ام سيف الي لمحت سيارة عايد:جا جا الحين تاكل بس قم افرش السفر دامك انت الجيعان
سامر:ابشري وينهم
ام سيف علمته المكان وراح يجيبها وفرشها ويوم جا عايد نطق:والله لو انك رايح وين تراها العزبه وش فيك طولت
عايد:مريت المحلات الي هنا ليه
سامر:الاكل معكم وجيييعااااانننن
عايد ضحك:طيب يلا رح جبه
سامر:لا عاد كذا لا فرشت السفره وسويت الي علي انتو نزلوها
ساره الي جتهم وبيدها حافظة اكل:جبتها يالمجوع يلا اجلس
جلسو وبدو ياكلون الفطور وبعدها نطق سيف:يبي لها كرك على ذي الاجواء
سعود:الله ياسلام بروح اجهز شبة النار لين تخلصو وتشيليون السفره
رسيل : تم وانا معك
سعود ابتسم وراحو يدورون حطب مع بعض
سعود:رسيل بسالك
رسيل:بسم الله وش سم
سعود:تذكرين يوم اقولك بخطب بنت؟ كنتي تتوقعين انتي
رسيل الي ابتسمت من تذكرت ونطقت:اوااه ذاك اليوم بكيت ويوم شافتني امجاد وقلت لها قالت تراه يحبك وماصدقتها بس الحمدلله صرت لي
سعود قرب لها:والحمدلله صرتي لي والله يعمي عيني عن غيرك
رسيل:بسم الله عليك لاتقول كذا
سعود:تخافين علي؟
رسيل:زوجي وش تتوقع
سعود ضحك وقرب لجذع الحطب الي قدامه وبدا يقطع الحطب
بعد مانتهى رسيل نطقت:عطني اشيلهم
سعود:لا مالين شوك بيوجع يدك
رسيل:ويدك طيب
سعود:عادي متعود
رسيل:حتى انا بتعود عادي
سعود بدا يدور بالحطب الي معه حطب مافيه اشواك عشان مايوجعها ومدهم لها:يلا شيليهم اشوف
رسيل:اي اكيد بشيلهم
رجعو الخيام والكل حولين مكان النار الي يشبونها دايم وبدا يشبها
سعد:لاتعب نفسك شوي وتمطر
سعود:اذا جا المطر ندخل الخيمه مافيها مشكلها اشب داخل بعد
شبها سعود وسوا الكرك سيف وبدا يوزعه عليهم
بعد مانتهو منه بدا ينزل المطر ويبلل نجد العذيه
ساره الي ابتسمت من شافت المطر ونطقت للبنات:تبونا نتمشى؟
مريم:اكيييد ماتتفوت الاجواء ذي ابدااا
ام حمد:روحو كلكم حتى انتم واشرت على العيال
حمد:يالبيه يايمه من عيوني
لينا:ياليل ناشب انت ناشب
حمد:اي والله ناشب دامكم بتروحون كلكم
بدو يتمشون بالعزبه مع بعض وعزام الي كان يلمح امجاد بس مايبيها تشوفه وفكر يلعب تحدي عشان يسالها
عزام:طيب خلونا نجلس هنا عندي لعبة اسئله
لمار:كيف
عزام:كل واحد يسال شخص مو قريب منه ولا من اخوانه
سعود:وزوجتي
عزام ضحك:ذا مستانس انه تزوج كل شوي يذكرنا
سعود: اي يعني زوجتي
عزام:دامكم اوكم متزوجين تم اسالوهم بعد
العنود:يلا ببدا انااا اممم بسال سيف
سيف:اعوذ بالله وش معنى انا
العنود طنشت سواله:قد مره ضايقت فيك الدنيا لدرجه ماجيت لولا واحد منا؟
سيف:لا والله الحمدلله دايم اقولكم الي بخاطري
العنود:كفو عليييك يلا اسال من تبي
سيف:رغغد
رغد:كانه مايعرف غيري بكل لعبه يختارني
سيف:كيفي المهم موقف يضحك مستحيل تنسينه
رغد:حياتي كلها ضحك بضحك الحمدلله يعني مافيه موقف محدد
سيف:غش قولي واحد منهم
رغد فكرت ولمار نطقت:اقول عاد انت تماديت اسكت معليك رغد يلا مين تبين تسالين
رغد:لينا،لو جا يوم وفقدتينا لاسمح الله وش اكثر شي بتفقدينه فينا؟
لينا:يمه بسم الله بس بفقدكم كلكم بكل جهه تاركين بصمه ماشاء الله عليكم
رغد ضحكت:ييلا اسالي مين تبين
لينا:اكيد عززام،بما انك بالرياض عجبك احد؟
عزام فهم السوال بس جالس يستغبي:كيف عجبني احد
لينا:بنات وكذا
عزام:ااعقبيي لا والله ماعجبني احد وبعدين وش السوال ذا
لينا:عشان ازبط العلاقه وازوجك اياها
عزام:مابي الزواج يلا بس اوريك
لينا:كش وجه اختار مين تسال
عزام جالس يلف عيونه على بنات اخوانه ونطق:ياليل كلكم تعرفوني
سعود:اسال امجاد
عزام ابتسم:مع انها حتى هي تدري بسوالفي يوم اقولها لكم تكون عندنا بس يلا تم كان بيسالها وش اخر شي بكاك بس تذكر وفاة امها ومايبي يضايقها وهو كان يبي جواب لبكيتها الي بكتها قدامه ونطق:فكرت بس ماش مالقيت شي ولقيت اغبى سوال وش الشي الي ممكن يسعدك
امجاد:ذههبب والماس اكيييد
الكل ضحكو عليها مسك:اتفق معها ولا شي يسعدني كثر الذهب
ساره:والالماس اوف بعد
عايد ابتسم وعلى طول حط براسه فكرة لازم يجيبه لها شي فيه الماس عشانها تحبه
امجاد:سعد دامك دايم تضحك ماشاء الله عليك وش الشي الي ممكن يخرب ضحكتك ذي
سعد:كيف
امجاد جت بتتكلم وتكلم عزام بدالها:يعني ياثور انت الحين تضحك وجا احد قالك شي خلاك توقف ضحك فهمت؟
سعد:اهاا ايي ممكن اذا سبني او سبكم
امجاد:كفو يلا مين تبي تسال
سعد:ذيييك سويير
ساره:ذيك لها اسم واسمها ساره
سعد:سوير كيفي بس وش اكبر مخاوفك
ساره فكرت باكثر من اجابه بس نطقت:ماودي افقد هالجلسات معكم ودي تكونون دايم معي
مريم:وحنا دايييم معك ان شاء الله
ساره:ان شاء الله يلا بسال عايد
رغد:والله كنت دارييه
ساره:اص ولفت على عايد لو رجع فيك الزمن بترجع تحبنا؟
عايد:اكيييد والله اكيد الخسران الي بيقول لا
ساره قربت يدها ليده ونطقت:كفك كفو عليييك
ضربها عايد بخفيف ونطق:من اليوم انتظر دور ساره عشان اقولكم قومو نتمشى بالسيارات
رغد:خير عجبتني اللعبه
عايد:ماتبون نعطس يعني؟
رغد:الااا
عايد:يلا قومو بس قولي لجدي
الكل بصوت واحد:مالي دخل
عايد:وش الي مالكم دخل واحد يقوم يتكلم
الكل يناضرون ببعض وقامت امجاد:انا بروح اكلمه
عايد:كفوو اختي يلا
الكل قربو من الخيام عشان يمديهم يركبون السيارات
امجاد شافت بس الجد عواد وابوها وجلست بينهم :عمي
الجد عواد سمع بس مارد
امجاد تذكرت وضحكت:ياجدي
الجد عواذد:اي كذا ارد وش بغيتي
امجاد:بنروح نطعس شويات عادي؟
الجد عواد:لاوالله اخاف يصير فيكم شي
امجاد:تكفى ارسلوني عشان توافق بس هالمره
الجد عواد مابغا يرفض لها الطلب بعد ماقالت تكفى:يلا بس هاا ربع ساعه
امجاد قربت تحب راسه:اابشر وقربت لابوها وحبته
راحت ركض:وااافق
الكل بدا يصرخ من الحماس وكان معهم بس الشاص يمديهم يطعسون فيه
مريم:اخاف اكل تراب الحين صدق دامكم بتحطوني بالحوض
ساره:حتتى اناا معكم يلا
الحوض كفى البنات ونص العيال ومنهم:سامي،سعد،سعود،سيف
اما سامر وحمد وعايد كانو قدام
بدا عايد يطعس فيهم بالجبال وبعد شوي وقف عند جبل تراب:يلا بنتسابق فيه ثم نرجع
بدو يركبون فوق الجبل كلهم ومن بدا عايد العد نزلو كلهم واول واحد كان سيف وبعده لمار وبعده حمد
عايد:ماشاء الله انتم يالاثنين"سيف ولمار" امكم مغذيتكم زين
سيف ضحك:قل ماشاء الله
عايد:تفو ماشاء الله
امجاد ومريم الي كانو يسولفون بدال يركضون ويوم جو مريم نطقت:مين فاز
ساره ضحكت:انتم ليه تمشون مشي ماتركضون معنا
مريم:ماصرنا مهابيل للحين الحمدلله
ساره:نسيينا ماعشنا محد كان يركضنا غيركم
امجاد:اقول يلا نرجع عشان جدي مره ثانيه يوافق
رجعو بعد ماقربت تغيب الشمس ودخلو يغيرون ملابسهم الي تبللت بالمطر وبعدها تجمعو من جديد حولين النار
ام سامر:وش بغيتو عشاء اليله
عايد:انا جايب معي شوي كانكم تبون اسوي لنا كلنا لاني جبت كثير
ابو عايد:ياسلام من زمان عن شويك احسب حسابي
ابو حمد:حتى انا ودي اجرب
الجد عواد:وانا لاتنساني
عايد:كلكم تبون شوي يعني؟
الكل:اي
قام عايد يجهز دخل
ساره:بقوم اساعده
قامت لعايد بالمطبخ ومن شافها ابتسم وقرب يحضنها
ساره الي بادلته الحضن ونطق عايد وهو بحضنها:انا كيف كنت محروم من هالحضن ٦ سنوات!
ساره :الحين مابتنحرم منه ان شاء الله
عايد:اكييييد
ساره بحركه عفويه قربت لخده وباسته
عايد:شكلك ماتبيني اسوي العشاء الليله واجلس معك
ساره توترت:لا لا كمل
عايد:عطيني بوسه ثانيه واكمل
ساره ضربته على كتفه:عايد يلا
ضحك عايد عليها وهو بدا يفك اللحم والدجاج من الاكياس وهي تقطع البصل والبندوره
دخلت امجاد:تبون اساعدكم بشي؟
ساره:لا خلصنا بس باقي السلطه تقطعنيها؟
امجاد:ابشري
دخلت امجاد تطلع الخضار والسكين ونطقت:انا بروح هناك اسولف معهم واقطع
عايد:اي ازين حنا بعد الحين جايينك
جتهم امجاد وبدت تقطع السلطه عندهم وتسولف معهم
لينا:شكلنا مابناكل سلطه اليوم دام تقطعين قطعه وتسولفيين معنا
ابو عايد:خلوها بنيتي تسولف نصبر عشانها ليه لا
امجاد:عناد لك انتي مو ماكله
لينا:عادي اخلي ساره الحين تتوسط لي
امجاد:لو بس قررت تتكلم حتى هي بحرمها
ساره سمعتها:خير ان شاء الله ناسيه اننا حنا بنشوي؟ انا الي بحرمك
امجاد ضحكت:لا كنسل اهم شي الوجبه الاساسيه وانتي "اشرت على لينا" هالمره عشان سوير المره الجايه اوريك
عزام الي كان يناضر امجاد وامجاد اذا رفعت راسها عليهم تلقه يناضرها بس اخر مره طول تبادل النظرات بينهم وجت بتقطع وهي تناضر فيه قطعت يدها بالغلط
امجاد:يديييي
رغد:خبله انتي تعالي اشوف جرحك
قربت رغد لامجاد وتطمنت انه بسيط:الحمدلله بسيط بس يبي لها لصق جروح فيه احد معه؟
عزام :انا معي بالسياره اجيبها واجي
امجاد الي ابتسمت لكن من داخلها شعور يقولها لا امجاد لاتطيحين بالحب لاتطيحين
راح عزام يجيب لصق ويوم جا شاف رغد تكمل عنها السلطه ونطق:وريني جرحك وينه
مدت يدها امجاد وشافها وقرب لصقها لها وهو واقف لف شافهم يسولفون مع بعض وكل اناضرهم على عايد الي بدا يشوي نطق:بسم الله عليك انتبهي
امجاد الي ماقدرت ماتبتسم وتبان غمازتها الي تحت فمها وماتطلع الا وهي صدق مستانسه
ابتسم عزام وراح يجلس مكانه
عايد:احس قليل ولا
امجاد وقفت وقربت له:عايد بالعكس كثييير والحين رغد تقطع سلطه وانا بدخل اسوي بطاطس مقلي معهم يكفي خلاص
عايد:اقول ماله داعي بطاطس يدك توها منقطعه
امجاد:عادي وش فيها اقدر معليك
ام حمد:لا والله ماتسوينها روحي جيبيها وانا اقطعها
امجاد:لا عمه كذا ازعل ترا اذا انتي لا اذا البنات اي
ام حمد:الله يهديك والله عادي ماعندي شي انا
امجاد:لا والله ياعمه سولفي مع عماتي وجدتي انا اعطيها العنود تقطعها
العنود الي كانت بتتكلم بس عزام الي كان بجنبها:وافقي ونقطعها انا وياك
العنود ضحكت:والله؟
عزام:والله جيبي سكين وتعالي
وقفت العنود المطبخ ورجعت تجلس جنب عزام الي شمر يده:البطاطس عليي حتى العنود ماهي مسويتها
سامر:لا تكفى مانبي تسمم
عزام:وش ذي الثقه تراني تعلمت واسالو سعود دايم اسويها له
سعود:انشهد بس اذا انك جيعان تاكلها اذا انت ها وها ماتقدر
عزام :حتى انت!!! احلف يلا
سعود:لا لا امزح والله يعرف يظبطها
عزام:ااييه ادب
سعود:قطع قطع وانت ساكت
البنات كانو حولين جدهم يسولفون معه الا امجاد ورغد وساره الي كانو مع عايد بما ان العشاء هو يسويه الليله
امجاد قامت وشافتها مسك:وين رايحه
امجاد:عايد يقول قرب يستوي بروح احط العصيرات
رغد:جيبي معك صحون مالي خلق اقوم
مسك:انا معك بجي صبر
راحو امجاد ومسك يجهزون العصيرات واللبن وطلعت امجاد صحون لرغد
مسك الي كانت ملاحظه عزام ونضراته له طول الجلسه ونطقت:وش عندك من اليوم تتبوسمين
امجاد شهقت:يمه متى!
مسك:لاتجحدين
امجاد:ابتسم على حركاتكم
مسك:امم يعني مو عشان عزام
امجاد الي قلبها بدا يدق من طاريه:لا وييين عزام وانا وين
مسك:يعني صدقتك كذا اقول قولي وش عندك
امجاد:والله مافيه شي
مسك:تحبينه طيب؟
امجاد:لو اقولك يبقى بينا؟
مسك:لا وين حتى الغنم الي هناك بيدري! اكيد مابعلم ياثور
امجاد ضحكت:اي
مسك:ااح ااح توقعت بس هو ماتوقعت انتي تحبينه بعد
امجاد:هو يحبني؟
مسك:ذا الي بندري عنه قريبا يلا امشي اكيد حطوه
امجاد:خير مسك تعالي
مسك سوت ماتسمع ورجعت عندهم ولقت عايد خلص وعزام خلص من قلّي البطاطس
مسك:لو طولنا سحبتو علينا
سيف:تعالي تعالي اجلسي مابدينا تونا
بدو يقربون لبعض عشان يكون فيه مكان لرغد وامجاد ويوم جت تصب امجاد العصيرات نطقت مريم:عطيني عنك تعبتي انتي
امجاد:عاد انتي مقدر اقولك لا صدق تعبت
مريم:هههههههههههههه قليلة ادب عطيني بس
قربت الصينيه لمريم وبدت تصب اكثر من كوب ببسي واكثر مت كوب سفن واكثر من كوب لبن وبعدها بدت توزع عليهم وبدو ياكلون
بعد ماانتهو الجده الهنوف:انشهد ان ذي الاكله الي تاكل وراها اصابعك تسلم يدك انتي والي ساعدووك
عايد: بالعافيه بالعافيه
ابو عايد:اووه ذي نقطه من بحر باقي المقلقل حقه تجربونه دايم يسوي بعيد الاضحى ويوم يجي يعطيكم يلقاكم نايمين
ساره الي ابتسمت وتذكرت دايم يوم يجي يحطها بالمطبخ تذوق منها ويوم يجي عايد يشوف مو مااكول شي منها يعرف انهم نايمين ويرجعها لاهله ياكلون منها لان اللحم اذا طول بيتغير طعمه
سعد:اجل هالعيد بواصل لين الليل عشان اذوقها
عايد:معليك هالعيد اطبخها لكم بدري
سعد:كفوو علييك
بعد ماانتهو ام سيف حلفت على عايد وساره وامجاد ورغد وعزام مايشيلون المواعين
مريم:طيب وانا صبيت العصيرات
ام سيف:اجل شيلي العصيرات
الكل ضحك وبدو يشيلون السفره وبعد ماانتهو وكان الجو بارد دخلو الخيمه
سعود:يبي لها شاي بعد هالنعمه الحمدلله
رسيل:تبوني اسوي؟
سعود قرب لها وهمس:انا وياك نسوي تم
ضحكت رسيل:بروح اجيب الاغراض واسويه هنا
بدت رسيل تسوي الشاهي وسعود يناضر كيف تسويه ويوم جرب يسويه وخلص وذاق الطعم:مو طبيعي حطيت نفسها ومو نفس الطعم
ضحك ابو حمد:السر بيد بنتي مو بالشاهي
سعود:بذي انشهد
نعسو بس قررو يطولون شوي بما انهم بيمشون الفجر
لمار الي قاومت لين نعست:انا بروح انام دوختت
بدا تفضى الخيمه وماباقي غير العيال والرجال بدو يفرشون منامتهم وينامون
عند البنات الي كلهم نامو بعد تعب اليوم ولا كانو حاسين بنفسهم بنص السوالف نامو
صباح اليوم الثاني
صحت ساره من صوت المطر القوي ونطقت:بنات مطر مطررر قومو
محد رد عليها اول مره ونطقت بصوت شبه صراخ:هيي قومو مطرررر
البنات بدو يقومون ومن سمعو الصوت صحصو وطلعو يشوفون الاجواء
العنود الي من شدت الامطار ماتشوف الخيمه الي قدامه ونطقت:سبحاان الله
طلعت الجده الهنوف:ادخلو جهزو الاغراض بنمشي قبل تزيد الامطار
العنود:يمه بس شوي تكفين
الجده الهنوف:وتتعبن بعدين
العنود:لا معليك
الجده الهنوف:طيب رحن صلن وتعالن كملن لعب
تذكرو البنات انهم ماصلو الفجر وصلوها ورجعو يلعبون بجلال الصلاه من الحماس
الجده الهنوف الي راحت عند العيال ونطق ابو سيف:ليكون البنات بالمطر
الجده الهنوف تهز راسها: اي والله قلت لهم صلو والعبو وهذا هم يلعبون بجلال الصلاه من الحماس
ابتسم ابو سيف:بس بيتعبن
الحده الهنوف:هن تعبانات تعبانات خلهم
عايد الي قام وقرب لخيمة البنات وبدا ينطق:ساره ساره
ساره الي سمعت بس من المطر ماتقدر تميز الصوت:ميين
عايد:انا عايد تعالي ابيك
أنت تقرأ
انا فعيونك مواطن دولته صارت عييونك
Fiction Historiqueالنبذة :الجد يكون اكثر شخص يملك فلوس ومحلات بالديره والكل يحبه وكريم معهم الا واحد يكون حاقد عليه ويخطط يسرق افضل حفيدات الجد عشان الجد يعطيه فلوس🔥 حسابي انستا:iwill19.1
