بدت ترجع امجاد على ورا وهي تقول بصوت خفيف:لا لا مستحيل مستحيل عزام يسويها مستحيل والله
انتبهت لهمس الي لفت ظهرها وركضت مسرعه داخل المزرعه بغرفه من الغرف بنص دموعها:امجاد صحصي على نفسك شفيك تبكين وهو للحين مو خطيبك ودامه ماهمه انا لييه يهمني وبعدها رجعت تبكي:مقدرر مقدر ياربي اذا هو خير لي قربه لي واذا هو شر بدله خير وقربه لي
عند البنات بعد ماجاء العشاء
رنيم:وين امجاد؟
ريناد:مدري والله كانت توزع معنا واختفت
رغد:غريبه وش اختفت بقوم اشوفها واجيكم
قامت رغد تدور امجاد اول شي بالاماكن الي كانو جالسن فيها وبعدها طلعت للغرف وشافت وحده من الغرفه مفتوحه وهم مقفليها وقربت لها شافت امجاد نايمه على الفرشه الاساسيه بدون طرحه او مخده وانصدمت من منظرها وقربت تصحيها:مجوده قومي وش فيك نمتي وانتي ماتعشيتي!
امجاد كانت تسمع رغد بس ماتبي تقوم ورغد تشوف عيونها مورمه من البكي وسوت نفسها نايمه
رغد:ياربي امجاد دايم تنامين بوقت غلط اول مره بالديره وهالمره هنا
قامت رغد بعد مافقدت الامل وامجاد من جواها:تنامين؟ قصدك اصيح من الغثاا عزام
اما عند الحريم الي جالسين يتناقشون بااكثر من موضوع والبنات يقطون بنص المواضيع
ساره بعد ماشبعت:الحمدلله كثر الله خيركم
ام هادي:بالعافيه ياغاليه
راحت ساره تغسل يدينها ولمحت ولد بعمر 8 سنوات يحاول يدور امه وساره انتبهت له وراحت:وش تبي ياعمري
محمد:انا رجال مو عمرك
ساره ضحكت:وش تبي يارجال بس علمني اسمك بالاول
محمد:محمد
ساره:شرايك ادلعك حمودي
محمد:عشانك حلوه بخليك بس انتي تناديني مع ماما واخواتي
ساره:امين اخواتك؟
محمد:خديجه وهمس ومنيره
ساره:يااقلبي انت اخوهم؟ تعال اوديك لهم
محمد:بس معرف اسمك مين انتي
ساره:اسمي ساره
محمد:الله اسمك حلو
ساره:انتت الحلو ياقلبي يلا تعال معي
مسكت يد محمد وودته عند البنات وطلعت فوق تجهز اغراضها على مابال يخلصون البنات عشان تسولف معهم
لمحت امجاد الي جالسه لحالها وتهوجس ونطقت:امجاد؟ وش فيك
امجاد الي من سالتها ساره رجعت تبكي وتحس براحه يوم تشوف ساره وتقولها كل شي بخاطرها:ساره قسم بالله سبب بكائي غبي وانا غبيه
ساره:امجاد ياعيوني وش مبكيك قولي لي
امجاد علمتها بالي شافته ونطقت ساره:يااقلبي عزام ماتوقعها منه لكن دامك متاكده انه هو بروح اكلمه واشوف
امجاد:لا ساره تكفين لاتقولين له شي انا برفضه وخلاص انتهى الموضوع
ساره شهقت:امجاد غبيه انتي! ترفضينه وانتي مو عارفه السبب؟ امس كنتي مستانسه واستخترتي وارتحتي والحين بترفضينه عشان سبب جداً غبي؟
امجاد:ساره موو غبيي لو تشوفين عايد مع احد من البنات عادي عندك؟
ساره سكتت:صدق يوم تخيلت بس انقهرت لكن كلميه ياقلبي امجاد مايصير تسكتين له كذا
امجاد:طيب بكلمه بس مو الحين
ساره:امجاد والله؟ مو بكره اسمع رفضك منه
امجاد:ساره مابكذب عليك طاب الخاطر منه ولا عاد ابيه
ساره:اخخ يامجاد صعب اقنعك لكن فكري قبل ترفضينه وخوذي وقتك وقومي نجهز وننزل عند البنات
امجاد:مابي تو رغود شافتني نايمه
ساره:بقول اني صحيتك يلا عشان نروح نتمشى المزرعه بعد
لمو اغراضهم بالشنطه ونزلو تحت
عند العيال محم. جنب عايد:وين زوجتك ماوريتني اياها
عايد:يوووه نسييتت يلا قم اوريك
عايد مسك يد محمد وطلع برا ومسك جواله اتصل على ساره قال لها تعالي ابيك برا
ساره جت للمكان الي قاله لها عايد وشافت محمد:ياقلبي انت من جديد
عايد:تعرفينه؟
ساره:ايي توه جا عندي يبي اهله ووديته
عايد ضحك :طلعت تعرف زوجتي وتكذب علي
محمد:لاوالله توي ادري بس انها حلوه
عايد:لاتمدح ذي زوجتي انا بس
ساره استغربت: وش السالفه
عايد علمها السالفه كلها وضحكت:ياعمري عسلل هو وسوسو
عايد:سوسو؟ مين سوسو
ساره:ياربي لايكون ماتعرف سما حفيدة ام عبد الرحمن؟
عايد:لا والله بس اعرفها اسم
ساره ابتسمت:يلا دقيقه بجيبها لك واجي
محمد:بروح معك مره ثانيه وديني عند ماما
ساره:يلا تعال
راحت ساره وعايد كان يحاول يقاوم جمالها وغمازتها الي تحليها فوق حلاتها:اخخ ياربب انك تحفظها لي
ساره علمت غلا ان عايد بيشوفها واخذتها معها لعايد
عايد اخذهها من ساره:وش ذا الحجم ماشاء الله يلا عقبال بنتنا يارب
ساره احّمر وجها وتوترت:ااا عايد عطني سما برجعها امها برد عليها
عايد:لا تتهربين ماتبين تجينا بنت؟
ساره توترت اكثر:اكيد ابي! بس عطني سما يلا بوديها
عايد عطها:وديها وارجعي لي ابيك
ساره:بروح امشي مع البنات بالمزرعه
عايد:يعني ماتبيني
ابتسمت ساره:يلا بوديها واجيك بس ها شوي وارجع مع البنات
عند البنات
مريم:رسولي فيك حيل تسوين شاهي؟
رسيل:لعيونك تم
لانا للبنات:يابنات ماذقتو شاهيها قليل بحقها كلمة لذيذذ
منيره:يااسلام رغم اني من عُشاق القهوه لكن دام تمدحون الشاهي حقها بجربه
غلا:جووي واخيرا احد مثلي يحب الشاهي بالبيت فايزه مستحيل تشربه الا ناادر وبس انا ودحوم نشرب
فايزه:وانتي نادر تشربين قهوه متعادلين
لين ضحكت:زي نقاشات ساره ورسيل لكن دايم تفوز رسيل
رسيل:والحين اخلي فايزه تحبه بس اصبرو اجهزه ونجي
غلا:زين على مابال تسوينه بنوم سما عشان نطلع نتمشى
ساره:لييه تكفين خليها تجي معنا
غلا:ياقلبي برد عليها وهذي هي نعسانه اذا رجعنا اصحيها لك قبل نمشي
ساره:تم
طلعت ساره لعايد الي كان ماسك يدها ومعطيها نص الفروه الي لابسها:يوم كنت مراهق امشي هنا واتخيلك معي واليوم تحقق وصرتي معي وجنبي!صدق الحمدلله يااارب
ساره ابتسمت:وانا كنت معذبه نفسي ابكي كل شوي اخاف نسيتني وحبيت غيري
عايد:انا مجنون يوم اني احب غيرك؟ والله من عرفتك ولا التفت لحد غيرك حتى امي الله يرحمها هي شجعتني اخطبك كانها حاسه ان يومها قربت بس الحمدلله تزوجت قبل تتوفى محد قواني غيرك بوقتها
ساره:خالتي امي الثاني الله يرحمها والحمدلله دامك معي الحين
عايد:وللابد ان شاء الله
ساره :يارب
عايد:بترجعين معهم ولا معي؟
ساره:لا معك اكيد
عايد:اشوا امس مااقدرت انام بدون حضنك
ساره:تقنعني انك مانمت اول ماشفت المنام؟
عايد ضحك:اي بالله اني فقدتك وجلست افكر فيك عقبها نمت
ساره:امس من الصدمه الي جتني نمت اول ماحطيت راسي على المخده
عايد:صدمة وشو
ساره:امجا..... تذكرت ان الخطبه للحين بين الحريم وسكتت
عايد: وش فيك سكتي
ساره بتصريفه:لا لا مافيها شي بس اقصد صدمة عزام انه جانا وكيف فاجاءناهم
عايد:اييي والله ياني ضحكت على ردة فعل جدك يقول ياعايد ليه مرجع القهوه من جديد ويوم انتبه لعزام قال عزام؟؟؟ وعزام قال وش فيك انا عايد ههههههههه
ساره:مايعرف يجحد ابدا
عايد:اي بالله
ساره بعد ماشافت انهم بعدو:عايد شرايك نرجع؟ عشان امشي مع البنات
عايد:يلا نرجع عشانك واذا مشينا اركبي معي على طول على الفندق
ساره:طيب
رجعت ساره عند البنات
امجاد الي كانت جالسه وطول الوقت تناضر همس وتشمق لها وانتبهت خديجه وخافت همس مسويه شي ونطقت:همس تعالي ابيك
طلعت همس مع خديجه ونقطت خديجه:وش مسويه بامجاد! ليه تناضرك كذا!!
همس:وانا وشدريني ماسويت شي
خديجه بشك:احلفي
همس:خير خديجه وربي ماسويت شي! صح دايم اسوي بس هالمره صدق مااسويت
خديجه:زين لو دريت انك سويتي بعلم ابوي بكل شي لمتى انتي كذا
همس مشت من عندها:اوف منكم
رسيل سوت الشاي وتذكرت سعود وسوت كوب على جنب وارسلت لسعود:تعال المطبخ بعطيك شاهي سويت لنا وسويت لك كوب
سعود:يالبيه يلا الحين جاي
كانت تجهز الكاسات للشاهي ودخل سعود بدون ماتدري وقرب لها حضنها من ورا وجت بتشهق رسيل وغطا على فمه:انا انا
رسيل:يمه سعود ابعد عيب البنات الحين يجون ويشوفون
سعود:ماسوي شي ياحبيبي انا زوجك
رسيل:سعود خل حركاتك بعدين تكفى مو وقتها
سعود كان يناضرها ويناضر كل شبر فيها وشعرها الويفي ولبسها ونطق:اخخخ بسم الله على حبيبتي كااامله
رسيل استانست وبدا قلبها يدق بسرعه: سعّودي تكفى ابعد
سعود:سعودي بعد؟ انتي تخليني اقررب اكثررر كذا
وسعود صدق طبق كلامه وقرب اكثر من رسيل وصارو مقابلين بعض ويناضرون عيون بعض
رسيل جت بتنطق وقرب سعود باسها بخدودها:حررام هالجمال ماينبااس وبعدين وحشتينيي ثلث ايام ماني قادر اشوفك؟؟
رسيل بتوتر:مدري البنات وانت العيال مافيه مكان نشوف بعضنا فيه
سعود:هي يومين وراجعين ان شاء الله وارجع انام واقوم عليك وعلى جمالك
رسيل:يومين!! مابيي ابي اجلس هنا عجبتني مررره
سعود:وش هي الي عجبتك
رسيل:الجنوب؟ اي الجنوب مرره عاجبتني
سعود:حلو تبينا نسكن فيها؟
رسيل تذكرت سالفة البعثه:صح سعود نسيت اقولك وحده من بنات ام عبد الرحمن ابتعثت برا وكملت الجامعه وتقول مرره سهله واربع سنوات وتخرجت وعجبتني الفكره
سعود:يعني تبينا نطلع برا السعوديه؟
رسيل:اي اكيد وين ابتعث غير برا السعوديه
سعود بعد عنها:اي زين اشوف
رسيل خافت انه يرفض:تكفى سعود وقسم خاطري مرره اسافر برا السعوديه واشوف الاماكن هناك ومنها اكمل دراستي مو احسن؟
سعود الي مايحب احد يقوله تكفى ويرفض طلب:ماقدر اقولك اي وانا مايمديني و ماقدر اقولك لا ويصير الموضوع خليني افكر وارد لك
رسيل بزعل:تمام خذ راحتك ويلا خذ الشاهي وابعد بطلع للبنات
سعود حس بزعلها لكن اخذ الشاهي وتركها وبداخله: كيف تبيني ارفض لك طلب ياابعدي
رسيل الي اخذت الشاي ولبست شال وطلعو هي والبنات يتمشون بالمزرعه
العنود:تذكررني بمزرعة ابوي تفتح النفس ماشاء الله
منيره:من كثر مدحكم للديره ابي اروح لها حالاً بالاً
ساره:افاا علييك بس ذا الي تبين؟؟ ابشريي اخلي وحده من البنات يعرسون واعزمكم على عرسها
البنات كلهم:اعقبي
رغد:اي والله صدق اعقبي تدورين مناسبات من ورانا ليه ماانتي تحملين وتجيبين لنا بزر ونسوي تمايم ونعزمهم
ساره مسكت بطنها:اناا اصير حامل؟ لا مابغا خلو رسيل بالاول هي خطبت قبلي
ضحكت رسيل:لا حبيبي ماله دخل الخطبه ولا العرس
ساره:ادري بس استعبط
العنود:اوف خير للحين ماستوعبت انكم تزوجت كيف بستوعب بعدين انكم بتصيرون امهات؟؟؟
ساره:يووه بعدين نصير امهات لكن امشو نمشي وغيرو الموضوع
رنيم ضحكت وهمست لها:اوف شكلك حامل
ساره:يمه لا وربي ماني حامل ولا شي
رنيم:عليينااا
ساره:قسم تووي
رنيم:ياعمري صدقتك صدقتك وجهك حّمر من التوتر
ساره مسكت خدودها:بلشر ماحمرت ولاني متوتره
رنيم ضحكت على جحدها:يلا طيب امشي
يتمشون بالمزرعه البنات وياخذون راحه بما انها كبيره المزرعه والبنات يشرحون لهم كل شي بالتفاصيل حتى اتفه الاشياء بما ان ماعندهم سوالف
همس:انا برجع المزرعه فيه احد بيرجع معي؟؟
امجاد الي خافت تروح لعزام:انا انا معك
رغد:اما مابنرجع الحين حنا ترا
امجاد:ادري بس بردت بروح اتدفى
رغد:زين بالله لمي اغراضي
امجاد:لميتهم مشوي انا وساره بس باقي كم غرض مانعرف لمين اذا جيتو توزعونها
رغد:اعشققك يامجوده تم
راحت امجاد مع همس وهي فيها كرره لها
بعد دقايق من مشيهم همس انتبهت لعزام:افف ذا مين الكريه
امجاد انصدمت ونطقت بسرعه:خطيبي
همس:انتي مخطوبه؟ ووراك ماعلمتينا وبعدين وش الحظ ذا ماخذه اشين واحد
امجاد:عن الغلط والخطبه للحين بينا اذا تمت نعلمكم
همس:يع اوف
امجاد مستانسه انها تسب عزام لكن بداخلها تفكر ان اكيد تجحد قدامها :لاتقولين كذا همس!!
همس:ياخي ليه حابته وذا اسلوبه غثيث ياربي اقوله ناد واحد من اخواني وعيا!
امجاد:اخوانك؟ وليه متى كلمتيه
همس اول مره تترك عنها الاستهبال وتتكلم زين:مشوي على العشاء ولسوء حظي طلع هو
امجاد واخييرا طلع عزام ماسوا شي:يمكن انه معصب او معرفك لامه دايم كذا
همس:مدري عنه على العموم بروح انا عند امي
امجاد راحت داخله مستانسه لانها كانت تبي ترفض عزام اول مايرجعون لكن تحمد ربها ان رجعت مع همس وسحبت منها كم كلمه وتنتضر ساره ترجع عشان تعلمها
اما عند العيال الي نصهم يلعب بالوت والنص الباقي يسولفون مع بعضهم
وقف ابو عبد الرحمن:كثر الله خيركم وجعله من زود لزود
ابو هادي:تو الوقت وين رايح
ابو عبد الرحمن:والله عبد الرحمن عنده بكره شغل بدري وانا عندي بعد ولا ودي نطول عليكم
ابو خالد:اذا خلصتو بدري تعالو مرو بيتي يومين وماشين اهل عواد وودنا انت وصالح معنا مجتمعين
ابو عبد الرحمن:ابشر ماطلبت شيء لكن الله يهديك ياعواد اجلس عندنا اول يوم رمضان وبعدها توكل على الله
الجد عواد:والله شغلي انا وابو عايد تاركينه على العمال وانت خابر العمال مافيهم امان لازم امرهم
صالح:عشان خاطرنا اول يوم بس
العيال كانو يسمعون النقاش وساكتين بيسمعون رد جدهم
الجد عواد بتفكير:بس ها افطر وامشي بدون سحور
ابو خالد:اابد اهم شي اول يوم تكون معنا انت والعيال
سعد تنحنح:احم
الجد عواد:اكيد المهابيل معي مقدر بدونهم
ضحكو العيال وهم عارفين مايقول كذا الا الي للي يمون عليهم
عند البنات بعد ماغلا قالت بنروح
ساره:تكفيين غلو جيبيها معك اذا بتجونا
غلا:من عيوني بكره اذا فضيت بمركم قبل تمشون
رغد:مشكلتي اذا جيت الجنوب مابي اطلع معها واذا جيت نجد ماودي اطلع منها بعد
غلا:ياقلبي على كثركم للجنوب بزعج دحوم عشان يجيبني عندكم
رغد:الله تتم وقولي لنا وش يقول
لين:اصبرو بتروحون قبل تعطونا ارقامكم!! عطونا يلا
ضحكت لمار:صحيح ندخلك قروبنا الي كل شي يصير فيه
قربت غلا الجوال منهم واخذو رقمها وبعدها باقي البنات
بعد ماروحو البنات بدو يجهزون البنات اغراضهم وبعد ماخلصوها طلعو برا
طبعا زي ماقلت لكم انهم متعودين يجلسون مع بعض لكن بحجاب
ابو هادي:ماودكم نمشي الحين
ابو خالد:لا وين تو مازان الجو شوي ونعود على بيوتنا
الجد عواد:نسيت اقولكم اول رمضان بنجلس هنا ان شاء الله. نفطره مع اهلنا
الجده الهنوف الي استانست:زيين جزاك الله خير والله جازت لي مرره الجنوب
الجد عواد:لو تبين ننقل ننقل عشانك
ساره الي كانت جنب جدتها:يازين المستحيه
الجده الهنوف:تعال ياعايد خذ عني مرتك شكلها مسخنه مدري شتقول
ساره تحاول تكتم ضحكتها بسبب العيال الي موجودين:ماسويت شييي جده
عايد الي كان يبيها من اول:ابشري ،قرب لساره:قومي قومي معي خليها عنك
ضحكت ساره وراحت تجلس جنب عايد الي علمته السالفه وضحك عليها
بعد دقايق من سوالفهم نعسو وقامو ركبو السيارات ومحد كان له خلق لثاني تعبو مره باليوم ذا وكلهم توجهو على البيت الا ساره وعايد بالفندق
قبل يمشون سعود:رسيل اركبي معي
رسيل وهي زعلانه:مابي بروح مع حمد
سعود:رسيل امشي معي اخلصي
رسيل خافت انه يعصب:اففف طيب
سعود الي توجهه على فندق يبي ينام جنب رسيل صار لك كم محروم من النومه ذي
بالطريق بسيارة عايد
ساره ماتدري شلون تصارح عايد بالموضوع وعايد لاحظها ونطق:وش تبين قولي
ساره ابتسمت:لدرجه ذي واضح علي!
عايد:ايي اسلمي
ساره:مدري خايفه اسمع رفضك وانا مابي
عايد:اسلمي وش تبين ماني قايلك لا الا لمصلحك
ساره:ابي ارجع اكمل دراستي جامعه بتخصص طب
عايد:بس ذا الي تبينه؟ ابشري مااطلبتي شيء اختاري الجامعه واسجلك فيها بس اهم شي تكون بمكان شغلي مقدر انحرم منك
ابتسمت ساره:كان ودي اكمل دراسه برا لكن دام هنا فيه جامعه تخصص الطب اشوفها
عايد:برا صعبه شوي عشان شغلي وعشان اهلنا وانتي تعرفين اربع سنوات وعلى طاري البعثه،جهزي بعد رمضان ان شاء الله نروح شهر العسل
ابتسمت ساره:ويين
عايد:مكان مفاجاءه بس جهزي شتوي اكثر من الصيفي
ساره:تمام
بعد ماوصلو الفندق وغيرو ونامو
اما عند سعود ورسيل
سعود : رسيل لنا فتره متزوجين وماطلبت الوصل منك احتراماً لرغبتك انتي موافقه ؟
رسيل توترت وتذكرت كلام امها عن الزواج والي مهما صار ماترفض ذا الشي ولا سعود بيكرها وبيبعد عنها وهي ماتبي ذا الشيء وهزت بالموافقه انتهت الليله ورسيل صارت زوجة سعود رسميا
صباح اليوم الثاني قبل رمضان بيوم
ام خالد:فيصل يوليدي جهز السياره بروح اقضي اغراض رمضان
فيصل:يمه انتي بعد؟ وين البنات
ام خالد:والله مدري ماشفتهن اذا يبن ولا لا
فيصل طلع جواله:دقيقه بشوفهم
لانا الي ردت ونطق فيصل:وينك انتي ولنا تعالو تروحون مع امي السوق
لانا:اماا ماما تبي تروح طيب ومخططاتنا
فيصل:مخطاطات وش
نرجع شوي لامس باليل
ريناد:تبونا نروح حنا نشتري الاغراض؟
لينا:اييي ايييي
لانا:تمم بقول لامي اذا صحيت حنا نروح
نرجع للواقع
لانا:صبري بكلم امي الحين جايه
فيصل:لا لا امي عند قسم الرجال وش تبين كلميها بالجوال
فيصل عطا امه الجوال وكلمتها لانا ووافقت ونطقت ام خالد:ولاتكثرون الاكل هي بس حق بكره ولا باقي الايام نفطر خفايف مانكثر
لانا:ازهليهااا بس بصحي البنات نفطر ونروح معك
دخلت لانا وفيصل نطق لامه:يمه وافقت؟
ام خالد:كلمت امها بس شكلها نست بشوفها شوي
فيصل:يمه اذا حسيتي الموضوع فيه رفض خلاص
ام خالد:بشوفها معليك
اما فيصل رجع المجلس عند باقي العيال ينتضرون الفطور ونفس الشي عند البنات
اما عند رسيل وسعود
رسيل يوم قامت وشافت سعود ورجعت تستحي من جديد وعرف سعود ونطق:يلا قومي جهزي بنروح عندهم والليله بعد بننام عندهم عشان بكره بعد الفطور نمشي
رسيل:مو بعد السحور؟
سعود:لا والله مايمدي عشان عايد يرجعنا ويرجع الخبر لشغله الجديد
رسيل:اها تمام يلا بجهز
بعد ماتجهزت ونزلت هي وسعود يفطرون تحت اتصلت مرين على رسيل:انتي وييينك ماتردييين سرعه تعالي بنروح السوبر ماركت نجيب اغراض لرمضان
رسيل:صدقق؟؟ اصبرووو اكل واجيكم
مريم:يلا سريع
بعد مافطرو وخلصو وركبو مع فيصل
لينا الي امها علمتها بالموضوع قبل تنام وكانت تفكر لين نامت ومن شافت فيصل الي يوديهم رجعت تفكر فيه من جديد
لانا:بشغل اخر اغنيه من غير شر قبل رمضان
فيصل:لا بالله واغنيه وحده بعد
لانا:ايي انا بحطها
فيصل الي كان بيوافق بس جت عينه بعين لينا الي على طول غير نضراتها للشباك بعد مانتبه لها وفيصل الي استانس من نضره منها هو امها اختارت لها البنت ولا قد شافها لكن من نضراتها عرف انها عرفت بالخطبه وقرر يحط شي يهديها لها
فيصل باابتسامه:لا انا
لنا:لو ذوقك مخيس كان ماخليتك بس مشكلتك ذويق
فيصل الي حط قصيده فيها موسيقى
ياصغير لاتضيعني بنظرات البراءه
وانا ماتعرف مدى تاثير نظراتك بحالي
اه يالبيه يابشويش ياهد الاضاءه للجفون
الي من جفالهيجفلني ضلالي فز بسم الله عليك
من المضره للاساءه وارقد امن في عيوني
لينا الي من سمعت القصيده وحطت يدها على قلبها الي بدا قلبها يدق بسرعه وتقول بنفسها:مستحيل مستحيلل يقصدني
فيصل الي رجع يناضرها وشاف على التوتر ووصلو ونزلو كلهم
مريم:الحين لازم نتقاسم مو كلنا مع بعض كل وحده عليها شي
لانا:طيب العصيرات علي انا ولين ورغد
رنيم:والمعلبات وكذا علي انا وامجاد وريناد
لنا:وحنا الباقي مع بعض نجيب شوربه وومكرونه وكذا
وبدو يتقضون مع بعضهم الاغراض المهم لفطورهم بكره مع بعض
بعد مارجعو ارتاحو شوي وطلعو زينة رمضان وبدو يجهزون البيت لرمضان
بعد ماخلصت مريم:شراييكم نصلي التراويح مع بعض
ريناد:اف ياحضكم
البنات فهمومها وضحكو ونطقت رسيل:الله يعووضك وقتها غلط ادعي ماتجي بالعيد
ريناد:يمه يارب لاا
بدو البنات يتجهزون لصلاة التروايح والي بيكونون مع بعض لاول مره بصلاة التروايح
اما عند العيال الي كانو متحمسين وتجهزو بدري للصلاه وطلعو
وبدا المؤذن بالصلاه واختلفت ادعية كل شخص عن الثاني الي يقول يارب ارحم امي والي يقول يارب احفظ لنا ماعطيتنا وكذالك...
بعد مانتهى بطريق الرجعه نطق هادي:هنا فيه كوفي قريب تبونا نمره مع البنات ولا لحالنا
عزام:لا حرام البنات معنا اخر كوفي من غير شر لهم
هادي:زين دامه قريب من هنا رح علم البنات وانا بمر البيت اخذ ريناد واجيكم
راح عزام عند البنات الي يمشون مع امهاتهم للبيت ونطق:تبون تروحون معنا كوفي؟
مريم:اكييد نبي
عزام:اجل يلا امشو معي
رنا:صبر وريناد
بيروح هادي يجيبها ويلحقنا بس امشو معي انتم
مشو البنات ورا العيال الي كانو شبه كثيرين ووصلو الفندق وتزوعو على الطاولات
ساره:مستحيل عددنا ههههههه
لينا:منجد بس الله يكثرنا ولا ينقصنا
الكل:امين
بعد ماخلصو اتجهو على البيت وتسحرو ونامو عشان فطورهم بكره
-صباح اول ايام رمضان-
مريم:بنات الحين لازم نوزع الشغل بينا
ساره:طيب انا وامجاد وريناد بنروح نشوف سفرة الحريم ولانا ولين ورغد روحو شوفو سفرة الرجال
لانا:وش معنى اناا
ساره:عشان تورينهم وين مكان الاغراض ولا ؟
لانا:نسيت انه بيتنا هههههه طيب يلا
اما عند بيت ام عبد الرحمن
فايزه:غلا وش نسوي معنا
غلا:والله مدري بس شرايك نسوي حلا لبعد التراويح؟
فايزه:مابيمشون!!
غلا:الا بس يمكن ينتضرون الصلاه وبعدها يمشون
فايزه:حلو اجل برسل على البنات الحلا علينا
اما عند بيت صالح
ام محمد:وش بتسوون يابنات
منيره:افكر اسوي فطاير وناخذهم معنا
خديجه:اي اكيد بيكثرون وحنا بنسوي صنف واحد ونودي معنا
ام محمد:زين يلا لاتتاخرون الساعه 6 بالظبط نطلع من البيت
عند العيال الي حتى هم متعودين كل بداية رمضان يوزعون مويا وهالمره كانه مع احفاد ال عواد ووزعو بنص مساجد ابها
ابو عايد:الله يكتب اجر الجميع يارب يلا لانبطي على البيت
رجعو البيت وشافو كل شي مجهز وماباقي الا كم دقيقه على الاذان
عند البنات الي خلصو بدري وراحو يسوون شعورهم ولبسو جلابيات الي كانت من ضمن طقوس رمضان يلبسون اشياء كذا
لينا:شعري يبي له قصص لين هنا " اشرت تحت رقبتها"
رنا شهقت:يويلك شعررك كثيفف وصحي ماشاء الله
لينا:بس تعبنيي ومرده بيطول بس بقصه بعد رمضان على خير
ساره:حتى اناا حاطه من ضمن خططي ذي الخطه
رغد:انتي هين عايد يخليك تهونين بس المصيبه ذي مين يخليها تهون
لانا الي بدون تفكير:فيصللل
البنات التفتو ونطقت رنيم:وشدخل فيصل
لانا الي جلست تفكر كيف قالت كذا وامها منبهتها وانقذتها لينا:صح نسيت اقولكم امها كلمت امي انها بتخطبني لفيصل بس للحين مااستخرت وفكرت عشان ارفض او اوافق
مريم:اح ياكلبه ليه ماقلتي
لينا بتصريف:امس قالو لي وش اسوي
مريم:يلا بس لقينا احد يمنعك من القص
لينا ضحكت:ايييه ان شاء الله اوريكم اقصه قبل اوافق
لنا:يعني موافقه؟؟؟
لينا:وجع اصبري استخيير
طلعو البنات يتجعمون على السفره اول ماسمعو الاذان وبدو يفطرون مع بعض
ابتسمت غلا:يالله يازين رمضان بوجودكم
ام محمد:انشهد الله يجعلنا نعيدها كل سنه بصحه وعافيه
الكل:امين
بعد مافطرو وصلو المغرب ورجعو يكملون الاكل بعد مانتهو منه نطقت مريم:جده متى نمشي؟
الجده الهنوف:بعد مانصلي ان شاء الله ماباقي شي على الاذان
غلا:زين وبعد التروايح تتقهون وتمشون ان شاء الله
الجده الهنوف:ياقلبي انتي كثرنا عليكم كذا وتخبرين دوام العيال
غلا:عشاني ياعمه
الجده الهنوف:يلا خلاص بس نتقهوى ونمشي
استانسو البنات الي اخذو راحه وقامو يغلسون البنات مع بعضهم
لانا:بنات تكفون خلاص باقي خفايف روحو ارتاحو
لمار:اقول خلينا نساعدك على اساس مو متعودين عادي والله
لانا:يابنتي خلصنا باقي شويي بس
لمار:لا
لانا:يلا دامك صامله تعالي غسلي مع قوية الراس رنا وانا بروح عند البنات
ضحكت لمار: طيب يلا
همس الي مو عاجبها جو البنات ابدا وتنتضر انهم يروحون وتفتك
رسيل:بقوم اوضي واصلي يلا قومو عشان نروح بدري مو نفس امس يالله يالله لقينا مكان
قامو البنات وتركو القهوه ووضو وتجمعو ومشو للصلاه كلهم وهالمره زياده غلا وفايزه ومنيره وخديجه وهمس
دخلو المسجد وشافو فاضي ونطقت الجده:قومن وزعن قومي بالمسجد
وزعو مع بعض ورجعو جلسو وبعد ماتجمعو الحريم كبر المؤذن وصلو مع بعض
بعد مارجعو بالبيت
ساره:يالله دعاءه يجننن
مريم:صدق بس يلا حتى الي هناك حلو
رنيم:بقوم اجهز اغراضي لين ماتسوون القهوه
رغد:يووه وانا نسيت يلا اصبري
غلا ولينا الي بالمطبخ يسوون قهوه ودخلت لانا:ماشاء الله للحين ماسويتو شي!!
لينا ضحكت:من اليوم ندور القهوه وين
ضحكت لانا:طيب الي جنب الغاز وشو؟
ناضرو غلا ولينا وضحكو وبدو يسوون القهوه الجنوبيه الي البنات ادمنووها بعد ماكانو يحبون القهوه الشماليه اكثر
بعد ماخلصو تجمعو وتقهوو وتحللو مع بعض
ساره:صح بنات نسيت اقولكم عايد نقلوه للخبر
فايزه:خير يعني ماعاد بنشوفكم!!
ساره ضربتها على الخفيف:فال الله ولا فالك اكيد لا بنجي كل ماطفشنا وانتم تجون بعد
فايزه:اي صح معليك بنجيكم ان شاء الله لو ابوي اقتنع بنعيد الاضحى عندكم
خديجه:الله شكل عيد رمضان بنعيده عند خوالي عشان الاضحى يكون عند عمامي ونقنع ابوي يودينا الجنوب
ريناد:اوف ازهلو الموضوع اذا اقنعنا ابوي اعتبرو الموضوع تمم
خديجه:تم والله يارب يوافقون عاد
لينا الي قامت وطلعت لامها بعد ماصلت واستخارت وارتاحت وشافتها تسوي الشنطه ونطقت:يمه
ام حمد:سمي يايمه وش بغيتي
لينا:انا استخرت وارتحت وموافقه
ابتسمت ام حمد:زيين يابنيتي لكن الحين تخبرين رمضان وكذا بعد العيد يصير الملكه والعرس
لينا:احلى شي مابيه الحين بعد شهر احسن
استانست ام حمد:يلا بقوم ابشر ام خالد
ام خالد الي استانست لانها تحب لينا وتحسها غيير عن باقي البنات رغم كلهم تحبهم :زين الله يوفقكم على كذا بعد العيد نجيكم نخطب والعرس كلهم مع بعض ان شاء الله
بعد مابشرتهم ام خالد بالخبر ذا ودخلت داخل عند البنات تعلمهم ونطقت همس:انتي؟ بتتزوجين فيصل؟؟
لانا انصدمت:وش فيها هي وش بفيصل يوم انك تقولين كذا
ام خالد الي عصبت وهي عارفه نية همس:كنت داريه انك تحبينه من جاني فيصل يشتكي لي من حركاتك لكن قلت مستحيل همس تسوي كذا ويوم يعلموني البنات عن حركاتك اقول مستحيل همس هاديه لكنك طلعتي كذا قليلة ادب وابوك مو داري صح؟ لان لو داري بيوريك الشغل الصح لكن انا بسكت بس والله ياهمس لو قررتي تخربين فرحتهم لعلمه انا بنفسي
خديجه الي خافت من ردة فعل ابوها وراحت لام خالد لحالهم ونطقت:معليك ياعمه انا اوريها الشغل بس لاتوصلينه لابوي الضغط عنده هالايام مو زين
ام خالد:والله ولا ودي اقوله بس اخوف همس عشام ماتخرب فرحتنا
ابتسمت خديجه:معليك ابشري
اما لينا الي انصدمتت من همس وبجاحتها وامجاد الي عرفت نيتها الوصخه وقالت:تقهررر لو اني مادريت منها السالفه كنت حتى هي احسبها بتاخذ مني عزام
لنا:تعالو تقهوو وانسو كانه ماصار شي هو كم دقيقه وتمشون
رجعو البنات يسولفون من جديد
لانا عند رنيم:ياربي بقول لفيصل حالا بالا انها وافقت وعن الموقف ذا
رنيم:لا يويلي يمكن امك ماتبي تقوله! اصبري اذا قالت علميه عن الموقف
لانا: صح اوف فيني فضول اشوف وجهه شسويي
رنيم:اركدي اركدي هههه
مسك:يميي تسلم يدك غلا وفايزه الحلى لذيذ
غلا:صدق والله؟
مسك:اكييد كل شي منك حلو اكبر دليل الحلوه ذي
ابتسمت غلا من لفت وشافتها تاشر على سما ونطقت:ياعمرري انتي
ساره:اف بفقدها هالنونو
فايزه:يلا جيبي مثلها عشان ماتفقدينها
رسيل الي توترت وتذكرت امس بس نطقت ساره:يلا بس وراكم انتم ماتتزوجون وتجيبون؟؟؟
فايزه:لو جبت مابتكون بنفس البيت دوري غيري
ساره:امم وش دريك يمكن تتزوجين واحد منا
فايزه الي ناضرت بصدمه:ووشوو
ساره:يمه ولا شي بس كذا اقولها استبهال
فايزه:اي زين مابغا اتروج الحين
مسك:ذي الكلمه قالتها رسيل واول وحده تزوجت فينا هي
رسيل:اي والله غدره انتبهي تقولين مابتزوج بالاخير اول واحد يتزوج انتي
فايزه:اجل بتزوج
ضحكو البنات عليها الي سمعو الجده الهنوف تنادي عليهم وتجهزو بسرعه وودعو بعض
سما الي كانت عيونها على البنات الي لابسين العبايه وبكت
غلا:مو وقتك تكفين لا ابكي معك
ساره فطست ضحك:احبكمم ياربي تكفون حاولوو تجون
لانا:ازهليها دام بنجي نملك لفيصل وانتم بالديره بتلوهم معي غصب
ساره:كفوو ععلييك
اتجهو البنات يسلمون على ام عبد الرحمن وام محمد وام خالد وام هادي وطلعو يركبون السيارات
الجده الهنوف:يالله تسعدهم مر الاسبوع بسرعه بدون مانحس
سيف:اي بالله يازين نفوسهم طيبه
ابو حمد:مو اخر زياره ان شاء الله
الجده الهنوف:اكيد بإذن الله
كان الطريق طويلل ووقفو باحد المحافظات الي بين نجد والجنوب وتسحرو فيها وبعدها رجعو مسكو طريق لنجد
وصلو قبل الفجر بعدة دقايق ونزلو نامو على طول بدون ينظفون البيت
تسريع بالزمن
مر الشهر عليهم بروتين متكرر الي هو يجهزون الفطور وبعدها يتداورون بغسيل المواعين ومن بعدها صلاة التروايح وبعدها يتجمعون مع بعض وبعدها كل واحد يشوف شغله وبعدها يتسحرون ويصلون الفجر وينامون وهالسنه سوو فطور لاهل الديره صدقه عن ام عايد وعنهم وكان الفطور كبيرر وجو بنات الديره من بدري يساعدون البنات وسلمى الي كانت تجيهم من يوم ليوم تشوف اخبارهم وتطلع لين جينا قبل العيد بيوم
ام حمد:ياامي لينا انتي قومي جيبي الحنا حنينا انا وعماتك
لينا:ابشري احط لك انتي ومين؟
ام حمد:ام سيف وام سامر وجدتك
لينا:يلا تمام بروح اجيب الحنا واجي
حنتهم والي كلنو يدعون لها طول ماهي تحط لهم الحنا وبعد مانتهت طلعت عند البنات يحطون ماسكات مع بعض ويختارون مع فساتينهم اي كعب احلى وعند عزام الي من درا ان امجاد وافقت عليهم والخطبه بعد رمضان ارتاح وصار يشتغل وبدا الطلبات عليه تصير كثيره وتوسع اكثر برزقه بسبب شغلته ذي الي كان يستثمرها بالشكل الصح
ساره الي كسرت الهدوء:المجلس مشوي نظفته باقي الحلويات حطيتهم بالتبريد اذا وصلو الضيوف اطلعها
مريم:بتنامين هنا ولا عند عايد؟
ساره:وشدخل ذا بذا الحين
مريم ضحكت:مدري بس يلا وين تنامين
ساره:بنام عند عايد اكيد ماني خبله اواصل معكم
امجاد:اما بتنامين؟
ساره:لا اكيد كلكم صاحين انام مع مين
امجاد:اها يعني تصرفينا
ساره:يمكن ماندري
امجاد:يلا انقلعي
ساره وقفت:اصلا بروح والعيد الجاي تعيدين مع عزام وتعرفين كيف العيد معه غير
امجاد فتحت فمها بصدمه:انقلعي انقلعي
ساره ضحكت وراحت لعايد الي كان ينتضرها ومن شافها ابتسم :شرايك بحلاقتي الجديده
ساره الي ناضرته وشافت محلق دقنه على الخفيف:امم ماتغير شي
عايد:ماتغير!!! متاكده!!!
ساره:لا لا امزح والله حلو كذا مو يكون كثيف يطلع ماش
عايد:لعيونك نعتمد القصه ذي وانتي غريبه جيتيني والبنات؟
ساره بتصريفه:لا بس جيت اشوفك اذا تبي شي واجلس معك واسوي شعري وباقي الاشياء اسويها عندهم
عايد ابتسم:زين اصلا باقي ساعه بس بقوم اتروش وجهزي ملابسي
ساره:من عيوني
عند العيال الي كانو يشطفون الحواش وكعادتهم هواش بهواش بدال يشطفون
سعد:برررد ياخي بررد لاتروشون علييي
حمد:ياايي اجل رشو عليه نروشه ترويشة العيد من بدري
سعد بهروب:لاا تكفون بررد
سعود:قالكم تكفون اهجدو خلاص ويلا باقي ساعه ترا بس على صلاة العيد
سامر:سااعه!! يمه الوقت سريع اخلصو انتم انا خلصت الي علي
وراح على طول يتروش والعيال كملو شغل بدون هواش عشان يخلصون
اما عند مريم:بنات اشتريت امس مع سامي توزيعات تبونا نسويهت للاطفال؟
العنود:كيووت وانا اشتريت لاخواني وزوجاتهم عيديه بس منا كلنا يعني
لمار:تستهبلين انتي اشتريتهم عطيهم عادي مو لازم معكم
العنود:لا حبيبتي مو اشتريتهم الحين كل وحده منكم تدفع خمسين لي وكذا خلاص تعتبر بفلوسنا
ضحكت امجاد:حبيبيت يلا تم اول شي نسوي حقت الاطفال بعدين حنا
بدو البنات يسوون حقت الاطفال وخلو كم حبه لساره
اما حقت الكبار خلصوها وكان محتواها(سبحه،عطر عود،عود)
رسيل باابتسامه:حبيبيت مرره تجنن يلا الحين قومو نبدا نتجهز
مسك:يلاا بدخل اترووشش
امجاد:بروح اتروش بحمامي هنااك
رغد:معككك ونطرد ساره
لينا:اوووه يمدي ساره متروشه ومستشوره الحين بس يلا توزعو على الحمامات واخلصو
اما عند ساره ابتسمت وهي تجهز عيديتها للبنات الي اشترتها من وراهم يوم كانو بالجنوب راحت مع عايد واشترت عيديه لعايد بعد
طبعا اول شي حقت الامهات كانت(عود،مسك،بوكس حلاو)
اما حقت البنات(ماسك،شمعه،عطر،مسك،مية ريال)
وعيدية عايد(شماغ،عطر عود،قلم،عقال)
ابتسمت بعد ماجهزتهم وشافت عايد طالع من الحمام وقرب لبس ثوبه ونطقت:عايد تعال ابيك شوي
عايد:بس البس شماغي
ساره:لا لا الحين ضرورري
عايد خاف ان فيه شي وراح لها:سمي وش بغيتي
طلعت ساره الكيس الي ورا ظهرها:حبيت اعايدك اول وحده كل عام وانت بخير وعيدك مبارك
عايد ابتسم واخذ الكيس وقرب حضنها:وانتي بخير ياحبيبتي وينعاد كل سنه وانتي معي وايامي كلهااا معك عيد وانتضري طلعتي سابقتني بالعيديه انتضري خلك هنا
راح عايد يطلع العيديه الي اشتراها لساره وكانت خاتم ذهب على ذوقه و500 ريال وتذكرة سفرهم لشهر العسل الي كانت مدينتهم(لندن،موسكو)
ساره يوم شافت الذهب وفتحته:يااي عايد مرره يجننن
عايد:الي بعده يلا
ساره طلعت التذكره :عايد؟ وش ذي متاكد الي افكر فيه؟
عايد هز راسه بموافقه:اي ياحبيبتي
ساره قربت حضنته:مررره شكرررا افضل مدينتين!!
عايد:لافضل ساره مايغلى عليك شي يابعدي
ساره:متى وكيف وشغلك
عايد:دبرتها ذي اقولك كل شي بعدين
وطلع عايد الشماغ وقرب لها:لبسيني اياها
ساره:بسويها لك زي ماسويهاا لسامي دايم تبي؟
عايد:اكيد ابي يلاا
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
