—
غيد:مشاري كان تعبان من جانا يوم افطر زادت عليه واعطيته من ذي قلت يمكن تفيد والحمدلله فادت.
تنهدت ايلاف واردفت:ماهو منه الا من الدخان الي لعب فيه.
غيد:الله يهديه ويكرهه فيه.
كلهم التفتو لصوت الشماريخ الي جاي من برا ، واردفت غيد:تعالو نقدر نشوف من شباك المطبخ.
ركضو كلهم ناحية الشباك وبداو يشوفون الشماريخ الي تعلن دخول العيد بفرحه.
ايلاف:الله اجل ذي فعالياتكم؟
لميس:توك ماشفتي شي.
ديم:الا ايلاف انتو بتروحون بيتكم ولا معنا؟
ايلاف:والله مدري عمي مطلق ملزم علينا ننام عندكم ونخلي بيتنا.
ديم:ازين عشان بيتكم فيه الغبار من زمان جدي وبترجعون بعد تنظفون شقى والله بيتنا اسهل وبعدين كلها ليله ننبسط فيها.
لميس:وش رايكم نكمل سوالف على السطح؟
ديم تبسمت واردفت:للأسف انها فكره تجنن.
غيد:اجل يلا انا بجهز الشاهي ونسمر فوق.
ديم:يوهه عاد وشاهيك والله انه عاد طعمه بحلقي من عيد ضحيه ومالقيت مثله.
ايلاف:اي والله تكفين سويه لها ترا يوم تجينا واسوي لها شاهي تقول ماش مهب مثل حق غيد.
تبسمت غيد واردفت:اجل ابشري به وانا بنت جابر.
-
-
كانت العائله متقسمه الكل يتشارك الاحاديث مع اهل جيله ، البنات في السطح يجمعهم بريق من الشاهي والاحاديث التي ب النسبه لهم مضحكه ، والامهات ب الصاله تجمعهم احاديث الديره ، والاجداد ب المجلس تجمعهم شبة النار والقهوه وعلوم بعض من رجال الديره ، والشباب تجمعهم اوراق البيلوت وبريق الشاهي وحماس الفوز والخساره ، والاطفال تجمعهم لعبة الغميضه في اسوار جدار الجد فالح.
-
[ المجلس ]
ابو مسفر وهو ينزل فنجاله:اكرمك الله يابو متعب حنا نستاذن ورانا بعد عيد ان كنا من الحين.
استقام الكل بعد ابو مسفر واردف مشاري:ياعم وش رايك انا والعيال العزابيه نقعد عند جدي عشان مانضيق عليكم ب البيت دام ابوي معكم.
سبق الجد فالح ابو مسفر واردف:رايً زين والله ودي بكم عندي وانتو الله يسهل دربكم يا ابو مسفر.
تنهد ابو مطلق وهو مبتسم واردف:اجل تصبحون على خير.
-
[ السطح ]
ديما وهي تركض:يلا بنات جدي يقول مشينا.
التفتو البنات لها واردفت غيد:ماداكم.
استقامو البنات واردفت ديم:اكيد هذا ابوي اعرفه عجل.
ابتسمت لميس واردفت:يلا مامن بعد بكره نلتقي ان شاءالله.
ابتسمو كلهم على طاري العيد واردفت ايلاف:يلا تصبحون على خير.
غيد ولميس:وانتم من اهله.
-
غادر الكل واصبح المكان فارغ من اصوات الاطفال والعائله ولكن بنفس الوقت ممتلئ بقلوب من ب البيت بسبب فرحتهم وحماسهم لأول ايام عيدهم المبارك.
-
مشاري:يعطيك العافيه ي خال.
متعب وهو ينزل فرش العيال من يده:يعافيك.
نايف وهو يخبص ورق البيلوت:الا ماودك ترابع.
ابتسم له متعب ب ابتسامه ساخره واردف:ما توبون انت وياه توني مخسركم ثلاث مرات.
مشاري وهو يعدل جلسته ويرمي سيجارته من يده:لا الرابعه ثابته ولا ي الخوي؟
ضرب نايف كفه في كف مشاري واردف ب ابتسامه كبيره:اكيدد.
راشد:اجل دام الورعان يتحدون تعال نوريهم الشغل.
متعب:بلعب بس عندي شرط.
تنهد بقوه نايف:واردف تم بس يلا تعال.
-
متعب وهو يمسك الخيزرانه:افتح يامشاري اعجل لاتطولها بروح ارقد.
مشاري:خال طيب بشويش يعني زلت لسان والله م اعيدها.
راشد وهو ممسك بطنه من الضحك وتكلم من بين ضحكاته الهستيريه:اخخخ يامشاري باقي انا يلا يلا ي خال اجلده.
نايف:حسبي الله عليك انت الي هايطت.
متعب:لا انها من العطنه افتحح.
فتح مشاري يده بتردد كبير:تكف..الله يلعن ابليسسس.
م اتم جملته الا وتصوله حراره ضربة الخيزراه بكفه متعب وهو مبتسم ب انتصار:يلا وحده تكفي عن الثانيه معفي عنك.
انتهت سهرة الشباب ب الضحك على مشاري ونايف.
حسابي انستا:Vxi.ii7
أنت تقرأ
{ شَاء قلبَي حُبك النرجسيَ }
Poetry{ رواية } [ كنت احسب ان القلوب العاشقه خفاقه واثرها لو تكتفي ب الحب ماهو كافي ]. ⛔️الاسم الذي نشرت به الروايه هو هذا واسم { شاء قلبي حبك النرجسي } مجرد اختصار للعنوان⛔️ - مستحيللل ماتعرفون الكاتبه مها؟! الي جمعت بسطورها الاولى بين الكوميديا والدرا...
