{ شَاء قلبَي حُبك النرجسيَ }

{ 6 }

—

| بيت الجد فالح |
-
دخل الجد فالح ومتعب البيت بعد م انهو صلاة الفجر.
الجد فالح:الا يابوك قال لك مطلق وخالد انهم بيجون؟
متعب وهو ممسك بيد الجد فالح:ايه يبه قالو بيجون اليوم يمكن يوصلون العشاء عشانهم على طياره بس مدري متى بيمشون اما مشاري ونايف حاكوني وقالو انهم بيجون قبلهم على سياره.
الجد فالح:زين اجل خلنا ندخل داخل من اليوم ماشفت غيد.
متعب وهو يبتسم:ماخذةً قلبك ذا الغيد.
ابتسم الجد فالح واردف:اي والله ياولدي كل ماشفتها شفت ميثاء ودي اشوفها كل يوم واتذكر ميثاء الله يرحمها هي ورفيقها.
متعب:الله يمدك بطولت العمر يابومتعب.
دخلو الصاله وجلس الجد ومتعب على يمينه متكي على المركي الي بينهم دخلو عليهم البنات وكملو سوالف.
الجد فالح:اجل انا بروح ارقد وانتو كملو سوالف.
غيد وهي تسند الجد فالح:نوم العوافي ي جد.
الجد فالح:يعافيك يابنتي.
توجه الجد فالح لعرفته واردف متعب:الا صح نسيت ترا العيال نايف ومشاري سابقين اهلهم وجاين سياره يعني احسبولهم على الفطور.
فاطمه وهو تستقيم:يصير خير يلا انا بعد بروح ارقد.
متعب:وانا بعد والله فيني النوم وانتو يابنات بعد ارقدو وراكم شغل.
غيد:ليه خلوكم تخيلو يطلع بكره العيد ولا ترقدون الليله وتعيدون مواصلين.
ضحك متعب وقال:من ناحيتي ماعلي خلاف ارقد في كل مكان وزمان.
ضحكت لميس وقال:والحمدلله اني طالعه لك.
غيد بعبوس:ياويلي اجل انا الوحيده الي باكلها.
ضحكو على ردة فعل غيد وبعدها الكل توجه لغرفته.
-
[ بيت الجد فالح ]
[ ٤:٣٠مساءً ]
غيد بصوت يملائه الفرحه:لميسس تعالي مطرر.
لميس وهي تركض:امانهه يالبيه مشاءالله.
فاطمه وهي تبتسم:يلا الحمدلله خلصنا شغلنا بدري لاتطلعون ارجعوو.
انهت كلامها بصراخ على لميس وغيد الي طلعو وصار ويلعبون ب المطر ممسكين بيدين بعض ويدورون وقطرات المطر اصبحت تبللهم واصوات ضحكاتهم اصبحت تتعالا بفرح.
-
مشاري اردف وهو يبتسم ب اتساع:الحمدلله وجيهنا وجيه خير على اهل حايل.
ضحك نايف وهو يلف الديركسون لوجهته لبيت الجد فالح واردف:شفت الحمدلله رحنا من الرياض كتمهم الغبار.
اكمل وهو يقول:الا دق على خالي متعب قوله ان حنا وصلنا.
مشاري وهو مشغول يصور اجواء المطر وماسمع نايف
نايف وهو يضرب مشاري على فخذه بقوه:ولدد احاكيك.
ارجع رأسه مشاري داخل السياره وهو يتلمس مكان الضربه:احح ي مل استغفرالله اللهم اني صايم وش تبي؟ اشغلتني.
نايف:اقولك دق على خالي متعبب.
مشاري:طيب ليه تضرب؟.
نايف ضحك وقال:عشان تسمع زين.
-
[ بيت الجد فالح ]
-
متعب وهو يمشي لجهة الحوش الي البنات يلعبون فيه وابتسم ب فرحه يوم شاف فاطمه بينهم:ادخلو الضيوف وصلو.
فاطمه وهي مبلله ب الكامل بسبب البنات الي خلوها تجي معهم غصب:يلا يابنات دخلنا.
دخلو البنات ولازالت ضحكاتهم مستمره.
-
فاطمه داخل غرفتها تناظر المرايه:اوفف الله يصلحهم غرقوني.
استدارت بعد م احست ان الباب ينغلق اقترب منها متعب وهو يحاوط خصرها ويرجع خصلات شعرها المبتله لورا اذنها.
واردف بخفوت:ودي اعطي كل وحده من البنات مليون.
ابستمت وهي ترفع يدينها على اكتاف:وليه؟
متعب:خلوني اشوف جنانك الي تستحين تطلعينه قدامي.
نزلت رأسها بحياء وابتعدت عنه واردفت:مو استحي بس احسك تنقد علي.
لفها لجهته وهو ممسك ب اكتافها وحاني ظهره عشان يشوف وجهها:انقد انا انقد ماتدرين اني عشقتك للمره المليون اليوم يوم شفتك تلعبين مع البنات ب المطر.
تبسمت وظهرت غمازاتها على خدودها ورفعت رأسها وهي تتأمل عيونه بكل هيام وعشق.
فصل تأملهم لعيون بعض الباب الذي يطرق واتاهم صوت مكملة زواجهم وحبهم لبعض وفرحتهم الاولى:يمه ادخل؟
ابتعدت فاطمه عن متعب بسرعه وقالت:ايه يمه تعالي.
دخلت لميس واردفت:يمه ازل القهوه؟
فاطمه:ايه زليها.
لميس:تمام.

حسابيّ انستا:Vxi.ii7