دخلت لينا تسوي القهوه والعنود من وراها:وش تسوين؟
لينا:تراب اسوي تبين ؟خرعتيني يالحيوانه
العنود بضحك:شفتك تهوجسين قلت اخرعك
لينا:خرشوك جني استغفرالله
العنود:تعجبيني تتدعين وتستغفرين بس اقول مين بيجي ليه مطلعه طقوم الضيوف
لينا:مين غير ام خالد؟تحسب اننا من ضمن سنن يوم الجمعه انها تزورنا
العنود وهي ميته ضحك:ذباتك عليها تضحكني الله يسعدك ياحيوانه بموت بطني وجعتني من الضحك
لينا بضحك:وانا صادقه شسوي والحيوانه رسيل تتحلطم عند جدتي وقلت حياها الله مو من قلب عشان رسيل تسد حلقها عن جدتي شوي
العنود:اخ بموت مقدر بسلم عليها وادخل جوا
لينا:ترا بتجي ام عايد بعد
العنود:امي الله يسعدها تجرح وتداوي ام خالد وعمتي ام عايد حلووين
ام خالد جارتهم الغثيثه مافيها قبول وبس تدور علوم وسوالف وعندها ولد واحد وهو خالد عمره 25 علاقته شوي كويسه مع عيال ال عواد وحفايده لكن مستحيل يمونون عليه بسبب امه
العصريه عند الجده
الجده الهنوف : هلا والله بام خالد حياك الله
ام خالد : الله يبقيك ، كيفك وكيف حفايداتك واهل البيت
الجده الهنوف : ولله الحمد كلنا بخير وصحه وعافيه نحمد الله
ام خالد : والنعم بالله
الجده الهنوف : انادي البنات يسلمون عليتس واجيتس
ام خالد : ياذا البنات غير انتي تنادينهم ناديهم ويسمعونتس
الجده الهنوف : لا وانا اختس بالدور الي فوق هم لازم اوقف عند الدرج عشان يسمعوني
ام خالد : الله يهديهن هالبنات
الجده الهنوف : امين عن اذنتس اناديهن وارجع لتس
الجده الهنوف عند البنات : قمن يابنياتي سلمو عليها واشربو فنجال واحد وادخلو داخل عيب كذا وانا جدتكم
العنود : وانا بنت البطه السوده يايمه؟
الجده الهنوف : وانا امتس بس يالله
العنود : سمي الحين نجيك روحي ارتاحي
الجده الهنوف : لاتطولون عشان تجي عمتكم ام عايد وتسلمون عليها وتدخلون مع البنات داخل
العنود : سمي
عند الجده الهنوف : هذول هم البنات
ام خالد: ارحبن وينكن متخبيات داخل غير جدتكم تناديكم
الجده الهنوف : تخبرين شغل مو فاضيات
ام خالد : حتى لو الضيوف اولى
الجده الهنوف وهي حاز خاطرها من ان خالد لان عندها كل شي الا حفيداتها وهي تغلط عليهم وكثيير لكن صابره على ام خالد
بنص السوالف دخلت ام عايد وقامو يسولفون مع بعض والبنات داخل
ام خالد : ايه وش صار يالهنوف على ولدك عزام علمني خالد انه قدم على وظيفه بالرياض
الجده الهنوف : ايه والله قدم والحمدلله قبوله قبول اولي تنتضر القبول النهائي بعد المقابله
ام خالد : زين الله يوفقه خالد ماقبوله
الجده الهنوف : الله يرزقه وظيفه احسن من الوظيفه ذي
ام خالد : ايه والله ودي الافضل له
ام عايد : كل واحد ورزقه يام خالد مو كلهم مكتوب لهم نفس الرزق
ام خالد : وانتي وشفيتس ماقلت شي
الجده الهنوف بتغير الموضوع: عاد ان شاء الله لقبلوه حياكم الله على العشا بالمزرعه
ام عايد : لا معليك ان شاء الله ينقبل وتسوين افضل واحلى عزومه وعقبال البقيه
الجده:امين وعقبال عايد
عند البنات
لمار : فاتكم يابنات تخيلو من صحى بدري اليوم
العنود : وانا بالبيت مادري
امجاد : سامي؟
لمار : لا وين ذا لو مريت من جنبه صحى
امجاد : اجل مين
لمار : تخيلو انتو بس انه حمد!!
رغد : بسم الله تاكدتو ماعليه حراره؟
لينا : بسم الله على اخوي شفيكم من اول يحب يصحى بس تخبرون مايبي يروح العزبه
رغد : ياشينك انتي واخوك اقول بس يابنات ماتحسون ذا الي جنبنا هاجد؟
مسك بضحكه : اول مره افهمك بسررعه
رغد : الحمدلله بس صدق ماتحسين؟
مسك : اايييه الله يهجده دايم كذا
العيال بالمحلات
سعود : تكسرررت والله تكسرت خلاص توبه نطول عليهم
الجد عواد : شفتو لو اني طاوعتكم وجلسنا اليوم بعد كان احتاس اكثر
سامي : اي والله بس شنسوي وناستنا اهم
الجد عواد : خلاص اجل تستانسون وترجعون تنظفون
سعود : الصدق عادي ياجد لان بكل الحالتين بهد حيلي بعد الطلعات
بنص كلامهم دخل احمد : سلام عليكم
الجد عواد : وعليكم السلام تو مانّور المحل
احمد : تسلم الا اقول بكم عندك البشت ذي
الجد عواد : 166
احمد : ليه كل ذي الغلاوه! القاها عن غيرك ارخص
عزام : عن الغلط ودامك تشوف غيرنا ارخص انقلع له
الجد عواد : عيب وانا ابوك وش ذي الالفاظ
احمد : شكلك ماربيتهم ياعواد
عزام : تخسي وتعقب اخر من يتكلم عن التربيييه انت
الجد عواد بحده : ياولد الصوت وبعدين انت يااحمد سكت لك يوم انك تغلط على المحل بس تغلط على احفادي وولدي! لا والله مابسكت دامه مو عاجبك توكل توكل
احمد : تقولي انا توكل؟ الايام بينا ياعواد
عزام وسعود بنفس الوقت : اعلى مابخليك اركبه
احمد ماسمعهم لانه طلع اول ماخلص كلامه
الجد عواد : ياعيال انا تعبت برجع وانتم كملو وبيعو
سامي : افا يالجد وشفيك أوديك المستشفى ؟
الجد عواد : لا لا وانا جدك برتاح بالبيت
سامي : ابشر انا بوصلك عشان ماتتعب بنص الطريق زياده
الجد عواد : الله يحرم وجهك من النار انت والبقيه
كلهم : امين
بعد ماوصلو للبيت والجد عواد كان متضايق من احمد وسالفته واسلوبه معه ومع احفاده وكان مقرر يعمل شيء بس مايبي يخرب سمعته لان ذا الشي بياثر عليه
بنص هواجيسه
دخلت الجده الهنوف : متى رجعت وليه مارجعو معك الباقي
الجد عواد وهو للحين يهووجس
الجده الهنوف : تسمعني؟
الجد عواد : هلا هلا اي وش كنتي تقولين
الجده الهنوف : وش فيك
الجد عواد : ومين غير احمد يالهنوف؟ضيق بالي والله
الجده الهنوف : اقطعه من طاري يارب ،ليه وش مسوي
الجد عواد بدا يعلمها
الجده الهنوف : مايستحي على وجهه وانا كم مره اقولك رح سو الي تبي تسويه وافتك!
الجد عواد : بس انا خايف
الجده الهنوف : خايف من وش ياعواد؟
الجد عواد : خايف افقد واحد من احفادي ولا حفيداتي ولا افقدكم انتم ابغاكم حوليني دايم
الجده الهنوف : حنا حولينك ان شاء الله والموت مو بيد احمد مهما سوى وفعل بنا ربي هو كاتب الموت لنا مو هو
الجد عواد : والنعم بالله لكن خايف والله
الجده الهنوف : انا اعلمك بعد ماينقبل عزام ويلقى له وظيفه خلاص تعلمهم بالسالفه قبل يمشي
الجد عواد : بس
قاطعته الجده الهنوف : لا بس ولا غيره ياعواد نفسيتك تتعب منه ومن سالفته؟ خلاص انت عندك كل شيء بس خل الموضوع يتم
الجد: عواد : باذن الله
الجده الهنوف : طولت على الضيوف بنادي لك البنات يونسنك
الجد عواد : والله اني تعباان بنام بس ابغا شاي
الجده الهنوف : بخلي العنود تسوي لك واجيك
طلعت الجده الهنوف للبنات نادت العنود
الجده الهنوف : وانا امتس ابوتس بالمجلس سوي له شاي ووديه ولاتطولين عليه بالسوالف بيرتاح وينام
العنود : سمي بس وش عنده جاي بدري
الجده الهنوف : لا بس اليوم صحى بدري وتعبان يبي يرتاح
العنود : الله يبعد عنه كل تعب ويقرب له ولك العافيه
الجده الهنوف : امين وياك ياشيخة البنات
اللهم صلِ وسلم على نبينا محمد
أنت تقرأ
انا فعيونك مواطن دولته صارت عييونك
Fiksi Sejarahالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
