{ شَاء قلبَي حُبك النرجسيَ }

{ 9 }

—
امسكت ديم بكتفه وبدأت تطبطب عليه واردفت:كلنا نغلط بس الغلط ان حنا نخلي هذا الغلط يدمرنا ، الغلط ان حنا مانناظر لمستقبلنا بسبب غلط بسيط ممكن يصير لأي انسان ، الغلط ان حنا نجمع بين الماضي والحاضر ، الغلط انك تبقى اسير الغلط ياراشد.
اكملت ديم وهي تمسك بوجه راشد وتديره لناحيتها:صدقني ياراشد ماتستاهل كل هذا الي سويته عشانها ماتستاهل حبك ولا تقديرك لها ولا احترامك ولا اي شي من الي سويته قبل اربع سنوات ولا بعد اربع سنوات كانت مجرد غيمه سوداء مرت عليك برعودها وعواصفها وامطارها الي الى الان ماجفيت منها ، اعطي قلبك فرصه اعطي نفسك وقت تتنفس فيه الي راح راح الله لايرده وصدقني انها كان بعدها عنك خير لك بمليون مره.
ابتسم لها راشد بخفه واردف بمزح يحاول يلطف الجو من الكأبه التي اكتسته:اوفف وطلعتي راعية حكم ومواعض.
ابتسمت ديم:شفت بس محد لاقاني وجه.
قطع حديثم صوت مسفر:راشد يلا مشينا.
التفتو لصوت واردف راشد:على العموم شكراً.
توجهو لداخل المكان وهو يوضع يده على كتفها ب ابتسامه.
| بيت الجد فالح |
نايف بصراخ وهو ينادي:مشاري يامشاريي!!
مشاري:وجع فقعت طبلتي وش تبي؟
نايف ضحك وهو يجلس جنبه واردف:لا بس حبيت اجرب احبالي الصوتيه.
ابتسم مشاري واردف:هاه ماقلت لك ان بكره العيد؟
نايف:على تبن تراها جات معك حظ الا عطني وحده.
اردف وهو يشير على بكت السجائر الي كان بيد مشاري:ماقد جربت احد قتلك ب بكت دخان؟
نايف:شدعوا ترا كلها وحده؟
مشاري:يامعتوه ولاتفكر تجرب حتى نص وحده.
نايف:شف شف من ينصح.
تنهد مشاري واردف:تدري انها ضرر عليك بسبب الربو الي عندك انا ربي بلاني بها لكن انت لاتبتلي مثلي وتصير مدمن دخان ترى مامنه فود هو بس يقتلك بس بشويش.
نايف:طيب وياالحمار دامك تدري ليه ماتخليه.
مشاري:بلاي احبه وانا ان حبيت شي ماتركته.
-
الساعه [ ١٠:٣٠ ]
بيت الجد فالح مكتظ ب الاصوات المحببه لقلوب الجميع وهي اصوات العائله ، اصوات الاطفال ، واصوات الامهات ، واصوات الاباء ، واوصوات ضحكاتهم المختلط ، واصوات متفرقعات العيد التي كانت تملأ حوش المنزل ، والحي ب اكمله ، لفرحتهم ب انتها اجمل الاشهر وهو شهر الصيام ، وابتداء عيد المسلمين وهو عيد الفطر.
راشد وهو ممسك ثوبه بيده يركض بحوش جده الواسع من مشاري الي يلحقه ب احد الشماريخ:الله يلعنك تكفى يامشاريي ياوكككك.
انهى كلامه بقفزه بسبب الشماريخ الي كانت تنرمي عليه من قبل مشاري:لا خلك قبيل اقولك تكفى ماتسمعني ياحيوان.
اختبى راشد خلف نايف واردف:انا في وجه نايف.
نايف وهو يركض وراشد خلفه:لا الله لايوفقك وش دخلني ياحيواننن.
كان فيه طفلين يناظرون فيهم وبعدها وجهو انظارهم لأبوهم واردف سلمان:الحين يبه الشماريخ مب لنا؟
ابتسم مطلق لولده وقال:الا يابوك.
اردفت غيم:وليه هم يلعبون فيها بدالنا؟
مطلق:لانهم ورعان لاتشرهون عليهم يابوكم.
اخذ سلمان احد الشماريخ واعطاها ابوه واردف:ولعها.
مطلق:ابشر.
-
[ الصاله ]
فاطمه ب ابتسامه:يامرحبا ب الي طولو الغيبه.
ام مسفر وام مطلق بنفس الوقت:ي هلا بك ي ام لميس.
-
المطبخ
غيد:يوهه يابنات والله ماتوقعت اني بشتاق لكم لذي الدرجه!!
تبسمت ايلاف واردفت:صدق والله لكم وحشه انتم وعيد جدي.
لميس دخلت المطبخ واردفت:غيد هاك.
امتدت يد غيد تاخذ الي بيد لميس واردفت:وش قال خالي فادت؟
لميس تكت على الطاوله واردفت:اي مشاءالله شوفيه يسعى ب الحوش.
ضحكو بصوت واردفت ديم:منهو؟

حسابيّ انستا:Vxi.ii7