استغفرالله واتوب إليه
جا الليل ورجعو العيال من المحلات بمزاج متنكد بعد احمد وسالفته
سامر : اخ يالعيال للحين منقهر ودي اغير جو
سامي : وين نطلع تالي الليول؟ مافيه غير العزبه
عزام : والله تم مشينا لها وعايد معنا فاهم؟وبروح انادي خالد ومحمد"محمد خويهم المقرب وجارهم"
عايد : خلاص يلا بروح اشيك على السياره وانتم اللحقوني
سعود : بعطي خبر وحده من البنات واجيكم عشان لو سأل عننا احد على الاقل يعرفون
عايد : يلا تم انا بالمجلس لين تخلصون واجهز السياره
كل واحد بدا يسوي الي عليه
عند سعود داخل من الباب القريب من المطبخ لانه اقرب شيء للدرج فجاءه لمح شيء بالمطبخ لمح ام شعر طويل وويفي لمح اجمل عيون لمح رسيل الي جمالها ططاااغي لمحها وهي بالتوب العاري
عند رسيل الي كانت تسوي لهم شاي ودايم اخر الليل يغيرون ملابسهم لملابس تريحهم بحيث لا الجد عواد ولا العيال يشوفونهم بالشكل ذا بس هالمره شافها سعود
سعود وهو داايخ فيها ومانتبه لنفسه الا يوم سمع صراخ رسيل لان انكب عليها الشاي ودخل جوا عندها
رسيل : يدييي يددي تووجعع
سعود وهو يناضرها ويناضر عيونها
رسيل بدت تبكي : تكفى يدي تووجع
سعود استوعب : بسم الله عليك يابنت مشاري اصبري علي بجيب الادويه واجيك
رسيل ببكي : لاتطول والله توجع
سعود : سمي طلع وهو ماطول جابهم وجا
سعود وهو يسمعها تبكي : تعوذي من الشيطان لاتبكين
رسيل : مقدر توجعني والله
سعود يسولف عليها عشان تسكت ويعرف يعالج يدها ويطلع للعيال
رسيل : اي تكفى شوي شوي
سعود : يامي انتي اسكتي شوي جالس اسويها
رسيل بعد ماحط الشاش على يدها سعود توها تستوعب انه مو واحد من اخوانها لاهو سعد ولاهو حمد
رسيل : غض البصرر على بالي انك سعد نفس الصوت مادريت انه انت
سعود عطاها شماغه : ماحصل الا الخير وماني تاركك وانتي تبكين من الالم
رسيل بالشماغ : وانت وشدخلك هنا؟
سعود : كنت بجي اعلم وحده منكم بنمشي العزبه وانتي الحين اولهم بنروح نغير جو وماحنا مطولين شوي ونرجع
رسيل : تبون شاي؟ مابغاا الشاي بعد ماحرقني
سعود : افاا يابنت مشاري لكن عطيني بكوب والباقي لك انتي والبنات العيال مو لازم
رسيل : البنات نامو لانهم كانو نعسانين وانا طولت عليهم خذ الدفايه كلها
سعود : ابشري بس صبي لك بالاول
رسيل جابت لها كوب وصبت لها وعطته الباقي
سعود : تاخرت على العيال استودعتك الله وانتبهي مره ثانيه
سعود طلع للعيال وهو عارف انواع التهزيئه الي بتجي وحاول يدور عذر
دخل المجلس وماافيه احد،توقعهم برا لكن مالقاهم وعرف انهم سحبو عليه
سعود : يلعن عادتكم ذي بس هالمره بسامحكم لعيونها
رجع دخل المطبخ تنحنح يبي يقول لرسيل ان سحبو عليه
رسيل وهي تشررب الشاي فزت : بسم الله وش رجعك
سعود بضحكه : سحبو علي
رسيل : حرررام ليييه سحبو عليك
سعود : عندنا قانون الي يتاخر نمشي عنه
رسيل : هههههه لابوه من قانون
سعود : وانتي وش عندك مارحتي نمتي
رسيل : مافيني نوم
سعود : اجل تحجبي وتعالي الحوش الخلفي نسولف
رسيل : اخاف احد يشوفنا ويفهم غلط
سعود بنرفزه : وليه جدي ماعودنا كذا؟ عودنا نسولف مع بعض بس بحشمه؟
رسيل : الا
سعود : كيفك لو تبين هذاني بالحوش ماتبين روحي نامي
رسيل خافت يزعل : لا لا بس دقايق واجيك
بالحوش
بعد صمت طويييل
نطق سعود : تعرفين عن وظيفة عزام؟
رسيل : لا وش ومتى قدم الكلب ولا علمنا
سعود وحس انه جاب العيد : ماعلمكم! اجل شكله بيسويها لكم مفاجاءه لاتعلمين البنات
رسيل : تمام بس وش الوظيفه؟
سعود : قدم بالرياض على محاماه
رسيل : الله ابغا نفسه ماشاء الله ياحظه
سعود : تصيرين افضل محاميه بإذن الله
رسيل : امين،بس شلون جدي وافق؟
سعود : حاول بجدي ووافق وماتعبنا بإقناعه لان هو يبي نتوظف
رسيل : لا دقيقه توي استوعب ماعاد بسهر معه!! ماعاد يطلعني خيرر
سعود بضحك : ذي اكبر همومك لا معليك يجينا كل ويكند وحنا نروح له عادي
رسيل : احللللف يعني بشوف الرياض واخيييرا!
سعود : الله واكبر معليك اصلاً روحات الرياض بتكثر يمكن عرس يمكن عزيمه كبيره يمكن نزور عزام
رسيل : زواج؟ زواج مين
سعود : زواجي
رسيل وهي ضايقه : ومين سيئة الحظ الي بتاخذك
سعود : سر ماراح اقول بس يويلك تعلمين احد بس جدي وجدتي واناا ادري والحين انتي دريتي
رسيل : الله واكبر يالسر مالت عليك بس
سعود بضحكه : الا اقول ماتحسين طولنا؟
رسيل : ايه والله بس صبر بشرب اخر كوب شاي
سعود : مشتهي اقول قصيده عن زوجتي شرايك اقول
رسيل : يالخيياااس اسكت بالله
سعود : عناد لك اسمعي
"العيون احلى من عيون المها
شافها قلبي وصفق واحتفل"
رسيل بقهر بس نطقت الكلام بغرور : لاتدور مافيه احسن من عيوني
سعود سكت شوي عشان تستوعب وش قالت
رسيل استوعبت انها تمدح نفسها عنده وذا يعتبر حررام : يمه لااااا
سعود بضحكه : انشهد
رسيل وهي ماتدري وش يقصد : كلتراب ياخي
قامت رسيل : شماغك بكره اجيبه لك لان مالي خلق الحين ابداً
سعود : خليه عندك ماحتاجه
رسيل : اقول بس بكره تعال خذه
سعود وهو ماراح ياخذها بس نطق : تمام ان شاء الله
دخلت رسيل داخل وسعود للان يفكر فيها يفكر هي تحبه زي ماكانو صغار؟هي تبيه زي ماهو يبيها؟ تساؤلات الى ماله نهايه
عند رسيل : اخ يالقهر كل حبي له راح هباءً منثورا؟
يلا معليه هو خسرني وخسر حبي
بس يقهررر الله ياخذ العدو
صحت امجاد تبي مويا : بسم الله وش عندك صاحيه انتي وراك مانمتي ووش فيها يدك
رغد وامجاد وامهم وابوهم نامو عند بيت الجد عواد عشان عايد تاخر عليهم
رسيل ببكيه : مافيني شيء ويدي انكب عليها الشاي وانا اسوي لكم يالكلبات
امجاد : يمه رسيل وش فيك تبكين!!
رسيل : اقولك عشان يدي
امجاد : كذابه بس اول شيء امشي معي نشرب مويا طيب
رسيل : اف مالي خلق بس طيب
وصلو المطبخ وقامت تسولف امجاد على رسيل
امجاد : رسيل وش فيك؟ ليه مانمتي وكنتي تبكين
رسيل زادت بكي : مافيني شي يدي ياامجاد توجعني
امجاد : لاتكذبيين علي وانا اكثر وحده عارفتك
صبررر ليكون ذاك المخنس؟
رسيل : لا
امجاد : كذابه والله هو صح؟
رسيل : لا
امجاد : طيب احلفي!!
رسيل : مابغا
امجاد : هووو!! وش صااييرررر وش صار اصلاً
رسيل بما ان امجاد تعرف حبها لسعود علمتها كل شيء ونست ان الشباك مفتوح وهو على الحوش الخلفي الي سعود مافيه وماقام ينام وسمع كلل شيء
امجاد : بس كذا؟ اخ المخيس ذا ودي اتضارب معه تارك كل هالجمال وبيتزوج غيرك؟
رسيل بدت تبكي
امجاد : خيررر رسيللل لاتبكين مايستاهلك وبعدين احسن شيء مايدري انك تحبينه يعني ذا افضل شي صح ولا لا؟
رسيل : ايوا بس تعبتت وانا اشوفه يحب غيري ومو معطيني اي وجه
امجاد : طيب ليه ماتفكرين ان يمكن جدي يرفض زواجه؟
رسيل ببكي : بس هو قال كلم جدي وجدتي ومحد يعرف غيري! يعني اكيد موافقين
امجاد : خلاص ياعيوني بكي كفاييه وبعدين انتي غبيه تمدحين نفسك عنده
رسيل بضحك بين دموعها : مادريت من القهر والله
امجاد : غبيه بس ياكل تراب قومي نروح ووننام تاخر الوقت
سعود حس بالندم لان طلعت هي تحبه! حبيبة قلبه الي من كبرو وهو يحبها لكن مايقدر يعلمها خاييفه تبي غيره خايف ماتبي الزواج خايف من كل شيء والحين درا؟ يااسعاادته دخل داخل المجلس واول مره ينام بدون هواجيس من الوناسه ان رسيل تحبه بس حس بالندم ان قال بتزوج غيرك وللحين مايدري شلون يخليها تنسى الموضوع
عند العيال بالعزبه
سامي :والله سعود فاتتته الطلعه ذي
محمد : صح ليه ماجا هو
سامي بضحك : ابد قلنا له يروح يعلم احد اننا بنروح العزبه عشان محد يشيل هماً ولكنه طاح بالسواليف مع اخواته وسحب علينا
محمد : حرررام عليكم بس ودي اشوف ووجهه وهو طالع ومالقاكم
حمد : وش حرام ياحظه بينااام
خالد : تبي تنام انت؟
حمد : ايه نعسان
خالد : اجل يالله رجعنا تاخر الوقت
سعد : ايه والله وخلونا نعتمد الطلعه ذي والله فضفضت فيها اكثر من فضفضتي للعيال بالايام العاديه مدري هو قهر من التراب احمد ولا وش
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
