انا فعيونك مواطن دولته صارت عييونك

Part20

للاسف نفذ خطته احمد:بداية الخييير نقطه ياعواد وذي حفيدتك بين يديني
كتب بورقة
"حفيدتك معي ولاتحاول تنبش من وراي ببعدها عنكم واذا تبيها كل حلالك بأسمي ذا الكلام الي عندي ولاتخاف معك مُهله اسبوع الاسبوع ذا بخلي حفيدتك تاكل على راحتها بعد الاسبوع والله لااخليها تشوف الويل،من أحمد جارك"
وحطها على مغاسل الرجال
كان موقف سيارته بعيد عن مواقف السيارات عشان محد يعرف ويلحقه ويعرف وين يحط ساره
اخذ ساره بالسياره وساق السياره وكان متفق على كل شيء من والى حتى البيت حط ساره فيه وكان ينتضرها تصحى
نرجع للمزرعه
رغد جت تدور ساره مالقتها وراحت تدورها داخل مالقتها بعد
نادت العنود:يمه ساره مالقيتها!! تخيلي قالت بروح امشي تعالي معي وقلت تم وامي ناديتني واثاريها تبيني اجيب الخضروات لها وطولت رجعت مالقيتها ابدااً
العنود:تلقينها تتمشى ولا انها مع اخوانها
رغد:اتمنى مع اني ماضن
العنود سمعت تناديها امها:امي تناديني امشي نشوفها بعدها نشوف الموضوع ذا
الجده الهنوف:امسكن ذي السُفره حطو ١٠ عند قسم الحريم و١٠ قسم الرجال وبنادي لكن وحده تساعدكن
العنود:تمام يلا
راحت الجده بتنادي ولقت بوجهها رسيل:روحي مع البنات ساعديهم بفرش السفر بقسم الرجال
رسيل:طيب يلا
راحت لهم رسيل ولقتهم للحين يرتبون الي بالقسم وقالت:عطوني بروح لحقت الرجال والحقوني عاد
العنود:تسوين خير يلا
راحت رسيل عند قسم الرجال لان ذا القسم بابين باب من قسم الحريم وباب من قسم الرجال ومحد يدخله وراحت تتاكد اذا الباب مقفل ولا لا الي على جهة الرجال وتفتح الانوار واستغربت انه مفتوح مع ان دايم مقفل
نرجع شوي لورا
الجد عواد شاف الحفايد كلهم يقهوون الا سعود مو موجود وطلع يدوره لقاه عند الباب يرحب بالضيوف ونطق:الضيوف كلهم وصلو تقريبا شف لي قسم الاكل مرتب ولا لا
سعود:ابشر بس المفتاح؟
الجد عواد:هذا هو ولاتضيعه مافيه غير ذا
سعود:لاتشيل هم
راح سعود بالمجلس ودخل شافه نظيف وجا اتصال من خويه وكان يكلمه بس من سمع صوت باب قسم الحريم قفل الجوال وكان ينتضر
شافها سعود شافها من زمان ينتضر هالشوفه وكان حالف مايشوفها غير بالحلال،غيره مايبي لكن شافها غصبا عنه جا من وراها قرب لها:اخخ مادريت انك فااتنه زي كذا يارسيل
رسيل خافت وكانت بتصرخ وغطا على فمها سعود:انا انا سعود لاتخافين
رسيل:انقلع يالوصخ غض البصر عنني
سعود كان يتاملها عيونها،شعرها،كل شيء فيها تامله
رسيل شافته مارد وخافت يجون البنات وعطته كف:انقلع يالسافل وش تبي تتاملني وعندك وحده خاطبها؟؟؟مافكرررت فيها؟؟ انقلع عننييي
سعود ضحك:احبها بس حتى انتي احبك
رسيل بعدت عنه بقوه:تفو عليك يالوصخ ماتوقعتك كذا،هذا الباب يوسع جمل انقلع سرعه قبل يجون البنات!
سعود:خليهم يشوفون عادي انا وحبيبتي
رسيل:تخسي انا حبيبتك؟تخسي انقلع يالوصخ
رسيل دفته منصدمه انه كذا ماتوقعتت سعود ابدا كذا،وطلعته بقوه وقفلت الباب منخرشه
دخلت العنود:وحنا قلنا الحين راجعه ومخليتنا
رسيل وواضح انها خايفه:ها؟مدري كنت ارتبه حوسه
رغد:طيب يلا نخلص عشان نرجع ،العشا اكيد جا
بدو يفرشون ورجعو قسم الحريم وفتحت الباب رسيل عشان يدخلون
عند قسم الرجال حطو العشا وعند الحريم كذالك حطو العشا وبدو يتعشون
عايد كان يشيك على المغاسل اذا فيهم صابون وفاين
شاف الظرف وكان بيطشها بس مكتوب عليها كلام
فتح الظرف وانصدم من الكلام الي قاله مافقدو احمد لانه ماله وجود بالنسبه لهم شايللل هم احمد شافها كذا؟ بدون حجاب؟؟،راح ركض للجد عواد بالمجلس لان معروف بوقت العشاء الي عندهم العشاء مايتعشون مع الضيوف
عايد:عمي عواد شفت احمد؟
الجد عواد:وشتبي به
عايد:تكفى قل لي فيه ولا لا
الجد عواد:انا يوم قومتهم على العشاء مو فيه
عايد:لللاااا الله ياخخخخذذه الكللللبببب
الجد عواد خاف من عصبية عايد:وش فيه وش فيييه
عايد:اقرا اقرااااا وتوقع مين ماخذ؟ سااااره ياعمي ساااره
الجد عواد:قرا وتضاايييقق ومنقهر ومعصب ماتوقع يوصل كذا احمد
عايد:بتسكت له المره ذي؟ انا مابسكت ذي ساره
الجد عواد انصدم من اسلوب عايد معه:بسكت له وهو معه ساره! لا والله غير ادورها
عايد:اسمعني الكلام معه خاااللص انا الورقه ذي بوديها الشرطه ويقلبون نجد قلب عشان يطلعونه النذل وثاني ششي رايح بيته اشوفه اذا فيه ولا لا
الجد عواد:رح ياعايد بس خذ احد معك بس يمشون الضيوف بعلم الحريم
عايد:والله وراسي يشم الهواء ماترجع غير وهي معي
طلع عايد من المجلس ركب سيارته وبكى لانه خايييف عليها خايييف هو يخاف من شيء يصغير يوجعها شلون وهي مخطوفه؟
عايد كان مسرع:والله لاجيبك والله لاجيبك
وصل البيت دق الباب طلعت له منال:عسى ماشر؟
عايد بعصبيه:وين الوصخ النذللل الي اسمه احمد
منال:من امس ماجاني ليه؟ وش صاير
عايد:قايلك شي عنا؟؟؟؟
منال خالت من اسلوب عايد معها وسكتت
عايد:والله لو ادري انه معلمك ومو قايله لي لاتلحقيييينه
منال:ماقال لي شي
عايد راح وقفلت الباب منال وخاافت وقررت ترجع مع اهلها لديرتهم ماتبي احمد ولا تبي تحتك بااحفاد ال عواد
عايد تعب وهو يدور ولجا للشرطه
الشرطي:متى ضاعت؟
عايد:تووو تووو
الشرطي:شاكين باحد؟
عايد:شلوون اشك شففف الاااسسم مووجووود هناااا احممد النذل الوصخ
الشرطي:الالفاظ لو سمحت والشرطه الحين طالعه تدور عليه
عايد:بروح معهم
الشرطي:خطررر عليك
عايد:مافيه خطر انا مطلعها مطلعها
الشرطي:اعتذر والله بس ممنوع
عايد:هههذيييي بطااقتتي مقدددم على العسكريييه وجاننيي قبول بعد كم يوم اروح بس خخخللني ارروح معهممم
"كان مقدم بدون احد يدري ويفاجأهم باليل بعد مايروحون الضيوف بس كل شيء انقلب بعد ضيعة ساره
الشرطي:بس مو متدرب انت!
عايد:لاترفع ضغطي خلاص بروح بروح
الشرطي:وقع على الورقه ذي اخلاء مسؤوليه
عايد وقع عليها وانطلق مع الفريق بس اتفقو مايروحون بسيارة الشرطه عشان مايعرف انهم يلحقونه
عند احمد كان مودي ساره بشقه بالحي حقهم شبهه مهجوره بدت تصحى ومنصدمه من المكان الي هي فيه شلون ومتى وكيييف
صرخت ساره:مميييييننننننن
احمد:احمد بن نافل
ساره:والتراب وش تبي فينيييي
احمد كان بيضربها بس تذكر كلامه:اتسلى
ساره:يالنذل يالوصخ انقللعععع والله ماتمسني وانا حفيدة عواد
احمد:ضحك وقلدها"حفيدة عواد"!!! عواد لو يبيك يجيك
ساره:بيجيبك لو انك ورا الشمس
احمد:ههههههه اذا جابني
ساره:وشتبي فيني وشتبييي
احمد:مابيك ابي حلال جدك لي واترك
ساره:اييشش؟؟؟ تخسي يالمخيس
احمد:لسانك الوصخ ذا
ساره:مالوصخ غيرك 
الجد عواد بعد ماراحو الضيوف :تمنيت ان هالجمعه تكون خير بس ساره خطفها احمد وماراح يرجعها الا بعد ماحط كل اسم حلالي باسمه
ام ساره:ااايشش!! بنتتي!! بننتي ساااره بتتي ويينهاا
الجد عواد:لاتخافين عايد راح هو والشرطه يدورونها
ابو ساره:كيييفف ضاعت كيييففف
رغد:انا انا كانت تقولي امشي معي وقلت امي تبيني اصبري وراحت ودورتها مالقيتها ويوم قلت للعنود قالت اكيد مع احد من اخوانها ماتوقعتها ضايعه والله
مريم:تكفى ياجديي وش صار على ساره!!!
الجد عواد:مثلي مثلكم مادري عن شي
الجده الهنوف:واحمد وش يبغى اكثرر من كذاا وش يبي جاحد كل شي عطيييته!!!
سعود:ياجد وش سالفة الوصخ ذا؟ الي مو راضيه تقولها لنا!!!!
الجد عواد:انا انا يوم كنت طايش بعمركم وابوي حط المحلات بأسمي وكانو اعز اثنين علي فهد واحمد المخنس وسجلت المحلات كلها باسم احمد تدرون ليه؟ لان لعب علي وتقرب لي بذاك الوقت وصرت اشوف فهد مو قريب ومايستاهل وخلاني اشتري بيت له جنبي بفللوسي بفللووسسيي،بس حطيته باسمه لانه معيي وفهد هو بناء بيته جنبي انا خبل رحت حطيت كل المحلات وكل شي يخص عواد باسم  احمد وكان ساحب علي ساااحب لكنه غبي كان يكتب رسايل لي ويعطيني ومايدري اذا هي باسمي يمدي اسحب الحلال كله من يده وصدق سحبته من شرطه لشرطه لين عطاني كل شي عطيته الا البيت،خليته له ماني جاحد مثل جحوده ومن بعدها شفت الاذاى بحياتي كلها فيه مره حاول يدخل البيت ويدخل على جدتكم عشان ايش؟يقهررني طبعا وفيه مره ارسل لي شباب يتهاوشون معي لكن جزا الله خير فهد الي معي وفكني منهم،انا ماوصلت المرحله ذي الابسببه يمكن تحسونه سبب سخيف بس لا والله تدرون كره ابوي لي بسببه؟رحمة الله عليه انا منقهر ان ابوي كان مصدقه كنت عنده ناسي الكرامه وكل يوم داق الباب عشان يسامحني متى سامحني؟وهو على فراش الموت بعد ووش يايبه بس اهم شي جت منه المسامحه ولكن احمد وهذاني اقسم لو ان بينه وبين الجنه مسامحتي مااسامحه كنت ساكت تدرون ليه؟عشان عارف اني غالي عليكم وبتروحون تكسرونه تكسير وتاذونه لكني سكت له كثير والحين ندمت سرق ساره! سرق اغلى حفايد عواد! سرق شيخة نجد! اخخخخخ اخخخ انا منقهر
كان يبكي الجد وكلهم منصدمين من فعايل احمد ومن بكاء الجد الي كان يبكي لين اغمى عليه