حمد:لا لا لاتتاسف عادي ياعم
الجد عواد:الوقت تاخر مرح عندنا الليله وبكره الفجر توكل على الله
ابو رحيل الي جا بيتكلم ونطق ابو عايد: لا والله غير تنام عندنا
ابو رحيل :الله يسعدكم ابشرو بس ها اصلي الفجر واسري
ابو عايد:الي ودك بس نم ريح
قام سعد دخل عند الحريم ونطق:عندنا ضيف جهزو له العشاء
سريع
رغد: شكلي بسوي تحدي يوم كامل بدون ضيوف مو طبيعي وشذا
مسك بضحك:اخخ والله صدق وش ذا
ام حمد:انا طلعت بقية لحم امس جابو من المصلخ اسوي لهم الحين كبيسه على قدهم وقدنا وانتن يالبنيات تبون؟
مريم:انا مشتهيه مابغا
البنات كلهم:لا لا محد يبي
قامت لينا تساعد امها بتقطيع السلطه ودخلت ام سلمى المطبخ:استاذنك بمشي
ام حمد:وين الله يهديك اجلسي حسبت حسابك معنا
ام سلمى:لا والله بروح البيت بشوف ابو سلمى ماشفته من جا من الشغل
ام حمد:طيب لاتسوين عشاء اخلص واقسم لك
ام سلمى: ابشري
طلعت سلمى وامها راجعين للبيت وام حمد بدت تخلص العشاء والبنات عند الجده وامهاتهم يسولفون عن امس
نطقت رغد:يمه امس كان فيه بنتين ماشاء الله حلووات اخوات وعلموني البنات رنيم ولين وودي نتعرف عليهم عادي نعزمهم بكره؟
ام عايد:مافيه مشكله بس تاكدو العيال مايكونون هنا افضل
امجاد:لا يمه عادي حنا بنجلس بالمقلط الداخلي ودايم يوم نجلس فيه مانسمع اصواتهم
ام عايد:تمام اعزموهم
العنود:بس نبي ارقامهم
ام سيف:انا عندي رقم امهم بس البنيات لا والله
لمار:يمه تكفين كلميها ترسل ارقام البنات
ام سيف:يلا الحين واتصلت ام سيف عليها وارسلت ارقامهم لها
ببيت ام رنيم
ام رنيم بعد ماانتهت من المكالمه:رنيم ولين بنات عواد يبون رقم جوالكم وارسلته
رنيم:ماشاء الله عاد فييهم قبولل
لين:مدري حسيت شايفات انفسهم!
رنيم:لا والله عسلل عسلل يمكن ماسولفتي معهم بس انا سالت وحده منهم عن الحمام وردت علي باسلوب عسللل
لين:ممكن بعطيهم فرصه واشوف
ام رنيم:طبب جهزو الشناط بعد بكره ماشيين الجنوب
لين:بالغلط حبيت نجد والناس الي فيها
ام رنيم ضحكت:خالاتك وبناتها ينتضرونا على اساس بكره بس مايمدي عشان ابوكم وشغله
تعريف بسيط
ام رنيم مو كبيره بالعمر بس عمرها ٥٥عندها بنتين رنيم ولين
رنيم عمرها ٢٣ ولين ٢١
عند ام حمد الي خلصت العشاء وحطته للرجال ولهم وبدى يتعشون وبعد ماخلصو نادى سعد على لينا تعطيه طراحة الضيوف وودوها ورجعو دخلو عند البنات وامهاتهم وجدتهم
الجده الهنوف:مين ضيفكم
ابو عايد:ضيفي صديق عمري ماتوقع تعرفونه بس بنياتي وام عايد يعرفونه
ام عايد:ابو رحيل؟
ابو عايد:ايييه هو
ام عايد انبسطت وقالت:وويين اهله ماجو معه
رغد:تحمست اشوف ملك وهاجر بعد ماكبرو
ام عايد:صح وكيف هاجر
بدا يعلمهم ابو عايد كل الي قاله له ابو رحيل
ام عايد:يالله ياصغر الدنيا لكن زين دام بيجيب اهله معه المره الجايه
قامو الامهات ينامون والجده والجد وعياله وباقي العيال والبنات
عند عزام وسعود
عزام اتصل على سعود:تعال جووعااان ونعسااانن
سعود:جايك جايك يلا
راح عزام لسعود وبدا يقوله وين كان بوقت شغل عزام
عزام:ماشاء الله عليك مابقيت مكان مارحت له
سعود ضحك:الرياض كبيره مو نفس نجد باقي كثيييير بعد
عزام:زين والحين وين نتعشى
سعود:فيه مطعم عند فندقنا احسه حلو
عزام:تحس؟؟ لو مايطلع حلو والله لاكلك انت
سعود ضحك:لا والله يجنن امش معي بس
نزلو المطعم وبدو يطلبون طلباتهم وهم ينتضرون العشاء انتبهو لرسايل العيال بالقروب
عزام:فاتتنا الطلعه
سعود:اي والله لكن دام بيجي الي احسن منها معليه
اتصل عزام على العنود شاف منها اتصل ورجع اتصل عليها
العنود ردت:اهاا بدينا سحبات
عزام:والله توي طالع هذاني مع سعود نتعشى
العنود:وش صار على سعود
عزام:قالو له بكره تجينا ونشوف
العنود:زييين الله يوفقه يارب
عزام:اسمعي العشاء وصل ارجع الفندق اكلمك انتي والبنات
العنود:يلا تمام
بعد ماانتهت من المكالمه كلهم سالوها على مين متصله
العنود:حبيبي
حمد:اعقبيي
العنود:اعقب انت تقولها لي وانا عمتك؟؟؟
حمد:مين هو حبيبك
العنود الي عجبها الوضع ونطقت:امم مدري بس اسمه سعد
حمد نطط عيونه وقال:انتي صادقه يابنت!!!
العيال كلهم ضحكو من عرفو ان العنود تستهبل مع حمد من تذكرو بالمكالمه قالت وسعود بس حمد بطيء استيعاب
العنود:ليه اكذب عليك
حمد:لو يكون المخنس سعد الي تو امه ناقله عندنا يويلك
العنود الي تذكرت موقفها امس وبدا قلبها يدق بسرعه بس تخاف يكون مو هو ونطقت:انت ماينمزح معك؟ مين اكلم يعني اخوي وولد اخوي شتبي انت
حمد ابتسم:كنت داري بس استهبل
العنود:زين عيونك ماطلعت من مكانها وتقول استهبل قوم بس قوم
حمد وقف:من زينكم اصلا بروح انام
عايد الي كان حاس بتعب ونطق لرغد:جيبي لي بنادول
رغد:وشفيك بعد؟
عايد:راسي يوجعني واحسني برددان
قامت رغد تجيب له وعطته:لاتنام عند العيال خلك هنا عشان اذا ماخفت الحراره اسوي لك كمادات
عايد:لايابنت عادي
امجاد:انطق بس
قامو البنات من شافو ان عايد بينام هنا ودخلو غرفهم الا ساره الي كانت تهوجس بعايد وماانتبهت انهم طلعو ورغد شافتها مو داريه طلعت وخلتها مع عايد
عايد:ليكون حتى انتي خايفه علي؟؟
ساره فزت والتفت حولينه وشافت محد فيه غيرها هي وعايد:ماني خايفه كنت اهوجس وبالغلط سهيت بعيد
عايد:بوش تهوجسين
وقفت ساره:مدري ودخلت المطبخ شافت رغد تضحك لها:وش فيك
رغد:كيف الهواجيس بحبيب العمر؟؟
ضربتها ساره:ووجع يالملسونه وشدخلك
رغد:خير وجع وجعتيني وش صار علميني
ساره طلعت كوب:مايخصك بسوي اعشاب وعطيه ولاتقولين انا سويتها!!
رغد:زين بس يلا سوي
امجاد:رغد تجلسين عند عايد ولا اجلس عنده
رغد:لا لا اطلعي عند البنات بس اشيك عليه واجيكم
امجاد:تمام ساره تجين معي؟
رغد:لا لا ابيه تسولف علي على مابال اسوي كماده له
امجاد:طيب
طلعت امجاد فوق وشافت البنات يكلمون عمهم ويوم فتحت الباب العنود تحسبها ساره ولفت الجوال على طول:وذييي ساااره
عزام الي حاول يستوعب ان الي قدامه ساره مو امجاد ونطق:هلا بسااره
العنود الي من انتبهت انها امجاد لفت الجوال:يمه امجاد على بالي انك سااره
امجاد:لا ساره عند رغد تسولف معها
العنود:تكفييين اسسففه وربييي
امجاد:خير سلامات جيت باخذ شالي وبرجع عند عايد كلمو سوالف
عزام الي كان يسمع صوتها ويبتسم وسعود يناضره ويقول يع بإستمرار
عزام حط ميوت ونطق:اوريك الحين طبب
فتح الميوت وقال :رسيل
رسيل:هلا
عزام:ذا الوصخ اليوم كان يتمشى بدوني والله اعلم وش كان يسوي
ابتسمت رسيل ونطقت:كان يكلمني طيب
وضحك سعود ونطق عزام:وووجع مايمدي امسك عليه شيي وانتي ماتسلكين يعني؟
دخلت ساره عليهم وبدو يسولفون مع بعضهم
رغد عطت عايد الاعشاب :ذا سوته ساره
امجاد:اماا سوته
رغد:ايي وحبيب القلب يبتسم
امجاد:اح بالمخنس طلعت صدق تحبها؟؟
عايد:مين قال
رغد:اقول انطم اييي ترا يحبها وهي تحبه
عايد الي شرق بالاعشاب:تكذب تراها
امجاد :المشكله انك مفضووووح
عايد:يعني؟
امجاد:ابداا
رغد:مو قلتي بتروحين عند البنات ؟
امجاد تذكرت وضحكت بفشله وعلمتهم ونطقت:من الفشله قلت برجع عند عايد اخخخ ضحكت
رغد حطت يدها على فمها:كذاابه ييمه احرراااججج
امجاد:انطمي حسيت بالحر والجو جمده
عايد:لو احد غير عزام رحت تهاوشت مع البنات بس زين عزام
رغد:ماتغار على اختك من عزام؟؟؟؟
عايد:عزام اعرفه يصد دايم واكيد ماشافها
رغد:مقنع الصدق
عند البنات الي انتهو من المكالمه وطلعت رغد وامجاد بعد ماتطمنو على عايد وشافو انهم نايمين غير ساره ونطقت رغد:غدره ليه نمتو طيب
ساره:سحبو علي حتى انا مانتضروني انام بعدها هم
رغد بأستهبال:صح!!! مفروض ينتضرونك ويتاكدون انك نايمه وتنامين صح؟
ساره ضحكت:اي ذا الي ابيه
امجاد:نامي نامي الله يهديك
من فجر اليوم الثاني عند ام عايد الي صحت وانتبهت لعايد الي بالصاله وقربت له وصحته:وش فيك ياعايد؟
عايد:مافيني شي يايمه
ام عايد:وش فيك نايم هنا اجل
عايد:امس حسيت بحراره وقلت لرغد جيبي بنادول وعيت تخليني انام عند العيال
ام عايد قربت كَف يدها لجبهته:بسم الله عليك لا الحمدلله الحين مو مره حراره
عايد:اي شربت اعشاب واكلت حبوب خفت منه يمكن
ام عايد قربت يدها ليده وباستها:زين قوم وض وصل هنا لاتروح المسجد برا الجو بارد
عايد:ابشري
-بالرياض-
صحى سعود وقوم عزام معه
سعود:قمم تكفى متحمس بعرف قبلوني ولا لا
عزام:طيببب جهززززز خلااص اقووممم
سعود:لا اذا قمت اجهز
قام عزام وصلو مع بعض وتجهزو وطلعو يفطورون
عزام:تووبه توبه انام بعدك صحيتني بدري!
سعود:انا نعسان بس بعرف وش صار اذا قبلوني ولا لاا
عزام:زين اسكت خلنا نفطر ونطلع للداوم
بدو يفطرون ويوم انتهو مشو للدوام وكان سعود بمكتب عزام ينتضر المدير يجي يقوله
سعود:شكلي بنام لين يجي طولل
عزام الي كان بيتكلم بس دخل عليهم المدير ونطق:سعود هو جاك قبول بس للاسف مو بفرعنا ذا
سعود انبسط من القبول وقال:الييي هووو بس وييين
المدير:بريطانيا
سعود الي جلس يستوعب انه مابيكون حولين اهله وقال:مافيه هنا ابددا؟ او داخل السعوديه يعني
المدير: لا والله عندنا فرعين بالسعوديه هنا وبجده كلهم مكتفين وفرعنا الثالث هناك
سعود الي بدت الحيره عليه ونطق المدير:عاد بعطيك وقت تفكر وارجع اشوف اذا تبي ولا لا عشان فيه واحد غيرك يبي وظيفه بعد
عزام:خله يفكر وارجع له
طلع المدير وبدا يقنعه عزام ونطق سعود:انا بعدت عن رسيل يومين وتعبت من الشوق كيف لو هناك للابد؟
عزام:اذا عشان رسيل قدم زواجك وخذها معك منها شهر عسل ومنها تشوف الوظيفه هناك
سعود الي عجبته الفكره وقال:بشوف اذا رجعنا نجد اذا بتوافق هي ولا لا
عزام:كلمها الحين وقل لها ورسيل أعرفها ماراح تقول لا
سعود يلا بتصل عليها
رسيل الي كانت تسوي الفطور وجوالها بالغرفه ماانتبهت له
سعود:ماترد بس اذا شافت الاتصال بترجع تتصل
عند بيت ال عواد
صحو بدري يجهزون الفطور لضيفهم ابو رحيل وبدو البنات يجهزون السفره للرجال
رسيل:انا ماراح اسوي شاي مره ثانيه تعبتتت والله
مريم:ريحي بالك وقولي لا
رسيل:لو ماستحي قلتها هههههه
بدو يفطرون الرجال والبنات رجعو يرتبون غرفهم وانتبهت رسيل لجوالها ورجعت تدق على سعود
سعود:هلا هلا وينك ماتردين
رسيل:كنت اسوي الفطور معهم
سعود:ليتني بدالهم واكل من اكلك
رسيل الي استحت ونطقت:وش صار قبلوك؟
سعود:قبلوني بس مو بالرياض
رسيل : اجل وين
سعود :ابريطانيا وعلمت عزام اني مابي عشانك مو معي بس قالي اقدم الزواج ونروح مع بعض شرايك؟
رسيل:متى تقدمه يعني؟
سعود:بعد اسبوعين كذا
رسيل:اسبوعييين!!! ماجهززت شيي انااا
سعود:هو كيفك الخيار الاول لك تبين نقدمه؟ اقدمه ماتبين الشكوى لله بسافر لحالي ولرجعت تزوجنا
رسيل الي خافت يزعل ونطقت:لا عادي ماعندي مشكله الي تبي بس كلم امي وابوي اول شي
سعود:اكيد اول شي علمتك عشان اذا موافقه اكلمهم بس لاتقولين لهم انا وعزام بكره جايين
رسيل:ليه مو بداية الاسبوع توها؟
سعود:شكلك ماتبينا طرده محترمه
رسيل:لا صدق والله
سعود:لا علمت المدير وقال خذ راحتك وعطا عزام اجازه نروح ونرجع السبت عشان اذا وافقو تجون كلكم تبدون تجهزون
رسيل:سعود عادي يكون العرس بالرياض؟
سعود:اكييد عادي ياعييوني! بس اول شي نشوف جدي برضو لكن ذي علي معليك
رسيل:زين انتبه لنفسك وقفلت بسرعه قبل تسمع رده
سعود:ماتكمل الرومانسيه
عزام:ها وش صار؟
سعود:لا الحمدلله وافقت بس بشوف اهلها وبشوف جدي يخلي العرس هنا
عزام:صدق احلى
عند ام عايد الي كانت بقسم بيتها وعايد جا معها وبدت تلعب بشعره ونطقت:متى يوليدي ناوي تخطب ساره؟ الخطاب كثرو وماتدري لو شافتك كذا بتوافق على اول واحد يجيها
عايد الي انصدم من كلام امه ونطق:مين جاها يمه
ام عايد:للحين حولين الخمسه وقلت لك كلم اهلها الليله وخل الخطبه تتم والملكه بعدين مو الحين
عايد:مدري يمه اخاف هي ماتبي الحين
ام عايد:لا خلاص كبرت البنت وانت خل رغد ولا امجاد يكلمنها اذا وافقت علمني اكلم امها
عايد:يمه احسني مستعجل
ام عايد:لا ياعايد اذا مالحقت الحين بتضيع من بين يديك للابد وانا ملاحظك حابها بزياده واكيد ماتبي شي بالحرام تقدم لها وريح نفسك
عايد باس يدها:ابشري مايصير الا الي تبين الحين طالع اكلم رغد او امجاد
على طاريهم دخلو:خيرر ليه جالسين بدونا
امجاد:صدق وش عندكم
عايد:تجون على طاريكم دايم اجلسو اجلسو بكلمكم
رغد: وش صاير
عايد:مو صاير شيء بس امي تو كلمتني عن ساره وودي اخطبها لو بس كتب كتاب والملكه بعدين وانتم شرايكم؟
رغد:اكيد ايوا تاخرت وواجد وانت للحين ماتقدمت
امجاد:صدق وماتضمن وش يخبي لنا بكره تقدم لها وارتاح
عايد:خلاص اجل بس كلموها تكفون مابي اتسرع وهي ماتبي بالوقت ذا
رغد:ذي خلها عندي انا وامجاد الحين نروح نكلمها ونجييك
امجاد:خليها تجي هنا احسن هناك اكيد عند البنات
رغد:كيف اقولها تجي بدونهم؟
امجاد:قولي لها امي تبيك عادي
رغد:تمام بروح اناديها واجي
راحت رغد عند ساره الي كانت لحالها بالمطبخ وجتها من ورا تخرشها
ساره:خرشتييينيي ييمه
رغد:بسم الله عليك تعالي امي تبيك سرعه
ساره:ليه غريبه
رغد:ببيتنا تبيك
ساره:اها يلا بس اجيب جلالي
راحت تجيبه ساره ودخلتها رغد غرفة الضيوف الي ماكان فيها غير امجاد ونطقت:ساره لو احد تقدم لك الحين توافقين؟
ساره:على حسب مين الشخص
امجاد:ولو اقول انه عايد؟
ساره الي انصدمت ونطقت:ليه؟ وش جاب الطاري
رغد:يبي يخطبك الليله بس يبي يسمع منك الموافقه عشان يكلم اهلك واكيد موافقه صح؟
ساره:مين قال؟ ماني موافقه وخلي يجي عند اهلي ويسمع الموافقه منهم غيره لا
امجاد انصدمتتت من كلام ساره: دامك مو مواافقه كيفك
رغد:ساره صاحيه انتي؟ وش الي مو موافقه وحبك له؟
ساره:يمه امزح قسم بالله هههههه مدري بس ليه مستعجل
امجاد ورغد ضربوها بوقت واحد:تراب تررااب انتي؟؟ طيحتي قلبي من مكانه وجع
ساره ضحكت:مدري
امجاد:مو مستعجل امي كلمته عشان الخطاب الي جايين جدك ويخطبونك منه ويرفض وتخاف بالاخير مايقول لا لهم
ساره:شوفو انا موافققه بس يويلكم تقولون له كذا!! قولو له كلم اهلها وتشوف الرد منهم
رغد:خير اقول اخوي ترا
ساره:يابنتي كيفي سوي الي تسوينه بس قولي اذا خطب يعرف الرد
امجاد:تقهرريين يمه لو اني بدال عايد اكرهك
ساره ضحكت:خير بنات
كل حديثهم كان تحت مسمع عايد والي مره يبتسم ومره يتضايق ولكن ضحك اخر شي على كلامها وطلع عند امه مسرع بالصاله الي كان قايل لها بروح اجيب مويا لي واجي
ساره:خلصتو؟ بروح عند امي قبل تفقدني
امجاد:كش وجه انقلعي انقلعي
ساره:وجع انتي اوريك
امجاد :وش بتسوين بتجيبين لي عريس وانا مدري
ساره:بالظبطططط العريس جاهز باقي موافقتك
امجاد:بالله اذا مو منكم موافقه
ساره ضربتها:وش قصدك؟؟؟؟
امجاد:امزح يمه
ساره وقفت:عاد بروح وقولولي وش يصير
طلعو البنات لعايد وقالت رغد:شف هي عيت تعلمنا بس قالت كلم اهلها وتسمع الرد منهم هم واحسها موافقه من كلامها معرف
عايد:خلاص اجل يمه كلميهم واذا وافقو اكلم ابوي عنها
ابو عايد الي دخل:تكلمني عن مين
ام عايد:بيخطب ساره وتخبر اول شي لازم بين الحريم اذا وافقو تكلم ابوها وجدها
ابو عايد:بتخطب؟
عايد:ايه يبه
ابو عايد حضنه:والله وصرت رجل يالوليدي وابشر بس يعطونك الموافقه الام وبنتها علمني اخطبها لك من ابوها
عايد الي بادل ابوها الحضن:سم ماطلبت شي
طلع ابو عايد مبتسم وهو راضي على حياته الحمدلله من عايلته وصديق عمره والي حولينه كان متوقع حياته ماتكون كذا بس كل شي ربي كاتبه يصير وهو راضي بقدر الله والي مكتوب له
ام عايد:بدق علو خالتكم وخالكم يجون دامها كذا
رغد:الله اشتقت لهم من زماننن عنهم
ام عايد:حتى انا والله اعلمهم الحين عشان يجون لو بكره
اتصلت ام عايد على اختها الوحيده"فضيه ام هادي"
ام عايد:عايد قرر يخطب من حفيدات ال عواد وحياك انتي والعيال والبنات ودنا تحضرون المناسبه
ام هادي:ذي الاخبار الزينه على وقتها اليوم ابو هادي اجازته بإذن الله اكلمه ونجيكم
ام عايد:تنورر نجد فيكم والله
ام هادي:النور نورك
انتهت واتصلت على اخوها "محمد ابو خالد"
ابو خالد:هلا هلا وين الغيبات ياوخيتي
ام عايد: والله انشغلت الفتره ذي كانت ملكة وحده من بنات عواد وبعدها سافرو العيال وطول الوقت مع البنات وامهاتهم
ابو خالد:كيف البنات وكيف عايد
ام عايد:كلهم بخير وعايد يقولك تعال نجد ناوي يخطب ويبيك حاضر
ابو خالد:ماشاء الله على البركه ويبشر عايد الي يمسك الخط له
ام عايد:ماتقصر بس هاا لاتطول بكره ولا الليله يخطب
ابو خالد:الان اجهز الاغراض ونمشي
تعريف بسيط
ام هادي اخت ام عايد عمرها ٥٤ عندها بنتين وولد
هادي ٢٦
رنا ٢٤
ريناد٢١
ابو خالد اخو ام عايد عمره ٦٥
زوجته فهيده:شخص جدااا طيب ومحبوبه
عندها بنتين وولدين تؤام
خالد:٢٤
فيصل:٢٤
لانا:٢٢
لنا:٢١
نرجع لبيت ام عايد
رغد:يمه مو كانك استعجلتي؟
ام عايد:لا لا عادي مايجون الا وانا مكلمه امهم وبكره كتب الكتاب مع التلبيسه وتكون عائليه افضل
امجاد:ايه احسن
ام عايد:اجل يلا بطلع اكلم امها وانتم روحو عند البنات
رغد:اي اي بنروح عشان يجون البنات رنيم ولين
امجاد:يمه اقول لهم ان خالتي وخالي جايين؟
ام عايد:عادي بس اكلم امها واذا كلمتها جيت اقولك تعلمينهم
عند عائله ام هادي
ريناد انتي ورنا قومن جهزن بنمشي نجد عند بنات خالتكن
ريناذ:يمه ليه غريبه نروح نجد
ام هادي:عايد بيملك ويبينا نحضر الملكه
رنا:الله واخيييراا فعاليات بالعايله يلا تمام بس ابي السوق فيه كم شي ناقصني
ام هادي:خلصن انتن من الشناط ووشوفن وش الناقص ويوديكم هادي اذا خلصتن
قامو البنات يتجهزون بحماس لان من زمان عن السفر ومن زمان عن فعاليات دايم يروحون لأصدقائهم وجاراتهم مايروحون لحد يقرب لهم
اما عائله ابو خالد الي بدو يجهزون بحماس الا لنا الي كارهه الديره وماودها تروح وتجهز غصب عنها عشان رضى ابوها ولا هي الود ودها تجلس عند خالاتها بعكس لانا الي تجهز بحماس ومتحمسه تقابل البنات وودها تجرب عيشة الديره
نرجع عند البنات
رغد:بسوي لكم ترافل مانجو يعجببكمم
ساره:فيه حلى مدري وش اسمه بس بسويه لكم
العنود:حلو وسلمى بتسوي بسبوسه باقي الفطاير بس القهوه علي
مسك:فييه ورق عنبببب هنا بالفريزر مجمد تبون نطبخه
لينا:رغم انه مشوار بس يلا مافيه مشكله اطبخي من الحين عشان يمدي يستوي
امجاد :اجل بسوي الفطاير انا ومريم ولمار ولينا ورسيل روحو رتبو المقلط وتجهزو عشان اذا خلصنا يبقى بس حنا
عند الامهات 🫣
ام عايد لام سامي:والله عايد كلمني اليوم وده يخطب ساره بس تخبرني قلت تكون بين الحريم افضل بعدها الرجال
ام سامي:والله يشرفنا عايد يكون رجل بنتي لكن القرار الاول والاخير لها انا ماعندي مشكله بس اروح اناديها واجي
راحت ام سامي تنادي ساره الي كانت بالمطبخ وعرفت على طول انها بتكلمها عن الخطبه راحت ام سامي ودت ساره عند الامهات ونطقت:ساره عايد يبي يخطبك موافقه؟اذا تبين تستخيرين وتقولين لي كيفك
ساره:اي بستخير
ام سامي:قومي الحين استخيري وارجعي قولي لي عشان ابوه يكلم ابوك
راحت ساره تركض للغرفه وهي مبتسمه وهي اصلا مرتاحه وموافقه على عايد بس تسوي كل ذا عشان "الثقل" وجلست ربع ساعه ونزلت تحت ونطقت: موافقه
أنت تقرأ
انا فعيونك مواطن دولته صارت عييونك
Historical Fictionالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
