انا فعيونك مواطن دولته صارت عييونك

Part22

دخل خالد مسرع وام خالد:وش فيك مين عند الباب؟
خالد:عايد
ام خالد:ليه وش صاييرر
عايد:ولاشيء بس يبيني وبمر الدوام مره وحده واجيك
ام خالد:وصلني عند بيتهم طيب
خالد:يمه مستعجل والله
"خالد مايبي يعلم امه لان داري انها بتعلم الي يجيها وبتنتشر السالفه ذي واحمد يعرف ان الشرطه تدور عليه"
كملو تدوير بالبيوت ومرو بيت سلمى وانصدمت لكن قالت انها بتزور البنات العصر وتشوف وش صاير
وصلو عند الرجال الي احمد مستاجر منه وكان اسمه فهيد:تعرف احمد بن نافل؟
فهيد كان يعرف احمد لكن خاف :لا ماعرفه ليش؟؟
الشرطي:سلامتك لكن اول ماتلقاها تجينا القسم تعلمنا
فهيد:زين مايصير الا الخير
طبعاً عايد ماكان يطلع عند البيوت الي كذا مايبي احد يدري عن سالفتهم"
عند سلمى راحت بيت الجد عواد ودقت الباب محد فتح ورجعت وعرفت ان فيه سالفه صايره وقررت ترجع وتتصل على البنات
خلصو البيت ورجعو القسم مع عايد وخالد
عايد:والحل؟ بنجلس كذا؟؟؟
خالد:الي علينا سويناه ياعايد وهذاني احلف لك دامني دريت انها مخطوفه ومن احمد والله غير مايجي بكره غير وهي عندكم
عايد:والله اتمنى اخاف احط املي ببكره ويجي بكره وهي ماتجي!
خالد:بتجي ونذرر ياعاييد
عايد:تسلم ياخالد بمشي اشيك على عمي
خالد:عسى ماشر ليكون صاير له شيء بعد؟
عايد: اي والله امس تعب علينا واغمى عليه بعد مادرا
خالد:والله اعذرني توي دريت مايشوف شر وبمشي معك اشيك عليه
عايد:مايجيك ومعذور محد درا بالسالفتين ذي غير وبالله سالفة ساره لاتطلع لحد عشان احمد بيدري اننا ندور عليه
خالد:افاااا تعلمني وانا شرطي!
عايد:تاكيد بس
خالد:علموني انك من العسكريه متى وكييف
عايد:اخ يافرحه ماتمت قدمت انا وسعود وللحين مادري عنه كنت بتاكد منه بعد مايروحون الضيوف بس مثل ماتشوف وين صرنا بس انا قبلوني
خالد:العب يالعسكري وباذن الله تصير مكانني
عايد:المكان حلو بك ومكاني يصير حلو بي بس مشينا؟؟
خالد:مشينا مشينا
كان صمت طويييل بالطريق بين خالد الي يفكر كيف يلقى احمد بسرعه وبين عايد الي متضايق انه ماسمع صوت ساره
وصلو المستشفى وراحو القسم الي علمه عليهم الاستقبال
عايد:سلام عليكم
فز الجد عواد:تكفى وش صار
عايد:بسم الله عليك ارتاح اول شي ماتشوف شر ثاني شي للحين ماصار شي اليوم دورت انا والقسم وخالد البيوت ومحد علمنا،وقررنا بكره نروح ونقولهم الي يعلمنا نعطيه مبلغ مالي لان شاكين بكذا بيت
الجد عواد:تمنيت جيتك ذي تعلمني شي يسرني ،لكن الله يسعدك والعيال اليوم راحو يدورون بالبيت مالقوها
عايد:لاتعبون نفسكم البيت كان فيه زوجته واختفت،والبيوت زي ماقلت لك
خالد:والله ياعمي ان مايجي بكره وهو منتهي الا وهي عندكم والله وتالله وبالله هذاني احلف لكم
الجد عواد:تكفى ياخالد امالي فيك بعد الله ثم عايد والعيال انت
خالد:لاتقول تكفى ياعمي وعلى ذا الخشم زي ماقلت واحتزم فيني
طبعا كالعاده المره ذي خلص وقت الزياره وهم للحين ماراحو البيت لان الدكتور قال احتمال يصير له خروج وعادي يجلسون عنده
الدكتور جا:شفت كل شيء وكل شيء عنده تمام وذا دواء الضغط اذا عنده من قبله لاتعطونه،وزي ماقلت انتبهو عليييه انتبهو يمكن يصير له مضاعفات لو مانتبهتو
عزام:لو بيدينا مايصير له الي صار امس لكن كل شي مكتوب
الدكتور:صحيح والحين طلع له خروج تقدرون تطلعون
الجده الهنوف:الحمدلله وعواد وصار افضل وطلع
ام ساره:وباقي بنتي يارب تطلع بكره اجل غير عاجل
مريم:يمه معليك ان شاء الله يلقون الوصخ بكره
سامر:بكره انا معكم الوضع لايطاق وانا جالس وهي ضايعه!!! ساره بكره لو ماطلعت انا اطلعها
سعود كان متضاايق حيييلل لان ساره مو شيء بسيط عندهم:انا بعد طفشت وانا انتضرها تجي وماجت
خالد: بكره تعالو القسم لكن بكره يوم ادور محد معنا معليش يعني،يمكن احد يعرفكم ويدري انكم تدورون ويعلم عليكم وعايد بسيطه يمدي نمشيها بس انتم عددكم كبير اذا انت بتروح بيروح الباقي
سعود:الي هو المهم بكره ابغا اختي طفشت خلاص
عزام:قومو نرجع البيت وخالد قهوتك عندنا الليله
خالد:لا والله ماجي عندكم الا وساره عندكم،انتم تعبانين مابي اتعبكم
عزام:دامك حلفت توكل على الله
الجده الهنوف:الله يسعدك يوليدي
رسيل كانت متضاييقه عشان ساره ومتضااايقه من سعود اول مره تشوفه كذا
سعود جا عند رسيل:فيك شيء؟
رسيل:ليه؟
سعود:ليه يعني شايفك متضايقه مالك صوت
رسيل:مافيني شي بس عشان ساره وجدي
سعود:زين انتبهي لنفسك
رسيل هي بين حيره صدق هي المقصوده بكلام سعود ؟ولا مجرد اوهام؟
نرجع للبيت
العنود:تو ماصار للبيت حيياه وعقبال وناستنا بساره يارب
الجد عواد:البيت بدون ساره مو حياه لكن نقول يارب
ابو ساره:يبه انا شاك بشقه من هنا دايم اشوف احمد يطلع منها
الجد عواد:رح مع عايد وعلمه عن المكان
ابو ساره:الوقت تاخر بكره ان شاء الله
عند البنات
رغد كانت صابره وتصبر البنات بس خلاااص تعبت بدون ساره وبكت لكن بدون البنات يشوفونها لان هي سند لهم بالفتره ذي وتذكرت الكلام الي قالته لهم وقررت تروح تصلي الوتر وتدعي لساره
عند عايد: بينه وبين نفسه عيني ماتذوق النوم ياساره وانتي ضايعه لين مالقاك
سعود:وقسم لو لقيتو احمد انا اووول مين يطللع غضبي عليه
سامر وسامي:مععك
عايد:تعبي الايام ذي بطلعها عليه النذل الكلب ذا
سامي:عايد انت دريت بسالفة جدي واحمد؟
عايد:وشو السالفه!!! قالها لكم!!!!
سعود:ااي اول يوم ضاعت ساره
عايد:اخ بس قولوها لي
سامي بدا يقول له السالفه كلها
عايد:الللكلللب!!! ذااا من اول ناويهاا!!! والله لاوريه وبكره معي عمي للشرطه يطلعون الوصخ احمد
سامي:اول شي اذا لقوه الشرطه بعدها محكمة وود جدي لهم
عايد:اليي هو على العموم الحين نامو وبكره امشي ادور من جديد
سعود:عايد ليه شايل همها اكثر منا؟
عايد:انا شايل همها لانها مع احمد مو مع احد غيره ذا اول شي ثاني شي مو عمي علمنا اننا كلنا اخوان؟ وهذاني فاقد وحده من اختي
سعود انصدم من كلام عايد وانححرج:والله اعذرني الفتره ذي اي شي يجي ببالي انطقه
عايد:لا عادي لاتعتذر لي
-انتهت ثاني ليله بدون الحبيبه ساره-
الفجر هالمره صحاهم بعد فهد لان الجد عواد للحين تعبان
فهد:يلا يلا ياعيال قومو
زي ماقلت لكم اغلبهم ماينامون واغلبهم نوم كله تفكير ويصحون على طول واكيد مجربين النومه ذي
عايد:انا قايم يبيه رح الصلاه وحنا لاحقينك
فهد:زين ماتسوي لكن لاتطولون
عايد:سم سم
كلهم قامو الصلاه ومن خلصو
ابو ساره:عايد بغيتك شوي
عايد:سم؟
ابو ساره:امس قلت لابوي اني شاك بشقه دايم اشوف احمد عندها
عايد:ويننهااا!!
ابو ساره:انا والله لولا ابوي رحت معك القسم وادور ساره لكن شف ذاك البيت؟ الي وراه وعنده لوحه رقمها ١٢٤٦
عايد:عرفته زين يعطيك العافيه وساره لاتشيل همها والله دامها عندي غير تطلع الليله بالكثير
ابو ساره:املي بعد الله فيك انت وخالد كبييير
عايد:مايخيب الامل ذا وانا رايح الحين القسم نرجع نشوف البيت
عايد راح القسم يكملون
عايد:ابوها علمني على بيت دايم يشوف احمد يطلع منه وطلع الي كان متوتر امس
حمدان:متاكد؟؟
عايد:مدري ذا كلام ابوها لكن مشينا نشوف
حمدان:يلا بس انادي معي كم شرطي عشان لو صار شي
انطلقو للبيت الي شاكين فيه ورجعو دقو الباب عليه
حمدان:السلام عليكم نرجع ونكرر عندك احمد؟؟
فهيد:ماعندي امس قلت لكم
عايد:لو قلت لنا اذا هو عندك ولا لا والله غير نعطيك فلوس
فهيد :كم؟
عايد:الي تبيييي والله بس عندك وولا لا ؟
فهيد:بيني وبينكم اي بس روحو دوروه انتم عشان مايصير علي الغلط ويحقد علي
حمدان:انت بأمانا لاتخاف
اتفقو يدخلون بسرعه مداهمه ورافعين الاسلحه عشان مايقدر يسوي شي احمد