{ شَاء قلبَي حُبك النرجسيَ }

{ 61 }

—
[ بيت متعب بن فالح ]
تجلس تلك الفتاه على سريها الابيض الوسيع ، مغلفه ستائر نافذتها ، مُنيره الضوء الخافت الي يستوطن طاولتها بجانب رأسها ، ممسكه بقلم اسود بيدها ، وتحته دفتر ملاحظات حسمت امره عندما كتبت بداخله ، [ وهنا انهي صفحاتك رغم عدم امتلائك بحبر قلمي الا اني لم اعد اريد الكتابه بك بعد الان فجميع ماكتبت بك كان مجرد شعورً من الماضي وقد زال وبعضه لايزال بداخلي ولكني الان قد اقتنيت واحدً اخر غيرك للكتابه به عن حياتي المستقبليه التي سوف تبدا بعد ثلاثة اسابيع من الان ، اعتذر لعدم وفائي لك وانهاء صفحاتك ولكني مجبره على عدم اقتنائك بعد الان لـ ان كل مايوجد بك لا اريد ان احمله معي لحياتي القادمه انت سوف تضل ذكرى مدهشه بـ النسبه لي سوف تضل الافضل دائماً اعتذر لقد كتبتها بدفتر ملاحظاتي السابق بعد انتهائي منه ولكن فعلاً انت كتبت فيك جميع ما احمل من احزان واي شعور يراودني اعجز التعبير عندما يتعلق الامر بـ الفراق دائماً لذلك سوف انهي سطوري الان بقولي انني سوف اشتاق لصفحاتك ولن اكتب بهذا القلم الذي حفر كلماتي بداخلك الا بك.] ، تنهدت بقوه وحملت كتابها و وضعته بـ خزانتها ، توجهت ناحية باب غرفتها تخرج الى الخارج لتمضية بعض الوقت لدى غيد.
-
[ بيت ابو مطلق ]
لم تكن الليله هذه جميله رغم اكتمال القمر بسماها ، يستند مشاري بظهره على احد ادراج المطبخ معانق معشوقته بين شفاهه ، يتنهد بعمق يريد ازاحة القليل من الثقل الذي يستوطن اضلعه ، سعل بقوه واستقام سريعاً وهو يحاول ابعاد دخان سيجارته من حوله معتقد بـ ان ايلاف والدته بعد ان افزعته ، ضحكت ايلاف بقوه عليه واردفت:يامريض طيب انت تدري ان امي لو شافتك تدخن بمطبخها قضت عليك .
نظر لها وتنهد واخرج سيجارته التي كان يخفيها خلف ظهره ورجع يجلس ويستند على ادراج المطبخ واردف:ان كانك صادقه عيديها مره ثانيه.
ضحكت ايلاف مره اخرى واردفت:خلاص معك فلوس؟
نظر لها برفعة حاجب واردف:وليه؟
ابتسمت واردفت:لـ اني جوعانه ومشتهيه برقر ابي اطلب.
نظر لساعته من ثم اردف:احد يطلب الساعه ١١:٠٠؟
تنهدت واردفت:اوفف مشاري تراك صاحي انت الي بتجيب الطلب تكفى.
تنهد من ثم اردف:كم تبين؟
ابتسمت بـ اتساع واردفت:ميتين.
فتح عيناه مشاري بـ اتساع واردف:وش ميتينه اتقي الله بتعشين حارتنا؟
نظفت صوتها واردفت:تبي الصدق ولا ولد عمه؟
نظر لها مشاري وهو رافع حاجبه واردف:اهاا فيها ولد عم بعد اخلصي علميني.
ايلاف:توني قفلت من غيد ولميس وكنا نسولف عن الاكل.
اومئ لها واردف:ايوه؟
اكملت ايلاف واردفت:وكانو مشتهين معي بعد برجر فـ قلت اطلب لي ولهم ولما يجي المندوب انت توصفه على بيت خالي متعب ويعطيهم الطلب.
تغيرت ملامحه بعد ان علم ان الموضوع يتعلق بـ غيد واردف:خلاص بدفع شبكه خليه يوصل.
اومئت له بـ ابتسامه واردفت:مشكور ماتقصر.
وتوجهت للخارج وهي تركض لطلب الاكل ، تنهد من ثم ابتسم واردف:يمكن تكون فرصه.
-
[ بيت ابو مسفر ]
دلف راشد المنزل وكان هادئ وانواره مغلقه توجه ناحية المطبخ معتقد بوجود ديم ونايف بـ انتظاره ولكنه لم يجدهم ، اخرج هاتفه من جيبه يتصل على نايف وسرعان ما رد واردف:وينكم نايمين؟
نايف وهو يستنشق الهواء:لا في السطح تعال.
ابتسم واردف:جايكم.
اغلق هاتفه وصعد لسطح ، فتح باب السطح و وجد السجاده الصغيره تستوطنها ديم ونايف وبوسطهم صينية حلى واكواب قهوه بارده ، ابتسم واردف:لا شغل عدل.
ضحكت ديم واردفت:عاد ان ما مدحت الحلى حقي بتقوم تذلف.
جلس معهم واخذ كوب من الفهوه واردف:نايف مزين القهوة؟
نظر له نايف برفعة حاجب واردف:ليه طايح من عينك؟
ضحك راشد واخذ الملعقه ياخذ القليل من الحلى وقربه من فمه وقبل ان يأكل منه اردف:الله جبار وش ذا الطعم اوف.
ضحك الجميع واردفت ديم وهي تضرب فخذ راشد بمحاولة اخراج كلماتها:يا.ياكلب والله انه حلو.
بعد ان طال الضحك قليلاً تنهد راشد واردف:اخخ ابي اعيش عندكم.
ارتشف نايف القليل من القهوه واردف:على اساس انت في المريخ؟
ضحك راشد وهو يمسك معدته واردف:لا ياحمار اقصد يعني لما اتزوج.
عبست ديم واردفت:يوهه ياتبن لاتجيب طاري عرسك احس خلاص لاتتزوج.
ضحك راشد من ثم تنهد واردف:وش رايكم بكره نروح نتمشى؟
تنهد ديم وهي تتكئ على راشد واردفت:وين؟
رفع اكتافه واردف:مدري الي تبون.
ابتسم نايف واردف:وش رايكم بـ ابل ابوي؟
نظر راشد وديم لبعضهم من ثم اردفو سوياً:تم.
-
[ بيت ابو مطلق ]
نزلت ايلاف من السلالم مسرعه تتجه ناحية الصاله المتواجد بها مشاري واردفت وهي مبتسمه:وصل الطلب.
استقام واردف:الا ايلاف اللحين الساعه حدود ١٢ واكيد خالي نايم من بيستلم الطلب حقهم؟
ضربت ايلاف جبهتها واردفت:اوفف تصدق مافكرت فيها.
وضع مشاري يده خلف رأسه واردف:بس انا فكرت فيها.
رفعت حاجبها واردفت:وش الحل؟
ابتسم واردف:اني اوصل الطلب.
ابتسمت واردفت:فكره مش بطاله اجل بقول لهم يفتحون لك الباب الخلفي عشان لاتزعج خالي بـ الامامي.
اومئ لها واتجه ناحية الباب لـ استلام الطلب ، بعد استلامه لطلب ايلاف اخذ طلب غيد ولميس يتجه ناحية بيت متعب بن فالح ويدعي بداخله ان من تفتح الباب غيد ، توقف عند وصوله للباب وقام بـ انزال الكيس واستدار يسند يده على الجدار ينتظر فتح الباب ، استدار بعد ان انفتح الباب وهو يحاول اخفاء ابتسامته بعد رؤيته ليد غيد التي كان يحفظها فعلاً تمتد لـ اخذ الطلب ، ناولها الطلب واردف:سلام عليكم.
اخذت الكيس وردت عليه السلام واردفت:وعليكم السلام.
صمت لثواني من ثم اكملت غيد:قل لـ ايلاف مشكوره ماقصرت.
وضع يده على خصره واردف:ومافيه شكراً للمندوب؟
تنهدت من ثم اردفت:لو كان يستاهل قلت له.
عقد حواجبه واردف بصدمه:افاا.
صمت من ثم اكمل بعد ان لم يجد منها اي رد واردف:غيد خليني ابرر لك طيب سوء الفهم الي صار.
غيد:مشاري الي صار مو سوء فهم ابداً وانت قلت كذا ومن حقك بـ العكس انت مرتاح من يوم معد صرت اكلمك.
اغمض مشاري عيناه واردف:غيد اسمعيني والله مب قصدي انتي تعرفيني اذا عصبت ما ادري وش اقول وانتي دقيتي بوقت انا كنت بقمة عصبيتي وضيقتي.
غيد:ماهو عذر يا مشاري كان بـ امكانك ماترد وبعدين والله اني ماكنت اكلمك الا اني معتبرتك اخوي وسندي بعد خالي لكذا ارتحت لك وصرت افضفض لك.

حسابيّ انستا:vxi.ii7