بعد ماحطو العشاء وتعشو وقف الجد عواد:عاد انا استاذنكم بنروح ندور شقق قبل تقفل
ابو خالد:وين الله يهديك البيت بيتك اجلس عندي طول ماانتم هنا
الجد عواد:لا والله وحنا كثار مابيكفينا بناخذ شقه ازين
ابو خالد:الوقت الحين متاخر عشان خاطري اجلسو هاليله بس عندي
الجد عواد ناضر ابو عايد وابو عايد هز راسه بموافقه ونطق الجد عواد:ها الليله ذي بس ترا
ابو خالد ضحك:يصير خير يصير خير
الجد عواد لعايد:قم علم الاهل
عايد:والله انا استاذنكم مايمديني انام هنا الليله عشان شغلي بعيد من هنا باخذ له شقه اقرب
ابو خالد:كان ودنا فيك لكن يلا شغلك اهم بالتوفيق ان شاء الله
عايد:امين يارب
طلع عايد وهو عارف بيت خاله متعود عليه من وهو صغير قرب لباب الحريم وبدا ينادي بااسم رغد
رغد وهي عند البنات:ياليل ساره قومي شوفي زوجك وش يبي
ساره:ناداك انتي انا وشدخلني
رغد:تكفيين سوير والله عجزانه
ساره الي وافقت مو عشان رغد لا عشان عايد:بقوم بس مو عشانك
رغد:يلا يلا بس روحي
طلعت ساره عند الباب تلتفت تدور عايد وشافته معطي الباب ظهره عشان لو طلعت وحده مو اخواته
اول ماسمع صوت الكعب وسمع صوت ساره ينادي:عايد وش بغيت
عايد ابتسم وهو يحس يوم يكون مع ساره يكون شخص ثااني وكل علومه تضيع-قرب لها وحضنها من الخلف ونطق:دامك انتي بتجيني بدال رغد دايم بنادي باسمها عشان اشوفك
ساره الي كانت خايفه احد يشوفهم لانها تستحي:عايد ابعد عيب
عايد:انتي زوجتي كيفي
ساره عرفت ان مافيه مفر من عايد ونطقت:طيب وش بغيت
عايد:قولي لامي...تذكر عايد ان امه مو معهم بالسفره ذي وبعد عن ساره من تذكر امه وقال:اقصد علمي امك وجدتي وعماتي انكم بتباتون الليله هنا وبكره تدورون على شقه
ساره الي لاحظت تعابير وجه عايد من جاب طاري امه:بتباتون؟ وليه انت مو معنا؟
عايد:لا انا بدور شقه قريبه لشغلي من هنا لشغلي المسافه بعيده
ساره:بس انت بتروح؟
عايد الي كان مفكر ان ساره بترفض تجي معه عشان البنات: اي لحالي الا اذا انتي وافقتي تتركين البنات وتجين مابصير لحالي
ساره:لا خلاص ماني جالسه عندهم بجي معك
عايد ابتسم:يلا زين علميهم والبسي عبايتك وتعالي انا واقف هنا انتضرك
ساره دخلت عند امها وعماتها الي كانو بيلبسون العبايه:لا لاتلبسون ابو خالد لزّم على جدي ننام الليله هنا
ام خالد:ايييه ذا الخبر الزين والله جلستكم ماتنمل منها ياليت كل الايام عندنا
ام حمد:ماودنا نكلف عليك وانتي شايفتنا كثار لزوم الشقه
ام خالد:اذا العين ماوسعتكم القلب يوسعكم
ام حمد ابتسمن من ردها الي من جت ام خالد الديره وهم مع بعض كانهم اخوات
ساره اشرت لامها عشان تطلع معها تكلمها:يمه عايد بيروح لفندق قريب مت الشقه عشان شغله وبروح معه عشان محد معه طيب؟
ام سامي ابتسمت :روحي روحي ياامي انتي
ساره قربت لها تسلم عليها:علمي البنات انتي انهم بينامون هنا واني رحت مع عايد لو دخلت الحين ماطلعت
ام سامي:معليك عندي الموضوع
طلعت ساره مسرعه خايفه تتاخر على عايد وشافته للحين واقف مكانه:تاخرت؟
لف عايد:حتى لو تاخرتي بجلس انتضرك يلا مشينا
راح عايد السياره ونادى سامر وسعد يشيلون الشنط الي معه لو احتاجوها تكون عندهم ومايظطر يرجع عشان الشنط
بعد ماركب عايد السياره اتجهه لكوفي لمحه وقف عنده
ساره:ليكون هنا الفندق ؟ بنصدم لو اي المسافه مو بعيده عن بيت خالك
عايد:لا لا وين الفندق ابعد وابعد بس بنزل اخذ لنا قهوه
ساره ابتسمت:صدق والله؟
عايد:اي والله وتعالي انزلي معي
نزلت ساره متوجهه لعايد الي من قرب لها مسك يدها ودخلو الكوفي
عند البنات بعد ماقالت لهم ام سامي عن ساره
رغد:الخسيسه سحبت علينا عشان زوجها
لين:اقول لو انتي متزوجه ماقابلتي وجهنا حتى
رغد:لاتخافين ماني متزوجه ومقابله وجهكم بعد
مسك:ياليل مافيه فكه يعني؟
رغد ناضرتها بنص عين:ابدااا
الكل ضحكو عليها وقامو يبدلون ملابسهم بعد مابدلوها نطقت لانا:على ان فيه غرفة ضيوف بس معليش تجون تنامون بغرفتي
مريم الي ناضرت البنات:وش الغرفه الي بتكفينا؟
لنا:غرفة لانا كبيره كبيييره بتكفينا وبتكفي امهاتنا معنا بعد
لانا ضحكت:بذي صادقه تعالو اوريكم
دخلو البنات منبهرين من غرفة لانا الي كانت فخمه وكبيره زي ماقالت لنا
لمار:واووو!مااشاء الله تجننن
مسك:على ان غرفنا بالديره حلوه بس يوم شفت غرفتك حسيتها مو حلوه
ضحكت لانا:اقول!!! والله تجننن غرفكم هناك يويلكم تغيرونها بزعل منكم
العنود:عشتتو
لانا:اقول عادي ضيافة الضيف راحت تعالو ساعدني كل وحده تجيب منام لها
رنيم:مددي عرض الضيافه لين تجيبين مناماتنا
ضحكت لانا:يلا بس قدامي كلكم
عند عزام الي كان يفكر ويفكر ويفكر كيف يصارح امجاد ويعرف اذا هي موافقه عشان يكلم عايد بالاول وكان تعبان من التفكير لين قرر يرسل لامجاد وكتب لها :امجاد؟
امجاد الي كانت حتى هي تفكر بعزام وكل شوي تناضر الجوال هي ماتعرف ليه بس تحس بيرسل بالقروب وبتشوفه وتسمع صوته واول ماسمعت صوت الشعار التفت لجوالها وشافت الاسم وتوترت وماتدري هي ترد الحين ولا تثقل
البنات الي كانو يلعبون وجا دور امجاد الي جلسو ينادون فيها ماترد لين قربت رنا وضربتها على كتفها بخفيف:وين رحتي
امجاد الي التفت عليهم وبتوتر:ها؟ وشو وش تبون
البنات من ردة فعلها ضحكو
رغد:امجاد وش فيك من اليوم ننادي
امجاد:يمه مانتبهت طيب وش تبون
رغد:جا دورك بالعبه
امجاد:لا مابي بروح انزل اجيب شنطتي فيها مرطب ليديني
لانا:هنا فيه خوذي
امجاد:لا لا انا ابي شنطتي اصلا
نزلت امجاد معها الجوال الي للحين ماتدري شتسوي وماتدري وش ترد وفتحت الباب المقلط الي كانو جالسين فيه وجلست به
فتحت الجوال وردت:نعم؟
عزام فز من سمع صوت الشعار:مانمتي للحين؟
امجاد:لا للحين
عزام:غريبه توقعتك نايمه الوقت تاخر
امجاد:تو تبدا سهرتنا اصلا
امجاد بعد ماارسلت الرساله ذي استوعبت على نفسها كيف تسولف كذا معه وكانها كانت تنتضر الشعار منه وخلت جوالها مفتوح وبدت تفكر
هادي الي يحسب مافيه احد بالمقلط وداخل بيقفل اللمبات لكن شاف البنت الي جالسه على الكنب وكان شعرها مربوط نصه والباقي مفتوح ووجها مو واضح مره لانها منزلته وانصدم من الملاك الي قدام وبدا يتراجع قبل تشوفه امجاد
امجاد الي حست بوجود احد ورفعت راسها وشهقت من شافت هادي الي يناضرها ونطقت:هادي اطلع ماني متحجبه اطلع
هادي بداخله وهي كيف تعرف اسمي وشكلي؟ لكن لف وطلع وهو للحين وده يعرف مين ذي
امجاد بعد ماطلع هادي وهي استوعبت ان عزام يرسل والجوال مفتوح وهي ماترد التفت مسكت الجوال وشافت اشعارات من عزام
عزام كان مرسل لها:امجاد لاتحسبيني لعاب مثل باقي العيال وانتي ادرى بي ماجيتك بالحرام انا جايك بالحلال ان شاء الله لكن ابي كلمة(اي،لا) منك لكن فكري قبل تردين علي
عزام الي خاف انها تاخرت وماردت وهي متصله!ارسل لها:امجاد؟
امجاد الي من قرت الرساله بدا قلبها يدق بسرعه عزام يحبها!!! عزام يبيها؟؟؟ عزام بيتزوجها؟؟؟كييف مادرت من قبل بحبه لها كييف كييف جلست تقرا الرساله مره مرتين لين استوعبت وش مكتوب وللحين ماتدري وش ترد لكن تشجعت وكتبت:تعال كلم ابوي واعطيك الرد
عزام انقهر انه ماعطته الجواب الي يبيه لكن كتب بهدوء:تمام
امجاد الي من شافت الكلمه ذي وهي حست انها ضايقته لكن وش لو ردت بكلمه ثاني بتجلس تلوم نفسها اكثر من مره
اما عند العيال الي فرشو المنامات ونامو مع بعض حتى خالد وفيصل تخلو عن غرفهم عشان العيال
سيف الي جا بيتكلم بس التفت تذكر عمامه الي نايمين وبدا يضحك والعيال وراه ضحكو لكن بصوت مكتوب الا فيصل الي من كثر ماكتم الضحكه طلع ضحكه غريبه منه ورجعو العيال يضحكون بصوت عالي
ابو سامي الي قام والتفت ودرى انهم العيال:انت وياه ارجعو نامو اخلصو ازعجتوني وازعجتو عمامكم
العيال الي مو قادرين يوقفون وبدو يطلعون من المجلس ورا بعض لين تجمعو وضحكو
خالد:اقطع بليسكم ماصرتو تضحكوني الا يوم نامو الشيبان
حمد:كل ماتذكر صوت الضحك ارجع اضحك من جديد
هادي يتنفس بصعوبه من الضحك:تكفون اص بطني وجعتني من كثر الضحك ماني قادر اضحك
سعود:خلاص خلاص امشو ندخل وكل واحد يعطي الثاني ظهره عشان مانضحك
سامي:اي تكفون ولا بكره بناكل تبن
هادي:اح ليه
سامي:ياحظك ماقد جربت العقاب الاقوى من جدي ولا من عمامي ان احد جرب ينرفزهم يخلونك تكرف ليل ونهار ومافيه راحه
خالد:الحال من بعضه لو ابوي الي صحى شفتو الحوش ذا؟خلانا نشطفه بعز الظهر
هادي ضحك:ذي تهون انك تشطف باليل بعز البرد
سعد:اقول مابي اسمع وتتنفذ العقابات ذي علي بروح انام
رجعو العيال ومن دخلو المنامات نامو
عند عايد وساره
بعد ماطلبو لهم رجعو الفندق
عايد:بكره قبل اطلع الداوم برجعك عندهم
ساره:ليه؟ مطول؟
عايد:مدري والله لكن خايف اتاخر عليك
ساره:لا عادي اجلس لحالي اكلم البنات واذا تاخرت اخلي احد يمرني
عايد:الله يريحك زين اجل باخذ شور على السريع وانام
ساره كانت بردانه وعارفه عايد لو تروش والجو برد بيتعب:لا عايد برد تعال نام
عايد:عادي ياقلبي ياما تروشت بمويا بارده ومافيني الا العافيه
ساره:لاعايد هالمره لا وبعدين وراك دوام وتتعب!
عايد ابتسم من حنيتها الي تذكره باامه:ابشري بكره بكره
ابتسمت ساره وقربت تنام لكن ناضرها عايد:قربي تعالي
سارت الي كانت بكل مره تقرب لعايد تحس بسعاده اول مره تحسها-قربت لحضنه وبدا يسولف لها عن كل شي صار ببيت خاله
ساره:ياحظك ماشاء الله خوالك اهل وسند
عايد:صح حتى انتي ماعندك خالاتك بس عماتك يكفون ولا؟
ساره:اي والله يكفوني عن الف خاله
طبعا ام سامي وام حمد هم اخوات لكن من الرضاعه واهاليهم متوفيين بحادث اما ام سيف من وهي صغيره اهلها بينهم مشاكل ويوم تزوجت ابو سيف ماقد راحت لهم ولا قد سالو عنها
عايد:اي وانتي وش صار معك
ساره بحماس:مررره انبسطت مع البنات
عايد:وبنات خالتي وخالي كيف معكم
ساره:عسللل عسللل ورنيم ولين بعد كلهم عسل معنا وكاننا نعرف بعض من سنييين مو تو
عايد:ولنا؟
ساره انصدمت من اسالته:حتى هي كويسه بس وش فيك
عايد:لا بس اذكرها ماتحبنا وهي صغيره ماغير تتهاوش معي
ساره ضحكت:اشوفها اذا جبت طاريك تقول يع ونقاوم نتهاوش طلع الموضوع ذا
عايد:اي بالله
ساره الي جت بتقول سالفه بس شافت الساعه:يوووه عاييد تاخر الوقت نام وراك دوام
عايد:دام السهر هو مقابل وجهك راضي
ساره بحياء:عااايد
عايد:عيون عايد سمي
ساره:يلا نام خلاص
ضحك عادي وعرف انها استحيت:يلا تصحبين على خير
صباح اليوم الجديد
عايد صحى وتروش وطلع البدله الي استلمها منهم ولبسها وقرب يبوس ساره اول ماباسها قامت ساره:بتروح؟
عايد:صح النوم اي باقي ربع ساعه
ساره:طيب افطر بالاول
عايد:لا اخذ لي مع الطريق
ساره:اقول ماراح تطلع بدون فطور
اتصلت على الاستقبال عشان الفطور ويوم وصل بدت تاكل مع عايد وعايد كان ياكل كم لقمه عشانها ساره:عايد تراني شايفتك كل زين
عايد:والله اخاف اتاخر وانتي عارفه كيف امس علقنا بالزحمه اخاف اعلق الحين
قربت ساره له وحضنته بقوه:لاتطول
عايد بادلها الحضن:مابطول اخلص واجي على طول عشان اشوفك ويلا استودعك الله
بعد ماطلع عايد نطقت ساره وهي تناضر الغرفه:الحين لازم ارتبها بعدها اتصل على البنات اسولف معهم
عند البنات الي قامو والاكل جاهز واهم شي "العريكه"كانو مجهزينه ام هادي وام خالد
الجده الهنوف:ليه تكلفون على نفسكم الله يهديكم
ام خالد:مامن كلافه ولااسمع الكلمه مره ثانيه ولا ازعل منكم ترا
اجتمعو ياكلون مع بعض وكانت لمار جنب الشاي والعصيرات وتصب لهم حسب طلباتهم
العنود بتلذذ:يمميي تشهيي تسلم يدك
رسيل:صدق لذيذذه
دخل خالد تنحنح:لانا
لانا:ها
خالد:قومي جيبي لي ثوبي من الخزانه ونادي اخت سيف له
لانا:اففف وحده منكم تقوم بروح اجييب الثوب واجي
مسك شافت لمار توقف:كملي انا بروح اشوفه
انتضرت مسك لين لانا تقولها ان خالد راح عشان تشوف سيف
سيف: الفزعه اكوي ثوبي
مسك:الحين انت مقومني من الاكل عشان اكويه؟
سيف:تكفين صلاة الجمعه ماباقي لها شي
مسك:والمقابل؟
سيف طلع من جيبته مية ريال:خووذي بس يلا اكويه
مسك:على هالميه لو تبيني اكوي جزماتك اكويهم
ضحك سيف:لا مشكوره بس اركضي اكويه
دخلت مسك تكويه وطلعت تعطيه ورجعت تاكل معهم
بعد ماانتهو من الفطور بالمطبخ نطقت لنا:ماما وش بتسوين غداء؟
ام خالد:عادة الجمعه بجيب سمك
لنا:مابتطبخين؟
ام خالد:لا والله لا الحين ولا الليله كله من برا ان شاء الله بسوي القهاوي العصر ذي لحالها تهد الحيل
لنا:ليه وش فيه
ام خالد:نسيت اقولك انتي والبنات خالاتك بيمرني العصر
لنا وهي تكره خالاتها:وبناتهم؟
ام خالد:اي بيجون عشان البنات
لنا:افف
ام خالد:قولي للبنات
لنا تكرهم لانهم دايم ياذون امها بالكلام وهي اختهم! وصارت ماتطيقهم ولاتروح لهم لكن بعض الاحيان عشان خاطر امها
لنا دخلت عند البنات الي يتقههون بالمقلط:افف بنات خالاتي بيجون الليله
مريم:وناسه بنتعرف عليهم بعد ونزيد
ريناد وهي تعرفهم:ماانصحك يرفعون الضغط يكرهونك بنفسك
العنود:اما وش فيكم عليهم
لانا:مافينا شي بس هم متخلفين بزياده ولاتحكمون قبل تشوفونهم على العموم جيت اعلمكم عشان تتجهزون
عند العيال الي صحو وابو حمد ناضرهم لكن مشى الموضوع لهم وقامو يتجهزون لصلاة الجمعه
هادي الي ولع العود وبدا يبخر واحد واحد لان ذي طقوس الجمعه الي حتى احفاد ال عواد يسوونها
ركبو السيارات وانطلقو لمسجد الجمعه
عند عايد بداومه الي من دخل قابل المدير الي كان اسمه زياد
زياد:ياهلا ومرحبا انت عايد؟
عايد:اي مين انت
زياد:انا المدير
عايد قرب يصاحف يد زياد وجلس يسمع كلام زياد:الحين اليوم اول يوم تدريب لك لين الخميس اذا كل شي تمام وركز اذا كل شي تمام تقدر تقدم نقل
عايد:نقل؟ يعني يمديني انقل المكان الي ابيه؟
زياد:تقريبا كذا لكن عندك اماكن محدده
عايد:وش الاماكن ذي
زياد:عندك الشرقيه والخبر والدمام والقصيم
عايد:الرياض؟
زياد:لا والله الرياض مكتفين بالي عندهم لكن لو ودك فيها ادبر لك مكان
نادى زياد لعايد الي بيبدا يدربه وكان اسمه خلدان
دخل عايد التدريب وشاف مجموعة شباب وكلهم سعوديين وحس بالفخر وبدا يتدرب وهو بكامل طاقته
خلدان الي كان منبهر بعايد كيف يسوي كل ذا وهو تدريب بس وبدا يدربه اكثر لين انتهى التدريب وطلع يكلم زياد
خلدان:الي اليوم تدرب معنا كان متوظف قبل؟
زياد:لا ذي اول وظيفه ليه
خلدان:غريبه ماشاء الله متدرب زين ويعرف كل شي وبس تفاصيل صغيره الي علمتها عليه
زياد:زين شكل اخذ كلامي بجديه
خلدان:النقل؟
زياد:اييه
خلدان كان داري لان زياد يوم يقول كذا يحفزهم انهم يتدربون زين عشان ينقلون
عايد بعد مانتهى من تغيرر ملابسه وكان بيطلع وناداه زياد:ماشاء الله عليك من اول يوم مدح من وين متعلم
ابتسم عايد:جدي وابوي دايم يعلموني عن طريقة السلاح وللحين فاهم
زياد:ماشاء الله وانا توقعتك عشان النقل شديت حيلك
عايد:والله لولا كرهي للجنوب جلست فيها بس تذكرني بامي
زياد مارد وعايد نطق:متوفيه الله يرحمها
زياد:عظم الله اجرك والله يرحمها يارب
عايد:جزاك الله خير امين يارب
زياد بتغيير موضوع:اجل موضوع نقلك اعتبره تم وعطني رقمك عشان ارسلك مواعيد الجيه هنا ولاتتاخر
عايد:لاتوصي
عند البنات الي بعد ماوصل الغداء وتغدو شافو اتصالات ساره
رغد:بسم الله وش فيها ذي الي جوالها به شحن كثير تدق عليها
العنود:انا تعالو
فتحت المكالمه وساره:اف وجع وينكم من اليوم ادق
رغد:انتي الي وينك حنا كنا نتغداء
ساره لفت الكاميرا على الغرفه:لحالي عشان كذا دقيت
امجاد:من تزوجتي اخذتيني بديل ياقليلة الادب
ساره ضحكت:اقول اخوك راح تدريبه عشان كذا طفشت
رنا:الحين بنروح الكوفي شرايك نمرك؟
البنات طالعو رنا وقالو بنفس الوقت:كوفي؟
رنا:اييي وش فيكم حتى ذي من طقوس الجمعه ناخذ قهوه وفره بالسياره ونرجع
ساره:الله يلا بقفل بتصل على عايد اذا يطول تمروني
رغد:صح والليله بيجون خالات لانا
ساره:يلا زين قلتي لي بتكشخ واجي
قفلت ساره واتصلت على عايد الي كان بالطريق راجع لان تدريب اول يوم خفيف
ساره:عايد مطول؟
عايد:هذا انا راجع ليه بغيتي شي؟
ساره:لا لا خلاص اذا جيت اقولك قفلت ساره من عايد وهو اصلا كان واصل الفندق طلع بسرعه لغرفتهم فيه فضول وش تبي ودق الباب
ساره:مستحيل عايد توه يقول راجع
قربت لباب ونطقت:مين؟
عايد:عايد او حبيبك الي تبين
ابتسمت ساره وفتحت الباب:توي اقول اكيد مو هو توك مكلمني
عايد:يلا وش تبين
ساره باابتسامه:فضولك سرعك يعني بس اول شي قل لي كيف اول يوم
عايد:عندي اخبار تونس بس تعالي نجلس
عايد علمها بكل شي حتى النقل ويوم يمدحونه
ساره:كفو على حبيبي وانت اخترت وين بتنقل؟
عايد:للحين لا
ساره:طيب وش تبي مواصفات المدينه
ضحك عايد على كلامها:امم فيها بحر وقريبه للرياض اذا نبي نمر عزام مريناه
ساره:هي مو حول الرياض بس تعتبر قريبه الخبر
عايد:الخبر؟ تبينها انتي؟
ساره:اكيييد مين مايبي الخبر
عايد:ابشري بكره اكلم زياد على المكان ويلا الحين وش تبين
ساره:البنات بيطلعون كوفي وقلت لهم بشوفك اذا جيت بدري انت توديني واذا لا هم يمروني
عايد:لا اكيد انا بوديك عشان اجلس هناك بعد
ساره:طيب بس الاغراض الملابس اخليهم؟
عايد:اي اي بنجلس هنا طول الاسبوع
قامت ساره تتجهز للعزيمه ولطلعة البنات وحطت مكياج خفيييف وسوت شعرها ستريت الا الاطراف ويفي ولابسه فستان ابيض
عايد الي كان يتاملها من بداية ماتتجهز ويوم خلصت:كيف عاايد
عايد:قمرر بسم الله عليك كاامله
ابتسمت ساره:طيب بوريك ذا الكعب؟ ولا ذا؟
عايذد:كعب؟ ليه مو تروحين كوفي؟
ساره:يوووه نسيت اقولك بعد خالات لانا بيجون
عايد تذكر خالاتها الي حتى هو يكرهم لكن ماقال شي لساره: اجل ياحظهم بيشوفونك
ساره:يااحظي انا
طبعا عايد وساره كانو ثقيلين قبل يعرفون بحبهم لبعض لكن بعد ماعرفو صارو خفيفين بزياااده وكلمه بس ترضيهم
بعد ماتجهزت ساره وشافت عايد مو لابس:عااايد يلا قم اللبس ثوبك
عايد:مدري وش البس
ساره:انتضر -راحت ساره تدور بااثياب عايد لين لقت الثوب الاسوذ الي تحبه عليه مع غتره بيضاء
طلعت لعايد:البسهم
عايد:ليه ماطلعتي الشماغ
ساره:احب ذي عليك
عايد:يلا عطيني الببسهم
"طبعا ساره كانت لابسه ومتجهزه لانهم بيمشون بالسياره مابينزلون منها"
قربت ساره تبخر عايد وبعد ماانتهت قربت تعدل روجها ولفت لعايد عشان يطلعون
عايد قرب لها وكان يتامل كل شي فيها وتوترت ساره كالعاده لكن ماقدرت تنطق هالمره
عايد كان تايه فيها وقرب باس خدها:الله يحفظك لي ولا يحرمني من جمالك
ساره الي توترت اكثر من البوسه وبتغيير موضوع:اء اء يلا مشينل
ابتسم عايد وعرف انها توترت:يلا
عند رسيل الي كانت تراسل لسعود وهي مشتاقه له يومين ماشافته
سعود:تجهزي بعد ماترجعين من عند البنات نطلع مع بعض
رسيل:وين؟
سعود:مكان لكن اذا رجعتي علميني
رسيل:تمام
عند البنات الي كانو ينتضرون ساره عشان ينطلقون واول ماشافوها انبهرو فيها وبجمالها الي برزته اكثر بمكياج نااااعم
امجاد:بسم الله عليك ماشاء الله خلصتي وجيتي
ضحكت ساره:عشان مابننزل من السياره قلت خليني اكشخ وارتاح
رنيم:ذكيييه والله وحنا ماسوينا شي
رسيل:اقول نطلع وبعدها نتجهز
ساره للبنات:بس ابي شبشب مستحيله اطلع بالكعب تعبني
لانا:اصبري بجيب لك
راحت لانا لغرفتها تجيب شوز مريح لساره وعطتها
مريم:مع مين بنروح؟
رنا:امم مع لانا
البنات انصدمو
رسيل:لانا!! تعرفين!!!
لانا:خير وش فيكم اكيد اعرف لكن البلشه مامعي رخصه لو مسكوني اكلت تراب وعطوني مخالفه
رغد:اجل وش بنسوي لو مسكونا
لانا ضحكت:لو شفنا بس شرطه غيرنا الطريق الي نمشي فيه وسنتين للحين محد مسكنا
لينا:عاد البلشه الصدق يوم ان بيمسكونا وحنا اول مره نركب معك
لانا:لا معليكم الموضوع عندي بس تعالو
وركبو السياره وبدو يفرفرون بالسياره الي كانت جمس وفوق بعض عشان يستانسون مع بعض
مريم:ليين قومي عن عبايتي شوي وتجلسين بحضني
لين:وش اجلس تبيني فوق راسك؟
مريم؛افف ياربي اخر مره اطلع معكم
رغد:اقول مريموه اص واستانسي معنا
لنا:لانا مدي لي السلك بحط اغاني
لنا حطت اغنيه وبدو يكررونها مع بعض كلهم لانهم حافظينها من كثر مايحطونها يوم كانو بالديره
وصلت لانا الكوفي وبدت تاخذ طلبات البنات الي كانو كثار والكاشير منصدم من العدد
لانا:الحساب؟
الكاشير مد الحساب ودفتعه لانا
ساره:لانا! خيير كلنا ندفع مو بس انتي او نتقاسمه انا وياك على الاقل
لانا:انتي الي اقول انا عازمتكم مالكم دخل الحساب علي
جت بتتكلم ساره ومسكتها لنا:خليها خليها تدفع دايم تسوي الي براسها
بعد ماخذو القهوه بدو يمشون بشوارع الجنوب الي كانت مغييمه وعلى وشك المطر لكن ماامطرت
بعد ساعه وهم بالسياره شافت العنود الساعه وشهقت:الساعه ٥! متى بيمدي نتجهز
رغد:يمه صدق وحنا كثار بنجلس ننتضر لين تخلص الي قدامنا
ساره:لاا خلونا نكمل
رغد:الزفت ذي مخلصه وجايه تتحلطم
لانا ضحكت:ماني سامعه كلامها الحين راجعين
رجعو البنات وبدو يتجهزون مع بعض وذي كانت احلى فقره عندهم ورغم حطو مكياج خفيف ولبسو لبس هادي الا انهم طلعو جميلات وذا احسن شي فيهم
بعد ماجهزو ونزلو عن الامهات ينتضرون وصلو اخوات ام خالد وبعد دقايق دق الباب وعرفو انهم هم
لانا للبنات:روحو نفس مكانا امس بخليهم يسلمون على امهاتكم ويجون
رنيم:يلا تمام
دخلت لانا خالاتها الثنتين بكره وبناتهم الي مدري شلون بتتحملهم الليله ذي
ام سجى بتنهيده:وين امك
لانا بنرفزه:امي جوا عند الحريم
ام مشعل بطريقة تنرفز:حريم اهاا
لانا:بتجلسون واقفين هنا؟ ادخلو جوا
دخلو بكرره وهم كارهين البيت لكن صابرين عشان يشوفون ال عواد
تعريف بسيط عنهم
ام سجى عمرها ٥٠ خبيثه وماتحب الخير لحد تحبه لنفسها وبس وكل الناس كارهينها محد يحبها غير اختها ام مشعل
عندها بنتين
سجى عمرها ٢٢ بالجامعه وشايفه نفسها بززيااده بسبب فلوس ابوها
عهد عمرها:٢٠ ونفس الشي شايفه نفسها لكنهم مو جميلات عاديات بزياده
ام مشعل عمرها ٦٦ نفس الشي لكن انها ام وجهي قدام شخص ووراك شخص ولا تحب تشوف الناس مستانسين
عندها بنت وولدين
مشعل عمره ٣٠ ومن خراب لخراب ومافيه شي حرام الا سواه
تركي:كان هو الوحيد المحترم بينهم ومايحب يشوف اهله كذا لكن مغصوووب وكان صديق العيال ودايم يجيهم البيت وعارفين العيال انه مو نفس اهله ابدا ولا يتقارن ابدا
سُهى:وكانت نفس بنات خالتها من كثر ماتجلس معهم
نرجع عند البنات
بعد مادخلو عليهم البنات انصدمو! انصدمو من ذوقهم بالبس وكانهم لابسين اي شي وجايين عكسهم منصدمين كيف انهم جميلات ومرتبين كذا
سهى بدت سوالف ونطقت بدلع:ايوا وش اساميكم يابنات
لانا بغثى عند اذن العنود:يارب تصبرني
العنود ضحكت واول وحده منهم قالت اسمها:العنود
وبدو البنات يعلمون اساميهم
لانا:وانتي قولي وش اسمك بعد لهم
سهى:المعروف لايعرف سُهى بنت فارس
سجى:وانا وذي اختي عهد بنات بدر
ساره تحاول تبعد عنها اسلوبها الي يغث:والنعم
سجى:فيك الا صح وين زوجة عايد الي تزوج وماعزمنا
لنا بنرفزه:اول شي تقربين له انتي؟ ابدا ولا اي صله ثاني شي هذي ساره زوجته
عهد الي كانت منقهره وتحب عايد:اما عايد يحب وحده كذا؟
لانا:يحبها وتزوجها مو وحده ارخصت نفسها له ولاعطها وجه
ضحكت رنا على لانا وتعاملها معها
سجى:تكلمي مع اختي زين
لانا:اذا هي ثمنت كلمتها الي طلعتها انا اتكلم زين
عهد:وييع مافيكم قبول
ريناد:على اساس انتي فيك ياشيخه اسكتي احسن
البنات كانو منصدمين من اسلوب البنات وكيف كانه عادي يراددون وكالعاده لينا راددت معهم لانهم نرفزوها
سهى:امم وين تعيشون؟ بالديره للحين؟؟
لينا:تكلمي بدون دلع واي عندك شي؟
سهى:يع شفيك سالت وبعدين من قام يعيش بديره
رنا:انتي بكبرك عايشه بالديره اسكتي بس
سهى:لاتتدخلين اسالهم اضن
رنيم انغث ونطقت للانا:بروح اجيب مويا
كان فيه مويا على الطاوله بس لانا عرفت انها تتهرب وقامت معها
رنيم:تغث مو طبيعييي تتدلع بصوتها مو لاييق وجاينا بخلاقين
لانا ضحكت على كلام رنيم:توك ماشفتي شي والله اكرهم كلهمم الا تركي اطيبهم
رنيم:مين تركي ذا بعد
لانا:اخت الي تتدلع عندهم اثنتين واحد اسمه مشعل تبين ترتكبين جريمه فيه شوفي شكله والثاني تركي ذا قبول الارض فييه ودايم عند اخواني ويشتكي لهم عن اهله وهو الوحيد الي طالع على ابوه كريم وفيه قبول
رنيم:اجل وش فيها ذي رافعه خشمها؟
لانا:حقت عيال الله لايبلانا يارب والفلوس جايه راجعه عشان كذا
رنيم:عشان فلوس!!! يمه مريضه
لانا:تكفين تعالي بنشوف عماتي وامي ووجيه يوم يكلمون خالاتي
قربو عند الباب وبدو يسمعون صوت ام مشعل الي تتدلع وهي عجوز ماااايصلح
رنيم:مينننن ذييي يييييييع
لانا:ام الخكريه الي تتدلع
رنيم ميلت راسها تشوف الجده الهنوف ومن شافتها ضحكت بصوت عالي ولانا تسحبها عشان ماتفضحهم
رنيم:يمه لانا متتتتت لو تشوفين وجه عمتي الهنوف يضحكك يضضحكككك تكفيين ميييينه
لانا:اصبري بشوف
راحن تشوفه لانا وجلست تناضر رنيم وضحكو لان وجهها واضح قرفاانه منهم
عند الحريم الي كانو محترمين اخوات ام خالد عشانها مو عشانهم
عند العيال:الي تعرفو على تركي وحبوه مرره وعايد ابتسم ان مشعل ماجا مايبي يعكر مزاجه بسبب مناقرتهم
رنيم:اخخ مقدر مشينا نرجع تاخرنا
دخلو رنيم ولانا وشافو وجيه البنات ورجعو يضحكون من جديد
امجاد:وجع وش فيكم
رنيم :مقدر بطننيي بطننيي
سجى وعهد وسُهى تحسسو ونطقت سجى:الحمدلله والشكر
لين:وش فيك تحسستي؟ انطمي ابرك
الحمدلله حمداً كثيراً مباركاً
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
