{ شَاء قلبَي حُبك النرجسيَ }

{ 14 }

—
خرج الجد فالح من غرفته وهو ممسكه بعكازه بهيبه وبشته على اكتافه وابتسم لطيف غيد وهي تحمل بيدها بخور العود واردفت:من العايدين ياجد.
امسك ب اطراف غترته وهو يبخرها واردف:ماني معيد عليك اللحين بعد الصلاه اعيد عليك.
تبسمت غيد واردفت:كل عيد وانت تسويها فيني.
ضحك بخفه واردف:يلا يابوك الشباب ينتظروني برا.
غيد:حافظكم الله.
-
توجهو جميع اهل الديره الى صلاة العيد والكل يملا قلبه الفرح بمناسبة العيد.
-
انتهت صلاة العيد واتجهت عائلة ابو مسفر وابو مطلق لبيت الجد فالح قبل المعازيم ، اردف مشاري بتحلطم عند جده:شف ياجد ماعطونا عيديات يقولون قدكم كبار عاد انت لاتبخل علينا عيالك ترا.
نايف:ايه عط العزابيه بس.
انتهى وهو يناظر ب مطلق ، ضحك الجد فالح على تحلطمهم واردف:تبشرون والله وانا ابو متعب.
ابتسم مشاري ب اتساع واردف:كفو هذا جدي الي اعرفه.
اخرج من جيبه ١٠٠٠ واعطى كل واحد فيهم ٥٠٠ واعطى ب المثل لصغير والكبير.
-
ابتدا عيد الجد فالح وابتدو الناس يلبون عزيمته ويعايدونه في بيته.
-
كان الكل مشغول العيال ب صب قهوه على الضيوف ، والشيبان بسوالف الاولين الي تجمعهم ، والحريم بتوزيع الحلويات وصب القهوه لضيوفهم ، وكان الكل بكامل اناقته ، غيد بثوبها الاحمر الناعم شعرها الطويل الويفي ، ولميس بثوبها الابيض الستان الهادي وشعرها الستريت وغرتها القصيره ، وايلاف بثويها الاسود واكمامه البيضاء  وشعرها الاشقر الويفي ، وديم بفستانها العودي وشعرها البني الستريت ، وفاطمه بجلابيتها الحمراء ومع حوافها الذهبي وشعرها الاسود الملموم ، وسديم بجلابيتها الزرقاء واكمامها الطويله وحوافها الفضيه وشعرها الي شبه ملموم ، وميعاد بجلابيتها البيضاء واكمامها الطويله والمطرزه ب الكرستال وشعرها الملموم ، غيد اردفت بصدمه بعد م دخلت المطبخ ولقت العاملات ينظفون:يمه متى جيتو انتو؟
اتاها صوت ام مسفر من الخلف وهي تردف:انا جبتهم عشان يساعدونك بشغل البيت ويساعدون الباقين بعد ب اعيادهم.
تبسمت غيد ب اتساع وارفت وهي تقبل رأس ام مسفر:الله لايرحمني منك ي خاله ماقصرتي.
امسكت ام مسفر بيد غيد واردفت:انتي تعالي اللحين واستانسي ب العيد مع البنات.
مشت خلفها غيد وهي مافارقت ثغرها الابتسامه.
--
[ الصاله ]
لميس بفرحه اردفت:شفتي عمتي نوره وش جابت.
غيد بادلتها الابتسامه:ايه الله يعكيها العافيه والله ريحتنا.
لميس:الا شغلي السماعه خلينا نرقص.
استقامت غيد واردفت:يلا.
-
نايف وهو خارج برا المجلس ينادي بصوته:مشاريي.
انقطع صوته عند رؤيته مشاري مسند ظهره على الجدار ورامي غترته على الارض ب اهمال وممسك براسه وفاتح اول ازرار ثوبه ، ركض نايف لجهته بسرعه ، اردف نايف بصوت يملائه الخوف والرعب على مشاري:مشاري وش فيك؟ مشاري رد.
يتكلم معه وهو ممسك بوجه ويضرب عليه بخفه بمحاولة اعادة وعيه له ، سعل مشاري بقوه وهو يحاول ابعاد يدين نايف من وجهه واردف:مافي.ني شي ياولد مافيني شي.
عقد نايف حواجبه واردف بعصبيه:كيف مافيك شي هاه كيف وانت حالتك كذا.
نازر فيه مشاري واردف:قلت لك مافيني شي انا بس عشاني مانمت زين عشان كذا راسي يوجعني شوي.
بادله نايف النظر وهو راص على اسنانه واردف:اكذب على غيري قم بسبس مشينا المستشفى.
استقام نايف وهو ممسك بمعصم مشاري ، اثقل مشاري نفسه واردف:ياول قلت مافيني شي ب اكل حبوب ويخف خلاص مب لازم مستشفى.
افلت نايف معصمه واستدار ناحيته واردف:واذا ماخف؟
مشاري ب ابتسامه:بجيك وبقول ودني خلاص كذا؟

حسابيّ انستا:Vxi.ii7