{ شَاء قلبَي حُبك النرجسيَ }

{ 18 }

—
ايلاف بتردد:بقولك شي.
عقد نايف حواجبه واردف بتحفظ:سمي.
انصدمت من رده واردفت بتوتر وتأتاه بانت ب بداية كلامها:م.مشاري كلمني وقالي انه ب مكان ماراح اعرفه بس يروح له من زمان لما يتضايق ومافيه ارسال وقالي لا اعلم امي عشان لاترسل له مطلق يجيبه بس دامك بتدور عليه حبيت اعلمك.
ابتسم نايف لها واردف:مشكوره ماقصرتي والله اختصرتي علي مشوار طويل عاد مكاني ومكانه المفضل اكيد بعرف وينه.
ناظرت بعيونه وهو يبادلها وسرعان م انزلت نظرها واردفت:انا استاذن.
وضع يدينه خلف ظهره وهو يبتسم وينظر لها وهي مقفيه:اذنك معك.
توجه لسيارته واتجه للمكان الي كان يعرفه زين.
-
المجلس
مطلق بجانب راشد اردف:وين نايف م اشوفه؟
راشد ناظر ب مطلق واردف:يدور اخوك الي ماندري وين راح.
ضحك مطلق واردف:من جدكم تدورون على مشاري رجال طول وعرض وتدورن عليه تعينه ذلحين بواحدً من الخليان.
ناظر فيه راشد بصدمه واردف:لا مشاءالله على ذكاء ولد عمي وتوك تنطق انه في واحد من الخليان ليه ماقلت من اول.
مطلق:انت جيت نشدتني لا هل نايف جاء نشدني لا هل فيه احد قال وين اخوك بعد لا اجل ليه اتكلم.
ناظر فيه راشد واردف:اقول امسك القهوه شوي وراجع صب للرجاجيل.
مطلق:تستهبل صح راشد ولد.
انهى كلامه بغضب وهو ينادي على راشد بصوت خفيف.
-
-
في مكان بعيد عن الضوضاء والناس لايوجد غير سياره وشبة نار وجمر عليه بريق شاهي ، يجلس مشاري وشعره تداعبه نسمات الهواء ولازال اثار الدعم على ملابسه وعمامته البيضاء حول رقبته ، فجأه التفت لصوت سياره من الخلف وتنهد بقوه بعد ماتعرف على صاحب السياره ، نايف وهو ينزل من السياره اردف:خير جالس ذا الجلسه ولا علمتني.
رجع مشاري لموضعه واردف بيأس من نايف:ياولد محد قالك اني م ابيك والله مالي خلقك بتجلس انطم منت منطم اذلف لبيتك.
نايف وهو يجلس جنبه:لا لا وضعك خطير انت.
ناظر فيه مشاري ، بادله النظره واردف:خلاص اسف ماني متكلم.
عم الصمت لثواني معدوده ، حك نايف مؤخرة رأسه واردف:شاهيك حار؟
استقام متوجه ناحية البريق ، امسك ب بياله الشاهي وصب منها واردف:اوف اوف لا شغل كبير متطور والله ب الشاهي.
تنهد مشاري للمره الالف واردف:انت من الي علمك بمحلي هاه.
اخرج نايف صوت دلاله على شربه الشاهي واردف:احساسي.
مشاري:انا قايلك من زمان لعد تحس ترجع تحس ليه؟
نايف رجع بجانبه واردف:خلك من احساسي اللحين ارجع معي.
نظر مشاري له وضحك ب استفزاز واردف:لا واثق بعد اقول اذلف.
نايف:لا مهب على كيفك بتمشي وترجع معي.
مشاري بعناد:مانيب راجع.
نايف شمر اكمام ثوبه واردف:شف هو معك حلين ياترجع معي يا امردغك هنيا.
مشاري:شف والله انا باقي عندي حس اني ارجد شخص لكذا اختار الخيار الثاني وخلني اسطرك.
ضحك نايف وجلس ورجع اكمام ثوبه واردف:محد يمزح معك انت.
نايف بجديه بكلامه اردف:لا صدق ارجع ترا جدي شايل همك.
تنهد مشاري واردف:والله ماوعيت على نفسي الا وانا اتوطى في بطنه.
نايف:وهذا الحق منت غلطان الغلط منه الداشر هو وسويلم.
ابتسم مشاري واردف:اجل حملنا العزبه.
قفز نايف بفرحه وضرب مشاري على كتفه واردف:ايه رجال.
-
[ بيت ابو مسفر ]
امسكت ديم بيد غيد وهي تقومها لرقص معها ، استقامت غيد وبدات ب الرقص وشعرها يتمايل مع كل ميله لخصرها ، شاركتهم الرقص ميعاد عشان تقهر الي يتكلمون عنها وانها عجوز وليت مسفر ماخذ عليها الثانيه تجيب له عيال ابرك منها  ، خطفت الانظار بجمال رقصها وبرشاقة جسمها وكثفاة شعرها الي حدود ردفها.
[ المجلس ]
دخل مشاري واردف بصوت شبه عالي بحيث يسمعه المتواجدين ب المجلس:سلام عليكم.
الكل رد السلام عليه ، توجه ناحية جده وقبل رأسه واردف بصوت خافت:المعذره ياجد العصبيه عمت عيوني م اكررها.
ناظر فيه الجد فالح بحده واردف:منت على خطاء يوم انك ماتكررها الا رفعت راسي بفعلتك يوم انك تحاميت لبنت عمك.
ابتسم مشاري ب اتساع وعاود تقبيل رأس جده ، واتجه ناحية الباقين واكمل سلامه ، بدا الليل يبتدي ب مجلس ابو مسفر وبدات الشيلات تعبي المكان وبدو الرجال ينقسمون صفين ونايف ومشاري يتوسطونهم بلعبهم.

حسابيّ انستا:Vxi.ii7