{ شَاء قلبَي حُبك النرجسيَ }

{ 17 }

—
انزل ابو مصعب رأسه ونظر لولده واردف له بخفوت:سود الله وجهك ياملعون.
نظر الجد فالح لابو مصعب واردف:يابو مصعب ماظنتي عاد عندك حق عندنا صرنا حنا الي نطلب الحق.
نظر ابو مصعب للجد فالح بوجه خجل من فعلة ولده:المعذره منك يا ابو متعب والله اني مادريت ان ذي فعايله.
استقام وتوجه ناحية الجد فالح وجلس امامه وانزل عقاله واكمل:وان كان به حق تبيه مني ف والله اني ماردك فيه ولو كان رقبتي.
نظر نايف لمصعب ثم لأبو مصعب واستقام وامسك بعقاله والبسه اياه واردف:ماينحني راسك وانت بمجلس ابو متعب وفعلت ولدك صح انها ماتنغفر لكن اسمك وكرمك وجودك يشفع له عن فعلته.
ابتسم الجد فالح بفخر لنايف واستقام واردف:بنقول عنه طيش ورعان وبنغفره ذا المره قم يابو مصعب وارفع راسك.
استقام ابو مصعب واردف:جزاكم الله خير اما انا ذلحين معاد لي وجه اقعد بمجالسكم استاذن.
استقام ابو مسفر سريعاً واردف:والله وعلي الطلاق ماتقول الا تم عشاي ذليل والله ماوجبلك واجب لو ماحضرته.
تنهد ابو مصعب بخيبة واردف:والله ان مالي وجه اقابل احد من اهل الديره من سوء فعلت ولدي.
ابو مسفر:طيش ورعان ويتراضون كبهم منك ولاتشيل همهم.
مشاري كان جالس بمكانه ينظر لهم بصمت وكأن به نار بداخله لم تنطفي ، نظر له نايف وفهم نظرة مشاري الغاضبه والغير راضيه عن الي صار اتجه ناحيته وهو يمسك بيده واردف: ادري ان الي صار م ارضاك لكن حتى ولو هذا ضيفنا خلنا ندمحها ذا المرة له والضيف له سبع زلات.
نظر له مشاري بغضب وافلت يده واستقام بغضب واردف:لاتلحقني والله ماتلقى مني خير.
توجه مشاري بغضب ناحية سيارته وهو يدخل يده بجيبه يخرج سيجاره ويشعلها وينفث سمومها لأخماد حريق جوفه ، انطلق بسرعه كبيره ب سيارته لايعلم اين الوجه او اين يريد ان يتجه ولكنه يعلم انه يريد الابتعاد حتى لايؤذي احد بناره المشتعله.
-
[ الصاله ]
لميس اردفت تناظر مع الشباك:غيد تعالي شوفي.
اسرعت غيد وهي تنظر لسيارة مشاري الي ذهبت بسرعة جنونيه ، اردفت غيد بصدمه:مهبول هذا يبي يموت.
لميس بحاولة تلطيف الجو ب المزاح مع غيد اردفت:هاه شفتي منتي هينه عنده بغى يذبح الرجال عشانك.
ناظرت لها غيد واردفت:والله يالميس لو ماتذلفين اني لا اصقعك بذا البياله قوميي.
استقامت لميس بخوف من غضب غيد الغريب ب النسبه لها وتوجهت للمطبخ ، اردفت فاطمه وهي ترتشف من الماء:دورتي لها وعينتيها كان خليتيها.
لميس هي تناظر باب المطبخ وارجعت نظرها لفاطمه:يمه وربي اول مره اشوفها معصبه كذا شكلها فعلاً ماتدانيه.
فاطمه ب ابتسامه:مو ماتدانيه يابنتي هي بس خايفه يصير له شي وتكون هي السبب لكذا عصبت عليك.
ابتسمت لنيس واردفت:يعني تحبه؟
تنهدت فاطمه بيأس واردفت:الله يخلف علي بك يابنتي.
-
[ بيت ابو مطلق ]
ايلاف بتوتر وخوف اردفت:يمه دقيت عليه عشرين مره مايرد.
امسكت ام مطلق قلبها واردفت:دقي على مطلق شوفيه ولا على اختك.
ايلاف وهي تعطي امها كأس الماء:ماعليك يمه بكلمهم وترا انتي تعرفين مشاري ان عصب يحب يهدي نفسه بنفسه تلاقينه اللحين بمكان قريب من هنا.
-
[ ٦:٠٠م ]
بدأت الناس تتجمع عند ابو مسفر وبدا عيده يبتدي ، نايف وهو ممسك ب الدله اتجه ناحية راشد واردف:راشد مارد مشاري؟
اخذ راشد من يد نايف الدله واردف:رح دور له خويك وتعرفه وانا ان نشد عنك ابوي بدبر لك كذبه.
ابتسم نايف وامسك بشماغه وعصبه على عقاله وتوجه للخارج ، لمح ام مطلق وايلاف واتجه لهم واردف وهو منزل رأسه:وش حالك يعمه؟
ام مطلق ب ابتسامه:بخير ياولدي انت وش حالك؟
نايف:بخير جعلك بخير لكن ودي انشدك مشاري مادق عليكم؟
نتهدت ام مطلق بضيق واردفت:والله ياولدي من يوم مارح وحنا ندق عليه ولا رد واخرتها عينا جواله مقفل.
بلع نايف ريقه واردف:اجل تفضلو وانا ان شاءالله اعرف وين مكانه وبدور له.
ام مطلق:الله يوفقك ياولدي ولاترجع الا وهو معك.
نايف:ابشري.
توجهت ام مطلق لداخل لكن صدم نايف ان ايلاف مازالت واقفه ناظر فيها وسرعان م انزل نظره واردف:تفضلي.
ايلاف بتوتر:بقولك شي.
-
[ الصاله ]
لميس بعبوس اردفت:غيدد يلا عاد وش ذا الزعل كله عشان زلة لسان.
ناظرت فيها غيد واردفت:زلة لسان وانتي معلقه علي من قبل البارح.
لميس وهي تمسك يد غيد بترجي:م اعيدها صدقيني.
ابتسمت غيد واردفت:بلاي قلبي طيب خلاص رضيت.
ضحكت لميس واردفت:ي الخفيفه.

حسابي انستا:Vxi.ii7