{ شَاء قلبَي حُبك النرجسيَ }

{ 38 }

—
[ المدرسة ]
غيد على طاولتها سارحه بخيالها بما حدث لها بـ فجرية اليوم وكأن قلبها بدا يميل مع حنانه رغم كرهها له ، لميس وهو تلوح بيدها امام وجه غيد:هوه ي الاخت.
استفاقت غيد من شرودها واردفت:هاه وش تبين؟
ناظرو لميس وديم في بعضهم واردفت ديم:تراك ماكليتي فطورك.
امسكت بعصيرها وهي ترتشف من قشته ، اردفت لميس وكأنه طرا عليها شيئ:الا غيد شفت على تسريحتك كودرد من جابه لك؟
شرقت بعصيرها وهي تضرب صدرها بمحاولة التنفس اردفت ديم وهي تمسح على ظهرها:بسم الله عليك.
اكملت لميس واردفت:ابوي مايشتري كودرد يقول مضر منين لم؟
نظمت غيد انفاسها واردفت:شفتي لما ودانا خالي للبقاله؟
صغرت لميس عيناها بمحاولة التذكر واردفت:ايه امس العصر.
ابتسمت غيد واردفت وهي تحاول اقناعها بكذبتها:ايوه عليك نور انا اخذته وحاسبت وطلعت قبلكم.
فتحت لميس عيناها بصدمه واردفت وهي تضرب كتف غيد:ياخاينه كان شريتي لي معكك.
ضحكت ديم واردفت:تعاليني البيت وانا اعطيك.
رفعت لميس على حواجبها ب ملامح الزعل واردفت:ايه ايه تسرقين حق نايف ويذبحني انا وانتي.
صدحت صوت ضحكاتهم داخل الصف الشبه فارغ واكملو سوالفهم التي يملائها الضحك الا في حين اتتهم تلك الفتاه وخلفها بنتين واردفت وهي تشير ب اصبعها ب استفزاز على غيد وتحمل ملامحها التقزز:انتي غيد؟!
استقامت لميس من الطاوله وهي تنظر للفتاه من تحت الى فوق وتحمل بمثل ملامح التقزز التي تحملها في وجهها ، ابتسمت غيد واستقامت واردفت:ايه انا غيد ليه؟
اخرجت ضحكت استفزاز واردفت:لابس قلت اشوف الي البنات ميتين عليها اخر شي طلعتي انتي وعع.
انهت كلامها وهي تنظر للبنتين الذين خلفها يشاركونها الضحكه المستفزه ، نظرت لهم لميس وهي تجول بلسانها داخل ثغرها واردف وهي تدخل يدينها داخل جيوبها واردفت وهي تقترب منهم:اقول ي السلقه ورا ماتذلفين انتي وكلابك عشان لا اطلع ظغط السنين بوجهك ويصير لوحه فنيه؟
شهقت الفتاه بدراما واردف بصوت شبه عالي:انا السلقه يا الصعلوكه؟
التفت لميس لديم وغيد الي غمزت لها بمعنى انا خلفك ضحكت بعلو واخرجت يدينها من جيوبها وارفعتها ترفع اكمامها:اجل تعالي اربيك.
انهت كلامها وهي تمسك بشعر الفتاه والبنتين خلفها هجوا بمحاولة افلاتها من يدين لميس سرعان ما تدخلت ديم وغيد واشتد بينهم الشجار والصراخ حتى فصلته المديره ، اردفت المديره بعد ان توجهو لمكتبها وهي تضرب ب العصاء ب الطاوله:ورعانن انتو هاه وش الي سويتوه؟
تكلمت سريعاً لميس ب استفزاز:لا والله بس الي ماربوهم اهلهم نربيهم.
ضربت ب العصاء مره اخرى واردفت:انطمي انتي قلة حياء.
واكملت وهي تعلو بصوتها:كل وحده تجي تسجل رقم ولي امرها الان.
نظرت لها غيد ب استفزاز ولـ اول مره تظهر شخصيتها تلك التي لا تهتم للعواقب مهما كانت:ماعندي ولي امر.
تنهدت المديره واردفت:دقي على خالك الي سجلك يلا.
ديم:استاذه ولي امرنا واحد وهو خالي لكذا لميس بتسجله.
-
[ بيت ابو مطلق ]
يجتمع متعب وعيال مطلق ب بيت ابو مطلق ، بينما كانو يلعبون بيلوت ويرتشفون الشاهي رن هاتف متعب ، اخرجه من جيبه ينظر لـ الرقم الغريب الذي يتصل فتح الخط و وضع سبيكر وهو ليس بمهتم به انما يركز على الاورق ولكنه انتبه حين اتاه صوت المراه التي اردفت:انت ولي امر لميس وديم وغيد؟
الكل توجهت انظارهم لمتعب وسرعان م اردف:اي نعم انا عسى ماشر؟
المديره:اجل شرفني للمدرسه عشان تاخذهم.
نظر للباقين بصدمه ونايف يتمركز عند كتفه تارك الورق الذي بيده اردف متعب:مافهمت ليه؟
المديره:متضاربين هم وبنات ويقلون نربيهم.
اردف متعب وهو يمسك بضحكته بعد ان ادرك ان لميس ورا ذلك لكن لايعلم ما السبب:يلا جاي.
اغلق الخط وهو يضحك ويمسح على وجهه واردف:اقص ايدي اذا بنتي مهي الي باديه المشكله.
استقام واردف نايف وهو يستقيم معه:بروح معك.
نظر له متعب واردف:لا اجلس انا بحقق معهم.
-
-
توجه ناحية البنات لـ اخذهم ، خرجو البنات وغيد تفرك يدينها بـ عبايتها بتوتر فـ هي تكره فكرة المشاغبه ولا تحب ان تغلط امام خالها ، ركبو السيارة وكان غيد سوف تركب ب الخلف ولكن امرها خالها واردف:غيد تعالي قدام.
بلعت ريقها بتوتر كبير ونفذت امره ، تحرك وهو يتصنع الغضب واردف:وش صار؟
كان ينظر لـ لميس من المرأة بنظرات متصنعة الغضب ،ابتسمت لميس واردفت:يلا يبه فكنا ترا ماتعرف تعصب.
ضحك متعب سريعاً واردف:طيب خليها تمشي.
شاركته لميس الضحك واردف:انا اقولك وش صار كنا جالسين نفطر في امان الله الا وتجينا وحده مريضه وتتكلم على غيد وعاد انا بنتك يبه وش الي اخليهم يضايقون اختي وانا موجوده قمت ومردغتها.
تنهد بيأس واردف:ما حاولتي تتفاهمين ب الطيب؟
تقدمت لميس وهي تمسك بـ مرتبة القائد واردف:الا حاولت حتى اسأل البنات قلت يابنت الحلال فكينا شرك لكن هي عيت.
رفع متعب حواجبه بتكذيب واردف:والله قلتي يابنت الحلال؟
ضحكت لميس واردف:يعني قلت لها بس سلقه.
ضحك متعب بعلو والكل شاركه واردف:اخخ يابنتي مدري من الي بيتزوجك.
عقد حواجبها بعبوس واردفت وهي تضم والدها من خلف المرتبه:ومن قال اني بتزوج ابي اجلس معك وانت تحملني.
-
[ بيت ابو مسفر ]
دلفت ديم المنزل وهي مبتسمه وشهقت من اليد التي سحبتها لداخل مجلس الرجال ، افلتت يدها بغضب عندما وجدت نايف يضع يديه على خصره وراشد يكفكف يديه على صدره وكأنهم ينتظرون تبرير منها ، اردفت بعد ان طال الصمت:وش فيكم؟
اردف نايف سريعاً:لا غلطانه حنا الي مفروض نسألك وش فيه؟
اردف راشد ببرود:ترا امي للحين ماتدري ولو درت مصعت راسك.
ابتسمت وهي تدرك انهم يريدون معرفة ما سبب الشجار:ابد ياطويلين العمر والسلامه في وحده جات وسبت غيد وقامت لميس وضربتها وعاد ماني اخت نايف ولا راشد يوم اني م افزع لها.
ابتسم نايف ب اتساع واردف:كفوو.
ضربه راشد سريعاً على كتفه بقوه واردف ب انفعال:اكل تبن وبعدين انتي ليه تفزعين معها وانتي داريه ان لميس ورعه وطايشه كان فصلتي المشكله بدال ماتفزعين.
ناظرت فيه ديم واردفت بنفس نبرة انفعال راشد:لا والله اذا لميس ورعه ف لميس بعمري واذا لميس طايشه ف انا بعد مثلها.
انها كلامها وهي تتوجه خارج المجلس.

حسابيّ انستا:Vxi.ii7