه
عايد:بعد وش خلصت
سيف:يلا تاخذ اجر بس تدفى برا والله برد
بعد ماتجمعو كلهم بدا الجد عواد يكبر ويصلي فيهم
بعد ماسلم وقرو ذكرهم اليومي واذكارهم
نطق الجد عواد:وراكم ماتتحركون ياعيالي وتتزوجون ماتدرون مين يموت فينا بكره ومين يحيى وانا ودي اشوف احفاد احفادي قبل ربي ياخذ عمري
فهد:بسم الله عليك ياخوي ولاعاد تقول كذا طالبك
الجد عواد:تبشر بس ذي الحياه نموت ونحيى
فهد:نعيش هالحظه الحين والي ربي كاتبه يصير
سعود الي من اول يبي يتكلم وراده الف شي وكان مفروض يكلم امه خلاص تكلم ام رسيل بس قرر يكلم جده والي يصير يصير:انا يالجد ودي برسيل ومن اول ودي فيها وكلمت امي وابوي وكانو موافقين وباقي موافقتك انت والبنت
الجد عواد:ذا الكلام الي يسعد انا والله موافق الراي راي الابو وبنته
مشاري:ابد انا والله موافق اشوف البنت واجيكم
العيال الي كانو منصدمين ان سعود ماعلم احد ابداً ولا حتى اخوانه
ابو حمد دخل داخل ونادى رسيل وقامت ترد عليه
رسيل:هلا يبه وش بغيت
ابو حمد اخذ يدينها وبدا يتكلم:رسيل يابنيتي سعود يبي يتقدم لك والراي الاول والاخير لك وسعود نعم الرجال وولد عمك وكلهم يشهدون له بالطيب لو انه غير سعود انا عييت بس سعود زي ماقلت ونعم الرجال
رسيل الي تنصدم بكل مره وتحاول تستوعب ان صدق سعود يبي يخطبها وقالت:يبه بستخير واقولك
ابو حمد:يلا يابنيتي ماتي رايح غير يوم تقولين موافقتك ينتضرون الكلمه مني بالمجلس
رسيل الي خافت تفشل ابوها ونطقت:اجل الراي رايك يايبه
ابو حمد:بسمعها منك انتي موافقه؟
رسيل بتوتر:موافقه
ابو حمد الي انبسط ان وحده من بناته بتتزوج قرب من راسها وباسها:والله انها ابرك الساعات دامني بشوفك عروس يابنيتي
رسيل الي حضنت ابوها ومشاعرها متلخبطه مابين ان سعود تقدم لها ومابين الخوف الي فيها انها اول وحده من البنات بتتزوج
راح ابو حمد يبشر الي بالمجلس
دخل عليهم:بنتي لك ياسعود موافقه
الكل بدا يبارك له واستاذن الجد عواد يدخل يعلم الحريم
الجد عواد:يامره ناديهم وتعالو كلكم
الجده الهنوف بدت تصوت عليهم واجتمعو كلهم
الجد عواد:جاي ابشركم وحده من حفيداتي انخبطت لواحد من حفايدي
البنات الي كانو منصدمين ويناضرون بعض يحاولون يعرفون مين الي انخطبت والامهات كانو عارفين من اول بس يبنتضرون سعود يتقدم لرسيل
العنود:منهي يايبه؟
الجد عواد:رسيل لسعود
البنات انصدمو كلهم وبدو يتقدمون يباركون لها ومنصدمين نفس الشيء متى كلموها ومتى وافقت الا امجاد الي عارفه بحبهم ومتوقعه خطبتهم
امجاد قربت تحضنها وقربت لإذن رسيل:ماقلت لك يقصدك؟؟
رسيل الي توترت وقرصتها:اص يمه امجاد اسكتي
الجد عواد:دامها كذا جهزو الشناط نمشي لبيوتنا وبكره نجيب الشيخ
الجده الهنوف:زين يلا بس نخلص فطوركم نجهز
البنات قامو المطبخ يكملون تجهيزات
ساره:الله رسيللل ماتوقعتهاا من سعود ماعلم احددد
مريم:والله لامسكه واوريه ماعلمنا
رسيل:اقول انتم الا خطيبي عاد
ساره:وووعع بدينا من الحين حركات المخطوبين؟؟؟
رسيل:اص بس يلا يلا كملي وانتي ساكته
ساره:الله يقرف العدو حومتي كبدي
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
