ساره:بقوم اشوف البنات اذا نامو
عايد:بجي معك دقيقه
راحو شافو رغد وامجاد وكانو نايمين ورجعو بالصاله نطقت ساره: وين بننام
عايد:تبين بغرفتي؟
ساره:مدري تكفي ولا
عايد:معليك تكفي تعالي
عند البنات
مريم:وين رغد وامجاد
العنود:تو ابوهم يقول نامو بغرفهم
مريم:وساره؟
العنود:معهم
مريم:زين تعالو ننام
لينا الي دخلت عليهم:بكره بيسون عشاء صدقه لام عايد
رسيل:مين مسويه
لينا:ابو عايد
رسيل:زين ماله داعي نكثر ابدا تمر وقهوه وبس
مسك:اي اكيد
ام هادي وابو خالد من خلص العزاء مشو الديره ووعدو رغد وامجاد انهم بعد كم يوم يجون وكانو رايحين عشان اجازاتهم خلصت
عند الحريم الي كانو جالسين مع بعض ونطقت ام حمد:عزام متى راجع لشغله وسعود بعد
الجده الهنوف:ضنتي سعود تاجل مدري تكنسل لكن عزام بعد العشاء ماشي
ام سامر:لا سعود تكنسل ماله نيه يروح هناك لكن قالو له اذا بغيب بنرجعك
ام حمد:زين اهم شي يرجع لشغله
ام سيف:عايد وشغله وش صار
الجده الهنوف:ياحبيبي عايد كلموه الشغل وقالو اسبوع وتبدا تتدرب ويكون بالجنوب مبدئيا
ام سيف:كلمني سيف ان عايد كلمه نشوف اذا يمدينا نسافر الجنوب نغير جو البنات عند خالها وخالتها
الجده الهنوف:كنت افكر بشي يغير جوهم والسفره لاباس فيها نسافر بإذن الله نشوف البنات ونتوكل على الله
سلمى الي كانت تجي البنات كل اليوم وتمشي عندهم باليل لكن هالمره ماجتهم وتوقعو البنات عندها ظروف
صباح اليوم الثاني
بعد ماصحصحو البنات وحسو انهم اليوم احسن من قبل وشافو عايد وساره نايمين بدو يسوون الفطور لهم
عايد قام من الريحه وساره صحت معه
عايد:له له وش عندكم مجهزين الفطور
امجاد:ابد صحيت انا ورغد وفيني نشاط قلنا نطلعه على الاكل
عايد:كفو عليكم دام ذاا الاكل والله يشهي اول مره اصحى من ريحة اكل
رغد:يلا يلا روحو غسلو وتعالو افطرو معنا
ام حمد خلصت الفطور ويوم جهزو البنات معها مسك:وين البنات
رغد الي جت :هذاا حنا جيينا
قدمت رغد تسلم على عماتها والي من شافوهم يبتسمون ويسولفون مع البنات ارتاحو
نطقت الجده الهنوف:قال لكم ابوكم عن العشاء؟
امجاد:ايي اي قال لنا امس باليل
الجده الهنوف:زين
قامت الجده الهنوف تشوف العيال ومره وحده تمر عايد تكلمه اذا يروح معهم الجنوب
الجده الهنوف دخلت وسلمت وبدو يردون السلام
الجده الهنوف:بغيت شوي عايد بكلمك
عايد الي استغرب وفز :هلا وش بغيتي
الجده الهنوف:مافيه شي تعال معي
راحو المقلط ونطقت الجده الهنوف:عن شغلك الي بعد اسبوع وش رايك كلنا نروح نتمشى ومنها نغير جوهم
عايد:كانك عارفه افكارري اليوم كنت بجي اشوفك عشان اخذ اخواتي وساره ولكن دامكم كلكم تبون ابد تخلوني استانس
الجده الهنوف:زين اجل بعلمهم وانت علم عواد والعيال
وقفت الجده الهنوف رجعت للبنات ونطقت:جهزن الشناط
لمار:ليه وش بنروح؟ المزرعه؟ الرياض؟
مسك:ليه جده
الجده الهنوف:بنمشي الجنوب نهاية الاسبوع عشان شغل عايد ومره وحده نتمشى ونوفي بوعدنا لام خالد وام هادي
امجاد الي انبسطت ونطقت:الله من زمان عن الجنوب عاد
الجده الهنوف:ترا حتى انتم معنا
رغد:اي ان شاء الله
بعد العصر بدو البنات يجهزون وهالمره كان بشكل بسيط تجهيزاتهم تجهيز نفسهم وتجهيز العزيمه
بعد فتره بدو يوصلون الضيوف وكانت من ضمنهم ام سعد وانصدمت العنود انها طردتها ورجعت عشان ولدها كان معزوم
ام سعد مدت يدها للعنود ونطقت:ليكون مابتسلمين علي بعد؟
العنود كانت بترد بس ناضرتها امها وقربت يدها ترد السلامه بدون نفسك
بعد فتره تجمعو الضيوف كلهم وبدو يسولفون مع بعض
رغد:بنات وحده منكم تروح تجيب لبن من عند العيال كلهم ودوه هناك مافيه شي احطه
مريم شافت العنود جايه:تكفين العنود انتي حنا مشغولين
ناضرتهم العنود وكانو نص مشغولين بالفواكه ونص بالسُفر والباقي بترتيب المويا والعصير على السُفر
تاففت:طيب بروح
راحت العنود وشافت سعود واستانست ونطقت:سعود تكفى تعال
سعود يدور الصوت ولف على باب الي يفصل بين الحريم والرجال وشاف العنود وقرب:هلا وش بغيتي
العنود:جيب لي لبن كله عندكم مافيه شي داخل
سعود:يلا تمام
سعد الي كان متجهه للحمامات الي قريبه من الباب ذا والعنود مانتبهت له والباب كان مفتوح ويقدر يشوفها
نطق سعد:العيال قدامك انتبهي
العنود الي ناظرته بصدمه وقالت:وانت ليه تناضر؟ وش ذي النشبه يعد بكل مره بلقاك بوجهي!!!
سعد:انعزمت وجيت مو اطش نفسي على الناس
العنود الي لمحت سعود وقفلت الباب بدون ترد عليه
سعود قرب ودق الباب وفتحت العنود وراحت للبنات
رنيم:بنات كل شي تمام ولا تبون مساعده؟
لمار:لا يعطيك العافيه خلصنا بس توصل صياني العشاء نحطها على السُفر
رنيم:زين انا ولين انشغلنا نقهوي الحريم وقلت امركم
مسك:لا يعطيك العافيه خلصنا
بعد دقايق وصل العشاء وبدو يوزعونه وبعدها صار وقت الشاي والاعشاب
رسيل:انا بوزع الشاي ووحده الاعشاب
ساره:تم معك عطيني
بدو يوزعون على الحريم لين جا دور ام سعد وانتهى الشاي الي بيد رسيل ونطقت:معليش بروح اشوف اذا باقي عشان اجيب لك
ام سعد:ماله داعي اخذ اعشاب
راحت رسيل عند البنات وقامت سارع توزع وبرضويوم وصلت لام سعد الا وهو مخلص لانها اخر وحده جالسه
ام سعد:واضح قاصدتها مايخلص الا عندي لكن مو مشكله وقفت ام سعد ونطقت:يلا عاد استاذنكم وناضرت الجده الهنوف:وربي بناتك على الكرم
ساره الي تنرفزت ونطقت:متربيات قبل نشوفك لكن تدورين الزله واذا عندك كلام قوليه لي مو لامهاتنا وجدتي
ام سعد:الكلام بين الكبار الصغار مايتدخلون
ساره:اذا حنا صغار وذي عقولنا انتي وش؟
ام سامر الي انتبهت ان الكل سكت وبدا يناضر ساره وام سعد قامت ام سامر اخذت ساره داخل
ساره:يمه ليييه ماخليتني العن اصلها ذي قليلة الخاتمه
ام سامر:عيب ياامي انتي الحرمه تكلمت ورديتي مو لازم تاخذين ذنوب انا دخلتك عشان الكل التفت عليكم ومو ناقصين بعد تشويه سمعه بالديره
ساره تاففت:زين برجع للبنات
عند الرجال بعد مابدو يروحون قام سامي يظبط شبة النار عشان الجلسه الي بتصير بعد العزومه
جا سعد عنده ونطق:الرجال روحو ليه تسوي الناس
ضحك سامي:اليله ساهري الوضع
سعد:لاتتعود على السهر
سامي:ولا مره اصلا ماسهرت
سعد الي ابتسم وقام:زين انا بمشي مع السلامه وكثر الله خيركم
سامي:صحه وعافيه صحه وعافيه
عند البنات
مريم:غيرو ملابسكم وتعالو نجلس برا سامي شب النار لنا
امجاد:ياسلام اشتقت عاد لجلستنا ذي من زمان عنها
مريم:اجل يلا غيرو واطلعو ويلا امي وعماتي وجدتي انتم معنا بعد
ام حمد:انا نعست بنام
مريم:تكفين عمه والله بس شوي وننام كلنا
ام حمد:مقدر ارفض لك طلب ابشري
لينا:له له وش ذا الدلع الي ماقد دلعتيني اياه
ام حمد:انتي واختك لو طلبتوني عيوني عطيتكم والحين جحدتي الدلع
لينا بضحك:امزح امزح
مريم:يلا اجل بطلع انا اظبط الجلسه مع سامي
بعد ماتجمعو على النار ونطق سعد:من زمانن عن جلستنا ذي يبي لها قصيده من عايد وسعود
سعود:انت تحسب الي يتزوج لازم يقول قصيده؟ غلطان ياحب
سعد بضحك:ماله دخل محد يعرف غيركم
مريم:انشهد وبعدين حتى سيف من تالي ترا
سعد:اجل نبدا من سيف
سيف الي يفكر وش يقول لين نطق:
الا يا قلب لا تشره عليه ولي متى غيره ؟
يغيب براحته خله يروح بعالم النسيان
كفاك تدور أعذار لغيابه فضها سيره
تماديت بغلاه ومن تمادى بالغلا خسران
ابد مافيه بالدنيا بشر يستاهلك غيره
يغيب ولا رجع ماكنك الا العاااااشق الولهان
حمد:والله طلعت قِصّيد حتى انت صح لسانك
سيف:صح بدنك
عايد:يلا دوري غرت من سيف
مالي ورى مدح سارة مقاصيد
لكـن كـلام الحـق لازم نعـيده
بنت شيوخ اهل الكرم والتقاليد
يستاهل اكتب في نقاها قصيده
مزيونة وفيها من الزين ما قيل
في كل شعر وكل مدح وقصيدة
ساره الي استحت من الكل يوم صارت الانظار عليها
ام سامر:له له خليتها تستحي
ساره:ييمه
ضحكو الكل وجا وقت سعود
سعد شكله بيسوي زي عايد ويقول عن رسيل
سعود ضحك:واكيد وش ابي بالحزن وعندي رسيل
الجده الهنوف:جالسين تخلونهم يستحون عاد الا بنات
رسيل ضحكت:كفو عليك ياجده
سعود:ابشري بس بعد هالبيتين
تنحنح سعود:ما اقارنك بالعين والعين ثنتين
اقارنك بالقلب والقلب واحد
سامر:ياليل وش جابنا عند الحبيبه
سعود:ايييه بكره تصير معنا
سامر:ماني متزوج مين قال
ام سامي:انا اقول
ضحكو عليه كلهم
الجده الهنوف:اليوم شاورك البنات ووافقو باقي انتم شرايكم نهاية الاسبوع نسافر الجنوب عشان عايد وتدريبه
عزام:انا ماقدر والله
عايد:تبيني ازعل منك يعني
عزام:لاوالله مابي زعلك بس طولت عنهم اذا قدرت اخذ اجازه الخميس واجيكم من الاربعاء على نهاية الاسبوع اذا شاء الله
عايد:زين اهم شي تجي امشيك بالجنوب
الجد عواد: دام عزام بعد بكره ماشي شرايكم بكره بنطلع بالعزبه دام الحين الجو غيوم
الكل ناضرو الغيوم واشتاقو للعزبه
مسك:اييي تكفى ياجدي
العنود:وش صاير بالدينا! مسك تبي العزبه
مسك:من كثر ماطولنا اشتقت والله
الجد عواد:اذا على كذا يلا قومو على المنام عشان نمشي بدري ومابنطول يوم ونرجع
ساره:بننام؟
الجد عواد:اكيييد بس لين صلاة الفجر ونرجع
ساره:حلو
قامو البنات يجهزون الاغراض الي بيلبسونها واجتمعو مع بعض
لمار:احس من زمان ماقلنا سوالف لبعض شرايكم تقولون لنا وبذات الست الهوانم الي هناك "اشرت على ساره ورسيل"
ساره الي شرقت بالعصير الي معها:خير وش صاير يعني
لمار:يعني مع عايد وانتي مع سعود
رسيل:عناد لك مابقول ويلا انتي ابدي
لمار:وجع ماعندي شي كل شي تدرون فيه
ساره:اممم يعني ماتحبين ماتحسين احد يحبك
لمار:حبيبتي الكل يحبني لكن احب مالقيت الشخص الصح عشان احب
مسك رمت المخده عليها:شف قليلة الادب
ساره:خليها تكب العفش دقيقه
لمار:خلص كلامي يلا دورك ساره
ساره:ماراح اقول شي بس يلا دورك امجاد
امجاد:وانا على اساس عندي شي بقوله كل شي تدرون عنه
لمار:الحين انا مسكتكم تعلموني شي ماادري فيه ليه تقولون ليه كذا!
لينا:ممكن لانك تعرفين كل شي عنا
لمار:انا!!! ماعرف غير اساميكم
مريم:العن ابو الجحده نامي نامي بس
لمار:ياليل نامو نامو ناسين بكره بالعزبه مالنا غير بعض
رسيل:اقول شرايكم طفشت من فعالياتنا الي دايم شرايكم وش نسوي
رغد:ااحس لازم قهوة ساره اول شي ودام بكره غيوم يبي لها بعد هوت شوكلت العنود وبرضو نلعب اونو وشيش شرايكم
امجاد:كفو عليييك مافيه عندنا غير ذي الاشياء اصلا
لينا:طيب نلعب سر ماقد قلته لاحد شرايكم
ساره:تمم وناسه والله
مريم:مرتاحه الاخت الاسرار كلها كانت عن عايد وتزوجته
ساره:اوووه باقي اشياء كثيره ماتدرين عنها
مريم:وتعترف الكلبه!!
ساره الي انسدحت جنب رغد:يلا عاد بنام
مريم:ايه نومة اهل الكهف
رغد:خير مارضى
لينا:رجعنا طاري يالي
ساره: كيفنا نحب بعض صح رغد؟
رغد:صححح
مسك قامت طفت اللمبات:نامو بس يالمصروعات
بعد مانامو الكل وبدت يطلع نور الفجر الي كان جو هاليوم رضى لانه مغيم
ام سيف الي قامت بدري وشافت العيال جالسين ونطقت:تبون الفطور هنا ولا هناك
حمد:الحين بموت جوع
ابو سيف:معليك منه خلينا هناك احسن
ام سيف:زين انا جهرته بس هناك اوزعه ويلا عشتو قومو دخلو الاغراض بالسياره
العيال اتفقو نصهم يشيلون ونصهم يسوقون
بعد ماصحو البنات وركبو السياره وانطلقو للعزبه
عايد الي كان يسوق سيارة البنات ونطق:تبون نشوي اليله؟
امجاد:يميي اشتهيت تم والله بس ماجبنا دجاج
عايد:مو مشكله فيه محل على طريقنا حق لحم ودجاج ناخذهم ونظبطهم حنا احلى
رغد:وابي البقاله بعد
عايد:يعني تتوقعين بنطلع العزبه بدون بقاله؟ اكيد لا بس امر المحل ذا وامر البقاله
نزل عايد ياخذ اغراض الشوي وبعدها توجه للبقاله ونزلو لينا ورغد ومسك ومريم
مريم:تبون شي
العنود:اكيد نبي! الي تجيبونه لنفسكم جيبو لنا
ساره:مريم جيبي البسكوت البرتقالي الي احبه
مريم:الي بفول سوداني؟
ساره:اييواا هو
بعد مانزلو البنات وجابو الاغراض وكملو الطريق
بالعزبه العيال الي وصلو قبل البنات
الجده الهنوف:اكيد عايد يمشيهم الحين
سامر:الي يقهر الاكل معه
ام سيف بضحك:اصبرو شوي رمضان جاي وش بتسوون بوقتها انتم !
سامر:يعني بوقتها غصب نصبر الحين جيييعااان
رمضان مبارك❤️
أنت تقرأ
انا فعيونك مواطن دولته صارت عييونك
Ficção Históricaالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
