سامر : كلنا منقهرين من احمد لكن زي ماقلت لكم لو شفتوه بس فتح فمه على جدي اهجمو عليه
سعد : اخاف جدي يزعل ياخي خلونا ندقه بالكلام ومن بعدها عاد نهجم بالضرب
خالد : صدق ياعيال فكرو بجدكم وصحته امس وانتم بس كلام تعب وتضايق شلون لو ضرب؟ انتبهو عليه
عزام وهو من الطلعه ذي بدا يكبر بعيونه خالد واكتشف انه كويس لكن امه وتصرفاتها هي الي كانت مكرهتهم بخالد : صح عليك ياخالد
حمد : يعني بتجلسون تفتحون الموضوع مره ثانيه؟ اخلصووو نعساااننن
عزام : خسيس بس ينام كلتراب هذا حنا قمنا
سرو العيال لبيوتهم وهالمره طريق الرجعه كلها هواجيس بما انهم نعسانين ومالهم خلق للسوالف
رجعو ونامو وانصدمو مو فيه سعود بس توقعو نام داخل بالبيت
اليوم الثاني
الجد عواد : يلا ياعيال الاذان يلاا
سعود من ورا الجد عواد : صبحك الله بالخير يالجد
الجد عواد : صبحك الله بالنور،بسم الله انت من وين طلعت
سعود بضحكه : امس نمت بالحوش كان براد وصحيت بدري على صوت الاذان
الجد عواد : الله يجزيك خير كفو عليك يلا صحهم واللحقوني الصلاه
سعود : ابشرر
بدا يصحيهم سعود وتعب هالمره لانهم نعسانين ونامو متاخر لكن دخل عليهم مشاري وفزو لان هيبته مثل هيبة الجد عواد
قامو وراحو المسجد وخلصو صلاه واذكارهم
الجد عواد : وانا جدكم روحو جيبو تميس لنا
عزام : الله اشتهيتته سم يابوي
الجد عواد : سم الله عدوك ولاتتاخرون
عزام : ابشر بس ترا انا وسعود بنروح الباقي يرجعون البيت
الجد عواد : تمام
بالطريق لمحل التميس
عزام : وراك تاخرت امس
سعود : حسبي الله عليكم ندمت اني قلت بنادي البنات لقيتهم نايمين وجلست ادور بكل الغرف ادور احد صاحي
عزام : ولقيت؟
سعود : ايه لقيت رسيل وعطتني شاي لكم لكن مالت عليكم رحتو وشربته انا
عزام : قهرر شاي رسيل لذيذ عاد
سعود : فاتكم فااتكم الا اقول وش صار هناك
عزام : ابد والله قمنا نفضفض وتخيل امس عرفت ان خالد حبووب مو زي امه ابداً وكبر بعيني اكثر
سعود : كنت اقولكم ان ماله دخل باامه وتصرفاتها بس انتم ماتفهمون
عزام : مدري ياخي
سعود:اي وش صار غير ذا الشي
عزام : صبر قربنا المحل بقولك السالفه برجعه
سعود : تم
وصلو المحل واخذو تميس
بطريق الرجعه
سعود : ايه تقولي وش صار
عزام : حمد حسدك عشان مارحت معنا
سعود : ليه
عزام : يقول ياحظه الحين نايم
سعود بضحكه : اي والله سهرت شويات وعطيتها نومه اسطوررريه وبالحوش بعد
عزام : وش عندك نايم به
سعود يحاول ماينقفط : ابد بعد الشاي جتني دوخه وتعيجزت اقوم المجلس نمت بالحوش
عزام : طلعت زي حمد بالنوم
سعود : تقنعني فيه شيء احسن من النوم؟
عزام : لا
عند البنات بدت تصحيهم
مسك : قومو يلا العيال راحو جابو تميس ان ماقمتو راح عليكم
"التميس اكلتهم المفضله ولكن مو كل يوم يجيبونه من فتره لفتره"
فزو البنات كلهم وقامت لينا تركض تبي تروح الحمام قبل البنات ومانتبهت وطت يد رسيل
رسيل وهي تصرخ : ياكلبه يدي تووجع وطلعت يدها شافو البنات عليها شاش
العنود:وش فيها يدك
رسيل : امس يوم سويت لكم شاي وسحبتو علي انكب علي
رغد : يوووه تأنيب ضمير
رسيل : انطمي بس انتي من قلت بسوي شاي نمتي كانك ماتبين
رغد بضحك : وذا الصدق بس امس اشتهيته فجاءه بس تاخرتي ونمت
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
